پیدٲیش49
1یعقوبنؔ أنؠ پنٕنؠ سٲری اولاد ناد دِتھ تہٕ وُننَکھ،2مےٚ نزدیک روزیٚو جمع تاکہ بہٕ ونو توٚہہِ زِ آینٛدٕ کیاہ سپدِ۔ میانیٚو گۅبرو یِیو تہٕ بوزیٚو میانؠ کتھ۔ بہٕ چُھس تُہنٛد مول یعقوبؔ۔3رُوبِنؔ ژٕ چُھکھ میٚون بوٚڈ نیٚچو۔ ژٕ چُھکھ تمہِ ساتہٕ زامُت یمہِ ساعتہٕ بہٕ طاقتور تہٕ جوان اوسُس۔ ییٚلہ بہٕ بالیغ سپدُس توٚہؠ ٲسیٚو مےٚ گۅڈنِکؠ اولاد۔ ژٕ چُھکھ میانیٚو تمام اولادو منٛزٕ قٲبلِ فخر تہٕ طاقتور۔4مگر ژٕ چُھکھ سمندرچن لہرن ہنٛدؠ پٲٹھؠ چھکرنہٕ آمُت۔ تہٕ وۅنؠ ہیککھ نہٕ ژٕ میٚون ساروےٕ کھۅتہٕ اہم نیٚچو ٲسِتھ۔ تکیازِ ژٕ ژاکھ میانِس بسترس منٛز تہٕ شونٛگکھ میانہِ لونٛڈی نِش۔ یمہِ سٟتؠ تُہنٛدس مٲلِس انتہٲیی شرمنٛدگی تُلنؠ پییہِ۔5شمعونؔ تہٕ لاوی یم دوٚنوے بارنؠ رودؠ مجرمن ہنٛدؠ پٲٹھؠ کٲم کران۔ توٚہؠ چُھو پننہِ تلوارٕ پُر تشدُد کاروٲیو باپتھ استعمال کران۔6بہٕ چُھس نہٕ یژھان توٚہہِ سٟتؠ روزنُے ییٚلہ توٚہؠ غلط منصوبہ بناوان چُھو۔ بہٕ چُھس اکھ معتبر تُہنٛدین مشورن منٛز گژھنہٕ شٲمل۔ تکیازِ توٚہہ مٲرؠ ووکھ لوٗکھ ییٚلہ توٚہؠ سیٹھاہ شرارتس منٛز ٲسیٚو۔ تہٕ پننہِ تفریح خٲطرٕ مٲرؠ ووکھ دانٛد تہِ۔7خداین ووٚن بہٕ والہٕ تِمن لعنت تکیازِ تم ٲسؠ شرارتس منٛز، ییٚلہ تِم شرارتس منٛز ٲسؠ، تِم ٲسی سیٹھاہ ظلم کران۔ بہٕ کرن تہنٛز ذریاتھ اسرائیل چہ سرِ زمیٖنہ پٮ۪ٹھ پراکنٛدٕ۔8یہُوداؔ! چٲنؠ لۅکٕٹؠ تہٕ بٔڈؠ بٲے بنن چٲنؠ مدح، تِم کرن توٚہہِ سٔجدٕ، تکیازِ ژٕ دِکھ پننٮ۪ن دشمنن اصل پٲٹھؠ شِکس۔9یہُوداؔ چُھ تمِس جوان سٕہس ہیٚو یُس پننی مٲرمٕتؠ جانور کھیٚتھ سیر گژھِتھ واپس چُھ آمُت۔ سُہ چُھ تٔمس سٕہس ہیٚو یُس کھیٚتھ واش کٔڈتھ ڈاپھ چُھ تراوان۔ کانٛہہ اکھ کرِنہٕ تٔمس خلل کرنٕچ ہمتھ۔10اتہِ آسہ ہمیشہ یہُوداؔ سنٛدیو اولادو منٛزٕ کانٛہہ حکمران۔ پرٛتھ کانٛسہِ ہنٛدس اتھس منٛز آسہٕ یہ باور کرنہٕ خاطرٕ اکھ عاصہٕ زِ بہٕ چُھس بادشاہ سنٛدؠ پٲٹھؠ اختیار تھاوان۔ سُہ کرِ یہ تۅتام یۅتام نہٕ تس لوٗکھ خراجِ تحسین پیش کرن تہٕ یہ باس دِن زِ أسؠ کرو تس سنٛز عبادت۔11تمسنٛدین زٲژ ہنٛدین دچھِ کُلین ۅپدِ زیادٕ زیادٕ دچھ۔ یمیُک نتیجہ یہ نیرِ زِ سُہ کرِنہٕ کانٛسہِ تہِ پنٕنؠ جوان خر دچھِ کُجن سٟتؠ گنٛڈنس اعتراض۔ یُتھ تِم دچھِ پن کھیٚتھ ہیٚکن۔ شراب آسہ وفور، یمہِ کِنؠ تِم پنٕنؠ پلو شرابس منٛز چھلن۔ تِم چھلن پننہِ ژادرٕ تہِ شرابس منٛز یُس خوٗنٕکؠ پٲٹھؠ ۅزُل آسہ۔12بسیار شراب چیٚتھ گژھن تہنٛزٕ أچھ ۅزجہِ، مگر تہنٛدؠ دند آسن واریاہ گٲو دۅد چیٚنہٕ سٟتؠ کٲفی سفید۔13زبُلُون، چٲنؠ اولاد بسن سمندر بٹھیٚن پٮ۪ٹھ یتہِ جہازو باپتھ محفوظ بندرگاہ آسن۔ تِہُنٛد جٲگیر آسہ شمالہٕ کِنؠ صیدا شہر تام پھٲلِتھ۔14اشکارؔ، چٲنؠ اولاد آسن طاقتور خرن ہنٛدؠ پٲٹھؠ یم تیٖرن ہنٛدین دوٚن کھیٚلیٚن منٛزباگ آسن۔ تیٖتؠ تٔھکمٕتؠ یِم نہٕ تھوٚد ؤتِھتھ ہیٚکن!15تِمن باسہِ پنٕنؠ آرام گاہ واریاہ اصل تہٕ یہ زمین کریٚکھ واریاہ خوش۔ مگر گوٚب بور تُلنہٕ باپتھ دارن تِم پنٕنؠ شانہٕ تہٕ گژھن دوٚیمیٚن ہنٛزٕ کامہِ کرنہٕ باپتھ مجبوٗر۔16دانؔ، اگر زن چون قبیلہٕ نیٚوک تہِ آسہ مگر چٲنؠ قٲید کرن پننٮ۪ن لوٗکن پٮ۪ٹھ حکومتھ یتھٕ پٲٹھؠ زن اسرائیل کیٚن دویمیٚن قبیلن ہنٛدؠ قٲید پننٮ۪ن لوٗکن پٮ۪ٹھ حکومت کرن۔17چٲنؠ اولاد آسن سڑکہٕ دنٛدین پٮ۪ٹھ سرپھن ہنٛدؠ پٲٹھؠ تہٕ وتن منٛز زہریلہٕ سرفن ہنٛدؠ پٲٹھؠ۔ تِم آسن پکن والیٚن گُرین گۅڈن لاینہٕ یوان، یم برٛہمیٚن پنٛجن پٮ۪ٹھ ۅتھان آسن تہٕ سوار آسن پٔتؠ کِنی پیٚوان۔"18پتہٕ موٚنگ یعقوبن دُعا، "اے خداوند یہُوواہؔ، بہٕ چُھسے ژیی پراران تاکہ ژٕ بچاوکھ مےٚ پننیٚو دشمنو نشہٕ۔"19پتہٕ وُن یعقوبنؔ پننٮ۪ن نیٚچوٮ۪ن مذید یتہِ زِ مستقبلس منٛز کیاہ سپدِ۔ تٔمؠ ووٚن "جدؔ، چٲنِس قبیلس پٮ۪ٹھ کرِ ژوٗرن ہنٛز اکھ جماتھ حملہٕ، مگر تُہنٛد قبیلہٕ لبہِ تِمن پٮ۪ٹھ واپس حملہٕ کٔرتھ فتح۔20آشرؔ، چٲنؠ اولاد آسن مزٕدار تہٕ میوٗٹھ کھیٚن کھیٚوان۔ تِم آسن اناج ۅپداوان یُس بادشاہن کھیٚنہٕ باپتھ کٲفی لٔزیز آسہ۔21نفتالیؔ، چٲنؠ شُرؠ آسن ہِرنن ہنٛدؠ پٲٹھؠ کُھلہٕ نژناہ کران، ہانٛگل یمن خوبصوٗرت روٗسؠ کچن آسن۔22ہے یوسفؔ ژےٚ آسنے واریاہ اولاد۔ تہنٛدؠ شُرؠ آسن ناگہٕ آبس نزدیک دچھِ رانٛٹھن الوانٛتؠ دچھِ گۅرنن برابر۔ یمیٚکؠ شاخ دیوارو پیٚٹھؠ پھٲلِتھ آسن۔23تہنٛدؠ دشمن کرن تِمن پٮ۪ٹھ شدید حملہٕ تہٕ تِمن دورن تیٖر تہٕ نیزٕ ہیٚتھ پتہٕ۔24مگر تِم روزن پننہِ کمانہٕ ہیٚتھ ڈٔٹِتھ تہٕ تہنٛزٕ نرِ آسن مضبوط، میانِس قدرتہٕ وٲلِس خدا تہٕ یہُوواہؔ سنٛدِ یژھنہٕ یُس میٚون رہنما تہٕ مےٚ سوزن وول چُھ، یتھ کنؠ اکھ پوہُل پننٮ۪ن تیٖرن رچھان تہٕ پالان چُھ۔ اسرائیل لٕکؠ لوٗکھ ونن یہُوواہسؔ اسہِ کر رٲچھ، یتھ کنؠ زن لوٗکھ تھزن کنیٚن ہنٛدین تھزرن پٮ۪ٹھ پناہ نِوان چھِ۔25خدا، یمسنٛز بہٕ عبادت کران چُھس کرِ چانیٚن شُریٚن مدد۔ قدرت وول خدا تراوِ تِمن رحمتِ باران تہٕ زمینہٕ تلہٕ آب فراہم کرِتھ کریٛکھ برکت۔ سُہ دییہِ تِمن واریاہ اولاد تہٕ کرِ تِہنٛز پرورِش۔26یۅسہ برکت بہٕ خدایس نِش تُہنٛدِ باپتھ یژھان چُھس سۅ چھےٚ بٔڈ۔ سۅ نعمت چھےٚ تِمو نعمژو نِشہ واریاہ زیادٕ یمہٕ اژھیٚنؠ پہاڑو پٮ۪ٹھٕ یوان چھےٚ، تَمو برکٔژو نشہٕ یمہٕ لازوال پہاڑو پٮ۪ٹھٕ یوان چھےٚ۔ یوسفؔ بہٕ چُھسے دُعا کران زِ یمہ برکٔژ میلنے ژےٚ۔ تکیازِ ژٕ چُھکھ پننٮ۪ن باین ہُنٛد سردار۔27ہے بنیمِینؔ، چٲنؠ اولاد آسن شیطان شالن ہی۔ صُبحاے آسن تِم پننٮ۪ن دشمنن تِتھٕ پٲٹھؠ ماران یتھٕ کنؠ شال پنٕنؠ شکار کھیٚوان چھِ تہٕ شامس آسن پنُن سُہ مال جنگجوون منٛز بٲگران یُس تِم پننٮ۪ن دشمنن لوٗٹِتھ آسن انان۔"28تِم باہ اولاد آسن اسرائیل کیٚن بہَن قبیلن ہنٛدؠ جدٕ اجداد۔ تِہنٛدؠ مٲلؠ ووٚن تِمن یی ییٚلہ تٔمؠ تٕن دُعا کۅر، تہٕ پرٛتھ کانٛسہِ ؤنِن سۅ کتھ یۅسہ تِمن پٮ۪ٹھ صٲدِر یوان ٲس۔29پتہٕ ووٚن یعقوبن پننٮ۪ن شُریٚن، "مےٚ چُھ وۅنؠ مرُن تہٕ پننِس مٲلس تہٕ بُڈِ ببس نش واتُن یمہٕ گۅڈے گُذریمٕتؠ چھِ۔ میانؠ میت کٔرؠ زیٚو تٔتی دفن یتِتھ میانؠ جدٕ اجداد دفن چھِ، تٔتھؠ گۅپھِ منٛز یُس تتھ کھہَس منٛز چھےٚ یُس اسہِ حِتی قبیلہٕ کِس عِفرونسؔ نِش مٔلؠ ہیٚوتمُت چُھ۔30مکفیلہؔ ناوُک مٲدان چُھ کنعان مُلکس منٛز ممرےؔ یَس مشرقہٕ طرفہٕ۔ ابرہامنؔ ہیٚژاو سُہ عِفرون حِتی یس نِش موٚلؠ تاکہ سُہ ییہِ قبرِستانہٕ باپتھ مخصوص تھاونہٕ۔31تٔتی آو ابرہام تہٕ تمؠ سنٛز آشِنؠ سارہؔ دفن کرنہٕ۔ تٔتی آو میٚون مول اسحاق تہٕ تمؠ سنٛز گرٕ واجِنؠ رِبقہؔ تہِ دفن کرنہٕ۔ تہٕ تٔتھؠ جایہ کٔر مےٚ پنٕنؠ خاندارنؠ لیاہؔ تہِ دفن۔32سۅ زمین تہٕ تتھ جایہِ موجود سۅ گۅپھ چھےٚ اسہِ حِت قبیلہٕ کیٚن موٚلؠ ہیٚژمٕژ۔ اوٕ کِنؠ چُھس بہٕ یژھان زِ ژٕ کرکھ مےٚ تٔتی دفن۔33ییٚلہ یعقوبنؔ پننٮ۪ن نیٚچوٮ۪ن یم ہدایت دِتھ مۅکلٲوؠ تہٕ سُہ وُتھ بیٚیہِ پننِس بسترس منٛز۔ پتہٕ مۅکلیوس شہہ تہٕ مود۔
Bridge Connectivity Solutions Pvt. Ltd.