پیدٲیش30
1راخِلہِؔ سپُد یہِ احساس زِ سۅ چھنہٕ گۅبہِ کھورٕ روزِتھ ہیٚکان۔ اوٕ کِنؠ ہیٚتُن تس پننہِ بجہِ بیٚنہٕ لیاہؔ بُنٛد حسد وتُھن، تکیازِ لیاہؔ دیُت ژورن شُرین زایُن۔ تمہِ وُن یعقوبسؔ، "مےٚ تھاو گۅبہِ کھورٕ تاکہِ مےٚ زیٚون شُرؠ۔ اگر نہٕ ژےٚ تہِ کٔرتھ ہیٚکُتھ تیٚلہِ مرے بہٕ!2یعقوبسؔ کھوٚت راخِلہِ پٮ۪ٹھ شرارتھ تہٕ لگُس وننہِ، "بہٕ چُھس نہٕ خدا۔ سُہ چُھ سُے یمؠ نَہ ژےٚ گۅبہِ کھورٕ روزنہٕ دِتُےٕ!"3پتہٕ ونُس تمہ، "وُچھ سہ، میانؠ داے بِلہاؔ چھےٚ یتہِ تمِس نِشہ شونٛگ تاکہِ سۅ دییہِ میانہٕ بدلہٕ بچن زایُن۔ یُتھ قانونی طور تِم میانؠ بچہٕ بنَن۔4تہٕ پنٕنؠ لونٛڈی بِلہاؔ تس حوالہٕ کٔرتھ بنٲون سۅ تَس بیاکھ زنانہٕ تہٕ یعقوبؔ شونٛگ تس نِشہ۔5سۅ روز گۅبہِ کھورٕ تہٕ یِتھؠ کِنؠ زاو یعقوبس نیٚچو۔6راخِلہِؔ وُن، "خداین کوٚر مےٚ سٟتؠ انصاف۔ ییٚلہِ مےٚ تس فرؠ یاد کوٚر تہٕ تٔمؠ بوز میٚون فریاد، تٔمؠ سُنٛد انصاف اوس مےٚ نیٚچو دیٚون۔ تمہِ تھوو تمِس دانؔ ناو۔ عِبرٲنؠ زبٲنؠ منٛز گو دان "سُہ چُھ مےٚ انصاف دِوان۔"7پتہٕ روز راخِلہِؔ ہنٛز لونڈی بِلہاؔ دُبارٕ بیٚیہِ زُووٕ تہٕ دتُن یعقوبؔ سنٛدِس بیٚکِس نیٚچوِس زایُن۔8تمہِ وزِ ؤژھ راخِلؔ، "مےٚ کٔر سیٹھاہ جد و جہَد تہٕ پننہِ بجہِ بیٚنہِ ہنٛدؠ پٲٹھؠ چھِ میتہِ بچہٕ، تہٕ یقینن چُھ مےٚ یہِ نیٚچو۔ "لہٰذا تھوو تمہِ تس نفتالیؔ ناو، یمیُک مطلب عِبرٲنؠ زبٲنؠ منٛز "جد و جہَد" چُھ۔9ییٚلہ لیاہؔ ژیٚون زِ تس چُھنہ وں کانٛہہ اولاد تہٕ تمہِ تُج پنٕنؠ لونٛڈی زلفہؔ تہٕ نِین یعقوبسؔ نِش تہٕ بنٲون سۅ تمؠ سنٛز بیاکھ زنانہٕ بناونہٕ باپتھ۔10لیاہؔ سنٛز زلفہؔ روز جلدےٕ گۅبہِ کھورٕ تہٕ دتُن یعقوبؔ سٕنٛدِس نیٚچوِس زایُن۔11لیاہؔ ہہِ وُن، "بہٕ چھیٚس پٔزؠ پٲٹھؠ خوش قسمت!" تہٕ تمہِ تھوو تس جدؔ ناو، مطلب "خوش قسمت۔"12پتہٕ دیُت لیاہؔ ہنٛزٕ لونڈی زلفہؔ ہن یعقوبؔ سنٛدِس بیٚیِس أکِس نیٚچوِس زایُن۔13لیاہؔ ہہِ وُن، "وُونؠ چھیٚس بہٕ زیادے خوش، تہٕ لوٗکھ تہِ زانن مےٚ خوش۔ توے تھوو تٔمؠ تَس آشرؔ ناو، یعنی "خوش۔"