خروج7
1پتہٕ ووٚن خداوندن موسیٰؔ ہس، "وُچھ۔ بہٕ کٔرِتھ ژےٚ بادشاہس نِشہ أکِس خدایہِ سنٛدؠ رنگؠ پیش، تہٕ چون بوے ہارونؔ آسہ أکِس نبیس ہیو تکیازِ سُہ کرِ چانہِ بدلہٕ کتھٕ۔2ژےٚ ونُکھ تہِ سورےٕ یہِ بہٕ ژےٚ حکم دِمے پتہٕ وُننہِ ہارونؔ تہِ سورےٕ بادشاہس۔ سُہ ؤننہِ بادشاہس زِ اسرائیلی لوٗکن دِیہ پننہِ ملکہٕ منٛزٕ نیرنہٕ۔3مگر بہٕ بناون سُہ بادشاہ ضدی۔ امی سٟتؠ ہیٚکہٕ بہٕ مِصرس منٛز واریاہ قسمک معجزٕ ہاوتھ۔4بادشاہ کرِ نہٕ تتھ پؠٹھ یقین یہِ توٚہؠ تمِس ونیو۔ پتہٕ دِمہٕ بہٕ مِصرٕ کؠن لوٗکن سخ سزا، تہٕ کڈکھ اسرائیلی قبیلن ہنٛدؠ پنٕنؠ لوٗکھ مِصرٕ منٛزٕ نیٚبر۔5پتہٕ ہاوٕ بہٕ مِصری لوٗکن پنُن عظیٖم طاقت، تہٕ نِمکھ اسرائیلی لوٗکھ تِمو منٛزٕ نیٚبر کڈتھ، أتی زانن تِم زِ بہٕ چُھس یہُوواہؔ، ساروےٕ کھۅتہٕ طاقتور خدا۔"6ہاروننؔ تہٕ موسیٰؔ ہن کوٚر تہِ سورےٕ یہِ یہُوواہنؔ تِمن کرُن ونمُت اوس۔7ییٚلہِ خداین تِم سوزؠ مِصرٕ کِس بادشاہس سٟتؠ کتھ کرنہِ، تمہِ وزِ اوس موسیٰؔ شیٖتہٕ وۅہر تہٕ ہارونؔ اوس ترٚیشیتہٕ وۅہر۔8یہُوواہنؔ ووٚن موسیٰؔ تہٕ ہارونؔس،9"ہرگاہ بادشاہ توٚہہِ ونیٚو، اکھ معجزٕ کٔرِتھ ہٲوو مےٚ زِ توٚہہِ چُھو خداین سوٗزمٕتؠ، پتہٕ ؤنؠ زِ ژٕ ہارونؔس، بادشاہس برونٛہہ کنہِ زمینہِ پؠٹھ عاصہٕ تراونُ یُتھ زنہٕ سُہ اکھ سرف بنہِ۔"10أتی گۓ ہارونؔ تہٕ موسیٰؔ بادشاہس نِشہ یتھٕ کٔنؠ یہُوواہنؔ تِمن ووٚنمُت اوس تہٕ تِمو کوٚر تی۔ ہارونؔن دِیت پنُن عاصہٕ بادشاہس تہٕ تٔمؠ سنٛدین دربارؠن برونٛہہ کٔنؠ دٲرتھ، تہٕ سُہ بنوو اکھ سرف۔11پتہٕ أنؠ بادشاہن ناد دِتھ پنٕنؠ دانا نفر تہٕ تِم نفر یِم جود چھِ کران۔ تِمو کوٚر برابر تی پننہِ جادوگری سٟتؠ۔12تِمو ساروےٕ دِتؠ پنٕنؠ عاصہٕ دٲرتھ، تہٕ تِم عاصہٕ بنیاے سرف۔ پتہٕ نؠنگلؠ ہارونؔ سٕنٛدؠ سرفن تِہنٛدؠ سٲری سرف!13مگر، یتھٕ پٲٹھؠ زن یہُوواہنؔ ووٚنمُت اوس، بادشاہ روٗد ضدس پؠٹھ، تہٕ تٔمؠ کوٚر نہٕ ہارونؔ تہٕ موسیٰؔ سنٛدِس ؤنؠ مٕتِس پٮ۪ٹھ یقین۔14پتہٕ ووٚن یہُوواہنؔ موسیٰؔ ہس، "بادشاہ چُھ ضدی۔ سُہ چُھ میٲنؠن لوٗکن گژھنہٕ باپتھ اجازت دِنس اِنکار کران۔