پیدٲیش21
1یہُوواہؔ رود سارہؔ ہس پٮ۪ٹھ سیٹھاہ مہربان، یہِ کینٛژھا تٔمؠ ونمُت اوس بہٕ کرٕ۔ تٔمؠ کوٚر سارہؔ نہِ خٲطرٕ تہِ یہِ کرنُک تٔمؠ وعدہ کوٚرمُت اوس،2سۅ روز حٲملہٕ تہٕ دِتُن ابرہامؔ سٕنٛدِس نیٚچوِس زایُن ییٚلہ سُہ سیٹھاہ بڈٕ اوس، یمہِ وزِ خداین وعدہ اوس یہِ سپدنُک وعدہ اوس کوٚرمُت3ابرہامنؔ کوٚر أمِس نیٚچوِس "اسحاق" ناو یُس سارہؔ ہس زاو۔4ابرہامنؔ کوٚر پننِس أمِس نیٚچوِس اضحاقسؔ تہِ ٲٹھِ دوٚہؠ ختنہٕ۔ یہِ کرنُک حکم تمِس خداین کوٚرمُت اوس۔5ابرہامؔ اوس تمہِ وزِ ہتہٕ وہُر یمہِ وزِ تمِس نیٚچو اسحاق زاو۔6سارہؔ ہن وُن، "یوٚدوے بہٕ گۅڈٕ اولاد دادِ غمگین ٲسٕس، مگر خداین بنٲوس بہٕ یہِ خوشی عطا کٔرتھ اسٕنؠ لایکھ، تہٕ یُس تہِ یہِ بوزِ زِ خداین کیاہ کوٚر میانہِ باپتھ سُتہ اسہِ مےٚ سٟتؠ۔"7تمہِ وُن یتہِ، "ابرہامس اوس نہٕ کانٛسہِ یہِ ونمُت زِ بہٕ کیاہ دمہٕ کنہِ وزِ بچس دۅد، مگر مےٚ دیُت نیٚچوِس زایُن یمہِ وزِ ابرہامؔ سیٹھاہ بڈٕ اوس۔"8بچہ سپُد بالیغ۔ سُہ دوٚہہ ووت ییٚلہِ اسحاقن ماجہِ دۅد چیٚون تروو۔ تمہِ دوٚہٕچ یہِ شٲدؠ مناونہٕ خٲطرٕ کوٚر ابرہامنؔ اکھ بوٚڈ سال تیار۔9اکہِ دوٚہہ وُچھ سارہؔ ہن، حاجرہؔ مِصری سُنٛد نیٚچو اسماعیلؔ اضحاقسؔ ٹٲنہٕ ژٹان یُس تس ابرہامس نِش زامُت اوس۔10تہٕ تمہِ وُن ابرہامسؔ، "یہِ لونٛڈی تہٕ امسُنٛد نیٚچو کڈتون مِصرٕ منٛزٕ۔ بہٕ چھیٚس نہٕ یژھان زِ امسُنٛد نیٚچو کیاہ نیٚیہ تہِ یہِ میانِس اضحاقسؔ وراثتس منٛز میلہِ۔11ابرہامؔ گو یہِ بوزِتھ سیٹھاہ پریشان، تکیازِ تس ٲس پننِس نیٚچوِس اسماعیلؔ سنٛز فکِر تہِ۔12مگر خداین وُن ابرہامسؔ، پننِس نیٚچوِس اسماعیلسؔ تہٕ لونٛڈی حاجرہؔ سٕنٛدِ باپتھ مہ گژھِ پریشان۔ یہِ کینٛژھا تہِ سارہؔ ژےٚ کرُن ونان چھےَ تہِ بوز تہٕ کرِ، تکیازِ اضحاقؔ چُھ سُہ اکھ یُس تمہِ نسلُک جد بنہِ یہِ دِنُک مےٚ وعدٕ کوٚرمُت چُھے۔13مگر چانہِ لونٛڈی حاجرہؔ ہُنٛد نیٚچو تہِ بناون بہٕ اکہِ عظیم قبیلُک مول تکیازِ سُتہ چُھ چونےٕ اولاد۔14یتھ کِنؠ وُتھ ابرہامؔ بیٚیہِ دوٚہہ صبحٲے۔ کینٛہہ کھیٚن کوٚرن تیار، أکِس مشکہِ منٛز برُن آب، یہِ ٹھیلہٕ تُلن تہٕ برُن حاجرہؔ ہس نکھس، اسماعیل کوٚرنس حوالہٕ، تہٕ کٔرنؠ بیرسبعؔ کیٚن بیابانن کُن روانہٕ۔15ییٚلہ حاجرہؔ ہن تہٕ تمسنٛدؠ نیٚچی مشکہِ منٛزٕچ سٲرےٕ تریش چیٚتھ موٚکلٲو تہٕ تمہِ تھوو نیٚچو أکِس زنٛڈس تل۔16تہٕ پانہٕ بیٹھ تیژ دور یوٗتاہ دور زن اکھ تیر لاینہٕ ییہِ۔ تمہِ سونچ، "بہٕ ہیٚکہ نہٕ پننِس نیٚچو سُنٛد مرُن برداش کٔرِتھ!" تہٕ لٕج أتی بہِتھ زورٕ زورٕ ودنہِ۔