پیدٲیش19
1تمہِ دوٚہہ شامس وٲتؠ تم دوٚنوے فرشتہٕ سدومؔ۔ لوطؔ اوس شہرٕ کِس دروازس پٮ۪ٹھ بہِتھ۔ ییٚلہِ تٔمؠ تِم وُچھ، سُہ وُتھ تِمن سلام کرنہٕ خٲطرٕ تھوٚد تہٕ دِتُن تِمن برونٛہہ کنہِ سجدٕ۔2تٔمؠ وُن تِمن کُن، "حضرت از راتس کٔرؠ تو میانہِ گرِ قیام۔ پنٕنؠ کھۅر وۅر چھلیٚو تہٕ صبحس کٔریو بیٚیہِ سفر شروع۔ "مگر تِمو وُنہَس، "نَہ، أسؠ شونٛگو شہرٕکِس چوکسےٕ منٛز۔3مگر لوطنؔ کٔرؠ تم سیٹھاہ عٲجِز زِ تم شونٛگُن تہنٛدسےٕگرس منٛز۔ لہٰذا گے تِم تمِسےٕ سٟتؠ تِہنٛد گرٕ۔ تہٕ تٔمؠ کوٚر تہنٛدِ باپتھ کھیٚن چیٚنہٕ تیار۔ تٔمؠ بناوِ خمبیرِ بغٲر تہنٛدِ باپتھ ژۅچہِ تہٕ تِمو کھیٚیہِ۔4کھیٚن چیٚنہٕ مۅکلٲوتھ ییٚلہِ تِم شونٛگنہِ لٔگؠ، سدومؔ شہرٕ کیٚو لۅکٹیٚو بڈیو لوٗکو کوٚر اتھ گرس گیرٕ۔5تِمو لوگ لوطَسؔ بڈِ بڈِ ونُن، "تِم لوٗکھ کتہِ چھِ یم از شامس چون گرٕ ژاے؟ تِم کڑُکھ نیٚبر، یُتھ أسؠ تِمن سٟتؠ شونٛگِتھ ہیٚکو!"6لوطؔ دراو گرِ نیٚبر تہٕ کٔرنؠ سٲری دروازٕ بنٛد یُتھ نہٕ تِم انٛدر أژتھ ہیٚکن۔7تٔمؠ وُن تمَن، "میانیو دوستو، یِژھ بدحرکت مٕہ کٔریو!8میانؠ کتھ بوزیٚو۔ مےٚ چھےٚ زٕ انہرشہِ کورِ، بہٕ انکھ تمہٕ توٚہہِ نِش، توٚہؠ کٔریوٚ تِمن سٟتؠ تہِ یہِ توٚہہِ خوش کرِ مگر یمن نفرن سٟتؠ مٕہ کٔریو کینٛہہ، تکیازِ یم چھِ میانہِ گرِ میانؠ پٔژھؠ، لہٰذا چھےٚ مےٚ یہنٛز حفاظت کرٕنؠ لٲزمی۔9مگر تِمو دیُت تورٕ جواب، "سانہِ وتہِ منٛزٕ نیر دفاہ۔ ژٕ چُھکھ ۅپر ملکُک، ژےٚ چھی نہٕ کانٛہہ حق اسہِ فکرِ تارنُک زِ صحی کیاہ چُھ! أسؠ کرو توٚہہِ سٟتؠ تہِ یہنٛدِ کھۅتہٕ بدتر سلوٗک۔ "تِمو دیُت لوطسؔ دکہٕ تہٕ ہیٚژکھ دروازٕ پُھٹراونٕچ کوشش کرٕنؠ۔10مگر تِمو دویو فرشتو کھول وار وارٕ دروازٕ تہٕ اتھٕ پلنٲوِتھ ژونُکھ لوطؔ دروازٕ انٛدر۔ تہٕ کوٚرُکھ جلدی دروازٕ بنٛد۔11پتہٕ نیٚو تِمو تِمن سارنے نفرن یم دروازٕ نیٚبر ٲسؠ، لۅکٕٹؠ کیو بٔڈؠ أچھ گاشےٕ یُتھ نہٕ تِمن دروازٕ اتھِ ییہِ۔12پتہٕ وُن تِمو دویو فرشتو لوطَس، "یتہِ کُس چُھ بیٚیہِ توٚہہِ سٟتؠ؟ اگر یتھ شہرس منٛز تُہنٛدؠ شُرؠ، زامتُرؠ، کورِ یا بیٚیہِ کینٛہہ رشتہٕ دار چھِ تِم کڑُکھ یمہِ شہرٕ منٛزٕ،13تکیازِ أسؠ چِھن یہِ جاے تباہ کرَن وٲلؠ۔ یہُوواہنؔ چھےٚ واریاہ ہٲبتناکھ کتھٕ بوزمژٕ یمہٕ کینٛژو نفرو یتھ شہرس متعلق تمِس ونہِ مژٕ چھےٚ، تہٕ تِمو سوزؠ أسؠ یہِ شہر تباہ کرنہٕ باپتھ۔"