15لہٰذا صبحس گژھِ تہٕ تمِس سمکھ دریایہِ نیٖل کِس بٹھِس پؠٹھ۔ تمِس کرِ بٔٹِھس پؠٹھ انتظار۔ سُہ عاصہٕ تُل سٟتؠ یُس اکھ سرف چُھ بنیامُت۔16تمِس ووٚن، "سُہ خدا یمِس ناو یہُوواہؔ چُھ، یمِس عِبرٲنؠ عبادت چھِ کران، تٔمؠ سوزس بہٕ ژےٚ نِشہ یہِ ونہٕ باپتھ زِ تسنٛدین لوٗکن دِ گژھنہٕ یُتھ زن تِم بیابانس منٛز عبادت کرن۔ مگر ژےٚ چُھتھ نہٕ ونہِ تہِ مونمُت۔17یہُوواہنؔ ووٚن یتھٕ پٲٹھؠ:" یمہِ طریقہٕ زانُک ژےٚ زِ بہٕ چُھس یہُوواہؔ۔ وُچھ! یہِ عاصہِ یُس مےٚ اتھس منٛز چُھ دِمن دریایہِ نیٖل کِس آبس منٛز دٲرتھ۔ ییٚلہِ بہٕ یہِ کرٕ، تہٕ آبس سپدِ خوٗن۔18دریایہِ نیٖلچہ گاڈٕ مَرَن تہِ دریاوٕ کس آبس وۅتھِ مُشِک۔ مِصرٕ کؠن لوٗکن لگہ امہِ دریاوکہِ آب چؠنہٕ سٟتؠ منہٕ پِھیُر۔"19یہُوواہنؔ تھوٚو جٲری، "پتہٕ ووٚن ہارونسؔ، پنُن عاصہِ رٔٹھ تِتھے پٲٹھؠ یتھٕ پٲٹھؠ ژےٚ مِصرس منٛز سٲرسےٕ آبس پؠٹھ یہِ رٹان اوسُکھ دریاون، نہرن، تالابن، حوضن پؠٹھ۔ ییٚلہِ ہارونؔ تہِ، سٲرسےٕ مِصرس منٛز سپدِ خوٗنُے خوٗن، ہتاکہِ لکٕرِ ہنٛدؠ تہٕ کنؠن ہنٛدؠ بانن منٛز تہِ۔"20لہٰذا موسیٰؔ ہن تہٕ ہاروننؔ کوٚر تیٖ یہِ یہُوواہنؔ تِمن کرُن ووٚنمُت اوس۔ ہاروننؔ تُل پنُن عاصہِ تہٕ لویُن دریایہِ نیٖل کس آبس ییٚلہِ یہِ بادشاہ تہٕ تسنٛدؠ دربارؠ وچھان ٲسؠ۔ دریاوس منٛز سپد سورے آب خوٗنس منٛز تبدیل۔21دریاوچہِ سارے گاڈٕ موٚیہِ پتہٕ آبس آو تیوٚت مُشِک زِ مِصری لوٗکو ہؠکؠ نہٕ دریاوک آب چؠتھ۔ مِصرس منٛز اوس سورے آب خونے یوٚت۔22مِصرٕ کیٚو جادوگرو تہِ کوٚر پنٕنؠ جادوگری استعمال کٔریتھ یی۔ بادشاہ سنٛدِ ضدٕ روز برقرار تہٕ تہِ مونُن نہٕ یہِ ہاروننؔ تہٕ موسیٰؔ ہن ووٚنمُت اوس، تِتھے پٲٹھؠ یتھٕ پٲٹھؠ یہُوواہنؔ ووٚنمُت اوس۔23بادشاہ پھیور تہٕ پتہٕ گوٚو پننِس محلہٕ خانس کنُ واپس، تٔمؠ سونچ نہٕ پتہٕ اتھ متعلق زیادٕ۔24مِصرٕ کؠو ساروےٕ لوٗکو کٔھنؠ چینہٕ باپتھ آب حٲصٕل کرنہٕ خٲطرٕ دریایہِ نیٖلس نکھٕ زمیٖنس دوٚب، تکیازِ تِمو ہیوٗک نہٕ دریاوک آب چیٚتھ۔25یہُوواہؔ سٕنٛدؠ دسؠ دریایہِ نیٖلس پؠٹھ عاصہِ لاینہٕ پتہ اوس اکھ ہفتہٕ گومُت۔
Bridge Connectivity Solutions Pvt. Ltd.