پیدٲیش43
1کنعانسؔ منٛز رود دراگ بڈان2وۅنؠ ییٚلہ یعقوبن تہٕ تمسنٛدؠ خانوادن سُہ سورےٕ راشن کھیٚتھ مۅکلوو یُس تِمو مِصرٕ پٮ۪ٹھٕ انیاو تہٕ یعقوبن وُن تِمن زِ مِصر گٔژھیٚو تتہِ پننہِ خٲطرٕ راشن موٚلؠ۔3مگر یہُوداہنؔ وُن تمِس، "یمؠ شخصن اسہِ تتہِ اناج دیُت تٔمؠ چُھ اسہِ سخت روب بہنومُت زِ تۅتام یی زیٚو نہٕ دُبارٕ مےٚ نِش یۅتام نہٕ پنُن لۅکُٹ بوے سٟتؠ آسیٚو۔"4توٚہؠ دی وون اسہِ پنُن لۅکُٹ بوے سٟتؠ، أسؠ گژھو مِصر تہٕ ہیٚمو تُہنٛدِ خٲطرٕ اناج۔5وۅنؠ اگر نہٕ سُہ توٚہؠ سوزؠ وون تیٚلہِ گژھو نہٕ أسؠ تہِ تکیازِ تٔمؠ نفرن چُھ اسہِ ونمُت زِ اگر نہٕ توٚہؠ پنُن لۅکُٹ بوے سٟتؠ أنوون مےٚ نِش یی زیٚو نہٕ۔6یعقوبنؔ پرُژھنکھ، "توٚہہِ کیازِ ترووُس بہٕ تس یہ ؤنِتھ تکلیفس منٛز زِ اسہِ چُھ بیاکھ لۅکُٹ بوے تہِ؟"7تِمو منٛزٕ ونُس أکؠ، "تٔمؠ نفرن پرُژھ اسہِ پانس تہٕ پننِس خاندانس متلق۔ تٔمؠ وُن کیاہ تُہنٛد مول چھا زنٛدے؟ توٚہہِ ما چُھ بیٚیہِ کانٛہہ بوے؟" اسہِ پیٚو تمسنٛدین سوالن جواب دیُن۔ اسہِ کتہِ اوس یہ پےَ زِ سُہ ونہِ ییٚلہِ توٚہؠ دبارٕ یور یِیو پنُن لۅکُٹ بوے انؠ زون سٟتؠ۔"8پتہٕ وُن یہوداہنؔ پننِس مٲلِس یعقوبس، یہ نیٚچو سوزُن ژٕ مےٚ سٟتؠ۔ أسؠ گژھو جلدےٕ، یُتھ زن توٚہؠ تہٕ سانؠ بچہٕ غذا حٲصل کرن یُتھنہٕ بۅچھِ دادِ مرَن۔9بہٕ چُھسے ژےٚ ضمانت دِوان زِ سُہ ییہِ واپس۔ ژٕ ہیٚککھ مےٚ تمیُک مطالبہ کٔرتھ یمیُک بہٕ ژےٚ وعدہ چُھسے کران۔ اگر بہٕ سُہ ژےٚ نِش وارٕ کارٕ واپس انن نہٕ ژٕ ہیٚککھ مےٚ ہمیشہٕ خٲطرٕ قصوروار ٹھہرٲوِتھ10اگر اسہِ یوت وقت ضایہ آسہ ہے نہٕ کۅرمُت، أسؠ آسہٕ ہو تنہٕ تورٕ دویمہِ پھرِ تہِ واپس آمٕتؠ۔11پتہٕ وُن تِہنٛدؠ مٲلؠ یعقوبن تِمن، "اگر بیٚیہِ کانٛہہ وَتھ چھنہٕ تیٚلہِ کٔریو یہ زِ یمہِ ملکہٕ منٛزٕ ۅپدن وٲلؠ کینٛہہ اصل چیز بٔریو بوٚہرین تہٕ نِیو تمہِ ملکہٕ کِس تمِس شخصس تحفہٕ رنٛگؠ۔ اکھ نِیو کینٛہہ بالم، مانٛچھ، مسالہٕ، مُر، پستہٕ تہٕ بادام12بیٚیہِ نِیو تمہِ دوگنہٕ پونٛسہٕ سٟتؠ ییتیاہ پتمہِ لٹہِ نِیو۔ تکیازِ توٚہہِ پیٚیو سۅ چٲنٛدؠ واپس کرٕنؠ یۅسہ کٔمتام تُہنٛزن بوٚہرین منٛز شاید غلطی سببہٕ تھٲومٕژ ٲس۔