پیدٲیش17
1ییٚلہِ ابرامؔ نمنمَتھ وہُر ووت تہٕ یہُوواہؔ سپُد تمِس نِش بیٚیہِ نمودار تہٕ وُننَس، "بہٕ چُھس قدرت وول خدا۔ بہٕ چُھس یژھان زِ ژٕ گُزارکھ پنٕنؠ زندگی تِتھے پٲٹھؠ یتھ کِنؠ بہٕ یژھان چُھس۔ بہٕ چُھس یژھان ژٕ گۅژھکھ نہٕ کانٛہہ غلط کرُن۔2بہٕ چُھس توٚہہِ سٟتؠ پنُن کوٚرمُت وعدہ نباوُن یژھان۔ بہٕ کرے ژےٚ واریاہ اولاد عطا۔3ابرامنؔ تروو کلہٕ پتھرِس تہٕ دتُن سجدٕ۔ پتہٕ وُن خداین تمِس،4"یہِ بوز! یہِ چُھ سُہ وعدہ یُس بہٕ توٚہہِ سٟتؠ کران چُھس: ژٕ بنکھ واریہن لوٗکن ہنٛدین ونٛڈن ہُنٛد مول۔5وۅنؠ روزِ نہٕ چون ناو ابرامؔ بلکہ روزِ چون ناو ابرہامؔ، تکیازِ بہٕ بنٲوتھ ژٕ واریاہن لوٗکہٕ جمٲژن ہُنٛد مول۔6بہٕ کرٕ توٚہہِ نِش واریاہ زُرؠ پٲدٕ تہٕ بہٕ کرکھ تِمو منٛزٕ مختلف قوم تہٕ بادشاہ۔7بہٕ چُھس یہِ وعدہ پانس تہٕ ژےٚ درمیان تہٕ ژےٚ پتہٕ چانیٚن زُریٚن ہنٛزن نسلن سٟتؠ ہمیشہٕ خٲطرٕ کران۔ امہِ وعدہ حسابہٕ کرکھ ژٕ خدا زٲنِتھ میانؠ عبادت تہٕ پٲروی، تہٕ چٲنؠ اولاد تہِ۔8بہٕ دمہٕ چانیٚن اولادن کنعان یعنی کنعانُک سورےٕ ملک یتہِ ژٕ وۅنؠ روزان چُھکھ۔ یہِ آسہ تہنٛدِ باپتھ اژھنؠ ملکِیت، تہٕ بہٕ آسہ تِہُنٛد خدا۔"9پتہٕ ووٚن خداین ابرہامسؔ، "وُنؠ چھی ژےٚ امہِ عہدُک پنُن حصہٕ ادا کرتھ اتھ پٮ۪ٹھ عمل کرٕنؠ تہٕ چانین شُرین تہٕ شُرین ہنٛدین شُرین تہِ۔10یہِ وعدہ چُھ تقاضہٕ کران یُس بہٕ ژےٚ تہٕ چانین تمام زُرین سٟتؠ کران چُھس زِ توٚہہِ منٛزٕ گژھِ پرٮ۪تھ کانٛہہ مرٕد ختنہٕ کرُن۔11ختنہٕ کرُن بنہِ یمہِ کتھِ ہنٛز علامت زِ توٚہہِ چُھو یہِ عہد قبوٗل کوٚرمُت یُس بہٕ توٚہہِ سٟتؠ کران چُھس۔12توٚہہِ منٛزٕ گژھِ پرٮ۪تھ لڑکہٕ سُنٛد ختنہٕ تمہِ وزِ سپدُن ییٚلہِ سُہ ٲٹھن دوٚہُن ہُنٛد واتہِ، ینہٕ والین تمام شُرین ہُنٛد، یتھ منٛز تُہنٛدؠ گریٚکؠ بچہ، موٚلؠ ہیٚنہٕ آمٕتؠ غلامن ہنٛدؠ بچہ تہٕ غٲر ملکی یَن ہنٛدؠ شُرؠ تہِ یم توٚہہِ سٟتؠ روزان آسن مگر تُہنٛدس گرس سٟتؠ آسیٚکھ نہٕ کانٛہہ تعلُق۔13امہِ سٟتؠ پییہِ نہٕ کانٛہہ فرق زِ تہنٛدؠ مٲلؠ آسہٕ نا تُہنٛدِ گرٕکؠ فرد یا زرخریدٕ غلام۔ یمن سارنےٕ گژھِ ختنہٕ سپدُن۔ تُہنٛدس جسمس پٮ۪ٹھ گژھِ یہِ نشانہٕ آسُن زِ توٚہہِ چُھ یہِ لازوال عہد قبول کوٚرمُت۔ یُس بہٕ کران چُھس۔