خروج8
1پتہٕ ووٚن یہُوواہنؔ موسیٰؔ ہس، "واپس گژھِ بادشاہس نِش تہٕ تمِس ووٚن، زِ یہُوواہؔ چُھ ونان میانؠن لوٗکن دِ نیرنہٕ یُتھ زن تِم وجارس منٛز میٲنؠ عبادت کرٕنؠ۔2ہرگاہ ژٕ یِمن گژھنہٕ دِکھ نہٕ، بہٕ سوزکھ مِنہ مٔڈٕ یِم چٲنس سٲرۓملکس منٛز پھہلن تمی سٟتؠ دِمہو توٚہہِ سزا۔3نیٖل دریاوے یوت آسہ نہٕ مِنہ مُنٛڈجو سٟتؠ برِتھ، بلکہ مِنہ مُنٛڈجہ کھسن درؠ یاوٕ منٛزٕ ہیٚور تہٕ اژن چانس گرس منٛز۔ تِم اژن چانہِ شونٛگن جایہ بیٚیہِ چٲنس پلنٛگس منٛز۔ تِم آسن چٲنؠن غلامن تہٕ باقے لوٗکن ہنٛدین گرن منٛز۔ تِم اژن تُہنٛدین دآنن منٛز بیٚیہِ اژن تِم تہنٛزن تِمن کڑاین منٛز یِمن منٛز توٚہہِ ژوٹ بناونہٕ خٲطرٕ اوٹ منٛڈان چھِوی۔4مِنہ لگاون وۅٹھ ژےٚ پٮ۪ٹھ، مِصری لوٗکن پٮ۪ٹھ، تہٕ چانٮ۪ن تمام غلامن پٮ۪ٹھ۔"5بیہِ ووٚن یہُوواہنؔ موسیٰؔ ہس، "یہِ ووٚن ہارونؔس: پنُن عاصہٕ رٹھ پننِس اتھس منٛز تہٕ کڈ تتھٕ پٲٹھؠ زن تہِ آسکھ درؠ یاون، نہرن، تالابن کنُ کڈان، مِنہ مٔڈٕکھالکھ امہِ تمام آبہٕ منٛزٕ ہیٚور یُتھ تِم مِصرٕ کِس سٲرسےٕ ملکس تیٖلنؠ۔"6ییٚلہِ موسیٰؔ ہن تمِس تہِ ووٚن، ہاروننؔ پھرنوو پنُن اتھٕ مِصرٕ کِس سٲرسےٕ آبس پٮ۪ٹھ۔ پتہٕ کھژٕ ننہٕ مِنہ آبہٕ منٛزٕ تہٕ مِصر روٚٹُکھ تل۔7مگر جٲدؠ گرو تہِ کوٚر یی تہٕ تِمو تہِ کھالناوِ ننہِ مِنہ آبہٕ منٛزٕ تہٕ کھژٕ مِصرٕ کِس زمیٖنس پؠٹھ۔8پتہٕ اوٚن بادشاہن موسیٰؔ تہٕ ہارونؔ ناد دِتھ تہٕ وُننکھ، "یہُوواہسؔ ؤنِو زِ سُہ کرِ یِمن مِنٮ۪ن مےٚ تہٕ میانؠن لوٗکن نِشہ دفع۔ تمہِ پتہٕ دِمہٕ بہٕ تُہنٛدین لوٗکن یہُوواہؔ سنٛز عبادت کرنہٕ خٲطرٕ گژھنک اجازت۔"9موسیٰؔ ہن ووٚن بادشاہس، "ژےٚ روٗزؠ نےَ یہِ میون تھؠکنُ زِ بہٕ کرِ کرٕ چٲنؠ، چانؠن دربارؠن تہٕ چانؠن لوٗکن ہنٛز باپتھ دُعا۔ بہٕ کرٕ دُعا زِ ننہٕ موٚنڈجہِ گژھن نہٕ تہنٛدؠن گرن منٛز یِنؠ تہٕ تِم روٗزن دریایہِ نیٖلس منٛزٕ۔"10بادشاہن دِیت جواب، "پگاہ کرِ سانہِ خٲطرٕ دُعا۔ "لہٰذا موسیٰؔ ہن ووٚن، "بہٕ کرٕ تیٖ یہِ ژٕ ووٚننکھ۔ ژےٚ چھے خبر زِ خدا یمِس ناو یہُوواہؔ چُھ یمِس أسؠ عبادت کران چھِ، یُس کُنے پوٚز خدا چُھ تہٕ تمِس ہیو چُھنہٕ بیٚیہِ کانٛہہ خدا11ژےٚ تہٕ چانہِ گرٕ چانؠو دربارؠو تہٕ لوٗکو نِشہ گژھن ننہٕ مِنہ دوٗر تہٕ تِم روزن صرف دریایہِ نیٖلس منٛز۔"