13پنُن لۅکُٹ بوے ہیٚتھ گٔژھیٚو تس نفرس نِش واپس۔14بہٕ کرو دُعا زِ قدرت وول خدا بنٲوِن تس نفرس توٚہہ پٮ۪ٹھ رحیم یُتھ سُہ تُہنٛد بوے بنیمِینؔ توٚہہِ سٟتؠ یور واپس سوزِ۔ مگر یۅتام میٚون تعلق چُھ، اگر میانؠ اولاد مےٚ نِش دور گے بہٕ سپدٕ بے اولاد۔15لہٰذا نی یمو نفرو تمہٕ تحفہٕ یمہٕ یعققوبنؔ وُننَکھ تہٕ اناجُک دوگنہٕ قٟمت تہِ۔ تِمو نیٚو بنیمِینؔ تہِ سٟتؠ۔ تِم وٲتؠ جلدےٕ مِصر تہٕ گے یوسفسؔ نِشہ حٲضر۔16ییٚلہِ یوسفنؔ بنیمِینؔ تِمن سٟتؠ وُچھ تہٕ تٔمؠ وُن پننِس گرٕ کِس أمِس نگرانس، "یم نفر واتناوُکھ میٚون گرٕ۔ جانورا اکھ مارُن تہٕ کر کھیٚن تیار، تکیازِ بہٕ چُھس یژھان زِ یم کھیٚن کوج مےٚ سٟتؠ۔ تٔمؠ وُن پننِس نوکرس یتہِ زِ یمہٕ کٔمہِ ترتیبہ بہناوٕ ہکھ۔17تٔمؠ نفرن کوٚر تی یہ یوسفنؔ ونُس۔ تہٕ واتناوِن یوسفُن گرٕ۔18مگر تِم کھوژؠ یُتھےٕ سُہ تمن یوسفنؔ گرٕ پکناونہِ لوٚگ۔ تِم ٲسؠ سونچان، "سُہ کیازِ چُھ اسہِ یور پکناوان، تکیازِ گۅڈنکہِ پھرِ ییٚلہِ أسؠ یور آیاے تہٕ سانیٚن بوٚہرین منٛز آیییہِ چٲنٛدؠ تھاونہٕ یۅسہ اسہِ واپس أنؠ۔ یتُھےٕ أسؠ کھیٚون لاگو یہ ونہِ پننٮ۪ن نوکرن اسہِ پٮ۪ٹھ حملہٕ کرُن تہٕ کرِ اسہِ بنٛد، پتہٕ بناوِ اسہِ غلام تہٕ نیٚیہ سانیٚن خرن تہِ۔19تِم دراے تس نفرس سٟتؠ یُس یوسفؔ سنٛدِ گرٕ سامانُک رٲچھ در اوس۔ ییٚلہِ تِم گرٕ کِس دروازس پٮ۪ٹھ وٲتؠ،20تِمو منٛزٕ وُن أکؠ تمِس، "جناب میانؠ کتھ بوزؠ تو۔ أسؠ آے پتمہِ لٹہ یور تہٕ ہیٚوت کینٛہہ اناج موٚلؠ۔21مگر گرٕ گژھنہٕ وزِ یتھ جایہِ اسہِ راتس پڑاو دیُت تتہِ کھوجہِ اسہِ پننہِ بوٚہرِ۔ أسؠ گے یہ وُچِھتھ حٲران زِ سانہِ پرٛتھ کُنہِ بوٚہرِ منٛز ٲس برابر تیژ چٲنٛدؠ ییژاہ اسہِ اناجہِ باپتھ دِژمٕژ ٲس۔ لہٰذا أنؠ سۅ چٲنٛدؠ اسہِ پانس سٟتؠ۔22اسہِ أنؠ مذید اناج مٔلؠ ہیٚنہٕ خٲطرٕ بیٚیہِ تہِ چٲنٛدؠ پانس سٟتؠ۔ اسہِ چھنہٕ خبرےٕ زِ سانیٚن بوٚہرین منٛز کمؠ ٲس یہ چٲنٛدؠ تھٲومٕژ۔23تٔمؠ نفرن وننَکھ تورٕ، "کٔریو آرام! مہ ہیوٗ یہ فِکر! مےٚ میج سۅ چٲنٛدؠ یۅسہ توٚہہِ أنیٚو۔ تُہنٛدؠ خداین، یمِس خدایہ سنٛز عبادت تُہنٛد مول کران چُھ، آسہ تُہنٛزن بوٚہرین منٛز سۅ ترٲومٕژ۔ "پتہٕ اوٚن تٔمؠ شمعونؔ قٲد خانہٕ منٛزٕ کٔڈتھ تِمن نِش۔