پیدٲیش23
1ییٚلہِ سارہؔ اکھ ہتھ تہٕ ستووُہہ ؤرِش وٲژ2سارہؔ گزرییہِ قریتؔ اربعؔ شہرس منٛز۔ یتھ ؤنؠ حبرون ونان چھِ، یہِ چُھ کنعانس منٛز۔ پتہٕ گو ابرہامؔ تمؠ سنٛزِ ماتم دٲری باپتھ تورؠ۔3ابرہامنؔ تھٲو پننہِ خاندارنہ ہنٛز میَت تٔتی تہٕ پانہٕ گو حِتؔ سنٛدین اولادن سٟتؠ کتھ کرنہِ۔ تٔمؠ وُن،4"بہٕ چُھس توٚہہ منٛز روزن وول اکھ وۅپر شخص، اوے چھیٚنہٕ مےٚ یتہِ پنٕنؠ کانٛہہ زمین۔ مےٚ دیتو یتہِ کینٛہہ زمین مٔلؠ یُتھ بہٕ پننہِ خاندارنہ ہنٛز میَت دفنٲوتھ ہیٛکن۔5حِتن ووٚن ابرہامس تورٕ،6"جناب، توٚہؠ چُھو اسہِ منٛز اکھ طاقتور انسان۔ سانیٚو شوبدار قبرو منٛزٕ کٔرؠ تون کانٛہہ اکھ پسنٛد تہٕ کٔرؠ تون پنٕنؠ خاندارنہ ہنٛز میَت دفن۔ اسہِ منٛزٕ کرنہٕ کانٛہہ تہِ توٚہہ تُہنٛزِ خاندارنہِ ہنٛز قبرِ باپتھ زمین کٔننہٕ نِشہ اِنکار۔"7پتہٕ وُتھ ابرہامؔ تھوٚد تہٕ کوٚرن زمین مٲلکن یعنی حِتؔ سنٛدین اولادن برونٛہہ کنہِ سجدٕ8تٔمؠ وُن تِمنِ "اگر توٚہؠ رضا منٛدی ظٲہر کران چُھو زِ بہٕ گژھن پننہِ خاندارنہِ ہنٛز میَت یتی دفناوُن، تیٚلہ بوزیٚو میون تہٕ صُحرؔ سٕنٛدِس نیٚچوِس عِفرونس ؤنِو،9سُہ کنہِ مکفیلہؔ جایہِ ہنٛز گوٚپھ مےٚ۔ یۅسہ تتھ کھیتہِ ٲخرس پٮ۪ٹھ چھےٚ۔ تمِس ونیٚو زِ سُہ نیٚیہ مےٚ نِش تتھ پوٗرٕ ماوضہٕ تہٕ توٚہہ سارنی برونٛہہ کنہِ کرو سودا۔ یتھ کِنؠ بنہٕ مےٚ قتدفینٕچ جاے یعنی قبرِستان۔"10تہٕ عِفرونؔ اوس شہرچہِ برنہِ نِش یتہِ حِتی سنٛدؠ واریاہ لوٗکھ تس انٛدؠ انٛدؠ ٲسؠ۔ تٔمؠ بوز تہِ سورےٕ یہِ ابرہامنؔ تِمن وُن۔11عِفروننؔ وُن، "نَہ جناب، میانؠ کتھ بوزیٚو۔ بہٕ دمہٕ توٚہہِ یہِ زمین تہٕ اتھ منٛز موجود قبر ماوضہٕ بغٲر، یم لوٗکھ تھاوکھ گواہ۔ پنٕنؠ خاندارنؠ کرُن تٔتی دفَن۔"12ابرہامنؔ کوٚر بیٚیہِ تمن لوٗکن برونٛہہ کنہِ سجدٕ یم اتھ جایہ روزان ٲسؠ۔13تہٕ عِفرونَس ونُن، یہِ زن باقی سٲری بوزان ٲسؠ، نَہ میانؠ کتھ بوز۔ اگر ژٕ یژھکھ بہٕ دِمے ژےٚ امہِ زٔمنہٕ پچہِ ہُنٛد ماوضہٕ۔ ژٕ ون اتھ کیاہ چُھ قٟمت، بہٕ دِمے ژےٚ سُہ۔ اگر ژٕ سُہ قبوٗل کرکھ سۅ زمین بنہِ میانؠ تہٕ بہٕ ہیٛکن پنٕنہِ خاندارنہ ہنٛز میَت تتہِ دفنٲوتھ۔14عِفروننؔ وُن ابرہامس در جواب،15جناب میانؠ کتھ بوزیٚو۔ زمینُک قٟمت چُھ ژور ہتھ چانٛدِ ہنٛدؠ سکہٕ۔ مگر یہِ مۅل چُھنہٕ ژیٚتہ مےٚ نِش کانٛہہ اہمیت تھاوان، دِیو مےٚ پونٛسہٕ تہٕ دفنٲے ہون تٔتی پننہِ خاندارنہٕ ہنٛز میَت۔16ابرہامنؔ کوٚر عِفرونُنؔ قٟمت قبول تہٕ کوٚرن چانٛدِ ہنٛدین ژورن ہتن پونٛسن وزن یہِ عِفراننؔ ووٚن۔ یتھ سٲری بنی حِت وُچھان ٲسؠ۔ تٔمؠ کوٚر چانٛدِ ہُنٛد سُہ معیاری وزن استعمال یُس لوٗکھ چیز کٔننہٕ باپتھ کران ٲسؠ۔17یتھ کِنؠ بنییہِ ممرےؔ یس نکھٕ مکفیلہؔ انٛدٕچ عِفرونٕنؠ زمین، زمینس منٛز موجود قبر تہٕ یم تتھ منٛز کُلؠ ٲسؠ یمیُک حد مقرر سپُد ابرہامٕنؔؠ ملکِیت۔18یتھ کِنؠ ہیٚوت ابرہامنؔ یہِ جاداد مٔلؠ یہِ زن حِتؔ سنٛدؠ سٲری شُرؠ شہرچہِ برٕنؠ پٮ۪ٹھ بِہتھ بوزان ٲسؠ۔19امہِ پتہٕ کٔر ابرہامنؔ سارہؔ سنٛز میَت کنعان چہِ سرِ زمینہِ منٛز ممرےؔ یس نکھٕ مکفیلہؔ انٛدٕچہِ زمینہِ انٛدر قبرِ منٛز دفن۔ یتھ وُنؠ حبرون ونان چھِ۔20چناچہِ سۅ زمین تہٕ تتھ منٛز موجود غار دیُت سرکٲرؠ طور حِت سنٛدیو اولادو ابرہامسؔ تاکہِ سُہ گژھِ قبرِستانہٕ باپتھ استعمال۔
Bridge Connectivity Solutions Pvt. Ltd.