14یمہِ وقتہٕ تِم کنٕکھ لونان ٲسؠ تہٕ رُوبِنؔ دراو کھہَس کُن نظرِ تہٕ اتہِ وُچھ تٔمؠ "مردُم گیاہ" کُلؠ۔ تٔمؠ أنؠ یمو منٛزٕ کینٛہہ پننہِ ماجہِ لیاہؔ نِش۔ مگر راخِلؔ ٲس یمن وُچھان تہِ تمہِ وُن لیاہؔ ہہ، "مہربٲنی کٔرِتھ دِتہٕ یمو کُلیٚو منٛزٕ کینٛہہ کُلؠ میٚتہِ یمہٕ چٲنؠ نیٚچیو ژےٚ نِش أنؠ۔15مگر لیاہؔ ؤژھٕس یورٕ، "نَہ! یہِ گو ناکارٕ، ژےٚ نیٚوتھن میٚون خاونٛد ورگہٕ لٲوِتھ! تہٕ وُونؠ نِکھا میانِس نیٚچو سنٛدؠ یم کُلؠ تہِ؟" راخِلہِؔ ونُس، "ٹھیک چُھ، "اگر ژٕ مےٚ نیٚچو سنٛدؠ یم کینٛہہ کُلؠ دِکھ تیٚلہِ شونٛگہِ از راتس یعقوبؔ ژیی نِش۔ "اوٕ کِنؠ مٲنؠ لیاہؔ راخِلٕنؠ یہِ کتھ۔16ییٚلہ یعقوبؔ امہِ دوٚہہ شامس کٕنکہٕ کھہہ پٮ۪ٹھٕ واپس آو تہٕ لیاہؔ درایس بُتھِ تہٕ وُننَس، "ژےٚ چھی از راتس مےٚ نِش شونٛگُن، تکیازِ مےٚ دِتؠ راخِلہِؔ مردُم گیاہ کُلؠ اوٕ موٚکھ تاکہِ سۅ دییہ اسہِ یہِ کرنُک اجازت۔ یتھ کِنؠ شونٛگ یعقوبؔ امہِ رٲژ أمسےٕ نِش۔17خداین کوٚر لیاہؔ ہُنٛد دُعا قبول، سۅ روز بیٚیہِ زُووٕ تہٕ زاس یعقوبُن پانٛژِم نیٚچو۔18لیاہؔ ہہِ وُن، "خداین دیُت مےٚ انعام تکیازِ مےٚ بنٲو پنٕنؠ لونڈی پننِس خاندارٕ سنٛز دویم زنانہٕ۔ "امہِ کِنؠ تھوو تمہِ تمسُنٛد ناو اشکارؔ۔ اشکارک معنی گو عِبرٲنؠ زبٲنؠ منٛز انعام۔19امہِ پتہٕ روز لیاہؔ ببیہِ گۅبہ کھوٚر تہٕ زاو یعقوبُنؔ شییِم نیٚچو۔20امہِ وزِ وُن لیاہنؔ، "خداین دیُت مےٚ اکھ قٟمتی تحفہٕ۔ ووُنؠ کرِ میٚون خاندار مےٚ عزت، تکیازِ مےٚ دیُت تمسنٛدِ خٲطرٕ شیٚن نیٚچوٮ۪ن زایُن۔ اوٕ کِنؠ تھوو تٔمؠ أمِس نیٚچوِس زبُلُون ناو۔21امہِ پتہٕ دیُت تمہِ أکِس کورِ زایُن یمِس دینہؔ ناو کوٚرُکھ۔22پتہٕ سوونٛچ خداین زِ راخِلؔ کیاہ چھےٚ یژھان۔ تٔمؠ بوز تمسُنٛد دُعا تہٕ بنٲون بیٚیہِ زُووٕ روزنَس قٲبل۔23سۅ روز گۅبہِ کھورٕ تہٕ زاس اکھ لڑکہٕ۔ تمہِ وُن، "خداین کٔرس نہٕ بہٕ اولاد نَہ آسنہٕ کِنؠ مذید شرمنٛدٕ۔24تمہِ تھوو تمِس یوسفؔ ناو، عِبرٲنؠ زبٲنؠ منٛز چُھ امیٚک مطلب "یہُوواہؔ ہن دیُت مےٚ نیٚچو۔"