خروج5
1موسیٰؔ تہٕ ہارونؔ گییہِ پتہٕ بادشاہس نِشہ۔ تِمو ووٚن تمِس، "خداوند خدایہِ یمِس ٲسؠ اسرائیل لُک لوٗکھ عبادت چھِ کران، چُھے یہِ ژےٚ فرماوان: میانؠن لوٗکن دِ وجارس کنُ گژھنہٕ تاکہِ تِم مناون میٲنس احترامس منٛز اکھ جشن!"2مگر بادشاہن ووٚن، "خداوند کسُ چُھ۔ بہٕ دِمہٕ نہٕ تتھ کنُ توجہ یہِ سُہ ونان چُھ، یاہ بہٕ دِمہٕ نہٕ اسرائیل کٮ۪ن لوٗکن نیرنہٕ۔ بہٕ زانن نہٕ یہِ خداوند! امہِ علاوٕ، بہٕ دِمہٕ نہٕ اسرائیل کٮ۪ن لوٗکن گژھنہٕ!"3موسیٰؔ ہن تہٕ ہارونؔن دِیُت جواب، "خداوند خدایہِ، یمِس ٲسؠ عِبرٲنؠ عبادت چھِ کران، چُھ اسہِ نِشہ پٲنہٕ الہام سوٗزمُت یُس ٲسؠ ژےٚ ونُن چھی۔ اوے چھِ ٲسؠ ژےٚ ونان زِ اسہِ دِ ترٛؠن دوٚہُن وجارس منٛز گٔژھنہٕ۔ اسہِ چھِ ضروری تتہِ خداوند خدایس قربٲنیہ پیش کرنہِ۔ ہرگاہ ٲسؠ کرو نہٕ تہِ، سُہ مارٕناوِ اسہِ بیماریو سٟتؠ یاہ دشمنو ہنٛدیو حملو سٟتؠ۔"4مگر مِصرٕکؠ بادشاہن ووٚن تِمن، "موسیٰؔ تہٕ ہارونؔ، توٚہؠ کیازِ چھوکھ اسرائیل لُک لوٗکھ تہنٛزو کٲمیو نِشہ پتھ رٹان؟ تِمن غلامن ؤنِو کامہ پؠٹھ گٔژھو واپس!"5بادشاہن ووٚن بیٚیہِ، "میٚون بوٗزو! توٚہؠ لوٗکھ چُھو مِصرٕ کیٚو لوٗکو کھۅتہٕ سؠٹھاہ زیادٕ یتھ مُلکس منٛز وُنِکؠن روٗزان۔ توٚہؠ کیازِ چُھو تِم کٲم کرنہٕ نِشہ رُکاؤن؟"6تٔمی دوٚہہ دِیِتُ بادشاہن مِصرٕ کؠن غلامن ہنٛدؠن آقاہن تہٕ اسرائیل کٮ۪ن داروغن، یِم غلامن حکم چلاوان ٲسؠ، حکم،7"اسرائیل کؠن لوٗکن مہَ دِیو وُنؠ سیرِ بناونہٕ خٲطرٕ بوٚس۔ تِم کرناوِہوکھ کھہَن منٛز پٲنےٕ پننہِ خٲطرٕ بوٚس جمع۔8وُنؠ تہِ کرِہوکھ تِم تیژٕ سیرِ بناونس پؠٹھ مجبوٗر ییژاہ تِم برونٛٹھ بناوان ٲسؠ۔ کُنہِ صورتس منٛز مہَ کریو تعدادس منٛز کٔمی۔ تِم چھِنہٕ یژھان کٲم کٔرنؠ۔ توے چھِ تِم ونان اسہِ دِیو وجارس منٛز گژھنہٕ یتہِ تِم پننِس خدایس عبادت کرہن۔9تِم لوٗکھ کرناؤوہوکھ کھۅتہٕ زیادٕ کٲم یُتھ زن نہٕ تِمن وقت میلہِ پننؠن سردارن ہُنٛد اپُز بوزنس!"10لہٰذا غلامن ہُنٛدؠ آقا تہٕ اسرائیلی دروغہٕ گییہِ تتھ جایہِ یتہِ اسرائیلٕکؠ لوٗکھ ٲسؠ تہٕ تِمن ونُکھ، "بادشاہن چُھ ووٚنٛمُت زِ سُہ دییہِ نہٕ وُنؠ توٚہہِ بوٚس۔11توٚہہِ گٔژھو تہٕ أنِو بوٚس یتہِ توٚہہِ بنہِ۔ مگر تہنٕٛزِ کامہ منٛز ییہِ نہٕ کانٛہہ کٔمی کرنہٕ۔"12اوے گییہِ اسرائیل لُک لوٗکھ سٲرؠ سےٕ مِصرس منٛز بوٚس ژھانٛڈنہِ خٲطرٕ۔