پیدٲیش13
1مِصرٕ منٛزٕ نیرتھ دراے ابرامؔ تہٕ ساریؔ یہُوداؔ کیٚن بیابانَن کُن واپس۔ تِمو تُل پنُن سورےٕ مال، تہٕ لوط تہِ دراو تِمن سٟتؠ۔2ابرامؔ اوس آسن وول۔ تمِس ٲسؠ واریاہ چو چاروٲے، سۅن تہٕ رۅف۔3تِمو تھوو اکہٕ جایہ پٮ۪ٹھٕ بیٚیس جایہ تام سفر جٲری۔ جنوبی یہُودیہ پٮ۪ٹھٕ بیت ایلؔ تہٕ بیت ایلؔ پٮ۪ٹھ عیؔ یس منٛزباغ دِتؠ تِمو گۅدٕ پنٕنؠ خٲمہٕ۔4یہِ ٲس سۅ جاے یتہِ ابرامنؔ قربان گاہ بنٲومٕژ ٲس؛ یتہِ تٔمؠ بیٚیہِ یہُوواہؔ سنٛز عبادت کرٕنؠ لٲج۔5لوط، یُس ابرامسؔ سٟتؠ سفر کران اوس، تمِس تہِ ٲسؠ تیر، ژھاوٕلؠ کھیٚلؠ تہٕ خٟمہٕ۔6یمن دوٚنونی تیتؠ بٔڈؠ جَب یم نہٕ اکسےٕ جایہِ ویٚپِتھ ہیٚکہٕ ہَن۔ اتہِ ٲس نہٕ تیژ جاے یتہِ چارواین منٲسب کھیٚن چیٚن میلِتھ ہیٚکہِ ہے۔7بیٚیہِ سپُد یتہِ زِ ابرامؔ سنٛدیو جَب رچھن والیٚو موہنیو تہٕ لوطؔ سنٛدیو موہنیو لٲج پانہٕ وٲنؠ ہَر کرٕنؠ۔ کنعانؔ تہٕ فِرزی سنٛدؠ اولاد تہِ ٲسؠ أتھؠ علاقس منٛز روزان۔8پتہٕ ووٚن ابرامنؔ لوطسؔ، "چونکہِ أسؠ چھِ پانہٕ وٲنؠ قریبی ٲشناو، یہِ چُھنہٕ سانہِ خٲطرٕ جان زِ أسؠ ہیٚمو لڑٲے یا چٲنؠ مُوہنی یم چانیٚن چاروین رٲچھ چھِ، کیاہ ہیٚن تِمن موہنیٚن سٟتؠ جنٛگ یم میانؠ چاروٲے رچھان چھِ۔9یتہِ چھےٚ اسہِ دوٚنون خٲطرٕ کافی جاے۔ لہٰذا پزِ اسہِ الگ الگ روزُن۔ ژےٚ یُس انٛد خوش چھی سُہ رٹھ تہٕ۔ اگر ژٕ ہُہ علاقہٕ رٹکھ بہٕ روزٕ تیٚلہِ یتی، اگر ژٕ یوہے انٛد رٹکھ تیٚلہِ گژھِ بہٕ ہُتھ انٛدس۔10لوطنؔ کٔر ضُعرؔ علاقس کُن نظر تہٕ وچُھن یردن درؠ یاوس نکھٕ مٲدانَس نِشہ کٲفی آب۔ یہِ چُھ برونٛہہ سپُدمُت زِ یہُوواہؔ ہن چھِ سدومؔ تہٕ عمورہؔ تباہ کٔرمٕتؠ یم اتھ مٲدانس نِش ٲسؠ۔ تمہِ دوٚہہ اوس یہِ زنتہٕ یہُوواہؔ سُنٛد باغ، یتھ کٔنؠ زَن مِصرس منٛز نیٖل درؠ یاوس نِشہ زمین چھےٚ۔11لہٰذا ژٲر لوطن دٔرؠ یایہِ یردن کِس مٲدانس نِشہ پننہِ باپتھ جاے۔ تٔمؠ تروو پنُن پِتٕر ابرامؔ أتی تہٕ دراو مشرقس کُن12ابرامؔ بیوٹھ کنعانَس منٛز تہٕ لوطؔ گو درؠ یایہِ یردن کیٚن مٲدانَن منٛز شہری علاقن نزدیک، تٔمؠ دِتؠ سدومؔ جایہ نِش پنٕنؠ خٟمہٕ۔13وُنؠ لٲگؠ تِمو بُرٕ لوکو یم سدومَس منٛز روزان ٲسؠ یہُوواہسؔ خلاف بُرٲییہِ کٔرتھ گناہ کرٕنؠ۔14ابرامؔ تہٕ لوط سٕنٛدِ الگ نیرنہٕ پتہٕ ووٚن یہُوواہنؔ ابرامسؔ، "یتھ علاقس منٛز ژٕ چُھکھ یہِ وچُھن وارٕ، ژۅپٲرؠ دِس نظر۔15بہٕ دِمے ژےٚ تہٕ چانین شُریٚن یہ سٲرےٕ زمین یۅسہ ژٕ وُچھان چُھکھ۔ بہٕ کرٕ یہِ ہمیشہٕ خٲطرٕ تُہنٛدِ ناوٕ۔16بہٕ بڑاون تُہنٛز ذریاتھ لژھِ ہنٛدؠ پٲٹھؠ۔ اگر کانٛہہ شخص لژھِ ہنٛدؠ زرٕ گنٛزراونٕچ کوشش کرِ زانُن گژھِ زِ تٔمؠ کٔر تُہنٛز ذریاتھ گنٛزراونٕچ کوشش17پرٮ۪تھ کُنہِ انٛدٕ پھیر اتھ زمینس تکیازِ بہٕ چُھسے یہِ سٲرےٕ ژےٚ دِنہٕ وول۔18پتہٕ مُژرٲوؠ ابرامنؔ پنٕنؠ خٟمہٕ تہٕ دراو حبرون کُن تہٕ بسیاو ممرےؔ کیٚن بڈیٚن کُلیٚن نشہٕ۔ تتہِ بنٲو تٔمؠ کنین ہنٛز اکھ قربان گاہ یُتھ سُہ یہُوواہؔ سٕنٛدِ ناوٕ قربٲنیہِ پیش کرِ۔
Bridge Connectivity Solutions Pvt. Ltd.