پیدٲیش32
1ییٚلہ یعقوبؔ تہٕ تمسنٛدؠ گرٕ وٲلؠ سفرس منٛز ٲسؠ، خدایہ سنٛدِ طرفہٕ آے کینٛہہ فرشتہٕ تِمن سمکھنہِ۔2ییٚلہِ یعقوبن تِم وُچھ تہٕ ونُن، یہ چُھ خدایہ سُنٛد فوج۔ "امہِ موٚکھٕ تھوو تمؠ اتھ جایہِ محنایمؔ ناو۔3یعقوبن وُن کینٛژن شیٚچھِ والٮ۪ن زِ تِم گژھن مےٚ نِش نیرتھ میانِس زٹِھس برادر عیسوؔ ہس نِش۔ یُس عدومؔ چہِ سرِ زمینہ شعیرؔس منٛز روزان چُھ۔4تمؠ وُن تِمن، "بہٕ چُھس یژھان زِ عیسوؔ ہس ؤنِو توٚہؠ: بہٕ یعقوب چُھس چون خٲدِم تہٕ ژٕ چُھکھ میٚون مٲلک۔ بہٕ اوسس پننِس پِتٕر لابنَسؔ سٟتؠ تہٕ ونیُک تام اوسُس تٔتؠ روزِتھ۔5وُنؠ چھِ مےٚ نِش واریاہ چاروٲے، خر، تیر، ژھاوٕلؠ تہٕ زنہِ تہٕ مرد نوکر۔ وُنؠ چُھسے بہٕ ژےٚ یہ پٲغام سوزان، جناب! امید چھیٚم زِ ییٚلہ بہٕ اور واتہٕ تہٕ ژٕ ورتاوَکھ مےٚ سٟتؠ دوستی۔"6قٲصد گے تہٕ واتناوٕکھ یہ شیٚچھ عیسوؔ ہس نِش۔ ییٚلہ تِم یعقوبسؔ نِش واپس آےتہٕ تِمو وُنہَس، "أسؠ ٲسؠ چٲنِس بٔڈس بٲیس عیسوؔ ہس نِشہ گٲمٕتؠ، سُہ چُھ توٚہہِ نِش یورؠ پکان تہٕ تٔمس سٟتؠ چھِ ژور ہتھ نفر۔7یعقوبؔس ژاو ہٲبتھ تہٕ بیٚیہِ سپُد سیٹھاہ پریشان۔ تٔمؠ کٔرؠ پنٕنؠ نفر دوٚن جمٲژن منٛز تقسیم۔ تمؠ کٔرؠ تیرن، ژھاولیٚن، چارواین تہٕ اونٹن تہِ زٕ حصہٕ۔8تٔمؠ سونچ، "اگر عیسوؔ تہٕ تمسنٛدؠ نفر یرو یتھ اسہِ پٮ۪ٹھ حملہٕ کرن تہٕ شاید ما ہیٚکہٕ دوٚیو جمٲژو منٛزٕ اکھ جماتھ بچِتھ۔9پتہٕ موٚنگ یعقوبنؔ دعا، "اے خداوند یہُوواہؔ، یمسنٛز عبادت میانؠ بُڈِ بب ابرہامنؔ تہٕ میانؠ مٲلؠ اسحاقنؔ کٔر، توٚہہِ چُھو مےٚ ونمُت زِ پنُن ملک تہٕ پننٮ۪ن رشتہٕ دارن منٛز گژھِ واپس تہٕ بہ کرٕ ژےٚ سٟتؠ پرٮ۪تھ رنٛگہٕ رُت۔10بہٕ چُھس نہٕ یتھ لایق زِ کرکھ پنُن وعدہ، مےٚ سٟتؠ، پننِس خٲدمس سٟتؠ وفادٲری تہٕ قٲبلِ اعتماد ؤتیرٕ پورٕ۔ ییٚلہ مےٚ حرانؔ گژھن وزِ درؠ یاے یردنس تار دیُت مےٚ ٲس تمہِ وزِ صرف یہ لور سٟتؠ، مگر وُنؠ چُھس بہٕ تیوٗت مالدار زِ مےٚ چھِ زِ مےٚ چھِ زٕ بڈؠ خاندان تہٕ مالٕکؠ زٕ بڈؠ انٛبار۔