پیدٲیش44
1ییٚلہِ تمسنٛدؠ بٲے گرٕ واپس گژھنہٕ خٲطرٕ تیار سپدؠ تہٕ یوسفنؔ وُن تس نفرس یُس تٔمسنٛدِ گرٕ سامانُک نگران اوس زِ "یمن نفرن بر بوٚہرین منٛز تیوٗت اناج یوٗتاہ تِم پننٮ۪ن خرن پٮ۪ٹھ نِتھ ہیٚکن۔ تہٕ پرٛتھ کٲنٛسہِ نفرٕ سنٛزِ بوٚہرِ منٛز تھاوکھ پٮ۪ٹھٕ کنہِ سۅ چٲندؠ یۅسہ تِمو اناج موٚلؠ ہیٚنہٕ باپتھ دِژ مٕژ چھےٚ۔2پتہٕ تھاوکھ میٚون چاندِ ہُنٛد پیالہٕ ساروےٕ کھۅتہٕ لۅکٹِس بٲے سنٛزِ بوٚہرِ منٛز پٮ۪ٹھٕ کنہِ تتھ چاندِ سٟتؠ یۅسہ تٔمؠ اناجہٕ خٲطرٕ دِژمٕژ چھےٚ۔ یتھٕ کنؠ کوٚر نوکرن تہِ یہ تس یوسفنؔ کرُن وُن۔3بیٚیہِ دوٚہہ صبحٲے فجر وقتہٕ آو یمن نفرن خر ہیٚتھ گرٕ کُن رخصت کرنہٕ۔4وُنہِ ٲسؠ نہٕ تِم شہرٕ نِشہ زیادٕ دوٗریامٕتؠ زِ یوسفنؔ وُن پننہِ گرٕ کیٚن چیزن ہنٛدِس نگرانس، "جلدےٕ دور تِمن نفرن پتہٕ۔ ییٚلہ ژٕ تِمن نِش واتکھ تہٕ تِمن ون اسہِ اگر توٚہہ سٟتؠ بہتر ورتاو کۅر! تہٕ توٚہہ کیازِ کُرو تمہِ بدلہٕ اسہِ سٟتؠ بُرٕ؟5توٚہہِ چُھو سُہ پیالہٕ ژوٗرِ نِمُت یتھ منٛز میٚون آغہٕ چیٚوان چُھ۔ یہ چُھ سُہ پیالہٕ یمہٕ سٟتؠ سُہ تمہٕ چیز وچھتھ ہیٚکان چُھ یمن متعلق نہٕ کانٛہہ زانان آسہ! توٚہہ یہ کۅرو تہِ چُھ سیٹھاہ غلط!"6ییٚلہ نوکرن تِمہٕ رٔٹؠ تہٕ تٔمؠ وُن تِمن تی یہ یوسفنؔ تمِس تِمن وننہٕ خٲطرٕ ونمُت اوس۔7مگر تِمو منٛزٕ وُن أکؠ تمِس در جواب، "جناب، توٚہؠ کیازِ چُھو یژھٕ کتھٕ کران؟ أسؠ چھِ تُہنٛدؠ خٲدم تہٕ أسؠ ہیٚکو نہٕ یژھ حرکت کٔرتھےٕ۔8حطاکہِ اسہِ أنؠ کنعانہٕ پٮ۪ٹھٕ سۅ چٲندؠ واپس یۅسہ سانیٚو بوٚہریو منٛزٕ تتہِ درایہ۔ لہٰذا چھےٚ یہ کتھ یقینی زِ چٲنِس آغہٕ سنٛدِ گرِ کتہِ نِمو أسؠ سۅن یا چٲندؠ ژوٗرِ۔9اگر توٚہہِ باسان چُھ زِ اسہِ منٛزٕ چُھ سُہ پیالہٕ کانٛسہِ نِش تہٕ ژٕ ہیککھ تس پھٲسؠ دِتھ۔ تہٕ أسؠ باقی روزو توٚہہ غلام۔10تٔمؠ نفرن وُننَکھ، "بہٕ کرٕ تی یہ توٚہؠ ؤنیٚو۔ مگر یس نِش پیالہٕ نیرِ تمِس دمہٕ نہٕ بہٕ کانٛہہ سزا، بلکہ بناون بہٕ سُہ پنُن غلام، تہٕ توٚہؠ باقی ہکیٚو واپس گرٕ گژھِتھ۔"11پرٛتھ کانٛسہِ نفرن واجہ خرو پٮ۪ٹھٕ جلدےٕ جلدےٕ بوٚہرِ بوٚن تہٕ موٚژروٕہکھ گنٛڈ۔