13غلامن ہُنٛدؠ پٹھوولؠ روٗد تِمن ونان، "سہٕ تمام کٲم کریو یس توٚہہِ پریتھ دوٚہہ مَٹِہ چھِ۔ تِیژھا سیرِ روزیٚو بناوان ییژاہ توٚہؠ برونٛٹھ بناوان ٲسِو ییٚلہِ توٚہہِ بوٚس أسؠ دِوان ٲسؠ!"14ییٚلہ نہٕ تِم زیادٕ سیرِ بنٲوِتھ ہیکان ٲسؠ، فرعونہٕ سٕنٛدِ خٲطرٕ کٲم کرن وٲلؠ غلامن ھنٛدؠ پٹھوولؠ ٲسؠ اسرائیل کٮ۪ن داروغن لوٗریو سٟتؠ چوٗب دِوان۔ تِم ٲسؠ تِمن ووٚنُن، "توٚہؠ سٲری نفر چُھو ذمہٕ دار امہِ باپتھ زِ تیژٕ سیرِ کیازِ آیہِ نہٕ از بناونہٕ ییژٕ آسہ برونٛہہ بناونہٕ یوان؟"15پتہٕ گییہِ تِم اسرائیل لُک داروغہٕ بادشاہس نِشہ تہٕ دِژھکھ کرؠکہٕ، "چٲنؠ شان آسن، امہِ انٛدٲزٕ کیازِ چُھو توٚہؠ ٲسؠ سٟتؠ سٔلوکھ کران؟16وُنؠ چھِنہٕ تِم بوٚس سیرِ بنٲونہٕ باپتھ دِوان، مگر تِم چھِ اسہِ ونان روٗزان زیادٕ کھوٗتہٕ زیادٕ سیرِ بناوِو۔ تِم چھِ اسہِ چوٗب دِوان۔ پوٚز یہِ چھِ چٲنؠ غلامن ہنٛدؠ آقاہن ہنٛدِ وجہ سٟتؠ سپدن زِ ٲسؠ چھِنہٕ تیژٕ سیرِ ہیکان بنٲوِتھ ییژاہ برونٛہہ بناون ٲسؠ!"17مگر بادشاہن ووٚن، "توٚہؠ چُھو کامہ ژوٗر تہٕ چُھو نہِ یژھان کٲم کرٕنؠ! اوکنٕؠ چُھو توٚہؠ ونان، "اسہِ دِیو وجارس منٛز خداوند سنٛز عبادت کرنہٕ خٲطرٕ گژھنہٕ۔18گژھو کٔرِو کٲم! أسؠ دِ مو نہٕ توٚہیہ بوٚس، مگر توٚہیہ روزیٚو برابر تٔیژٕ سیرِ بناوان!19اسرائیل کیٚو داروغہو زوٗن زِ تِم ٲسؠ وبالس منٛز ہنہٕ آمٕتؠ تکیازِ تِمن اوس وُننہٕ آمُت، "اس کرونہٕ تہنٛدِ روٗزانہٕ سیرِ بناونہٕ کس مقرر کرنہٕ آمتِس تعداتس منٛز کٔمی۔"20یتھےٕ تِم بادشاہ سٕنٛدِ محل خانہٕ منٛز درایہِ، تِمن سمکھ ہارونؔ تہٕ موسیٰؔ، یِم تِہنٛد انتظار تتہِ کران ٲسؠ۔21تِمو ووٚن ہارونؔس تہٕ موسیٰؔ ہس، "خداوند گٔژھِ وچُھن یہِ توٚہہِ دوٗیو کوٚرمُت چُھ! سُہ گٔژھِ توٚہہِ سزا دؠن تکیازِ توٚہہِ کرناوٕ بادشاہ تہٕ تسنٛدؠ افسر اسہِ نفرت! توٚہہِ تھووٕ اسہِ قتل کرنہٕ باپتھ تِہنٛدین اتھن منٛز اکھ تلوار!"22موسیٰؔ دراو تِمن نِشہ تہٕ کوٚرن خداوندس بیٚیہِ التِجاہ، ووٚنُن، "ہیے خداوندٕ، یِم لوٗکھ لٲگؠ تھکھ تاونس؟ تہٕ بہٕ کیازِ سوٗزتھس؟23ینہٕ پؠٹھٕ بہٕ بادشاہس نِشہ گوٗس بیہِ وُنمس تہِ یہِ ژےٚ ونتھ تمِس ووٚننُ، تنہٕ پؠٹھٕ کوٚر تٔمؠ سانؠن لوٗکن سٟتؠ بد سُلوکھ، تہِ ژےٚ کۅرتھ نہٕ تِمن کانٛہہ مدد!"
Bridge Connectivity Solutions Pvt. Ltd.