12موسیٰؔ تہٕ ہارونؔ درایہِ پتہٕ بادشاہس نِشہ۔ موسیٰؔ ہن کوٚر یہُوواہسؔ زارٕ پارٕ تِم ننہٕ موٚنڈجؠن متعلق یِم تٔمؠ بادشاہس سزا دِنہٕ خٲطرٕ استعمال کرِمژٕ آسہ۔13یہُوواہنؔ کوٚر تیٖ یہِ موسیٰؔ ہن تمِس ووٚن۔ نتجہِ دراو، تِم سٲری ننہٕ موٚنڈجہِ یِم تِہنٛدین گرن، آنٛگنن بیٚیہِ تہنٛدین کھہَن منٛز آسہ موٗیہِ۔14لوٗکو سوٚمبرایہِ تِم سٲری ننہٕ موٚنڈجہِ بڈؠن ڈیرجؠن منٛز تہٕ زمیٖنس آیہِ بدبوٗ۔15ییٚلہِ بادشاہن وُچھ زِ ننہٕ موٚنڈجہِ گییہِ ختم سُہ بنوو دُبارٕ ضدی۔ تِتھے پٲٹھؠ یتھٕ پٲٹھؠ یہُوواہنؔ تِمن ووٚنمُت اوس سپدِ زِ بادشاہ کرِ نہٕ تہِ یہِ موسیٰؔ تہٕ ہارونؔ تمِس ووٚنُن۔16یہُوواہنؔ ووٚن پتہٕ موسیٰؔ ہس، "ہارونسؔ وُن زِ سُہ لایہِ پنُن عاصہٕ زمیٖنہِ ہنٛزِ گردِ یُتھ زن مِصرٕچ سٲری گرد بنہِ مُہؠ۔17موسیٰؔ ہن تہٕ ہاروننؔ مون یہُوواہؔ سُنٛد۔ ہاروننؔ لویہِ پنُن عاصہٕ زمیٖنہِ ہنٛزِ گردِ تہٕ سٲرسےٕ مِصرس منٛز بنییہِ گردِ مُہؠ۔ مُہؠ بیٹھؠ انسانن تہٕ جانورن پؠٹھٕ۔18جٲدؠ گرو تہِ کٔر مُہؠ پٲدٕ کرنچؠ کوٗشش مگر تِمو ہیوٗک نہٕ تہِ کٔریتھ۔ مُہؠ ٲسؠ انسانن تہٕ جانورن پٮ۪ٹھ۔19جٲدؠ گرُو ووٚن بادشاہس، "یہِ کوٚر اکؠ خداین! "مگر یتھٕ پٲٹھؠ یہُوواہنؔ ووٚنمُت اوس، بادشاہن تھوٚوِ ضد جٲری تہٕ تٔمؠ مون نہٕ موسیٰؔ تہٕ ہارؔوننُ۔20یہُوواہنؔ ووٚن موسیٰؔ ہس، "پگاہ ووٚتھ صبحس سُلہِ۔ بادشاہس سمکھنہٕ خٲطرٕ کرِ انتظار یتھے سُہ دریاوس پؠٹھ واتہِ تہٕ تمِس وُن، "یہُوواہؔ چُھے ژےٚ یہِ ونان:" میانؠن لوٗکن دِ گژھنہٕ یُتھ زن تِم میٲنؠ عبادت کرن۔"21ہرگاہ ژےٚ میانؠن لوٗکن دِکھ نہٕ ؤلؠ ؤلؠ گژھنہٕ، تیلہِ وُچھ! یقین تھوٚو زِ بہٕ سوزِ مچھن ہنٛدؠ کھیٚلؠ یِم ژےٚ، چٲنؠن غلامن، چٲنؠن لوٗکن بیٚیہِ چٲنؠن مکانن پؠٹھٕ بِہن۔ مِصرٕ کؠن ہنٛدؠ تمام گرٕ آسن مچھو سٟتؠ بریتھ۔ ہتاکہِ تِم رَٹن زمیٖنہِ تہِ تل۔22ییٚلہِ تہِ سپدِ پتہٕ یمہٕ بہٕ جشن علاقس سٟتؠ مختلف انٛدازٕ پیش تکیازِ تتہِ چھِ میٲنؠ لوٗکھ روٗزان۔ تتہِ آسن نہٕ مچھن ہنٛدؠ کھیٚلؠ۔ امہِ طریقہٕ زانکھ ژےٚ زِ بہٕ، یہُوواہؔ چُھس یتھ ملکس منٛز۔23بہٕ کرٕ پننؠن تہٕ چٲنؠن لوٗکن سٟتؠ الگ الگ برتاؤ۔ بہٕ کرٕ ثٲبتھ پگاہ زِ بہٕ کوتاہ طاقتور چُھس!"24صبحس کوٚر موسیٰؔ ہن بادشاہ خبردار مگر تٔمؠ بوزنہٕ کینٛہہ تہِ۔ لہٰذا یہُوواہنؔ کوٚر تیٖ یہِ تٔمؠ ووٚنمُت اوس۔ تٔمؠ سوٗزؠ مچھن ہنٛدؠ بٔڈؠ بٔڈؠ کھیٚلؠ بادشاہ سٕنٛدِس محلخانس بیٚیہِ تسنٛدین ملٲزمن ہنٛدین گرن منٛز۔ تِم واژٕ سٲرسےٕ مِصرس منٛز۔ مچھو کوٚر ملک تباہ۔25پتہٕ أنؠ بادشاہن موسیٰؔ تہٕ ہارونؔ ناد دِتھ تہٕ ووٚننکھ، "وۅنؠ گژھو تہٕ کٔرِو مِصرس منٛز پننِس خدایس عبادت!"26مگر موسیٰؔ ہن ووٚننس، "یہِ چُھنہٕ سانہِ خٲطرٕ جان زِ أسؠ کرو تہِ تکیازِ أسؠ کرو یہُوواہسؔ قۅربٲنی پیش، یُس سون خدا چُھ، یہِ زن مِصرٕ کیٚن لوٗکن نِشہ بوٗڈ جرم چُھ۔ وُچھ، یہِ چُھ پوٚز زِ ہرگاہ أسؠ مِصرٕ کیٚن لوٗکن برونٛہہ کنہِ قۅربٲنی پیش کرو یتھ تِم جزبٲتی انٛدازس منٛز نفرت چھِ کران، تِم مٲرین اسہِ سنگسار کٔرِتھ!27أسؠ گژھو ترٛین دوٚہُن ہنٛزِ وتہِ وجارس منٛز۔ تتہِ کٔرِو أسؠ یہُوواہسؔ قۅربٲنی پیش، یمِس خدایس أسؠ عبادت کرن چھِ یتھٕ پٲٹھؠ اسہِ تٔمؠ حکم کوٚرمُت چُھ۔"28لہٰذا بادشاہن ووٚن، "بہٕ دِمہٕ تُہنٛدین لوٗکن یہُوواہسؔ قۅربٲنی پیش کرنہٕ باپتھ وجارس منٛز گژھنہٕ، یمِس خدایس توٚہؠ عبادت چُھو کران۔ مگر توٚہہِ چُھنہٕ زیادٕ دوٗر گژھن۔ وُنؠ کٔرِو میانہِ خٲطرِٕ دعا!"29موسیٰؔ ہن ووٚن بادشاہس، "میون بوز! ژےٚ نِشہ نیرنہٕ پتہٕ کرٕ بہٕ یہُوواہسؔ دعا زِ سُہ ژلناوِ پگاہ مچھن ہنٛدین کھیٚلین ژےٚ نِشہ، چٲنؠن غلامن نِشہ بیٚیہِ چٲنؠن لوٗکن نِشہ۔ مگر اسہِ ینہٕ دُبارٕ اپُز ووٚننکھ تہٕ سانؠن لوٗکن دِکھ نہٕ یہُوواہسؔ قۅربٲنی پیش کرنُک اجازت!"30پتہٕ دراو موسیٰؔ بادشاہس نِشہ تہٕ کرٕنؠ یہُوواہسؔ عبادت۔31یہُوواہنؔ کوٚر تی یہٕ موسیٰؔ ہن ووٚننس۔ تٔمؠ ژلنٲوؠ مچھن ہندؠ کھیٚلؠ بادشاہس انٛدؠ انٛدؠ بیٚیہِ تسنٛدین غلامن تہٕ تسنٛدین لوٗکن نِشہ۔ کانٛہہ مچھؠ تہِ روز نہٕ۔32مگر بادشاہ بنوٚو بیٚیہِ تہِ ضدی، تٔمؠ دِیتُ نہٕ اسرائیل ین بیٚیہِ تہِ گژھنُک اجازت۔
Bridge Connectivity Solutions Pvt. Ltd.