12پتہٕ لوگ نوکرن پرٛتھ کُنہِ بوٚہرِ منٛزٕ پیالہٕ ژھانٛڈُن۔ تٔمؠ کٔر ساروےٕ کھۅتہٕ بٔڈس بٲے سنٛدِ پٮ۪ٹھٕ تلٲشی کرٕنؠ شروع تہٕ ساروےٕ کھۅتہٕ لۅکٹِس بٲے سنٛزِ بوٚہرِ پٮ۪ٹھ واتناون انٛد۔ تٔمؠ لوٚب بنیمِینؔ سنٛزِ بوٚہرِ منٛزٕ سُہ پیالہٕ تہٕ ہووُن تِمن۔13باے بانٛبریاے، تِمو ژٔٹؠ پنٕنؠ پلو۔ تِمو برِ بیٚیہِ بوٚہرِ خرن تہٕ پھیرؠ شہر کُن واپس۔14ییٚلہ یہُوداؔ تہٕ تمسنٛدؠ زِٹھؠ تہٕ کانٛژھؠ بٲے یوسفؔ سُنٛد گرٕ ژاے تہٕ یوسفؔ اوس نہٕ وُنہِ تتہِ۔ نوکر گو تہٕ ونُن یوسفسؔ زِ کیاہ سپُد۔ یوسف آو تہٕ یم بارٕنؠ پیٚی تس پادن۔15یوسفنؔ وُن تِمن، "توٚہہِ کیازِ کۅرو یہ؟ توٚہہِ چُھنا پےَ زِ بہ مےٚ ہیٚوٗ نفر ہیٚکہِ سُہ چیز تہِ لٔبِتھ یُس نہٕ کانٛہہ زانان آسہ۔16یہوداہنؔ دِتُس جواب، "جناب، أسؠ کیاہ ہیٚکو ؤنِتھ؟ أسؠ کِتھہٕ کنؠ کرو یہ ثٲبت زِ أسؠ چھِ بے قصور؟ خداین دیُت اسہِ تِمن گُنہَن ہُنٛد سزا یمہٕ اسہِ کینٛہہ وری برُونٛہہ کٔرمٕتؠ چھِ۔ لہٰذا بنیاے وۅنؠ أسؠ چٲنؠ غلام۔ أسؠ سٲری تہٕ سُتہ یمہِ سنٛزِ بوٚہرِ منٛزٕ پیالہٕ دراو۔"17مگر یوسفنؔ وُننَکھ تورٕ واپس، "نہ بہٕ کرنہٕ تہِ۔ صرف بنہِ سُہ نفر میٚون غلام یمہِ سنٛزِ بوٚہرِ منٛزٕ پیالہٕ دراو۔ باقی ہکیٚو توٚہؠ سٲری آرامہٕ سان پننِس مٲلِس نِش گٔژھتھ۔18پتہٕ آو یہُوداؔ یوسفسؔ برُونٛہہ کُن تہٕ وُننَس، جناب، مےٚ دِیو کینٛہہ عرض کرنُک موقہٕ۔ توٚہؠ چُھو پانہٕ بحثیتِ بادشاہ، یمہِ کِنؠ توٚہؠ حکم ہکیٚو کٔڈٹھ مےٚ پھٲسؠ دیاونُک۔ مگر توٚہؠ گٔژھؠ زیٚو نہٕ مےٚ کتھ وننَس پٮ۪ٹھ ناراض۔19توٚہہِ پرٕژھو اسہِ، "کیاہ تُہنٛد مول چھا وُنہ زندے؟ کیاہ توٚہہِ چُھوا بیٚیہِ کانٛہہ بوے؟"20اسہِ وُن "سون مول چُھ زندے، سُہ چُھ بُڈٕ شخص۔ تمِس چُھ اکھ جوان لٔڑکہٕ یُس سٲنِس مٲلِس بُڈِتھ زامُت چُھ۔ تمِس بٲیس زیُٹھ اوسس بیاکھ لڑکہٕ یُس گذریومُت چُھ۔ تہٕ وۅنؠ چُھ پننہِ ماجہِ یوٚہے کُنےٕ اولاد یُس ونیُک تام زندٕ چُھ تہٕ امسنٛدِس مٲلِس چُھ أمِس منٛز زوو۔"21پتہٕ ونُو توٚہہِ ییٚلہ دُبارٕ یور یِیو تہٕ پنُن لۅکُٹ بوے أنؠ زیون سٟتؠ یُتھ بہٕ سُہ وچُھن۔