پیدٲیش29
1یعقوبؔ رود وتہ پکان یۅتام سُہ کنعان ملکہٕ کِس مشرقی علاقس منٛز ووت۔2تتہ وُچھ تٔمؠ أکِس کھہَس منٛز اکھ کریٚور تہٕ اتھ کریرس نِش تیرن ہنٛدؠ ترٛےٚ جب بہِتھ۔ یہِ اوس سُہ کریٚور یتِتھ اکثر پہلؠ تیرن ریش ٲسؠ چیاوان۔ کریرِ کِس گٔلِس پٮ۪ٹھ ٲس اکھ بٔڈ کٔنؠ۔3ییٚلہ سٲری کھیٚلؠ تتہِ جمع گژھان ٲسؠ تہٕ پہلؠ ٲسؠ یکہٕ وٹہٕ سمِتھ کریرِ گلہِ پٮ۪ٹھٕ یہِ کٔنؠ تھوٚد تلان تہٕ تیرو باپتھ تریش کھالان۔ ییٚلہ یہِ کٲم تِم موکلاوان ٲسؠ تہٕ یہِ کٔنؠ ٲسؠ تم بیٚیہِ کریرِس پٮ۪ٹھ تھاوان۔4امہِ دوٚہہ پرُوژھ یعقوبنؔ پہلیٚن یم تتہِ بہِتھ ٲسؠ زِ توٚہؠ کتِکؠ چُھو؟ تِمو دِتُس جواب، "أسؠ چھِ حارانؔ شہرٕکؠ روزن وٲلؠ۔5پتہٕ پرُژھنکھ تٔمؠ، "کیاہ توٚہؠ زٲنؠ وونا نحورؔ سُنٛد نیٚچو لابنؔ؟" تِمو ونُس، "آ، أسؠ زانوون سُہ۔"6یعقوبن پرُژھ تِمن، "کیاہ سُہ لابن چھا ٹھیکھۓ؟ تِمو دِتُس جواب، آ، سُہ چُھ ٹھیک۔ وُچھ، یور چھےٚ تمؠ سنٛز کور راخِلؔ تیرن سٟتؠ آمٕژ۔7یعقوبنؔ وُن، "وُنہ ہے دوٚہہ لوسنے چُھ۔ یہِ کتہِ چُھ وق ییٚلہ تیر راتس خٲطرٕ رٹِتھ تھاووکھ۔ توٚہؠ کیازِ چُھو نہٕ تیرن تریش دِوان تہٕ گاسہٕ مٲدانن کُن بیٚیہِ رچھنہِ کڈان؟8تِمو دتُس تورٕ جواب، "نَہ، أسؠ ہیٚکو نہٕ تہِ کٔرتھ یۅتام نہٕ سٲری کھیٚلؠ یتِتھ جمع گژھن۔ تہٕ کریرِ پٮ۪ٹھٕ ییہِ کٔنؠ تُلنہٕ۔ امہِ پتہٕ دِمو أسؠ تیرن تریش۔"9یمہٕ ٲسؠ وُنہِ کتھےٕ کران تہٕ راخِلؔ آیہ پننِس مٲلؠ سنٛدؠ تیر ہیٚتھ۔ سۅ ٲس پننِس مٲلؠ سنٛدؠ تیر سرچاون واجِنؠ۔10ییٚلہ یعقوبنؔ پننِس مام لابنؔ سنٛز کور راخِلؔ تہٕ لابن سنٛدؠ تیر وُچھ سُہ وُتھ تھوٚد تہٕ تجِن کریرِس ٹھان تھاونہٕ آمٕژ کِنؠ پانے تھوٚد، تہٕ أنِنؠ پننِس مامہٕ سنٛدین تیرن باپتھ تریش۔11پتہٕ کٔرؠ یعقوبنؔ راخِلہِؔ بُتھِس میٹھؠ تہٕ لوٚگ زورٕ زورٕ ریٚونہِ تکیازِ سُہ اوس سیٹھاہ خوش۔12یعقوبنؔ وُن راخِلہؔ زِ بہٕ چُھسے ژےٚ مٲلؠ سنٛدیو رشتہٕ دارو منٛزٕ اکھ، یُس چانہِ ماسہِ رِبقہؔ ہُن نیٚچو چُھ۔ تمہِ تُج کُنے دو تہٕ ونُن پننِس مٲلِس۔13یتُھےٕ لابنَنؔ بوز زِ تمؠ سنٛزِ بیٚنہِ ہُنٛد نیٚچو یعقوبؔ چُھ ہُتِتھ سُہ دوریٚو جلدےٕ تمِس نِش۔ تٔمؠ روٚٹ سُہ نالہٕ متہِ تہٕ کٔرؠ نس ماہ تہٕ میٹھؠ۔ پتہٕ اوٚن تٔمؠ سُہ پنُن گرٕ، تہٕ یعقوبنؔ وُن تس تہِ سورےٕ یہِ تس سٟتؠ گُزریامُت اوس۔14لابنَنؔ وُن پتہٕ تمِس، "پٔزؠ پٲٹھؠ، چُھکھ ژٕ میانہِ خاندانہٕ منٛزٕ۔ یعقوبؔ رود أکِس ریٚتس تمِس نِشہ تہٕ اوس لابنَس الزان پلزان۔15پتہٕ وُن لابنَن یعقوبسؔ، "ژمہٕ آس مےٚ صرِف امہ موٚکھٕ میانؠ کٲم کران زِ ژٕ کیاہ چُھکھ میٚون رشتہٕ دار۔ مےٚ ون زِ ژےٚ کوتاہ رقم دِمے بہٕ؟"16لابنَس آسہٕ زٕ کورِ۔ بجہِ ہشہِ کورِ اوس لیاہؔ ناو تہٕ لۅکچہ ہشہِ راخِلؔ۔17لیاہؔ ٲس ہنا چُپہٕ پہَن تہٕ راخِلؔ ٲس خوشوٕنؠ تہٕ خوبصورت۔18یعقوبسؔ اوس راخِلہِؔ سٟتؠ عشق گوٚمُت، تہٕ تٔمؠ وُن، "بہٕ کرے ژےٚ ستَن ورؠ ین خدمت۔ تہٕ یہِ خدمت آسہ تتھ عِوض اگر ژٕ مےٚ پننہِ لۅکچہ کورِ راخِلؔ سٟتؠ خاندر کرنُک اجازت دِکھ۔19لابنَن دتُس جواب، "میانہِ خٲطرٕ چُھ یہِ بہتر زِ کانٛسہ وُپرس سٟتؠ خاندر کرنہٕ بجایہ کرٕ بہٕ تس ژےٚ سٟتؠ خاندر۔ مگر تیٚلہ پٔزی ژےٚ یتؠ اسی سٟتؠ روزُن۔20یتھ کِنؠ رود یعقوبؔ ستن ورؠ ین لابن سنٛدِ گرِ کٲم کران، سُہ اوس راخِلہؔ سٟتؠ تیوٚت محبت کران زِ تس باسیاے یم ستتھ ؤری زنتہٕ کٔژتام دوٚہے۔21ستتھ وری گٔژھتھ وُن یعقوبنؔ لابنَسؔ، "ووُنؠ کرٕ بہٕ راخِلؔ سٟتؠ خاندر تکیازِ یُس وقت مےٚ چٲنؠ خدمت کرنہٕ باپتھ مقرر کوٚرمُت اوس سُہ سپُد ختم، تہٕ وُنؠ چُھس بہٕ یژھان تس سٟتؠ خاندر کرُن۔"22اوٕ کِنؠ سونٛبرٲوؠ لابنَنؔ تِم سٲری لوٗکھ یم تتھ علاقس منٛز روزان ٲسؠ تہٕ دیُتنکھ سال۔23مگر امہ دوٚہہ شامس أنِکھ یعقوبسؔ نِش راخِلؔ سنٛزِ بجایہ لابنؔ سنٛز بٔڈ ہِش کور لیاہؔ۔ امہِ ساعتہٕ اوس انہِ گوٚٹ یمہِ کِنؠ نہٕ تٔمؠ وُچھتھےٕ ہیٚوک زِ یہِ چھےٚ لیاہؔ نَہ زِ راخِلؔ، سُہ وُتھ تہٕ شونٛگ تس نِش۔24لابنَنؔ ٲس گۅڈے پنٕنؠ لونٛڈی زلفہؔ پننہِ کورِ لیاہؔ دِژمٕژ تمؠ سنٛز لونڈی بننہٕ باپتھ۔25امہِ دوٚہہ صُبحٲے گو یعقوبؔ یہِ وُچِھتھ حٲران زِ یہِ چھےٚ لیاہؔ یۅسہ مےٚ سٟتؠ شونٛگِتھ ٲس۔ سُہ وُتھ تہٕ گو لابنَسؔ نِش تہٕ ونُن تس شرارتہٕ سان، "یہِ کینٛژھا ژےٚ مےٚ سٟتؠ کۅرتھ یہِ گو نہٕ جان۔ بہٕ رودُس ژےٚ نِش راخِلؔ حٲصل کرنہٕ باپتھ کامہِ۔ مےٚ کٔر نا کٲم؟ تہٕ ژےٚ کیازِ دِتُتھ مےٚ دونٛکھٕ؟"26لابنَنؔ ونُس اورٕ، "یتھ ملکس منٛز چُھنہٕ یہِ ریٚواج زِ أسؠ تھاوون زِٹھ کور أتی تہٕ کانٛسہِ کورِ کرو خاندر۔27ییٚلہ أسؠ یتھ ہفتَس منٛز یمہِ خاندرٕچ ۅسہٕ درۅسہٕ موکلاوو تمہِ پتہٕ دِمووے ژےٚ لۅکچہ کورِ سٟتؠ تہِ خاندر کرنہٕ۔ مگر امہِ خٲطرٕ چھی ژےٚ مذید ستن ورؠ ین مےٚ نِش کامہِ روزُن تہٕ راخِلؔ حٲصل کرٕنؠ۔28تہٕ یعقوبنؔ کوٚر یی۔ اکہِ ہفتُک یہِ جشِن موکلٲوِتھ دِژ لابنَنؔ پنٕنؠ کانٛس کور راخِلؔ تمِس نیتٕرؠ۔29لابنَن دِژ پنٕنؠ لونٛڈی بِلہاؔ راخِلؔ سنٛز خٲدمہ بننہٕ باپتھ۔30یتھ کِنؠ کٔر یعقوبنؔ راخِلؔ تہِ نیتٕرؠ تہٕ سُہ اوس لیاہؔ سنٛدِ کھۅتہٕ زیادٕ محبت راخِلہِؔ سٟتؠ کران۔ تٔمؠ کٔر مذید ستَن ورؠ ین لابنَس نِش کٲم۔31ییٚلہِ یہُوواہؔ ہَن یہِ وُچھ زِ یعقوبؔ چُھنہ لیاہؔ سٟتؠ زیادٕ محبت ورتاوان تہٕ تٔمؠ بنٲو سۅ گۅبہِ کھورٕ بناونَس قٲبل۔ تہٕ راخِلؔ ہیٚچ نہٕ گۅبہِ کھورٕ روزِتھ۔32لیاہؔ دیُت أکِس لٔڑکس زایُن یمِس رُوبِنؔ ناو تھووُکھ۔ تمہِ وُن، "یہُوواہنؔ وُچھ زِ بہٕ چھیٚس غمگین تہٕ تٔمؠ دیُت مےٚ نیٚچو۔ وۅنؠ کرِ ضرور میٚون خاندار مےٚ سٟتؠ محبت تکیازِ مےٚ دیُت تسنٛدِس اولادس زایُن۔"33پتہٕ روز سۅ دُبارٕ بیٚیہِ تہِ بیٚیہِ زُووٕ تہٕ زاس بیاکھ لڑکہٕ۔ تمہِ وُن، "یہُوواہنؔ چُھ بوزمُت زِ میٚون خاندار چُھنہٕ مےٚ سٟتؠ لول ورتاوان، اوے دِتُن مےٚ یہِ بیاکھ گۅبُر۔ "اوٕ کِنؠ تھوو تمہِ تمِس شمعون ناو، مطلب "کانٛہہ چُھ بوزن وول۔"34پتہٕ روز سۅ بیٚیہِ حٲملہٕ تہٕ زاس بیاکھ لڑکہٕ۔ تہٕ ونُن، آ، وُنؠ کیا سہ ییہِ مےٚ پنُن خاندار نزدیک۔ "امہِ کِنؠ کوٚرُن أمِس نیٚچوِس لاوی ناو۔ مطلب "نزدیک تھاون۔"35امہِ پتہٕ روز سۅ بیٚیہِ تہِ گۅبہِ کھورٕ تہٕ زاس بیاکھ نیٚچو۔ پتہٕ وُن تمہِ، "یمہٕ وزِ کرٕ بہٕ یہُوواہؔ سُنٛد شکرانہٕ۔ "تمہِ تھوو تمِس یہُوداؔ ناو۔ تمہِ پتہٕ دیُت نہٕ تمہِ مذید کٲنٛسہِ شُرِس زایُن۔
Bridge Connectivity Solutions Pvt. Ltd.