پیدٲیش20
1ابرہام دراو ممرےؔ منٛزٕ نیرتھ دراو ابرہام تہِ گو جنوب مغرب کِس نیگیو صحراوس کُن۔ تتہِ رود سُہ قادِس تہٕ شورسؔ منٛزس۔ سُہ رود جرار شہرس منٛز أکِس پردیسی سٕنٛدِ حثیتہٕ2ییٚلہ ابرہام تتہ اوس تٔمؠ وُن لوٗکن زِ سارہؔ چھےٚ تس بیٚنہِ نَہ کہِ گرٕواجنؠ۔ اوٕ کِنؠ سوزؠ جرارٕکؠ بادشاہ ابیملِکنؔ پنٕنؠ کینٛہہ نفر سارہؔ تس نِشہ اننہٕ باپتھ یُتھ سُہ تس پنٕنؠ شریکِ حیات بناوِہے۔3مگر خداین وُن أتھؠ راتس منٛز ابیملِکسؔ خابس منٛز زِ، "میانؠ کتھ بوز! ژٕ چُھکھ مرن وول تکیازِ یۅسہ خوتونہٕ ژےٚ أنؠ تھن سۅ چھےٚ بیِس نفرٕ سنٛز خاندارِنؠ۔4مگر ابیملِکؔ اوس نہٕ تس نِشہ شونٛگمُت توے تہٕ ونُن "اے خداوند، ییٚلہ بہٕ تہٕ میانہ قومٕکؠ لوٗکھ بے قصور چھِ، کیاہ توٚہؠ مٲروا اسہِ؟5ابراہمنؔ ووٚن اسہِ، سۅ چھےٚ مےٚ بیٚنہِ، تہٕ تمہِ تہِ وُن، یہِ چُھ مےٚ بوے، مےٚ اوس نہٕ کانٛہہ غلط کرنُک ارادٕ کوٚرمُت۔ تہٕ نَہ کٔر مےٚ کانٛہہ غلط کٲم۔"6خداین وُن تس، "آ، مےٚ بہٕ چُھس زانان زِ ژٕ اوسُکھ نہٕ کانٛہہ غلط کرُن یژھان۔ اوے بچووُکھ ژٕ مےٚ زِ ژٕ گوٚژھکھ نہٕ میانہ حسابہٕ کانٛہہ گناہ کرُن۔ مےٚ دیُت مےَ نہٕ ژےٚ تس اتھٕ لاگنُک اجازت۔7لہٰذا کرُن تمِس نفرس پنٕنؠ خاندارِنؠ واپس تکیازِ سُہ چُھ نبی۔ سُہ کرِ تُہنٛدِ باپتھ دُعا تاکہِ توٚہؠ روزیٚو زندٕ۔ اگر نہٕ توٚہؠ تس سۅ واپس سوزؠ ہون تیٚلہِ مٔریٚو توٚہؠ ضرور تہٕ چٲنؠ باقی گرٕ بٲژ تہِ مرن۔8دویمہ دوٚہہ صبحٲے أنؠ ابیملِکنؔ پنٕنؠ تمام عہدٕدار ناد دِتھ تہٕ وُننکھ تہِ سورےٕ یہِ سپُد۔ ییٚلہ تِمو یہِ بوز تِمن ژاو ہٲبتھ زِ خدا دییہ تِمن سزا۔9پتہٕ اوٚن ابیملِکنؔ ابرہام ناد دِتھ تہٕ وُننَس، "ژےٚ پٔزہی نہٕ اسہِ سٟتؠ یہِ کرُن۔ اسہِ کوٚرا توٚہہِ سٟتؠ کینٛہہ غلط؟ کیاہ اسہِ یوٚژھا توٚہہِ نِش زِ بہٕ تہٕ میٚون قوم گژھِ گناہ گار سپدُن؟ ژےٚ ورتووُتھ مےٚ سٟتؠ تہِ ینہٕ ژےٚ کرُن پٔزہی!10ابی ملکن ووٚن ابرہامس ژےٚ کیازِ کۅرتھ یہِ؟11ابرہامنؔ دِتُس جواب، "مےٚ وُن زِ سۅ چھےٚ مےٚ بیٚنہِ تکیازِ مےٚ زانیاو زِ یتیٚکؠ لوٗکھ چھنہٕ پزنہٕ پٲٹھؠ خدایس تعظیم کران۔ تم چھِ یقینن سُہ غلط کران یہِ یژھن۔ اوٕ کِنؠ ہیٚکن تِم میانؠ خاندارنؠ ننہٕ خٲطرٕ مےٚ مٲرِتھ۔"12حالانٛکہ سارہؔ ہیٚکہِ پزنہٕ پٲٹھؠ میانؠ بیٚنہِ زاننہٕ یِتھ، تکیازِ سۅ چھےٚ میانِس مٲلِس بیٚیِس زنانہِ ہنٛز کور یس سٟتؠ مےٚ خاندر کوٚرمُت چُھ۔13پتہٕ ییٚلہ خداین مےٚ پننِس مٲلؠ سٕنٛدِ گرٕ نِشہ بیٚون روزنہٕ خٲطرٕ وُن، تہٕ مےٚ وُن أمِس یہِ طریقہ، یُس ورتٲوِتھ ژٕ مےٚ سٟتؠ پنٕنؠ وفادٲری ظہار کٔرتھ ہیککھ: أسؠ یوٚت تہِ گژھو، تتہِ ؤنزِ ژٕ "یہِ چُھ مےٚ بوے۔"14ابیملِکنؔ أنؠ کینٛہہ ؤژھؠ تہٕ تیٖر، تہٕ دتِن ابرہامسؔ۔ تٔمؠ دتؠ تس کینٛہہ مُہنی تہٕ زنہِ تہِ۔ پتہٕ دژٕن ابرہامس پنٕنؠ گرٕواجِنؠ سارہؔ تہِ واپس۔15تہٕ ابیملِکنؔ وُن تمِس وُچھ! میٚون زمین چھی ژےٚ برونٛہہ کنہِ۔ یتِتھ خوش گٔژھی تتِتھ روز!16تہٕ سارہؔ ہس ونُن، "وُچھ! بہٕ چُھس چٲنِس بٲیس چاندِ ہنٛدؠ اکھ ساس پٲنٛسہٕ دِوان۔ یہِ یمہٕ کتھِ باپتھ تاکہِ دُبارٕ تُلنہٕ کانٛہہ یہِ ماملہٕ تہٕ نَہ ونہِ ژےٚ کٔرتھ کانٛہہ غلطی۔17پتہٕ موٚنگ ابرہامنؔ خدایس دُعا تہٕ خداین بخُش ابیملِکنہِ خاندارنہِ تہٕ تمؠ سنٛزن لونٛڈین شفا تاکہِ تِمن زیٚون شُرؠ۔18یہِ سپُد اوموٚکھٕ تکیازِ خداوند یہُوواہنؔ آسہ ابیملِکؔ سنٛزن گرٕچن سارنی زنانن شُرؠ زیٚون ناممکِن بنومُت۔ تکیازِ ابیملِکنؔ ٲس ابرہامؔ سنٛز خاندارِنؠ سارہؔ نِمٕژ۔
Bridge Connectivity Solutions Pvt. Ltd.