پیدٲیش28
1پتہٕ اوٚن اسحاقنؔ یعقوبؔ بلٲوِتھ تہٕ کوٚرنَس دُعا۔ تٔمؠ وُن تمِس: "کنعان قومچہ کانٛسہ زنہِ سٟتؠ کٔرؠ زینہٕ ژٕ خاندر۔2بلکہ گژھِ ژٕ جلدےٕ فدن ارامؔ پنُن ماتامال بیتوایلؔ سُنٛد گرٕ۔ پننہِ ماجہ ہنٛدِس بٲیس لابنؔ سنٛزو کوریٚو منٛزٕ ون کانٛسہِ أکِس زِ سۅ کرِ ژےٚ سٟتؠ خاندر۔3بہٕ کرے دعا زِ قدرت وول خدا کٔرؠ نےَ ژےٚ برکت تہٕ بیٚیہِ بنٲونے واریاہ اولاد پٲدٕ کرنس قٲبل یُتھ تم مختلف لوٗکن ہنٛدؠ ونٛڈٕ بناون۔4بہٕ کرے یہِ دعا تہِ زِ چےٚ تہٕ چانیٚن اولادن کٔرن برکت تہٕ ژےٚ بنٲوؠ نےَ تتھ ملکس پٮ۪ٹھ قٲبض یتھ منٛز ژٕ وُونؠ أکِس پردیسی سٕنٛدِ حثیتہٕ روزان چُھکھ، سُہ ملک یُس خداین ابرہامؔ تہٕ تمسنٛدین اولادن دِنُک وعدہ چُھ کوٚرمُت۔"5پتہٕ سوز اسحاقنؔ یعقوبؔ فدن ارامؔ رِبقہ سٕنٛدِس بٲیس لابنؔ بنِ بیتوایلؔس نِش روزنہٕ باپتھ یُس ارامی قبیلس سٟتؠ تعلق اوس تھاوان۔ یہِ ٲس سۅ رِبقہؔ یمہِ پتہٕ یعقوبسؔ تہٕ عیسوؔ ہس زایُن دِژاو۔6عیسوؔ ون زون یہِ زِ تمسنٛدؠ مٲلؠ اسحاقنؔ کوٚر یعقوبس دُعا تہٕ پتہٕ سوزُن فدن ارامؔ۔ تمِس لوٚگ یتہِ پےَ زِ ییٚلہ تمسنٛدؠ مٲلؠ یعقوبسؔ دعا کوٚر تہٕ تٔمؠ وُن تمِس، "کنعان قومچہ کانٛسہِ کورِ سٟتؠ کٔرؠ زینہٕ خاندر۔"7تہٕ یعقوبنؔ کٔر پننِس مٲلِس ماجہِ ہنٛز فرمانبردٲری تہٕ گو فدن ارامؔ8عیسوؔ ون زون یتہ زِ تمسنٛدس مٲلس اضحاقسؔ چھنہٕ کنعان قومچہ کورِ خوش کران۔9امہ کِنؠ گو عیسوؔ پننِس رشتہٕ دار اسماعیلسؔ سمکھنہِ تہٕ اسماعیل سنٛزِ کورِ مہلِتؔ سٟتؠ کوٚرن خاندر۔ مہلِتؔ ٲس نبایوتؔ سنٛز بیٚنہِ تہٕ ابرہامسؔ نیٚچوؠ سنٛز کور۔10اتھؠ دوران دراو یعقوبؔ بیرسبعؔ منٛزٕ تہٕ گو حارانؔ کُن روانہٕ۔11ییٚلہ سُہ أکِس خاص جایہ ووت تہٕ تتہ رُکیاو تکیازِ دوٚہہ لوس۔ تمؠتُج تتہ موجود کنیٚو منٛزٕ اکھ کٔنؠ تہٕ تھٲون کلس تلشانٛدٕ گونٛدِ بدل۔ پتہٕ تراون تٔتی ڈاپھ تہٕ شونٛگ۔12شونٛگنس دوران وُچھ تٔمؠ اکھ خواب یتھ منٛز تٔمؠ اکھ ہیر وُچھ۔ ہیر ٲس بُنہٕ زمینَس پٮ۪ٹھ تہٕ پٮ۪ٹھٕ آسمانس سٟتؠ۔ یعقوبن وُچھ یتہِ زِ خدایہ سنٛدؠ فرشتہ ٲسؠ ہیرِ کھسان تہٕ وسان۔13پتہٕ وُچھ تٔمؠ یہُوواہؔ ہیرِ پٮ۪ٹھٕ کنہِ کھڑا، تہٕ ونان اوس، زِ بہٕ چُھس یہُوواہؔ سُہ خدا یمؠ سنٛز عبادت چٲنؠ بُڈِ بب ابرہامنؔ تہٕ اسحاقؔن کٔر۔ بہٕ دِمے ژےٚ تہٕ چانیٚن اولادن سۅ زمین یتھ پٮ۪ٹھ ژٕ شونٛگِتھ چُھکھ۔14چٲنؠ ذریاتھ آسہ زمینس پٮ۪ٹھ لژھِ ہنٛدؠ پٲٹھؠ بےشمار تہٕ تِہنٛد علاقہٕ آسہ سیٹھاہ وسعی۔ یم پھٲلن پرٛتھ طرفہٕ، مشرق تہٕ مغرب، شمال تہٕ جنوٗبس منٛز۔ بہٕ کرٕ چانہِ تہٕ چانیٚن زُرین ہنٛدِ وساطتہٕ زمینہ پٮ۪ٹھٕ کیٚن تمام قبیلن تہٕ لُکہٕ جمٲژن برکتھ۔15بہٕ کرے ژےٚ مدد، یوٚت تہٕ ژٕ گژھکھ تتہِ کرے بہٕ حفاظت تہٕ بیٚیہِ انَتھ یتھ ملکس منٛز واپس۔ بہٕ تراوِتھ نہٕ ژٕ بہٕ کرٕ چانہِ باپتھ تہِ سورےٕ یمیُک مےٚ وعدہ کوٚرمُت چُھ۔16راتھ کیُت ییٚلہ یعقوبؔ ہُشار گو تہٕ تٔمؠ سونچ، "یقینن چُھ یتھ جایہ یہُوواہؔ مگر ونیُک تام ٲس نہٕ مےٚ امِچ خبر۔"17سُہ کھوژ تہٕ لوٚگ وننہِ، "یہِ جاے چھےٚ خوفناک۔ پزی چھےٚ یہِ سۅ جاے یتہِ خدا روزان چُھ، تہٕ یہِ چُھ جنتُک دروازٕ!"18دویمہِ دوٚہہ صبحٲے وُتھ یعقوبؔ تہٕ تجِن سۅ کٔنؠ یۅسہ شانٛد ٲسٕس تھٲومٕژ تہٕ تھٲون تتھ جایہ نشانہٕ باپتھ یتِتھ تس خدا ظٲہر سپُد۔ تٔمؠ تروو تتھ کنہِ پٮ۪ٹھ زیتون تیٖل تاکہِ سۅ ییہِ خدایہ سٕنٛدِ باپتھ الگ زاننہٕ۔19تٔمؠ تھوو تتھ جایہ بیت ایلؔ ناو یعنی "خدایہ سُنٛد گرٕ" گۅڈٕ اوس اتھ جایہ لُوزؔ ناو۔20یعقوبنؔ اوس خدایس سٟتؠ وعدہ کۅرمُت زِ اگر ژٕ مےٚ مدد تہٕ یتھ سفرس دوران میانؠ حفاظت کرکھ، مےٚ تھاوکھ کھیٚنہٕ خٲطرٕ بسیار کھیٚن تہٕ لاگنہٕ باپتھ پلو،21تیٚلہِ ہیٚکہٕ بہٕ حفاظتہٕ سان پننِس مٲلؠ سُنٛد گرٕ واپس گٔژھتھ۔ پتہٕ آسکھ ژٕ، یہُوواہؔ، سُہ خدا یمسنٛز بہٕ عبادت کرٕ۔22یہِ کٔنؠ یۅسہ مےٚ کھڑا کٔر آسہ تمہ جایہ ہنٛز نشٲنی یتِتھ ژٕ مےٚ ظٲہِر سپدُکھ۔ تہٕ یہِ کینٛژھا ژٕ مےٚ دِکھ تمیُک دٔہم حصہٕ آسے بہٕ ژےٚ واپس دِوان۔
Bridge Connectivity Solutions Pvt. Ltd.