25ییٚلہ راخِلؔہِ یوسفؔ زاو تہٕ یعقوبؔ وُتھ تہٕ ونُن لابنَس، "ووُنؠ دِیو مےٚ اجازت زِ بہٕ تراوٕ تُہنٛز کٲم کرٕنؠ تہٕ نیرِ پنُن وطن کُن واپس۔26توٚہؠ چُھو زانان زِ مےٚ کیاہ کوٚر تُہنٛدِ باپتھ۔ لہٰذا دِیو مےٚ پننہِ گرٕ واجنہِ تہٕ شُرؠ نِنُک اجازت یہنٛدِ باپتھ مےٚ تُہنٛز کٲم کٔر تاکہِ تِم حٲصل کٔرتھ نیرٕ واپس۔"27مگر لابنؔ وُتھ تس در جواب زِ اگر ژٕ مےٚ رٲضؠ چُھکھ تیٚلہِ روز تہٕ یتؠ تکیازِ مےٚ وُچھ اکہِ جادوئی عملہِ ہنٛدِ ذریعہ زِ ژےٚ یہِ کینٛژھا میانہِ خٲطرٕ کۅرتھ تمہ کہ وساطتہٕ کٔر مےٚ یہُوواہؔ ہن کٲفی برکت۔28مےٚ ونتہٕ میانؠ کٲم کرٕنؠ جٲری تھٲوِتھ کیاہ چُھکھ ژٕ مےٚ نِش طلب کرُن یژھان، تہٕ بہٕ دِمے ژےٚ تتہِ۔"29یعقوبنؔ ونُس، "توٚہؠ چُھو زانان زِ کتھٕ کِنؠ کٔر تُہنٛدِ باپتھ کٲم تہٕ توٚہہِ وُچھو زِ تُہنٛدؠ چاروٲے کٲتیاہ ہُریاے ییٚلہ مےٚ تہنٛز رٲچھ راوٕٹ کٔر۔30میانہِ یور ینہٕ برونٛہہ ٲسؠ توٚہہِ کٔژتامےٕ چاروٲے۔ مگر وُنؠ چھِ توٚہہِ نِش چارواین ہنٛدؠ بٔڈؠ کھیٚلؠ تہٕ یپٲرؠ تہٕ یم مےٚ نی تپٲرؠ کرنکھ یہُوواہنؔ برکتھ۔ مگر وُونؠ چھےٚ مےٚ پننہِ خاندانچن ضروٗرژن ہنٛز فِکر کرٕنؠ۔31لابنؔ وتُھس در جواب، "ژٕ کیاہ چُھکھ یژھان، بہٕ گوٚژھسے ژےٚ دیُن؟ یعقوبنؔ ونُس، "بہٕ چُھس نہٕ یژھان زِ ژٕ گوژھکھ مےٚ کینٛہہ دیُن۔ مگر اگر ژٕ میانہِ باپتھ اکھ کٲم کرَکھ تہٕ بہٕ روزٕ چون جب رچھان تہٕ تتھ رٲچھ راوٕٹ کران۔32مےٚ دِیو اجازت از گژھٕ بہٕ تہٕ چٲنِس سٲرؠ سےٕ کھیٚلِس دمہٕ نظر تہٕ تمہِ منٛزٕ کڑکھ ساری ڈبہٕ ہارؠ، ٹیٚکؠ دار تہٕ کریٚہنؠ چھرٕ تہٕ ژھاوجہِ نیٚبر۔ بہٕ چُھسکھ تمہٕ پننہِ خٲطرٕ تھاوٕنؠ یژھان۔ سُے گییہِ میانؠ اُجرت۔33امہِ سٟتؠ ترِ توٚہہ آینٛدٕ فکرِ زِ یہِ کینٛژھا توٚہہِ مےٚ دِتو، بہٕ چُھسا تتھ نیسبت ایماندار کِنہ نَہ۔ اگر نہٕ میانیٚو ژھاوجیو منٛز کانٛہہ ہور اوس یا ٹیٚوک اوسس نہٕ یا کانٛہہ چھرٕ کرِہُن اوس نہٕ توٚہؠ ہکیٚو زٲنِتھ زِ سُہ چُھ مےٚ توٚہہِ ژورِ نِمُت۔34لابننؔ کوٚر اتھ سٟتؠ اتفاق تہٕ ونُن، "آ، یی کرو یتھٕ پٲٹھؠ ژےٚ ونُتھ۔"