24وۅنؠ تھٲوؠ تٔمؠ تِمہٕ یوسفؔ سنٛدِ گرِ۔ تٔمؠ دیُت تِمن کھۅر چھلنہٕ باپتھ آب تہٕ خرن باپتھ کھیٚن۔25تٔمؠ وُن تِمن زِ توٚہہِ چُھ دُپہرک کھیٚن کھیٚنہِ یوسفسؔ نِشہ گژُھن۔ لہٰذا تھٲوؠ تِمو پنٕنؠ تحفہٕ تیار یوسفَسؔ دنہٕ باپَتھ۔26یتھُےٕ یوسفؔ گرٕ ووت تہٕ تِمو کٔرؠ تس تمہٕ تحفہٕ پیش یمہٕ تمو گرِ أنمٕتؠ ٲسؠ۔ پتہٕ کٔرِکھ تس برُونٛہہ کنہِ سٔجدٕ۔27تٔمؠ پرُوژھ تِمن زِ کیا توٚہؠ چُھوا ٹھیک، پتہٕ پرُوژھنکھ، تُہنٛدِس بُڈٕ مٲلؠ سُنٛد صحت کیٚوتھ چُھ یمِس متعلق توٚہہِ وَنیو؟ کیا تمہٕ چھا وُنہِ زنٛدے؟"28تِمو منٛزٕ وُن أکؠ، "آ، تُہنٛد خٲدِم، سون مول چُھ وُنہِ زنٛدے، تہٕ سُہ چُھ خٲرٕ سان۔ "پتہٕ دِتُکھ تمِس برُونٛہہ کنہِ بیٚیہِ سٔجدٕ۔29پتہٕ وُچھ تٔمؠ پنُن کونٛس بوے بنیمِینؔ یُس تمِس پننہِ ماجہِ ہُنٛد دویم لڑکہٕ اوس۔ تٔمؠ پرُوژھ تِمن، "کیا یہ چھا توٚہہِ ساروےٕ کھۅتہٕ لۅکُٹ بوے؟ یمِس متعلق توٚہؠ مےٚ ونان ٲسیٚو؟ ییٚلہِ تِمو تورٕ آنٛکار کۅرُس تہٕ تٔمؠ وُن بنیمِینسؔ، "نوجوانا، بہٕ چُھسے دُعا کران زِ خدا روزِن ژےٚ پٮ۪ٹھ مہربان۔"30یوسفؔ دراو جلدےٕ کمرٕ منٛزٕ نیٚبر۔ تمِس باسیاو زِ تس ییہِ ۅ ودُن تکیازِ لۅکُٹ بوے وُچِھتھ ہیٚوتُن سُہ جذبٲتؠ گژُھن۔ سُہ ژاو پننِس ذٲتی کمرس منٛز تہٕ ژھٹٕن تٔتی باکھ۔31پتہٕ وُتھرووُن اوٚش تہٕ دراو پنٕنؠ جذبات کاپہِ رٔٹِتھ نیٚبر تہٕ ونُن نوکرن، "کٔریو کھیٚن پیش!"32وُنؠ ٲسؠ مِصرٕکؠ لوٗکھ یہ سونچان زِ عِبرٲنین سٟتؠ یہُنٛد کھیٚن کھیٚون چُھ توہین، لہٰذا اوٚن نوکرو پانے یوسفَسؔ برُونٛہہ کُن کھیٚن، تہٕ مِصرٕ کیٚن باقی نفرن تہِ کٔرکھ خدمت یمہٕ تمِس کُنؠ سےٕ زٔنِس نِشہ کھیٚن کھیٚوان ٲسؠ۔ یوسفنؔ کٔر پننٮ۪ن زِٹھیٚن باین تہٕ کٲنٛسِس بٲیس پانے خدمت۔33تمسنٛدؠ بٲے گے یہ وُچِھتھ حٲران زِ تِم ٲسؠ پن پننہِ جایہ پٮ۪ٹھ وٲنٛسہِ حسابہٕ ترتیبہٕ سان بہناونہٕ آمٕتؠ۔34ییٚلہِ تِمن یوسفنہِ دستارخانہٕ پٮ۪ٹھٕ کھیٚن ننہٕ آو تہٕ بنیمِینؔ سنٛزٕ جایہ اوس باقیو کھۅتہٕ پانٛژھ گنہٕ زیادٕ کھیٚن۔ یتھٕ کٔنؠ کھیٚو تِمو یوسفَسؔ سٟتؠ کاجُک کھیٚن تہٕ بیٚیہِ چیکھ مشروبات تہِ، تِم گے سیٹھاہ خوش۔
Bridge Connectivity Solutions Pvt. Ltd.