14پتہٕ گو لوطؔ تِمن نفرن نِش یمَن تمؠ سنٛزن کورین سٟتؠ گنٛڈتھ اوس تہٕ وُننَکھ، "جلدی کٔریو! یمہِ شہرٕ منٛزٕ نیریو، تکیازِ یہُوواہؔ چُھ یہِ شہر تباہ کرن وول۔ "مگر تمِسنٛدیو بنَن والیو زامتُریو زون زِ یہِ چُھ مزاق کران۔15ییٚلہِ دویمہِ دوٚہُک صبُح سپدُن ہیٚوتُن، یمو دوٚیو فرشتو کوٚر لوطسؔ بانٛد بانٛد تہٕ وُنہَس، "جلدےٕ وۅتھ! پنٕنؠ خاندارِنؠ تہٕ پننہِ کورِ یمہٕ ژےٚ سٟتؠ چھےٚ تلُکھ تہٕ نیر یتہِ! اگر نہٕ ژٕ تہِ کرکھ ژٕتہِ گژھکھ أتھؠ سٟتؠ ییٚلہِ أسؠ یہِ شہر تباہ کروون۔"16ییٚلہ لوطنؔ دیٖری کرٕنؠ لٲج، فرشتو کٔر تمِس اتھس تھف، تمؠ سنٛزٕ خاندارنہٕ تہٕ کورین تہِ کٔرکھ تھف تہٕ نیٖکھ حفاظتہٕ سان شہرٕ نیٚبر کٔڈتھ۔ فرشتو کوٚر یہِ اوٕ مۅکھٕ تکیازِ یہُوواہؔ اوس تِمن پٮ۪ٹھ رَحم کران۔17ییٚلہِ تِم شہرٕ نیٚبر دراےتہٕ اکؠ فرشتن وُننَکھ، اگر توٚہؠ زندٕ روزُن چُھو یژھان تیٚلہ ژٔلیٚو جلدےٕ۔ پوٚت نظر مہ دِیو! تہٕ وادی منٛز مٕہ رُکیو کُنہِ جایہ! پہاڑن کُن کٔھسیو! اگر نہٕ توٚہؠ یہِ کٔریو توٚہؠ گٔژھیو ہلاک!18مگر لوطنؔ ووٚن یمو منٛزٕ أکِس، "نَہ جناب، مےٚ سٟتؠ مٕہ کٔریو یہِ!19مہربٲنی کٔرتھ بوزیٚو۔ مےٚ پٮ۪ٹھ مہربان سپدِتھ کوٚرو توٚہہِ مےٚ سٟتؠ احسان تہٕ بچوُو میون زُو۔ مگر بہٕ ہیٚکہٕ نہٕ پہاڑن کُن گٔژھتھ۔ اگر مےٚ تہِ کرنٕچ کوشش کٔر تہٕ بہٕ مرٕ أتھؠ مصیبتس دوران۔20میانؠ کتھ مٲنیو۔ نزدیکےٕ چُھ اکھ گام۔ مےٚ دِیو وُنؠ تورؠ کُن گژھنہٕ۔ یہِ چُھ اکھ لۅکُٹ شہر، اگر نہٕ توٚہؠ سُہ تباہ کٔرؠ ووٚن، تیٚلہِ گژھو أسؠ تورؠ تاکہِ سٲنؠ زُو بچَن۔"21فرشتو منٛزٕ وُن اکؠ لوطس، "بہٕ دِمے ژےٚ اتھ اجازت یہِ ژےٚ ونُتھ۔ تہٕ بہٕ کرن نہٕ سُہ شہر تباہ یمِچ ژٕ کتھ چُھکھ کران۔22مگر جلدےٕ کرِ! ژل تورؠ، تکیازِ یۅتام نہٕ ژٕ واتکھ تۅتام ہیٚکنہٕ بہٕ کہین تباہ کٔرِتھ۔ لوکو تھوو پتہٕ تتھ شہرس ضُعرؔ ناو، یمیُک مطلب" غٲر ضروری" چُھ۔ تکیازِ لوطنؔ وُن یہِ چُھ اکھ لۅکُٹ گام۔23یتُھے آفتاب کھوٚت، لوط تہٕ تمسُنٛد خاندان ووت اتھ قصبس منٛز ضُعرؔ وننہٕ آو۔24پتہٕ واجہ یہُوواہنؔ آسمانہٕ پٮ۪ٹھٕ بٲرشہٕ ہنٛدؠ پٲٹھؠ وُزملہٕ تہٕ نارٕ ترٹہٕ سدومؔ تہٕ عمورہ شہرن پٮ۪ٹھ۔25یتھ پٲٹھؠ کٔرؠ تٔمؠ تِم شہر تہٕ تِمن شہرن منٛز روزن وٲلؠ تمام لوٗکھ تباہ۔ تِمو کٔرؠ کُلین کٹین سان تمام چیز اتہِ بپرباد۔