پیدٲیش42
1یتُھےٕکٔمؠ تام یعقوبسؔ وُن زِ مِصرس منٛز چُھ اناج یُس لوٗکھ مٔلؠ ہیٚکن ہیٚتھ، تہٕ تمؠ وُن پننٮ۪ن نیٚچوٮ۪ن، "توٚہؠ کیاہ چُھو یتِتھ بہِتھ اکھ اکِس وُچھان؟ اسہِ گژھِ اناج آسُن!"2تمؠ وُن تِمن، "مےٚ وُن کٔمؠ تام زِ مِصرس منٛز چُھ اناج کنُن۔ توٚہؠ گژھیٚو تہٕ ہیٚیوٗ پانس کیُت کینٛہہ، تاکہِ زندٕ روزنٕچ باتھ بنہِ!3یتھٕ کنؠ دراے یوسفنؔؠ داہ زِٹھؠ بٲے اناج ہیٚنہٕ باپتھ مِصر کُن۔4مگر یعقوبنؔ سوز نہٕ یوسفنؔ لۅکُٹ بوے بنیمِینؔ اور گژھنہٕ خٲطرٕ ۅپرن سٟتؠ تکیازِ سُہ اوس کھۅژان زِ أمِس سٟتؠ تہِ گوٚژھ نہٕ تی سپدُن یہ زن یوسفسؔ سٟتؠ سپُد۔5کنعانؔ پٮ۪ٹھٕ دراے یعقوبنؔؠ اولاد مِصر غلہٕ ہیٚنہِ تہٕ باقےٕ لوٗکھ تہِ گےَ تکیازِ کنعانس منٛز اوس قحط وتھمُت۔6امہِ وزِ اوس یوسفؔ مِصرُک گورنر یُس تِمن لوٗکن اناج کٕنان اوس یمہٕ مِصرٕ تہٕ باقی ملکو پٮ۪ٹھٕ اناج ہیٚنہِ یوان ٲسؠ۔ وُنؠ ییٚلہِ یوسفنؔؠ بٲے اور وٲتؠ تِمو دیُت تس برُونٛہہ کنہِ زمینہِ پٮ۪ٹھ سجدٕ۔7یوسفنؔ پرزٕنٲوؠ وُچھان وُچھانےٕ پنٕنؠ بٲے۔ مگر تمؠ لوگ ڈیٚول زنتہٕ زانکھےٕ نہٕ۔ تمؠ وُن تِمن روبہٕ سانِ "توٚہؠ کتہِ پٮ۪ٹھٕ او؟ تمو منٛزٕ دتُس أکؠ جواب، "أسؠ آے کنعانچہِ سرِزمینہِ پٮ۪ٹھٕ کینٛہہ غلہٕ ہیٚنہٕ باپتھ۔"8یوٚدوے یوسفنؔ پنٕنؠ بٲے پرزٕنٲوؠ مگر تِمو پرزٕنوو نہٕ سُہ۔9پتہٕ پیٚو یوسفسؔ یاد زِ کینٛہہ وری برُونٛہہ کیاہ خاب وُچھاو تمؠ تِمن متعلق۔ مگر تمؠ نیٚو پانس سٟتؠ فٲصلہٕ زِ بہٕ وننہٕ وُنہِ یمن زِ بہٕ چُھس تُہنٛد لۅکُٹ بوے۔ تمؠ وُن تِمن، "توٚہؠ چُھو جاسوٗس! توٚہؠ او یہ وُچھنہٕ خٲطرٕ زِ اگر أسؠ یمن حملہٕ کرو کیاہ أسؠ ہیٚکوا پنُن دِفاہ کٔرِتھ؟"10تِمو منٛزٕ دیُت اکؠ جواب، "نہ جناب! أسؠ چھِ آمٕتؠ اناج ہیٚنہِ۔11أسؠ سٲری چھِ اکسےٕ مٲلؠ سنٛدؠ اولاد۔ أسؠ چھِ ایماندار لوٗکھ، جاسوٗس چھنہٕ۔"12تمؠ وُن تِمن، "مےٚ چُھنہٕ توٚہہ پٮ۪ٹھ بھروسہٕ! توٚہؠ چُھو صرف یہِ وچھنہٕ خٲطرٕ یور آمٕتؠ زِ اگر اسہِ پٮ۪ٹھ حملہٕ ییہِ کرنہٕ أسؠ ہیٚکوا پنُن دفاع کٔرِتھ!"13مگر تِمو منٛزٕ دیُت أکؠ جواب، "نہ، یہِ چُھنہٕ پوٚز! اصلی چھِ أسؠ بَہہ بٲے بارٕنؠ، أکسےٕ نفرٕ سٕنٛدؠ نیٚچوؠ۔ سارِوٕے کھۅتہٕ لۅکُٹ بوے چُھ سٲنِس مٲلِس نِشہ۔ اکھ بوے چُھنہٕ وۅنؠ تِمو منٛزٕ زنٛدٕ۔"14یوسفنؔ ونُکھ یورٕ، "توٚہؠ چُھو اپُز ونان! مےٚ چُھ باسان پوٚز چُھ تی یہ مےٚ توٚہہ وُن۔ توٚہؠ چُھو جاسوٗس!15مگر وۅنؠ چُھ اکھ طریقہ یُتھ بہٕ زانہٕ زِ توٚہؠ چُھو پزَر ونان۔ مےٚ چُھ باسان یوتاں بادشاہ آسنُک پزر یقینی چُھ تۅتام چُھو توٚہؠ جاسوٗس۔ لہٰذا ہکیٚو نہٕ توٚہؠ تۅتام یتہِ نیرتھ یۅتام نہٕ تُہنٛد لۅکُٹ بوے یور واتہِ!16پننہٕ جمٲژ منٛزٕ سوزؠ وون اکھ یُس تُہنٛدِس لۅکٹِس بٲیس یور واتناوِ۔ تہٕ باقی تھاوکھ بہٕ قٲد خانس منٛز بنٛد یۅتام أسؠ یہ نٔنراوو زِ توٚہؠ یہ کینٛژھا ونان چُھ تہِ چھا پوٚز کِنہٕ اپُز۔ اگر نادس گژھن وٲلؠ تُہنٛد لۅکُٹ بوے یور اوٚن نہٕ، بادشاہ سنٛدِ خٲطرٕ سپدِ ضرور یہ کتھ عیان زِ توٚہؠ چُھو اپُز ونان تہٕ توٚہؠ چُھو جاسوٗس۔17پتہٕ بٔرؠ یوسفنؔ تمہٕ تریٚن دوہن ہنٛدِ خٲطرٕ قٲد۔18ترییہِ دوٚہؠ پتہٕ گو یوسفؔ قٲد خانس منٛز تہٕ ونُن تِمن، "بہٕ چُھس اکھ انسان یتھ پٮ۪ٹھ یقین تھاوان زِ اگر نہٕ مےٚ تہِ کوٚر یمیُک مےٚ وعدہ کۅرمُت چُھ، خدا دییہِ مےٚ تمیُک سزا۔ لہٰذا یہ بہٕ توٚہہِ ونان چُھس تہِ کٔریو، تہٕ بہٕ بچاوٕ تُہنٛدؠ زُو۔19اگر توٚہؠ ایماندار نفر چُھو تہٕ توٚہؠ تھٲوون پنُن اکھ بوے یتؠ قٲدس منٛز تہٕ باقی گٔژھیٚو واپس گرٕ والیٚن نِش یمہٕ دراگہٕ سببہٕ بۅچھِ ۂتؠ چھِ تہٕ نِیو تِمن کھیٚنہٕ خٲطرٕ اناج۔20وۅنؠ اگر توٚہؠ دبارٕ یور یِیو توٚہہ گژھِ پنُن کۅکٹ بوے مےٚ نِش سٟتؠ آسُن یمہِ سٟتؠ توٚہؠ ثٲبت کٔریو زِ یہ کینٛژھا توٚہہِ ونُو تہِ چُھ پزر تہٕ نتیجہ نیرٕ یہ زِ توٚہؠ بٔچو قتل سپدنہٕ نِشہ۔ یتھ کنؠ گے تِم یہ کرنہٕ خٲطرٕ آمادٕ۔21تِمو وُن اکھ أکِس، "پٔزؠ کِنؠ چُھ یہ اسہِ تمیُک سزا تلُن پیٚوان یہ اسہِ پننِس لۅکٹِس بٲیس سٟتؠ ورتوومُت چُھ۔ اسہِ وُچھ سُہ کوتاہ پریشان سپُد ییٚلہ سُہ اسہِ آہوزٲری کران اوس زِ مےٚ متہٕ کٔرؠ تو کینٛہہ۔ مگر اسہِ دیُت نہٕ تٔمس کُن کانٛہہ توجو تہٕ توے چُھ اسہِ یہ مصیبت تلُن پیٚوان۔"22رُوبِنؔ وُتھ تِمن کُن، "مےٚ ونیومو نا توٚہہِ أمِس متہٕ کٔرؠ تو کینٛہہ، مگر توٚہہِ مونو نہٕ میٚون۔ وُنؠ چُھ اسہِ سُہ مارنُک قصاسہٕ پیٚوان دیُن!"23ییٚلہِ تم یوسفسؔ سٟتؠ کتھ ٲسؠ کران تِم ٲسؠ ترجمہٕ کار سنٛدِ وساطتہٕ کتھ کران۔ مگر ۅ ییٚلہِ پانہٕ وٲنؠ کتھ ٲسؠ کران تیٚلہِ ٲسؠ پننہِ بولہِ منٛز کتھ کران۔ تِمن اوس نہٕ یہ معلوم زِ یوسفسؔ چھےٚ سٲنؠ کتھ فِکرِ تران تہٕ سُہ چُھ سمجھان یہ کینٛژھا أسؠ ونان چھِ۔24تِہنٛزو کتھو سٟتؠ توٚر یوسفسؔ فکرِ زِ تمو کوٚر امہِ کتھِ ہُنٛد اعتراف زِ کینٛہہ وری برُونٛہہ یہ کینٛژھا تِمو مےٚ سٟتؠ ورتوومُت چُھ تہِ اوس غلط۔ سُہ اوس زٲنِتھ زِ ہیٚکہٕ نہٕ اوش رکٲوِتھ مگر یپٲرؠ اوس نہٕ یژھان زِ یم گٔژھؠ تس اوش ہاران وچھنؠ، لہٰذا ژوٚل سُہ تِمہ أتی ترٲوتھ کمرٕ منٛزٕ نیٚبر تہٕ لوٚگ وَدنہ۔ مگر پتہٕ آو دُبارٕ تِمن سٟتؠ کتھ کرنہٕ خٲطرٕ بیٚیہِ واپس۔ پتہٕ اون تٔمؠ اتہِ شمعونؔ کٔڈتھ تہٕ تِمن برونٛہہ کنہِ ونُن نوکرن یہ گنٛڈؠ وون۔ امہِ پتہٕ ترووُن قٲد خانس منٛز تہٕ باقین ونُن توٚہؠ ہکیٚو نیرتھ۔25یوسفن وُن پننٮ۪ن نوکرن زِ یمن نفرن تھٲیو بوٚہرین منٛز راشن تہٕ سٟتی وُننکھ یتہِ زِ پرٛتھ کٲنٛسہِ یُس اناجُک رقم بوٚر سُہ تھٲیو پن پننہِ بوٚہرِ منٛز پٮ۪ٹھٕ کنہِ تہٕ بیٚیہِ وُننکھ یمن دِیو غذا تہِ سٟتؠ یُس یم وتہِ منٛز کھیٚن۔ تہٕ یوسفؔ سنٛدیو بایو روٚٹ تمسنٛدین نوکرن نِش غذا۔26تٔمسنٛدیو بڈیو بایو برِ راشن بوٚہرِ پننٮ۪ن خرَن تہٕ دراے۔27امہِ رٲژ یتہِ تِم شونٛگنہٕ خٲطرٕ ٹھہریاے، تِمو منٛزٕ وُتھ اکھ تہٕ مُژرٲون پننِس خرس پھل دنہٕ باپتھ اکھ بوٚہرؠ۔ بوٚہرِ منٛز پٮ۪ٹھٕ کنہِ پونٛسہٕ وُچِھتھ گو حٲران۔28تٔمؠ وُن پننٮ۪ن باین، "مےٚ چھِ کٔمؠ تام پنٕنؠ پونٛسہٕ واپس دِتؠ مٕتؠ یکیاہ چھِ یتھ میانہِ بوٚہرِ منٛز۔ تمہِ کھوژؠ تہٕ لگؠ اکھ أکِس کُن وننہ، "یہ کیاہ دلیل کٔر خداین اسہِ سٟتؠ؟"29ییٚلہ تِم پننِس مٲلِس یعقوبسؔ نِش کنعانؔ وٲتؠ تہٕ تِمو وُن تس تہِ سورےٕ یہ تِمن سٟتؠ سپُد۔ تِمو منٛزٕ وُن أکؠ، دلیل30"سُہ نفر اوس اسہِ سٟتؠ روبہٕ سان کتھ کران یُس تتھ سٲرسےٕ ملکس پٮ۪ٹھ حکومت کران چُھ۔ تٔمؠ کۅر اسہِ سٟتؠ سُہ سلوٗک زنتہٕ أسؠ تمسنٛدس ملکس منٛز جاسوٗسی کران ٲسؠ۔31مگر اسہِ وُن تمِس، أسؠ چھنہٕ جاسوٗس أسؠ چھِ ایماندار لوٗکھ۔32اصلی ٲسؠ أسؠ أکسےٕ مٲلؠ سنٛدؠ باہ بارنؠ۔ اکھ گُذریو تہٕ ساروےٕ کھۅتہٕ لۅکُٹ بوے چُھ کنعانس منٛز پننِس مٲلِس نِش۔33یُس شخص تمہِ ملکُک حٲکم چُھ تٔمؠ کٔر نہٕ اسہِ پٮ۪ٹھ پژھےٕ، یمہِ کِنؠ تٔمؠ اسہِ وُن، "بہٕ کرٕ تیٚلہِ پژھ زِ توٚہؠ چُھو ایماندار: پنُن اکھ بوے تھٲوون مےٚ نِش یتؠ۔ تہٕ باقی بارٕنؠ نِیو پننہِ خاندان کیٚن لوٗکن باپتھ اناج یمہٕ بۅچھِ سٟتؠ مران چھِ۔34مگر ییٚلہِ توٚہؠ واپس یِیو تہٕ پنُن ساروےٕ کھۅتہٕ لۅکُٹ بوے أنزیون سٟتؠ یُتھ بہٕ زٲنِتھ ہیٚکہٕ زِ توٚہؠ چُھو نہٕ جاسوٗس بلکہِ پٔزؠ یٲرؠ۔ پتہٕ تراون بہٕ تُہنٛد بوے یلہٕ۔ تہٕ پتہٕ یہ کینٛژھا توٚہؠ یژِھیٚو تہِ ہکیٚو توٚہؠ یمہِ ملکہٕ منٛزٕ مٔلؠ ہیٚتھ۔35ییٚلہِ تِمو پننہِ بوٚہرِ مُژراوِ تہٕ تِم سَپدؠ حٲران زِ پرٛتھ کُنہِ بوٚہرِ منٛز ٲسؠ پنٕنؠ پونٛسہٕ۔ ییٚلہِ تِمو تہٕ تِہنٛدؠ مٲلؠ پونٛسن ہنٛدؠ سٲری ٹھیلہٕ وُچھ تہٕ تمہٕ بانٛبریاے۔36تِہنٛدؠ مٲلؠ یعقوبنؔ ووٚن تِمن، "توٚہہِ کٔرؠ ووکھ مےٚ نِش میانؠ زٕ اولاد چھٹہٕ۔ یوسفؔ گُذریاو، تہٕ شمعونؔ تہِ گو! تہٕ وۅنؠ چُھوا توٚہؠ بنیمِینؔ تہِ مےٚ نِش چھٹہٕ کرُن یژھان! یہ چُھس بہٕ یمِس یمن سارنی چیزن ہُنٛد مصیبت تلُن چُھ پیٚوان!"37رُوبِنؔ وُتھ پننِس مٲلِس، بہٕ انن بنیمِینؔ توٚہہِ نِش واپس۔ مےٚ کرُن سُہ ژٕ حوالہٕ۔ اگر بہٕ بنیمِینؔ توٚہہِ نِش واپس انن نہٕ تہٕ ژٕ مٲرؠ زیٚکھ میانؠ دۅشوے نیٚچوؠ۔"38مگر یعقوبنؔ وُن، "نہ، بہٕ دمہٕ نہٕ پننِس نیٚچوِس توٚہہِ سٟتؠ گژھنہٕ۔ امسُنٛد بوٚڈ بوے گُذریو، تہٕ سُہ چُھ وۅنؠ میانہِ خاندارنہِ راخِلؔہ ہُنٛد کُنےٕ اولاد پتھ کُن! اگر توٚہہ سفرس دوران کانٛہہ آفت پیش آیہ، تہٕ توٚہؠ ژھنیٚو مےٚ ریش سفید مُہنوِس مصیبتہٕ سٟتؠ مٲرتھےٕ۔"
Bridge Connectivity Solutions Pvt. Ltd.