11اوے چُھسے وۅنؠ بہٕ منٛگان زِ ژٕ بچاو وُنؠ مےٚ پننِس بٲیس عیسوؔ سنٛدِ اتھٕ تلہٕ تکیازِ مےٚ چُھ ہٲبتھ زِ سُہ تہٕ تمسنٛدؠ نفر ین تہٕ کرن مےٚ پٮ۪ٹھ حملہٕ، تِم مارن شُریٚن تہٕ شُریٚن ہنٛزن ماجن۔12مگر یہ مٔشرٲوؠ زیٚنہٕ زِ ژےٚ ونُتھ مےٚ "بہٕ بناوتھ ژٕ ضرور خوشحال تہٕ چٲنؠ ذریاتھ پھٲلاون سمندر بٹھِ کیٚن سیٚکہِ دانن ہنٛدؠ پٲٹھؠ بے شمارٕ۔13امہِ رٲژ شونٛگ یعقوبؔ أتھؠ جایہ۔ بیٚکہِ دوٚہہ صبحٲے ژٲرؠ أمؠ کینٛہہ جانور پننِس بٲیس عیسوؔ ہس تحفہٕ رنگؠ دنہٕ خٲطرٕ14أمؠ کجہِ زٕ ہتھ ژھاوجہ تہٕ وُوہہ ژھاولؠ، زٕ ہتھ گبہِ تہٕ وُوہہ کٹھ،15ترٛہہ اونٹنہِ تہٕ تہِنٛدؠ بچہٕ، ژتجی گاوٕ تہٕ داہ دانٛد، وُوہہ خٔرنہِ تہٕ داہ خر ژٲرتھ۔16أمؠ بنٲوؠ یمن لۅکٕٹؠ لۅکٕٹؠ کھیٚلؠ تہٕ پرٮ۪تھ کھیٚول کۅرُن پننِس اکِس اکِس نوکرس حوالہٕ۔ تمؠ وُن پننٮ۪ن نوکرن، "نیریٚو مےٚ برونٛہہ برونٛہہ اکہِ اکہِ، تہٕ پرٮ۪تھ کھیٚلِس منٛزٕ تھٲیو جاے۔"17تمؠ وُن پننِس نوکرس یُس گوٚڈنکِس کھیٚلِس سٟتؠ اوس، "ییٚلہِ ژےٚ میٚون بوے عیسوؔ سمکھی تہٕ سُہ پرِژھی ژےٚ، ژٕ کُہنٛد چُھکھ تہٕ گژُھن کوٚت چھی تہٕ یم تیر ژےٚ برونٛہہ برونٛہہ چھی یم کوٚت چھی نیٚنؠ؟"18تمِس ؤنؠ زِ "یم چھِ چٲنِس خٲدم یعقوبؔ سنٛدؠ۔ یم جناب سوزؠ نو تٔمؠ توٚہہِ تحفہٕ رنٛگؠ۔ تہٕ سُتہ چُھ اسہِ پتہٕ پتہٕ پکان۔"19تٔمؠ وُن دویمِس تہٕ تریمِس کھیٚلِس رٲچھ کرن والیٚن نوکرن تہِ یی تہٕ باقی رٲچھ درن تہِ تھووُن یی ؤنِتھ۔ أمؠ وُن تِمن، "ییٚلہِ توٚہؠ عیسوؔ ہس سمکھیٚو تہٕ بہٕ چُھس یژھان زِ توٚہؠ ؤنیٚو تس سُے کتھ یۅسہ مےٚ گوٚڈنکِس نوکرس ؤنؠ۔20تہٕ یہ ؤنؠ زیوس ضروٗری زِ چون خٲدم یعقوبؔ تہِ چُھ اسہِ پتہٕ پکان۔ "یعقوبنؔ وُن یہ اوٕ موٚکھٕ ونُن تکیازِ سُہ اوس سونچان، "یم تحفہٕ بہٕ تمِس سوزان چُھس شاید بنَن یم مےٚ سٟتؠ تمسںنٛدِ بہتر ورتاوٕکؠ بٲعِث۔ پتہٕ ییٚلہِ بہٕ سُہ وُچَھن شاید کرِ سُہ مےٚ سٟتؠ رُت سلوٗک۔"21یتھ کنؠ دراے اتہِ تِم نفر یِمن اتھِ تحفہٕ ٲسؠ مگر یعقوبؔ رود پانہٕ امہِ رٲژ خٟمہٕ سےٕ منٛز۔22رٲژ منٛزےٕ وُتھ اکہِ وزِ یعقوبؔ تھوٚد تہٕ پننہٕ خاندارنہِ زٕ، لونٛڈی زٕ تہٕ نیٚچوؠ کاہ سوزِن دریاے یبوقؔ کِس بٔٹِھس پٮ۪ٹھ۔23ییٚلہِ تمؠ پنٕنؠ سٲری بٲژ دریاے یبوقؔ اپور سوزؠ تہٕ تمؠ سوزؠ پنٕنہِ ملکیتٕکؠ سٲری چیز تِمنےٕ سٟتؠ۔24یتھ کنؠ رود یعقوبؔ تتہِ کُنےٕ زُن۔ مگر اکھ نفر آو تہٕ تمؠ لٲج صبحس گاش ینَس تام تمِس سٟتؠ دَب۔25ییٚلہ تمِس نفرس فکرِ توٚر زِ یعقوبسؔ مقابلہٕ ہیٚکہٕ نہٕ بہٕ زینِتھ، تمؠ تروو تمِس زیرِس ٹاس تہٕ تمِس آیہ زیرِس نِش لنٛگٕچ أڈِج نیرتھ۔26پتہٕ وُن تمؠ نفرن، "مےٚ دِیو نیرنہٕ تکیازِ دوٚہلؠ گاش چُہ ینہٕ وول۔ "یعقوبن ونُس در جواب، "نہ، اگر نہٕ ژٕ مےٚ دعا کرکھ، بہٕ دِمے نہٕ ژےٚ نیرنہٕ۔"27تمؠ نفرن وُن تمِس، "چون ناو کیاہ چُھ؟" تمؠ ونُس "یعقوب"28تمؠ نفرن ونُس، "وُنؠ روزی نہٕ ژےٚ یعقوبؔ ناو۔ چون ناو آسہ اسرائیل، تمیُک مطلب گو "سُہ چُھ خدایس سٟتؠ جد و جہد کران" تکیازِ ژےٚ کٔرتھ خدایس تہٕ لوٗکن سٟتؠ جد و جہد تہٕ ژےٚ زیونُتھ۔29یعقوبنؔ ونُس، "وُنؠ ونتہٕ مےٚ پنُن ناو!" تمؠ نفرن ونُس "ژٕ کیازِ چُھکھ مےٚ پرِژھان زِ ناو کیاہ چھی؟ مگر تمؠ کوٚر تتہِ تمِس دعا۔30اوٕ کِنؠ تھوو یعقوبنؔ تتھ جایہ "فنی ایل" یعنی "خدایہ سُنٛد بُتھ" ناو، مطلب اوس مےٚ وُچھ سیدِ سیٚود خدایس کُن مگر یہ کرنہٕ سٟتؠ مودُس نہٕ بہٕ۔31ییٚلہِ یعقوبؔ فنُوایل جایہ نشہٕ دراو آفتاب اوس کھسُن ہیٚوان مگر زیرِس لگنہٕ کِنؠ اوس سُہ لنٛگان۔32تمسنٛدِ زیریُک جوڈ اوس زخمی سپدمُت۔ تتھ وقتس منٛز ٲسؠ نہٕ بنی اسرائیل لٕکؠ لوکھ یعقوبسؔ زیرِ کِس جوڈس لگنہٕ کِنؠ جانورن ہنٛدِ زیریُک ماز کھیٚوان۔
Bridge Connectivity Solutions Pvt. Ltd.