پیدٲیش38
1تٔتھؠ وقتس منٛز دراو یہُوداؔ پنٕنؠ زٹھؠ تہٕ کانٛسؠ بٲے ترٲوِتھ پہٲڑی علاقہٕ منٛزٕ بوٚن وسِتھ تہٕ گو اکِس نفرس نِش یُس عدلامَس منٛز روزان اوس۔ تمِس اوس حِیرہؔ ناو2تتہِ گو یہُوداہسؔ اکِس زنہِ سٟتؠ ملاقات یہ ٲس کنعان کِس اکِس شخصہٕ سنٛز کور یمِس سُوعؔ ناو اوس۔ تمؠ کوٚر تمِس سٟتؠ خاندر تہٕ شونٛگ تس نِشہ۔3سۅ روز بیٚیہِ زُووٕ تہٕ پتہٕ زاس اکھ لڑکہٕ۔ تمسنٛدؠ مٲلؠ تھوو تمِس عیرؔ ناو۔4پتہٕ روز سۅ بیٚیہِ گۅبہ کھوٚر تہٕ دِتُن بیٚیہِ اکِس لڑکس زایُن۔ یمِس تمؠ اونانؔ ناو تھوو۔5واریاہ وری گٔژھِتھ ییٚلہ یہُوداؔ تہٕ تمسُنٛد خاندان کزیبؔ روزنہٕ خٲطرٕ گے تہٕ یہُوداؔ سنٛزِ خاندارنہِ زاو بیاکھ لڑکہٕ تہِ تہٕ تمِس تھووُکھ سیلہؔ ناو۔6ییٚلہِ یہُوداؔ سُنٛد زیُٹھ نیٚچو عیرؔ بوٚڈ سپُد تہٕ یہوداہؔن أنؠ تمِس خٲطرٕ اکھ گرٕواجِنؠ یمِس تمرؔ ناو اوس۔7مگر عیرنؔ کٔر تِژھ اکھ کٲما یۅسہ خداوند یہُوواہسؔ سیٹھاہ ناگوار گییہِ یمہِ کِنؠ یہُوواہنؔ تس زُوےٕ کٔڑتھ نیٚو۔8پتہٕ وُن یہُوداہَن اونانَسؔ، "چون زیُٹھ بوے مود لاولد۔ تمؠ سنٛزِ مونٛڈِ زنانہِ سٟتؠ خاندر کرِتھ کر ژٕ تمِس سٟتؠ ہم بستری۔ سٲنؠ رسم ریواج چھِ ونان زِ اسہِ پزِ یی کرُن۔9مگر اونان اوس زانان زِ اگر بہٕ یہ کرٕ تہٕ یمہٕ تہِ شُرؠ اسہِ زیٚن تِم ین نہٕ میانؠ زاننہٕ۔ لہٰذا ییٚلہ تہٕ سُہ پننِس بٲے سنٛزِ بیوہ سٟتؠ صحبت کران اوس سُہ اوس شہوت نیٚبر تراوان یُتھنہٕ سۅ بیٚیہِ زُووٕ روزِ تہٕ میانِس بٔڈس بٲے سنٛدِ ناوٕ شُرؠ زیٚنس۔10تمؠ سُنٛد یہ کرُن آو نہٕ خداوند یہُوواہسؔ خوش لہٰذا نیٚو تمِس تہِ یہُوواہنؔ زوو کٔڈتھ۔11پتہٕ وُن یہُوداؔ ہن پننہِ نۅشہِ تمرسؔ، "گژھِ پننِس مٲلِس نِش واپس مگر بیٚیہِ کانٛسہِ سٟتؠ کٔرزیٚنہٕ خاندر۔ ییٚلہِ میٚون لۅکُٹ نیٚچو سیلہؔ بوٚڈ گژھِ تہٕ سُہ ہیٚکہ ژےٚ سٟتؠ خاندر کرِتھ۔ مگر یہُوداؔ اوس نہٕ انٛدرؠ یژھان زِ سیلؔہ گٔژھ تس سٟتؠ خاندر کرنؠ، تکیازِ تمِس اوس خوف زِ پتہٕ گوٚژھ نہٕ سیلؔہ تہِ مرِتھ گژھُن، یتھ کنؠ تمسنٛدؠ بٔڈؠ بٲے مودؠ۔ مگر تمرؔ مٲنؠ یہُوداؔ سنٛز کتھ تہٕ سۅ گییہِ پننِس مٲلؠ سنٛدِ گرِ روزنہٕ باپتھ واپس۔12کینٛژِ وہرؠ پتہٕ گذرییہِ یہُوداؔ سنٛز گرٕواجنؠ یۅسہ سُوعؔ سنٛز کور ٲس۔ ییٚلہِ تمسنٛدِ تعزیتُک وقت انٛد ووت تہٕ یہوداہَنؔ کوٚر تِمنتچہِؔ تتھ جایہِ گژھنُک فٲصلہٕ یتہِ تمسنٛدؠ نفر تمسنٛدیٚن تیٖرن نیتان ٲسؠ۔ عدلامُک تمسُنٛد دوس حِیرہؔ گو تمِس سٟتؠ۔13تمرسؔ وُن کمؠ تام، "چون ہیرٕبب دراو تِمن نفرن مدد کرنہِ یم تِمنت جایہ تمسنٛدؠ تیٖر نیٚتان چھِ۔"14تمہِ زون زِ سیلہؔ آسہ وُنؠ بالیغ سپدمُت، مگر یہُوداہنؔ دِژ نہٕ تس سۅ تمؠ سنٛز خاندارنؠ بننہٕ خٲطرٕ۔ اوٕ کِنؠ ژھنؠ تمہِ پنٕنؠ مونٛڈٕ پلو کڈِتھ تہٕ درایہ بُرقہٕ لٲگتھ یُتھ نہٕ کانٛہہ پرزٕنٲوتھ ہیٚکیٚس۔ پتہٕ روز سۅ عینیمؔ دروازس پٮ۪ٹھ یُس تِمنت گژھن واجنہِ وتہِ منٛز اوس۔15ییٚلہِ یہُوداؔ دراو تہٕ اتہِ پییَس أمِس پٮ۪ٹھ نظر، تمؠ سونچ زِ یہ آسہ کانٛہہ گٲنؠ توے چُھس کلہٕ ؤلِتھ تھومُت۔ یتھ کنؠ اکثر اتِتھ بہان چھےٚ۔16یہُوواہسؔ اوس نہٕ معلوم زِ یہ چھےٚ تس سنٛز نۅش۔ تہٕ تمؠ وُن تس، "مےٚ دِ پانس نِشہ شونٛگنہٕ۔ تمہِ دتُس جواب، "ژٕ کیاہ دِکھ مےٚ تتھ بدلہٕ؟17تمؠ ونُس، "بہٕ دِمے ژےٚ پننہِ ژھاولؠ کھیٚلہِ منٛزٕ اصل ژھاولؠ بچہ۔ "تمہِ پرِژھُس، "یۅتام بہٕ چانؠ ژھاوج رٹن تۅتام تھاوکھٕ ژٕ مےٚ نِش کینٛہہ گِرو؟"18تہٕ دِتُس جواب، "ژٕ کیاہ چھیٚکھ یژھان بہٕ گوٚژھسے ژےٚ دیُن؟ تمہِ ونُس تورٕ، "ژٕ دِ مےٚ سۅ وٲج یتھ پٮ۪ٹھ چون ناو کھنِتھ چُھ یۅسہ ژےٚ پنَس گنٛڈِتھ نٲلؠ چھےَ، بیٚیہِ دِم یہ لور یۅسہ ژےٚ اتھس کیٚتھ چھےَ۔ "تمؠ تُلؠ تہٕ دِتنَس۔ پتہٕ شونٛگ سُہ تمِس نِش تہٕ سۅ روز گۅبہ کھۅر۔19اتہِ نیرتھ وول تمہِ نقاب بوٚن تہٕ لٲگِن بیٚیہِ پنٕنؠ مونٛڈٕ پلو۔20یہوداہَنؔ دِژ عدلامؔ کِس دوستس اتھِ ژھاوجہِ بچہ تاکہِ سُہ نیٚیہ تس زنہِ تہٕ انہِ تمِس نِش چیز واپس یہ تٔمؠ لفظ کوٚر۔ مگر تمسنٛدِس دوستس آیہ نہٕ سۅ زٔنؠ اتھی۔21تمؠ دوستن پرُوژھ تتہِ روزن والیٚن نفرن، "سۅ گٲنؠ کوٚت گییہِ یۅسہ عینیمؔ سڑکہِ دنٛدِس پٮ۪ٹھ بہِتھ ٲس۔ "تِمو ونُس تورٕ، "یتہِ چھنہٕ زانٛہہ کانٛہہ طوٲیف ٲسمٕژ!22پتہٕ گو سُہ واپس یہُوداہسؔ نِشہ تہٕ وُننَس، "سۅ گٲنؠ لٔج نہٕ مےٚ اتھی۔ اکھتُے وُن تتہِ کیٚو روزن والیٚو زِ یتہِ چھنہٕ زانٛہہ کانٛہہ طوٲیف ٲسمٕژ۔23یہوداہَن ونُس، "تھٲوِن سۅ تِم چیز پانسےٕ یِم مےٚ تس دِتؠ۔ اگر أسؠ سۅ ژھانڈوون لوٗکھ ژٹن اسہِ ٹٲنہٕ۔ مےٚ سوز پنٕنؠ کِنؠ تَس یہ ژھاولؠ بچہ مگر سۅ لجےٕ نہٕ ژےٚ اتھی یُتھ ژٕ تس یہ دِہکھ۔24لگ بگ ترییہِ ریٚتؠ وُن کٔمؠ تام یہوداہَسؔ، "چٲنؠ نۅش چھےٚ گٲنؠ، تہٕ سۅ چھےٚ بیٚیہِ زُووٕ" یہوداہَنؔ وُن، "سۅ کٔڑوون شہرٕ منٛزٕ کھکھرِ تہٕ زٲلِتھ مٲرؠ وون۔25مگر یتُھےٕ تس تِم شہرٕ نیٚبر کڑان ٲسی تہٕ تمؠ دِژ کستام اتھ وٲج تہٕ لورتہٕ وُننَس یہ نہِ یہوداہَسؔ تہٕ تمس ون، "یُس نفر یمن چیزن ہُنٛد مٲلک چُھ سُے چُھ سُہ یمؠ بہٕ بیٚیہِ زُووٕ تھٲوس۔ "تمہِ وُن یتہِ تس وننہٕ باپتھ، "یہ وٲج چُھن، تہٕ أمِچ یہ ڈوٗر تہِ، تہٕ یہ ڈکھونٕچ لور تہِ وچُھن یہ کہنٛز چھےٚ؟"26ییٚلہِ امؠ نفرن یہ کوٚر تہٕ یہوداہَنؔ پرزٕنٲو وٲج تہِ تہٕ لوٗر تہِ۔ تمؠ وُن، سۅ چھےٚ پزرس پٮ۪ٹھ تہٕ بہٕ چُھس غلط تکیازِ مےٚ وُن نہٕ پننِس نیٚچوِس سیلہؔ ہس تمِس سٟتؠ خاندر کرنہٕ باپتھ، یہ زن مےٚ کرنُک تس سٟتؠ وعدہ اوس کوٚمُت۔ "تہٕ پتہٕ گو نہٕ یہُوداؔ زانٛہہ تس نزدیک۔27ییٚلہ تس خلٲصی ہُنٛد موقہٕ ووت، سۅ سپٕز حٲران ییٚلہ تمہِ زون زِ تس سنٛزِ یڈ منٛز چھِ زٕ بچہ۔28ییٚلہ تِم زیٚوان ٲسؠ تہٕ تِمو منٛزٕ کوٚڈ أکؠ پنُن اتھٕ نیٚبر تہٕ دایہ گونٛڈ تمِسنٛدس ۂژِس ۅزُل پن تہٕ ونُن، "یہ زاو گۅڈٕ۔"29مگر تمؠ نیٚو پنُن اتھٕ بیٚیہِ اندر واپس تہٕ اورٕ دراو بیاکھ بچہٕ یہ اوس لڑکہٕ۔ تہٕ تمہِ وُن، "گو نا ژےٚ کٔڈتھ پانے پنٕنؠ وَتھ۔ "اوِ کِنؠ تھوو تمہِ تس فارصؔ ناو۔ یمیُک معنی عِبرٲنؠ زبانہِ منٛز "وَتھ کڈٕنؠ" چُھ۔30تہٕ پتہٕ زاو بیاکھ لڑکہٕ یمِس تمہِ ۅزُل پن گنٛجاو تہٕ تمِس آو زارحؔ ناو تھاونہٕ۔ یتھ عبرانؠ زبانہِ منٛز معنی چُھ "صبحٕچ سُرخی"
Bridge Connectivity Solutions Pvt. Ltd.