22اسہِ ووٚن توٚہہِ "نہ، أسؠ ہیٚکو نہٕ تہٕ کٔرِتھ تکیازِ سُہ لڑکہٕ ہیٚکہ نہٕ پننِس مٲلِس ترٲوِتھ" اگر سُہ پننِس مٲلِس نِشہ دوٗرِ تمسُنٛد مول مرِ تمسنٛدِ دوٗرِرٕ۔"23مگر توٚہہِ فرموو اسہِ، "اگر نہٕ توٚہؠ پنُن لۅکُٹ بوے پانس سٟتؠ أنؠ وون تیٚلہِ ہیٚکو نہٕ بہٕ توٚہہِ ملاقات دِتھ۔"24ییٚلہ أسؠ پننِس مٲلس نِش واپس وٲتؠ تہٕ اسہِ وُن تمِس زِ توٚہہِ کیاہ وُنو۔25اکہِ ریٚتؠ پتہٕ وُن اسہِ مٲلؠ مِصر گٔژھِو تہٕ ہِیو کینٛہہ اناج!26مگر اسہِ ونُس أسؠ ہیٛکو نہٕ پانہٕ گٔژھتھ، أسؠ ہیٛکو تیٚلے تور گٔژھتھ ییٚلہِ سون لۅکُٹ بوے اسہِ سٟتؠ آسہ۔ اگر سون لۅکُٹ بوے اسہِ سٟتؠ آسہ نہٕ تیٚلہِ ہیٚکنہٕ اسہِ اناج کٔنن وول نفر سمکِھتھےٕ۔"27تتھ در جواب وُن سٲنؠ مٲلؠ، "توٚہؠ چُھو زانان زِ میانہِ خاندارنہِ راخِلؔہ دیُت میانیٚن دوٚن لٔڑکن زایُن۔28تِمو منٛزٕ سپُد اکھ لاپتہ، تہٕ مےٚ وُنمس، تس آسہٕ پٔزؠ کِنؠ کانٛسہِ جنٛگلی جانورن نیٚوک نیٚوک کۅرمُت۔ "تہٕ پتہٕ وُچھ نہٕ مےٚ سُہ أچھوےٕ۔29اگر توٚہؠ وۅنؠ یہ بیاکھ تہِ مےٚ نِش جُدا کٔرؠ وون تہٕ أمِس کانٛہہ نقصان واتنٲیو زٲنؠ زیٚو بہٕ بُڈٕ تہٕ ریش سفید انسان مٲرؠ وون توٚہؠ امہِ غمہٕ سٟتؠ۔30مہربٲنی کٔرِتھ بوزؠ تو، میٚون مول روزِ تیٚلہ زندٕ ییٚلہِ تمسُنٛد لۅکُٹ نیٚچو زنٛدٕ آسہ۔31ییٚلہِ أسؠ تمِس نشہٕ واتو تہٕ سُہ وُچھِ زِ لٔڑکہٕ چُھیی نہٕ اسہِ سٟتؠ تہٕ سُہ مرِ تمی وزِ۔ أسؠ مارٕ وون پنُن ریش سفید مول امہِ غمہٕ سٟتؠ۔32مےٚ دِژ تس ضمانت زِ یہ لٔڑکہٕ ییہِ وارٕ کارٕ واپس۔ مےٚ وُن تمِس، "توٚہؠ ہکیٚو مےٚ جواب ہیٚتھ یُس وعدہ بہٕ کران چُھس۔ اگر مےٚ یہ توٚہہِ نِش واپس اوٚن نہٕ تہٕ تمہِ سنٛدِ واپس نہ یِنُک قصور وار زٲنؠ زٕ چٕ مےٚ۔"33لہٰذا بنٲیو مہربٲنی کٔرِتھ میانِس لۅکٹِس بٲے سنٛدِ بدلہٕ مےٚ پنُن غلام۔ تہٕ یہ لٔڑکہٕ سوزؠ تون پننٮ۪ن بڈین باین سٟتؠ گرٕ واپس۔34اگر یہ لڑکہٕ مےٚ سٟتؠ آسہ نہٕ تہٕ بہٕ ہیٚکہٕ نہٕ پننِس مٲلس نِش واپس گٔژھِتھ۔ بہٕ چُھسن نہٕ پنُن مول امہِ دۅکھٕ غمگین وچُھن یژھان۔"
Bridge Connectivity Solutions Pvt. Ltd.