خروج1
1یعقوبہٕؔ سٕنٛدؠ نیٚچوؠ یِم پننِس مٲلس سٟتؠ پنٕنؠ گرٕ بٲژ ہؠتھ مِصر ملکَس منٛز وٲتؠ، تہنٛدؠ ناو ٲسؠ:2روبنؔ، شمعونؔ، لاوی، یہُوداؔ،3اشکارؔ، زبولونؔ، بنیمِینؔ،4دانؔ، نفتالیؔ، جدؔ تہٕ آشرؔ۔5تہٕ تِم سٲری یِم یعقوبسؔ سٟتؠ گَے ٲسؠ ستتھ نفر۔ تمہِ سُنٛد نیٚچو یوسفؔ اوس برونٛٹھےٕ مِصرس منٛز۔6کینٛہہ وقت گُزرتھ دراے یوسفؔ تہٕ تمؠ سنٛدؠ بٲے تہٕ بیٚیہِ یُس اکھا تہِ تہنٛزِ زُرؠ یٲژ منٛزٕ اوس یمہِ دُنیاہ منٛزٕ۔7پوٚز یعقوبؔ سنٛدین زُرین زاے واریاہ شُرؠ۔ تہنٛز ذریاتھ پھانٛپھلے یہ تہٕ بڑییہِ سیٹھاہ۔ نتیجہ دراو، تِمو سٟتؠ آو ملکِ مِصر برَنہٕ۔8بہرحال، کمے وقتہٕ پتہٕ لٲج مِصرس پؠٹھٕ اکی نٔوؠ بادشاہن حکومت کرٕنؠ۔ تمِس ٲس نہٕ پتاہ زِ یوسفنؔ کٲژٕ رژٕ کامہِ آسہٕ واریاہ برونٛٹھ مِصرٕ کؠن لوٗکن باپتھ کرمژٕ۔9تٔمؠ ووٚن پننؠن لوٗکن، "وُچھو کیاہ چُھ سپدمُت! یتہِ چھِ اسرائیل لٕکؠ واریاہ لوٗکھ یِم اسہِ مصریو کھۅتہٕ زیادٕ چھِ!10اسہِ پزِ تِم اختیارس منٛز تھاونہٕ باپتھ کانٛہہ وتھ تلاش کٔرنؠ! ہرگاہ ٲسؠ تہِ کٔرو نہٕ، تِہنٛد تعداد بڈِ۔ پتہٕ ہرگاہ کانٛہہ دُشمن اسہِ پؠٹھ حملہٕ کرِ، اسرائیلی رَلنَ سانؠن دُشمنن سٟتؠ تہٕ لڑن اسہِ خلاف، تہٕ تِم نیرن سانہِ ملکہٕ منٛزٕ۔"11لہٰذا اسرائیل کیٚن لوٗکن تکلیف دِنہٕ باپتھ تھوؠ بادشاہن تہٕ تسَندیو سردارو تِمن پؠٹھٕ پٹھووُلؠ یِمو تِم کُڈرِؠن کٲمؠن لاگؠ۔ تِمو لٲگؠ اسرائیلٕکؠ لوٗکھ بادشاہ سُنٛد سامانہٕ ذخیرٕ کرنہٕ خٲطرٕ زٕ شہر تعمیٖر کرنس۔ تِمن شہرن آو پتومؔ تہٕ رعمسیسؔ ناو دِنہٕ۔12پوٚز یوٗتاہ اسرائیل کٮ۪ن لوٗکن ستٲوکھ تیوٗت روٗد تِہنٛد تعداد ہوٗران، تہٕ تِہنٛز آبٲدی پھٕلیہِ سٲرسےٕ مُلکس منٛز۔ پتہٕ لٔگؠ مِصرُک لوٗکھ اسرائیلی لوٗکن کھوژنہِ۔13مِصرٕ کیٚو ہٮ۪ژ اسرائیلی لوٗکن سٕخت محنتہٕ سان کٲم کٔرِتھ۔14تکیازِ اسرائیلی لوٗکھ ٲسؠ غلام، تِہنٛز زندٕگی ٲس سؠٹھاہ ٹؠٹھِ۔ تِمن پیہِ ربہِ تہٕ سیرِو سٟتؠ واریاہ عمارژ تعمیٖر کرنہِ۔ تِمن ٲس بیہِ کھہَن منٛز تہِ پوان کٲم کٔرنؠ۔ اسرائیلی لوٗکن کٲم کرناؤنہٕ باپتھ ٲسؠ مِصری پٹھوولؠ تِمن سٟتؠ سؠٹھاہ برٕ سلوک کران۔15وُنؠ آسہٕ تتہِ زٕ عِبرٲنؠ دایہِ۔ تِہنٛد ناو اوس سفرہؔ تہٕ فوعہؔ۔ مِصرٕکہ بادشاہن ووٚن تِمن دوٗن زنانن،16"ییٚلہِ توٚہؠ عِبرٲنؠ زنانن وارنہِ ہنٛز کٲم کٔرو، ہرگاہ بچہ لٔڑکہٕ آسہ، توٚہؠ کٔرِہوٗن سُہ قتل۔ ہرگاہ بچہ لڑکی آسہ سۅ روٗزن زندٕ۔"17پوٚز تِمہٕ وارنہ کھوژٕ زِ خدا دِیہ تِمن سزا ہرگاہ تِمو مِصرٕ کِس بادشاہ سنٛدِس حکمس پؠٹھ عمل کٔر۔ لہٰذا تِمو کوٚر نہٕ تہِ یہِ بادشاہن تِمن حکم دِیتمُت اوس۔ تِمو دِیُت لڑکن زندِ روزنہٕ۔18أتی انہِ مِصرٕکؠ بادشاہن تِم زٕ وارنہِ ناد دِتھ تہٕ تِمن ووٚننُ، "توٚہؠ کیازِ چُھو لڑکن دِوان زندٕ روزنہٕ؟"19اکہ وارنہِ ووٚن بادشاہس، "عِبرٲنؠ زنانہٕ چھِنہٕ مِصری زنانن ہشہِ۔ عِبرٲنؠ زنانہٕ چھِ سؠٹھاہ طاقتور۔ تِم چھِ آسان خلاص گٲمژٕ ٲسؠ تِمن نِشہ واتنہٕ برونٹھۓ۔"20خداین کوٚر وارنیٚن پؠٹھ احسان، تہٕ عِبرٲنؠ لوٗکھ روٗد ہوٗران تہٕ سپدؠ مضبوط۔21تکیازِ تِم وارنہِ کھوژٕ خدایس، خداین دِیتؠ تِمن پنٕنؠ شُرؠ۔22پتہٕ کۅر بادشاہن مِصرٕ کیٚن سارنےٕ لوٗکن حکم زِ، "توٚہؠ کٔرؠ وون پرٮ۪تھ کانٛہہ عِبرٲنؠ لڑکہٕ یُس زایُن لبہِ نیٖل دریاوٕ بُزؠ! بہرحال، کوریٚن دِیو زندٕ روزنہٕ۔"
Bridge Connectivity Solutions Pvt. Ltd.