پیدٲیش22
1واریاہہِ وہرؠ پتہٕ، ہیٚوت خداین ابرہامؔ یہِ زاننہٕ خٲطرٕ آزماوُن زِ اما ابرہامؔ کریا تس سنٛز فرمانبردٲری۔ تٔمؠ کوٚر ابرہامس آلو، تہٕ ابرہامنؔ دتُس جواب، "بہٕ چُھس حٲضر۔"2خداین ونُس، "چون نیٚچو اضحاقؔ یمِس توٚہؠ سیٹھاہ لول بران چُھو، چُھ کُنےٕ لڑکہٕ یُس عطا کرنُک مےٚ توٚہہِ وعدہ کوٚر۔ سُہ تلُن پانس سٟتؠ تہٕ گٔژھیٚو یکہ وٹہٕ موریاہؔ چہِ سرِزمینہِ کُن تہٕ کٔھسیٚو تتھ پہاڑس پٮ۪ٹھ یُس بہٕ توٚہہِ ہاوو تہٕ کرُن یہِ بُزمژِ قربٲنی رنٛگؠ پیش۔3یتھ کِنؠ وُتھ ابرہامؔ دویمہِ دوٚہہ صبحٲے، پننِس خرس کوٚرن زیٖن تہٕ پنٕنؠ زٕ نوکر تہٕ اسحاق تلُن سٟتؠ۔ تٔمؠ ژۅٹ قربٲنی بُزنہٕ باپتھ کینٛہہ زیُن تہِ۔ پتہٕ لوٚگ تتھ جایہِ کُن سفر کرنہِ یتھ متعلق خداین تمِس ونمُت اوس۔4تریمہِ دوٚہہ ییٚلہِ تِم سفر کران ٲسؠ، ابرہامسؔ پییہِ دوٗرے تتھ جایہِ کُن نظر یتھ جایہ خدا یژھان اوس زِ سُہ گژھِ واتُن۔5ابرہامنؔ وُن پننٮ۪ن نوکرن، "توٚہؠ دوٚنوے روزیو یمِس خرس نِش تہٕ أسؠ لڑکہٕ تہٕ بہٕ گژھو ہُتتھ۔ أسؠ کرو تتہِ خدایہ سنٛز عبادت تہٕ پتہٕ یمو توٚہہِ نِشہ بیٚیہِ واپس۔6پتہٕ تُل ابرہامنؔ زیٚون یُتھ بُزمژِ قربٲنی تیار کرنہٕ باپتھ نار زالہِ ہے تہٕ برُن پننِس نیٚچوِس اضحاقسؔ پکناونہٕ باپتھ نکَھس۔ ابرہامنؔ تُل نار زالنہٕ باپتھ کہتام اتھس منٛز۔ تٔمؠ تُج شراکھ تہِ سٟتؠ تہٕ لٔگؠ دوٚنوے اکھ أکِس سٟتؠ سٟتؠ پکنہِ۔7پتہٕ وُتھ اسحاق پننِس مٲلس کُن، "میانہِ ببا۔ ابرہامنؔ ونُس، "کیاسہ میانہِ گۅبرا، بہٕ چُھس یتی!" اسحاقنؔ ونُس، "وچُھو، اسہِ چُھ نار زالنہٕ باپتھ زیُن تہٕ ژیٚنہِ سٟتؠ مگر بُزنہٕ باپتھ قربٲنی ہُنٛد کٹھ کتہِ چُھ؟8ابرہامنؔ ووٚنُس در جواب، "میانہِ گۅبرا، خدا سوزِ بُزنہٕ ینہِ واجنہِ قربٲنی باپتھ پانے کٹہٕ برٕ۔ "یتھ کِنؠ رودؠ تم اکھ دوٚنوے اکھ أکِس سٟتؠ پکان۔9تِم وٲتؠ تتھ جایہ یتھ متعلق خداین تمِس ونمُت اوس۔ تتہِ بنٲو ابرہامنؔ کنیٚن ہنٛز اکھ قربان گاہ۔ تہٕ تتھ پٮ۪ٹھ تھووُن زیُن شیرِتھ۔ پتہٕ گونٛڈن پنُن نیٚچو اسحاق تہٕ تھووُن اتھ زنِس پٮ۪ٹھ۔10امہِ پتہٕ کٔڈ ابرہامنؔ شراکھ تہٕ ہیٚوتُن پنُن نیٚچو قربان کرُن۔