پیدٲیش14
1تتہِ ٲسؠ ژور متحد بادشاہ۔ یمن منٛز بابلُک بادشاہ امرافیلؔ، الاسرُکؔ بادشاہ اریوکؔ، عیلامُک بادشاہ کدرلاعمر تہٕ جوئیمُک بادشاہ تدعال اوس۔2تِمو کٔر پانٛژن بادشاہن پٮ۪ٹھ حملہٕ کرنٕچ سٲزِش: سدومؔ کِس بادشاہ برَعؔ، عمورہ کِس بادشاہ بِرشعؔ، آدمؔ کِس بادشاہ سنیابؔ، زبوئیم کِس بادشاہ شمیبرؔ تہٕ بالعؔ یعنی ضُعرؔ بادشاہس سٟتؠ۔3تم پانٛژوے بادشاہ تہٕ تِہُنٛد فوج گو یمن ژوٚن بادشاہن تہٕ تہنٛدِس فوجس سٟتؠ جنٛگ کرنہٕ باپتھ سدیم وادی منٛز جمع یتھ بحیرے مردار وادی تہِ وننہٕ چُھ یوان۔4کدرلاعمر بادشاہن کٔر تِمن پٮ۪ٹھ بہن ورؠ ین حکومَتھ۔ مگر تُروٲہمہِ ورؠ یہِ کٔر تِمو چیڈور لاومر بادشاہس خلاف بغاوت تہٕ تمِس کُن مذید چنٛدٕ دِنَس کوٚرکھ اِنکار۔5بیٚکہ وریہ لٔگؠ کدرلاعمرؔ بادشاہ تہٕ دویم بادشاہ یم تس سٟتؠ ٲسؠ پنُن فوج جمع کٔرتھ پانٛژن بادشاہن ہنٛدس علاقس کُن ینہِ۔ تِمو دِیُت عستاراتؔ کرنائمَس منٛز رفایم لوٗکن، ہامَسؔ منٛز زُوزیؔ لوٗکن، تہٕ سوِی قریتؔ یمَسؔ منٛز ایمی لوٗکن شِکس۔6تِمو کٔر حوریؔ لوٗکن پننِس پہٲڑی علاقہٕ شعیرَسؔ منٛز صحراہَس نکھٕ ال پارانَس تانؠ لار۔7تورٕ واپس پھیرتھ گے تِم عین مصفاتؔ، یتھ وۅنؠ قادِس ونان چھِ۔ تِمو کوٚر عمالیقیؔ تہٕ اموریؔ لوٗکن ہنٛدس سٲرسےٕ زمینس پٮ۪ٹھ قبصہٕ یم حصیصون تمرؔ جایہ روزان ٲسؠ۔8پتہٕ دراے سدومؔ، عمورہؔ آدمؔ، زبوئیم تہٕ بالعؔ بادشاہ تہٕ لٔگؠ سدیم وادی منٛز ژوٚنوٕنی بادشاہن ہنٛدس فوجس سٟتؠ لڑنہِ۔9تِمو لوٚڈ عیلام کِس بادشاہ کدرلاعمر، جوئیم کِس بادشاہ تدعال، سنعار کِس بادشاہ امرافیلؔ تہٕ الاسرؔ کِس بادشاہ اریوکس سٟتؠ۔ ژورن بادشاہن ہُنٛد فوج اوس پانٛژن بادشاہن ہنٛدس فوجَس سٟتؠ لڑان۔10سدیمؔ وادی ہنٛزِ تارکول سڑک ٲس دۅبو سٟتؠ بٔرِتھ۔ ییٚلہِ سدومؔ تہٕ عمورہ کیٚن بادشاہن ہنٛدؠ فوجی ژلنہِ لٔگؠ واریاہ نفر گے یمن دۅبن منٛز۔ باقی یم بچاے تم ژٔلؠ پہاڑن کُن۔11ییٚلہِ تِم ژٔلؠ تہِ تہنٛدیو دُشمنو وُٹ سدومؔ تہٕ عمورہؔ سُنٛد سورےٕ مالہٕ جائیداد تہٕ کھیٚن چیٚنٕکؠ چیز تہِ۔12تِمو نیٚو ابرامؔ سُنٛد باپتھٕر لوط تہٕ تمسُنٛد مال تہِ تکیازِ سُہ اوس تمہِ وزِ سدومَس منٛز روزان۔13ابرامؔ اوس تمہِ وزِ تِمن بڈین کُلین نِش بسان یمہٕ ممرےؔ سنٛدؠ ٲسؠ، ممرےؔ ٲسؠ امورؔ سٕنٛدِس قبیلس سٟتؠ تعلق تھاوان۔ ابرامنؔ کوٚر ممرےؔ تہٕ تمسنٛدین دوٚن باین اسکالؔ تہٕ عانیرؔس سٟتؠ اکھ مہادٕ زِ اگر جنگ سپُد تہٕ تِم کرن اکھ أکِس مدد۔ جنگہٕ پٮ۪ٹھٕ ژٔلِتھ آمٕتؠ اکؠ نفرن وُن عِبرٲنؠ ابرامسؔ زِ کیاہ سپُد، تہٕ دشمنو نیٚو تمسُنٛد باپتھر لوٗط اغوا کٔرتھ۔ ابرامنؔ أنؠ 318 نفر یم تسنٛدؠ خدمتگار ٲسؠ ناد دتھ، تم نفر یم ابرامسؔ لۅکہ چارکؠ سٲتھی ٲسؠ تہٕ زانان ٲسؠ زِ جنٛگس منٛز کِتھ کٔنؠ چُھ لڑُن۔ تِم سٲری سپٕدؠ جمع تہٕ کھٲلِکھ دان شہرس تام پنٕنؠ دشمن پتھ۔15راتس دوران کٔرؠ ابرامنؔ پنٕنؠ نفر بیٚون بیٚون جمٲژن منٛز تقسیم تہٕ تِمو دیُت پننٮ۪ن دشمنن واریہو انٛدو حملہٕ کٔرتھ شِکس۔ تِمو کٔر تِمن دمشق شہرٕ کہ شمٲلی انٛدٕ خوبہ ہَس تام لار۔16ابرامؔ سنٛدیو نفرو اوٚن سُہ سورےٕ سامانہٕ واپس یُس نِمُت اوسہَکھ۔ تِمو بچوو لوطؔ تہٕ تمسُنٛد سورےٕ مال و اسباب تہٕ تمہٕ مستوراتہٕ تہٕ باقی لوٗکھ تہِ یم تہنٛدیو دشمنو نمٕتؠ ٲسؠ۔17ییٚلہِ ابرامؔ تہٕ تمسنٛدؠ نفر کدرلاعمر بادشاہ سٕنٛدِس فوجس شکس دِتھ واپس گرٕ آے تہٕ سدومُک بادشاہ آو شمالہٕ کِنؠ سوِی وادی منٛز تمِس سمکھنہِ، یَتھ لوٗکھ بادشاہ وادی تہِ ونان ٲسؠ۔18سالِم شہرُک بادشاہ ملک صدقؔ یُس پانہٕ تہِ اکھ بزرگ تہٕ معتبر کاہن اوس أنؠ ابرامسؔ کِژ ژۅٹ تہٕ بیٚیہِ مےَ۔19پتہٕ کوٚر تٔمؠ ابرامسؔ دُعا تہٕ وننَس، "مےٚ موٚنگ تُہنٛدِ خٲطرٕ برتر تہٕ اعلیٰ خدایس، یمؠ آسمان تہٕ زمین پٲدٕکٔرؠ زِ ژےٚ دی نےَ برکتھ۔20بہٕ چُھس خدایس کُن شُکر کران یمؠ توٚہہِ پننؠن دشمنن پٮ۪ٹھ شِکس دِنٕچ تہٕ فتح لبنٕچ قوت دِژ۔" پتہٕ دیُت ابرامنؔ ملک صدقسؔ تِمن سارنی چیزن ہُنٛد دٔہم حصہٕ یم تٔمؠ حٲصِل ٲسؠ کٔرمٕتؠ۔21سدومٕکؠ بادشاہن ووٚن ابرامسؔ، "ژٕ ہیککھ تِم سٲری چیز پانس نِشہ تھٲوِتھ یم توٚہہِ حٲصل کٔریٚو مےٚ دِیو صرف تم نفر پانس سٟتؠ ننہٕ یمہٕ توٚہہِ میانہِ شہرٕکؠ رٔٹِتھ أنووکھ۔22مگر ابرامنؔ ووٚن سدومؔ کِس بادشاہس، "مےٚ چُھ خداوند یہُوواہؔ ہس سٟتؠ وعدہ کوٚرمُت یمؠ آسمان تہٕ زمین پٲدٕ کٔرؠ۔23زِ بہٕ نمہٕ نہٕ کُنہٕ چیزٕ منٛزٕ پنٛداو یا کھۅبانُک فیتہٕ تہِ یُس چون آسہ۔ امیٚک نتیجہِ نیرٕ یہِ زِ ژٕ ہیٚککھ نہٕ زانٛہہ تہِ ؤنِتھ مےٚ بنوو ابرامؔ امیر۔24بہٕ کرٕ صرف اکھ چیز قبول، سُہ گو کھیٚن یُس میانؠ نفر کھیٚوان چھِ۔ مگر عانیرؔ، اسکالؔ، تہٕ ممرےؔ رودؠ مےٚ سٟتؠ سٟتؠ تہٕ لوٚڈُکھ تہِ۔ امہِ موٚکھٕ دِیو تِمن امہِ مالہٕ منٛزٕ حصہٕ یُس اسہِ تورٕ واپس اوٚن۔
Bridge Connectivity Solutions Pvt. Ltd.