35مگر امی دوٚہہ کٔڈؠ لابنَنؔ سٲری مونٛگر یمن کریہِن تہٕ سفید داغ، یا ڈبہٕ ہٲرؠ ٲسؠ تہٕ تمام ژھاوجہِ یم ڈبہٕ ہارِ آسہٕ، تہٕ تم ژھاولؠ یم گیٚشامؠ ٲسؠ، تہٕ تم سٲری چھرٕ یم کریٚہنؠ ٲسؠ تیر کھیٚلہِ منٛزٕ الگ، تہٕ کرِن پننٮ۪ن نیٚچوٮ۪ن حوالہٕ۔36پتہٕ نی لابنؔ تہٕ تمسنٛدیو نیٚچیو تمہٕ جانور تتہِ پٮ۪ٹھٕ تریٚن دوٚہُن ہنٛزِ وتہِ دور یتِتھ یعقوبؔ اوس۔ تہٕ یعقوبؔ رود لابنؔ سنٛدِس باقی جبَس رٲچھ راوٕٹ کران37پتہٕ أنؠ یعقوبنؔ بونہِ، بادام تہٕ پھرٛیسَن ہنٛدؠ شاخ ژٔٹِتھ۔ امہِ پتہٕ تُل تٔمؠ تِمن لنجن دٮ۪ل۔ لنجن دٮ۪ل تُلِتھ دراو تِمن سفید رنٛگ نوٚن۔38پتہٕ تراوِ تٔمؠ تمہٕ سفید لورٕ تتھ آبہٕ ہوضس منٛز یتھ منٛز چارواین تریشہٕ خٲطرٕ آب اوس تراونہٕ یوان، یُتھ زن تیرَن تریش چیٚنہٕ وزِ تِمن پٮ۪ٹھ نظر پییہِ ہے۔39جانورو تہِ کٔر یمن شاخن برونٛہہ کنہِ صحبت، تہٕ پتہٕ دِتؠ تِمو جانورو تِم ژھو یم داغدار تہٕ ڈبہٕ ہٲرؠ ٲسؠ یا تِم جانور یمن سفید تہٕ کریہنہِ رٕکھٕ آسہٕ۔40امہِ پتہٕ اوس واریہن ورؠ ین یعقوبؔ لابنؔ سنٛدِ جبہٕ منٛزٕ ہیٚتھےٕ گبیٚن، باقی چِھرن تہٕ ژھاولیٚن نِش الگ کڈان۔ ییٚلہِ تِم صحبت کران ٲسؠ سُہ اوس تِمن کریہنیٚن تہٕ سفید داغہٕ والیٚن جانورن کُن تہٕ کریہنہِ رنٛگہٕ کیٚن جانورن کُن پِھران۔ تہٕ یتھٕ کِنؠ دِتؠ تِمو اکی قسمٕکؠ نشانہٕ وٲلؠ ژھو۔ پتہٕ اوس سُہ تِم جانور لابنؔ سنٛدِ کھیٚلہِ منٛزٕ الگ کٔڈتھ پانس کِتؠ تھاوان۔41امہِ علاوٕ ییٚلہِ تہِ کانٛہہ زُو دار گٔب ژھو دِنہٕ خاطرٕ تیار سپدان ٲس یعقوبؔ اوس تمِس برُنٛہہ کنہِ تِمو زٕجمَژو لوریٚو منٛزٕ کینٛہہ لورِ تھاوان تاکہِ یمن لوریٚن برونٛہہ کنہِ لگن تِمہٕ۔42وُنؠ ییٚلہِ کمزور جانور چھگہِ ٲسؠ یوان تیٚلہِ ٲسؠ نہٕ تِمن برونٛہہ کنہِ یم لورِ تھاوان۔ تہٕ تِم ٲسؠ لیٚژؠ چِھر تراوان۔ یم لابن سنٛدِس جبَس منٛز روزان ٲسؠ، تہٕ زُوو دار ٲسؠ یعقوبؔ سنٛدِ جبٕکؠ حصہٕ بنان۔43نتیجہٕ دراو یہِ زِ یعقوبؔ سپُد امیر۔ سُہ بنیاو اکہٕ بڈِ جبُک مٲلک، تمِس ٲسؠ واریاہ زنہِ تہٕ مہنیٚوؠ غلام، اونٹ تہٕ خر تہِ ٲسِس۔
Bridge Connectivity Solutions Pvt. Ltd.