پیدٲیش15
1کینٛہہ کٲلؠ پتہٕ، وُچھ ابرامنؔ خاب یتھ منٛز تمِس سٟتؠ یہُوواہنؔ کتھ کٔر تہٕ وُننَس، "ژمہٕ کھۅژ کُنہِ چیزس۔ بہٕ کرٕ چٲنؠ حفاظت تہٕ بیٚیہِ دِمے بوٚڈ انعام۔"2ابرامنؔ دِتُس جواب، "خداوند یہُوواہؔ، ژٕ کتہٕ ہیککھ مےٚ تہِ دِتھ یہِ بہٕ پزی یژھان چُھس، تکیازِ مےٚ چُھنہٕ کانٛہہ اولاد، تہٕ یُس میانہِ سارے وراثتُک وٲرث بنہِ سُہ چُھ دِمشقُک میٚون خٲدم الِیعزرؔ۔"3ابرامنؔ ووٚن یتہِ، ژےٚ کۅرتھ نہٕ مےٚ کانٛہہ اولاد عطا، یمہِ کِنؠ میانہِ گرُک اکھ خٲدم میانؠ سٲرےٕ وراثت رٹہِ۔"4خداوند یہُوواہنؔ دِتُس جواب، "نَہ! تہِ سپدیٚنہٕ سُہ ہیٚکنہٕ تمیُک وٲرث بٔنتھ۔ بلکہ آسہ تمیُک وٲرث سُہ یمسنٛد پانہٕ ژٕ مول آسکھ، یُس چٲنِس پرٛتھ چیزس وٲرث آسہ۔5پتہٕ کۅڈ یہُوواہنؔ ابرامؔ پننہِ خٟمہ منٛزٕ نیٚبر تہٕ وُننَس، "وُچھ آسمانس کُن! کیاہ ژٕ ہیٚکہٕ کھا یم تارک گنٛزرٲوِتھ؟ نہ، ژٕ ہیٚککھ نہٕ یمن گرینٛد کٔرِتھ۔ تکیازِ یم چھِ واریاہ۔ یتھے کِنؠ آسن چٲنؠ اولاد تہِ تارکن ہنٛدؠ پٲٹھؠ بے شمار۔6ابرامسؔ ٲس اتھ کتھِ پٮ۪ٹھ پژھ زِ یہِ یہُوواہنؔ وُن تہِ بنہِ۔ یہِ یمہِ کِنؠ زِ یہُوواہنؔ زون سُہ بہتر۔7یہُوواہنؔ وُن تمِس یتہِ زِ بہٕ چُھس یہُوواہؔ۔ بہٕ چُھس سُے یمؠ ژٕ کلدیہؔ ملکہ کہِ اُورؔ منٛزٕ کٔڈتھ انُکھ تہٕ یور واتنووُکھ۔ تاکہِ یمہِ زمینہِ ہُنٛد بناوتھ وٲرث۔"8مگر ابرامنؔ ونُس در جواب، "خداوند یہُوواہؔ، بہٕ کتھٕ کِنؠ کرٕ یقین زِ یہِ زمین آسہ میانؠ؟"9خداین وُن تمِس، نیر اکھ انُن ترُووہہ ؤرِش ہکھٕر، بیٚیہِ انُن ترُووہہ ؤرِش ژھاوج تہٕ اکھ کُکِل تہٕ بیٚیہِ کوتُر واتناوکھ مےٚ نِش۔10تہٕ ابرامنؔ أنؠ یم سٲری تہٕ مٲرِن۔ پرٮ۪تھ کٲنٛسہٕ جانور سُنٛد نیصف نِکرووُن، تہٕ تھووُن سٟتؠ سٟتؠ شیرِتھ۔ مگر کُکلہِ تہٕ کوترَس کٔرِن نَہ زٕ حصہٕ۔11تم جاناوار یم مُمٕتؠ جانور کھیٚوان چھِ ؤتھؠ لاشن کھیٚنہٕ خٲطرٕ مگر ابرامنؔ ژٔلرٲوؠ تِم۔12ییٚلہِ دوٚہہ لوسُن ہیٚوتُن ابرامسؔ پیٚیہِ مٔژ نینٛدر تہٕ اچانک سپُد انہِ گۅٹ تہٕ تس انٛدؠ پٔکؠ سٲری چیز گے ہٲبتناک۔13تہٕ خداوند یہُوواہنؔ وُن ابرامسؔ، بہٕ چُھس توٚہؠ زٲنؠ راوُن یژھان زٕ تُہنٛدؠ اولاد گژھن تتھ ملکس منٛز پردیسی بنِتھ روزنہِ یُس نہٕ تِمن پنُن آسہ، یتہ تِم تتہِ کیٚن بسکین دارن ہنٛز غلامی کرن۔ تہٕ تم زمیندار کرَن تمن پٮ۪ٹھ ژورن ساسن ورؠ ین ظلُم۔14مگر پتہٕ دمہٕ بہٕ تمہِ ملکہٕ کیٚن لوٗکن سزا، یتہِ تم غلام آسن۔ ادٕ نیرن چٲنؠ اولاد تمہ ملکہٕ منٛزٕ سیٹھاہ مالہٕ جاداد ہیٛتھ۔15پتھ رودیٚو توٚہؠ، توٚہؠ گُزریٚو سیٹھاہ آسٲیشہٕ سان۔ ییٚلہ توٚہؠ واریاہ بزرگ ٲسِو تہٕ یِیو دفناونہٕ۔16تہٕ تُہنٛدؠ اولاد یِن ژورن ہتَن ورؠ ین ہنٛزِ غلامی پتہٕ یور واپس، تم کرَن یتھ زمینس پٮ۪ٹھ امورؔ لوٗکن شِکس دِتھ قبضہٕ۔ تۅتام ہیٚکہ نہٕ یہِ سپدِتھ۔ تکیازِ امورؔ لوٗکن چُھنہٕ وُنہ تیتؠ گناہ غٲلِب گٔمتؠ زِ بہٕ دمہٕ تِمن یُتھ سزا۔17ییٚلہ دوٚہہ لوس تہٕ تٲریکی سپٕز سوکھٕ موٚکھٕ گو یہِ امید آسنہٕ بغٲرے دزوُن ژونٛگ تہٕ اکھ کتریٚو بانہٕ یتھ منٛز ژِنہ وُہان آسہ ظٲہِر تہٕ وٲتؠ جانورن ہنٛدس نیصف حصس نشہٕ۔18امی دوٚہہ کوٚر خداوند یہُوواہنؔ ابرامسؔ سٟتؠ وعدہ۔ یہُوواہنؔ وُن تمِس، بہٕ دمہٕ چانیٚن اولادن سۅ سٲری زمین یۅسہ درؠ یاون درمیان مِصرٕکہ مشرقی سرحدٕ پٮ۪ٹھٕ درؠ یایہ فراتؔ کِس شمالی علاقس تام چھےٚ۔19یہِ چھےٚ سۅ زمین یتہ قینیَن، قنزیؔ ین، قدمُونؠ،20حِتی، فِرزی، رفایم،21اموریؔ، کنعان، جِرجاسؠ تہٕ یبوسٕکؠ لوٗکھ روزان چھِ۔
Bridge Connectivity Solutions Pvt. Ltd.