17خداین بوز جلدےٕ اسماعیلؔ سُنٛد آلو، تہٕ تٔمؠ سوز پننیٚو فرشتو منٛزٕ آسمانہٕ پٮ۪ٹھٕ اکھ فرشتہٕ حاجرہؔ ہس شیٚچھ ہیٚتھ۔ تٔمؠ وُن، ہاجرہ، ژےٚ کیاہ رووےٕ؟ کھوٚژ مہِ، خداین بوز چٲنِس نیٚچو سُنٛد ودُن۔18گژھِ سُہ کڑکہٕ تلُن تھوٚد تہٕ تمِس دِ پننہِ بہادری ہنٛز ہمَتھ۔ تکیازِ مےٚ چھِ تمسنٛدؠ اولاد عظیم قبیلہٕ بناوُن۔19پتہٕ ہونس خداین اکھ آبہٕ کریٚور۔ سۅ گییہِ کریرِس نکھٕ آبہٕ بانہٕ برُن تہٕ چووُن پنُن نیٚچو۔20خداین کٔر أمِس بچَس رٲچھ یۅتام سُہ بیابانن منٛز بوٚڈ گو تہٕ بنیاو اکھ جان تیر انداز۔21سُہ اوس فاران کیٚن بیابانن منٛز روزان۔ حاجرہؔ ہن أنؠ تمِس باپتھ مِصرٕ پٮ۪ٹھٕ اکھ خاندارِنؠ۔22تمہِ وقتہٕ وُن بادشاہ ابیملِکؔ تہٕ تمسنٛدؠ فوجٕکؠ سِپاہ سالار فیکلنؔ ابرہامس، "یہِ کتھ چھےٚ عیان زِ یہِ کینٛژھا توٚہؠ کران چُھو خدا چُھ توٚہہ مدد کران۔23لہٰذا کٔریٚو وۅنؠ مےٚ سٟتؠ خدا حٲضر نٲضر رٔٹِتھ پۅختہٕ وعدہ زِ توٚہؠ دیو نہٕ مےٚ، میانیٚن شُریٚن تہٕ زُریٚن دونٛکھٕ۔ مےٚ سٟتؠ تہٕ یتہَ کیٚن تمام لوٗکن سٟتؠ یتہِ توٚہؠ روزان چُھو یِیو توٚہؠ وفادٲری سان پیش۔ مےٚ سٟتؠ کٔریٚو توٚہؠ وفادٲری یتھ کِنؠ مےٚ توٚہہ سٟتؠ کٔر۔24ادٕ ابرہامنؔ کھیٚو یہِ کرنُک قسم۔25ابرہامنؔ کٔر ابیملِکسؔ پننہِ اکہ آبہٕ کریرِچ شکایت یتھ پٮ۪ٹھ ابیملِکؔ سنٛدیو نوکرو قبضہٕ اوس کوٚرمُت26مگر ابیملِکنؔ وُن، "مےٚ چھنہٕ خبر یہِ کمؠ چُھ کوٚرمُت، ژےٚ ونُتھ نہٕ مےٚ یہِ، نَہ چُھ مےٚ اتھ متلِق ونیُک تام بوزمُت۔27پتہٕ أنؠ ابرہامنؔ کینٛہ تیٖر، ژھاولؠ، گاو تہٕ دتِن ابیملِکسؔ، یتھ کِنؠ کوٚر تِمو پانہٕ وٲنؠ اکھ أکِس سٟتؠ صلح۔28ابرہامؔ گو پننِس جبَس منٛز تہٕ ژٲرنؠ تمہِ منٛزٕ ستتھ چِھر۔29ابیملِکنؔ پرُوژھ ابرہامسؔ، "ژےٚ کیازِ کٔڑتھکھ پننہِ کھیٚلہِ منٛزٕ ستتھ چِھر نیٚبر؟30ابرہامنؔ ونُس یورٕ، "بہٕ چُھس یژھان زِ توٚہؠ کٔرووکھ میانہٕ طرفہٕ یمہٕ ستتھ چِھر قبوٗل۔ یتھ کِنؠ دییہِ میون یہِ تحفہٕ توٚہہ سارنی ژینہٕ ون زِ یہِ کریٚور چُھ میٚون تکیازِ یہِ چُھ مےٚ کھوٚنمُت۔31یتھ کِنؠ کرِ ابیملِکنؔ یمہٕ لوِ قبول۔ پتہٕ کوٚر ابرہامنؔ اتھ جایہ بیرسبعؔ ناو یعنی "حلفہٕ وول کریٚور" تکیازِ اتھ جایہ کوٚر ابیملِکنؔ تہٕ ابرہامنؔ اکھ أکِس سٟتؠ امنہٕ سان روزنُک وعدہ۔32بیرسبعؔ ہس منٛز یہِ معاہدٕ کرنہٕ پتہٕ دراے ابیملِکؔ تہٕ تمسُنٛد سِپاہ سالار فیکل تتہِ تہٕ گے واپس فلستینین ہنٛدِس ملکس منٛز۔33ابرہامنؔ روٗن بیرسبعؔ ہس منٛز جھاو ناوُک کُل تہٕ کرٕن تتہِ ابدی خدا یہُوواہؔ سنٛز عبادت۔34ابرہامؔ رود فلستینی لوٗکن ہنٛدس اتھ ملکس منٛز غٲر ملکی حثیتہٕ واریہس وقتس۔
Bridge Connectivity Solutions Pvt. Ltd.