26مگر لوط سنٛز خاندارنؠ رُکییہ تہٕ دِژن پوٚت نظر یہِ وُچھنہٕ خٲطرہ زِ پٔتؠ کِنؠ کیاہ چُھ سپدان تہٕ سۅ مویہِ تٔتھؠ سٟتؠ تہٕ تمہِ سُنٛد جسم بنیاو اکھ نُنہٕ موہُل۔27ابرہامؔ وُتھ صبحس صبحٲے تہٕ گو تتھ جایہِ یتِتھ سُہ یہُوواہسؔ برونٛہہ کنہِ کھڑا اوس۔28تٔمؠ کٔر سدومؔ تہٕ عمورہؔ ہس کُن نظراہ تہٕ یہِ وُچِھتھ سپُد حٲران زِ سٲرسےٕ وادی اوس دٔہہ وتھان زنتہٕ اکھ بٔڈ بٔٹھ دزان ٲس۔29بس، ییٚلہِ خداین وادی ہنٛدؠ تِم شہر تباہ کٔرؠ مگر ابرہامسؔ مدد کرُن گوس نہٕ مٔشتھ تہٕ لوط بچووُن تمن شہرن منٛز ینہٕ واجنہِ تبٲہی نِشہ یتہِ لوطؔ روزان اوس۔30لوطؔ اوس ضُعرؔ علاقس منٛز روزنَس کھۅژان۔ لہٰذا دراو سُہ تتہِ تہٕ کھوٚت پننہِ کورِ زٕ ہیٚتھ پہاڑس کُن۔ اتہِ رود سُہ أکِس غارس منٛز۔31اکہ دوٚہہ وُن بجہِ کورِ لۅکچہ بیٚنہِ، "سون مول چُھ وں بُڈیومُت" تہٕ یتھ علاقس منٛز چُھنہ وُنؠ کانٛہہ نفرا یُس اسہِ سٟتؠ ہم بستری کرِ۔ یتھ کٔنؠ سارے دُنیہٕکؠ لوٗکھ کران چھِ۔32أسؠ دِمو پننِس مٲلس شراب تہٕ کروون مدہوش، پتہٕ شونٛگو أسؠ تس نِش ینہٕ تس پیی لگہ۔ یتھ کِنؠ سپدو أسؠ حٲملہٕ تہٕ بنو بچہٕ واجنہِ، یمہٕ سٲنس مٲلؠ سنٛدؠ اولاد آسن۔33یتھ کِنؠ کوٚر تِمو تمہِ رٲژ پنُن مول مدہوش۔ تہٕ بٔڈ بیٚنہٕ ژایہ انٛدر تہٕ شونٛج پننِس مٲلِس نِشہ۔ سُہ اوس تیوٗت نشس منٛز زِ تس لوٚگ نہٕ پیی زِ سۅ کرِ شونٛج تمِس نشہٕ تہٕ کرِ ؤژھ۔34دویمہِ دوٚہہ وُن بجہِ بیٚنہٕ پننہِ لۅکچہ بیٚنہِ۔ میانؠ کتھ بوز! راتھ راتس شونٛجس بہٕ پننِس مٲلس نِش۔ ۅلہٕ از کروون بیٚیہِ نشس منٛز غرق! یمہِ لٹہِ گژھکھ ژٕ تس نِشہ شونٛگنہِ۔ اگر سُہ ژےٚ نشہٕ شونٛگ ژٕ روزکھ حٲملہٕ تہٕ یتھ کِنؠ ہیٚکی ژیٚتہِ بچہٕ بنِتھ۔"35یتھ کِنؠ کوٚر تِمو تمہِ راژ تہِ پنُن مول مےَ کٕس نشس منٛز مَست، لۅکٕٹ کور گییہِ تہٕ شونٛج تس نِشہ۔ مگر یمہِ لٹہ تہٕ اوس سُہ تیوٗت نشس منٛز زِ تس لوٚگ نہٕ پیی سۅ کرِ شونٛج تس نِشہ تہٕ کرِ ؤژھ۔36یتھ کِنؠ بناوِ لوطنؔ پننہِ دۅشوے کورِ گۅبہِ کھوٚرٕ۔37بجہِ کورِ دیُت پتہٕ أکِس لٔڑکس زایُن، یمسُنٛد ناو تمہِ موآبؔ تھوو۔ سُہ موآبؔ یُس پتہٕ موآبیٚنؔ ہُنٛد جَد بنیاو۔38لۅکچہ تہِ زاو اکھ کڑکہٕ یمِس بنِ عمّیؔ ناو کوٚرُکھ۔ سُے بنیاو پتہٕ تِمن لوٗکن ہُنٛد جَد یمن پتہٕ عمونؔ وننہٕ اوس یوان۔
Bridge Connectivity Solutions Pvt. Ltd.