11مگر یہُوواہؔ سنٛدؠ فرشتن دتُس آسمانہٕ پٮ۪ٹھٕ آلو تہٕ وُننس، "ابرہامؔ۔ ابرہامؔ!" ابرہامنؔ دتُس جواب، "بہٕ چُھس یکیاہ!"12فرشتن ووٚن، "لٔڑکس مٕہ واتناو تکلیف، مےٚ زون وُنؠ زِ ژٕ چُھکھ خدایس احترام تہٕ تمؠ سنٛز عبادت کران۔ مےٚ توٚر یہِ فکرِ تکیازِ ژےٚ کۅرتھ نہٕ پنُن کنےٕ اولاد قربان کرنہٕ نِشہ اِنکار۔"13ابرہامنؔ دِژ ہیٚور کُن تہٕ اتہِ وچُھن نزدیکےٕ اکھ ہونٛڈ۔ یمسنٛدؠ ہینٛگ زنٛڈس منٛز ٲسؠ، ابرہامؔ روٚٹ یہِ تہٕ کوٚرن زبح تہٕ نیٚون پننِس نیٚچوِس سٕنٛدِ بدلہٕ قربان گاہس پٮ۪ٹھ بُزمژٕ قربٲنی پیش کرنہٕ موٚکھٕ۔14ابرہامنؔ تھوو اتھ جایہ "یہُوواہؔ سوزِ" ناو، تہٕ وُنؠ چھِ اتِکؠ لوٗکھ ونان "یہُوواہؔ سٕنٛدِس پہاڑس پٮ۪ٹھ سوزِ سُہ۔"15یہُوواہؔ سنٛدؠ فرشتن دیُت دویمہِ لٹہ ابرہامس آسمانہٕ پٮ۪ٹھٕ آلو۔16تٔمؠ وُن، "بہٕ یہُوواہؔ، چُھسے ژےٚ ونان زِ ژےٚ کۅرتھ تہِ یہِ مےٚ ژےٚ وۅنمے، تہٕ ژےٚ تھوتھن نہٕ پنُن کُن اولاد بچٲوِتھ۔ اوے چُھس بہٕ پنُن پان گواہ تھٲوِتھ قسم کھیٚتھ ونان،17اکہ دوٚہہ آسہ چٲنؠ زُرؠ یاتھ آسمانہٕ کیٚن تارکن تہٕ سمندر بٹھِ کیٚن سیٚکہِ دانن ہنٛدؠ پٲٹھؠ۔ چٲنؠ شُرؠ دِن پننٮ۪ن دشمنن شکس تہٕ کرن تہنٛدین شہرن پٮ۪ٹھ قبضہٕ۔18ژےٚ کٔرتھ میانؠ عبادت، اوٕ کِنؠ کرن زمینہِ پیٚٹھٕکؠ تمام قوم چانہِ زُرؠ یٲژ ہنٛدِ ذرؠ یہِ برکت حٲصِل۔19ادٕ دراے ابرہامؔ تہٕ اسحاق واپس تتھ جایہ کُن یتہِ تہنٛدؠ نوکر پراران ٲسؠ تہٕ گےَ یکہٕ وٹہٕ بیرسبعؔ کُن واپس، یتہِ ابرہامؔ تہٕ تمسُنٛد لوٗکھ ٹھہریاے۔20یمو کتھو پتہٕ وُن کمؠ تام ابرہامسؔ، "چانِس بٲے نحورؔ سنٛزِ خاندارنہِ ملکہ تہِ دیُت بچس زایُن۔"21وُنؠ اوس ساروٕے کھۅتہٕ زیُٹھ بچہٕ عُوض، دویم اوس بُوز۔ تٔمس پتہٕ اوس ارامؔ سُنٛد مول قموایلؔ۔22قموایلؔ سٕنٛدِ پتہٕ اوس کسدؔ پتہٕ حزوؔ، پتہٕ فلداسؔ پتہٕ اِدلافؔ تہٕ پتہٕ بیتوایلؔ23بیتوایلسؔ نشہٕ زایہ رِبقہؔ۔ یم ٲٹھوے ٲسؠ ابرہامؔ سٕنٛدِس بٲیس نحورسؔ ملکہ نِشہ زامٕتؠ۔24نحورسؔ تہِ ٲس اکھ لونٛڈی یمِس رومہؔ ناو اوس۔ تمِس تہِ ٲسؠ ژور شُرؠ زامٕتؠ: طِبح، جاحم، تخصؔ تہٕ معکہؔ۔
Bridge Connectivity Solutions Pvt. Ltd.