14توٚہہِ پزِ پننہِ برادری منٛز سُہ فرد کٔڈتھ ژھنُن یمؠ نہٕ ختنہٕ کوٚرمُت آسہ، تکیازِ سُہ شخص چُھ میانہِ عہدٕچ نافرمٲنی کران۔15خداین وُن ابرہامسؔ یتہِ، "یۅتام چانہِ آشنہِ ساریؔ ہُنٛد تعلق چُھ، ژٕ ونکھ نہٕ وُنؠ تس ساریؔ۔ بہٕ بدلاوٕ تمِس تہِ ناو۔ تمِس روزِ وُنؠ سارہؔ ناو۔16بہٕ کرٕ تس برکتھ عطا تہٕ سۅ دییہِ یقینن چٲنِس أکِس لٔڑکس زایُن۔ تہٕ بہٕ دمہٕ تس تِژھ برکتھ زِ سۅ ییہِ واریہن قومن ہنٛز جدٕ اجداد گنٛزرنہٕ۔ بادشاہ تہٕ عوٲمی قبیلہٕ آسن تمسنٛدِ سلسلہٕ منٛزٕ۔"17ابرہامنؔ تروو خدایس برونٛہہ کنہِ پنُن کلہٕ زمینَس پٮ۪ٹھ۔ مگر پتہٕ ترُوو تٔمؠ اسُن تہٕ لوٚگ پانسےٕ سٟتؠ وننہِ۔ "کیاہ ہتہٕ وُہر انسان ہیٚکیا أکِس لڑکہٕ سُنٛد مول بنِتھ؟ حالانکہ سارہؔ تہِ چھےٚ نمتھ ؤرِش سۅ کتھٕ کِنؠ ہیٚکہِ بچَس زایُن دِتھ؟18پتہٕ وُن ابرہامنؔ خدایس، "شاید کرِ اسماعیل تُہنٛز برکتھ حٲصل تہٕ سُے بنہِ میانہِ وراثتُک وٲرث۔"19پتہٕ دتُس خداین جواب، نَہ! چٲنؠ آشِنؠ سارہؔ دییہِ تہنٛدس لڑکس زایُن۔ توٚہؠ تھٲیِو تس اسحاق ناو۔ بہٕ کرٕ تس سٟتؠ پنُن عہد قٲیم، یُس تمِس تہٕ تمسنٛدین اولادن سٟتؠ پوشہٕ وُن عہَد روزِ۔20یۅتام اسماعیلؔ سُنٛد تعلق چُھ، مےٚ چُھ تٔمسٕنٛدس حقَس منٛز تہِ چون دُعا قبول کوٚرمُت۔ بہٕ کرٕ تمِس برکتھ تاکہٕ تمِس تہِ آسن واریاہ اولاد۔ تمسنٛدیو اولادو منٛزٕ نیرن بہَن قبیلن ہنٛدؠ سردار۔ بہٕ بناون تمؠ سنٛز ذریاتھ اکھ عظیم قوم۔ بوزمُت21مگر یہِ چُھ اسحاق یس سٟتؠ بہٕ پنُن عہد قٲیم کرٕ۔ اسحاق، نیٚچو یَس سارہؔ نوِ ورؠ یہِ یمی وقتہٕ زایُن دییہِ،22ییٚلہ خداین ابرہامس سٟتؠ کتھ مۅکلٲو کٔرِتھ تہٕ خدا گو تمؠ سنٛزو نظرو نِشہ دوٗر۔23امی دوٚہہ نی ابرہامنؔ پنُن نیٚچو اسماعیل تہٕ تمسنٛدؠ گریٚکؠ تمام مرد تہٕ تمن غلامن ہنٛدؠ نیٚچوؠ یم تٔمؠ مٔلؠ ہیتمٕتؠ ٲسؠ تہٕ اوننَکھ ختنہٕ کٔرِتھ۔ تٔمؠ ژٔٹ تمن مسلہٕ رژھا، یتھ کِنؠ تمِس خداین کرُن ونمُت اوس۔24ییٚلہِ ابرہامؔ سُنٛد ختنہٕ سپُد تمہِ وزِ ٲسؠ تم نمنمَتھ ؤہرؠ۔25تہٕ اسماعیل اوس تُرواہ وُوہر ییٚلہِ تمِس ابرہامنؔ ختنہٕ کوٚر۔26امی دوٚہہ سپُد ابرہامؔ تہٕ تمسنٛدس نیٚچوؠ اسماعیل سُنٛد ختنہٕ۔27تمسنٛدین تمام گرِکیٚن مردن، یمہٕ تتہِ زامٕتؠ ٲسؠ تہٕ تِمن تہِ یم ابرہامنؔ پردیسی مٔلؠ ٲسؠ ہیٚتمٕتؠ۔ یمن سارنی سپُد ختنہٕ۔
Bridge Connectivity Solutions Pvt. Ltd.