خروج4
1موسیٰؔ ہن دِیُت خدایس جواب، "تِم کرن نہٕ مےٚ پؠٹھ بھروسہٕ تہٕ مےٚ کرن نظرانداز تکیازِ تِم سونٛچن، "یہُوواہؔ چُھنہٕ ژےٚ پؠٹھ ظٲہر سُپدمُت؟"2یہُوواہنؔ ووٚن تمِس، "چٲنس اتھس منٛز کیاہ چُھ؟" موسیٰؔ دِیُت جواب، "اکھ عاصہٕ۔"3یہُوواہنؔ ووٚن، "یہِ دِن زمیٖنس پؠٹھ دٲریتھ! "لہٰذا، موسیٰؔ ہن دِژ یہِ زمیٖنس پؠٹھ دٲریتھ تہٕ سُہ بنیاو اکھ سرف، تہٕ موسیٰؔ ژوٚل أمِس نِشہ دوٗر۔4پوٚز یہُوواہنؔ ووٚن موسیٰؔ ہس، "تُلن یہِ صُرف لچہِ رٔٹتھ تھوٗد۔ "لہٰذا موسیٰؔ ہن تُل سُہ صُرف لچہِ تھپ کرِتھ تھوٗد، تہٕ سُہ گوٚو تنٛدس اتھس منٛز بیہِ اکھ لوٗر بنتھ۔5یہُوواہنؔ ووٚن، "یہےَ کٲم کر ژٕ اسرائیل کٮ۪ن لوٗکن برونٛہہ کٔنہِ تاکہِ تِم أنِن ایمان زِ بہٕ یہُوواہؔ، سُہ خدا یمِس ابرہامنؔ، اسحاقنؔ تہٕ یعقوبنؔ عبادت کٔر، سُپد پٔزؠ پٲٹھؠ ژیےٚ پؠٹھ ظٲہر۔"6خداوندن ووٚن موسیٰؔ ہس، "پنُن اتھٕ ژان بیبہِ منٛز۔ "موسیٰؔ ژوٗن پنُن اتھٕ پننہِ بیبہِ منٛز۔ ییٚلہِ تٔمؠ پنُن اتھٕ نیٚبر کوٗڈ، تتھ ٲس اکھ بٮ۪مٲرؠ لٔجِمٔژ یمہِ سٟتؠ سُہ سفید شین ہیو سُپدمُت اوس۔7پتہٕ ووٚن خداوندن، "ژان پنُن اتھٕ بیٚیہِ پننہِ بیبہِ منٛز۔ "موسیٰؔ ژوٗن پنُن اتھٕ پننہِ بیبہِ منٛز۔ امہِ ساعتہٕ تٔمؠ ییٚلہِ سُہ نیٚبر کوٗڈ، سہٕ بٮ۪مٲرؠ ٲس ٹھیک سپدمٕژ، تہٕ سُہ اوس تٔمؠ سٕنٛدِس بیس اتھس ہیو بوٗزنہٕ یوان۔8خداوندن ووٚن، "ژٕ ہیککھ تہِ اسرائیل کٮ۪ن لوٗکن برونٛہہ کٔنہِ تہِ کرِتھ۔ ہرگاہ تِم کرن نہٕ گوٗڈنکؠ معجزٕ وچھتھ یاہ بوزِتھ ژےٚ پؠٹھ بھروسہٕ، تیلہِ ہاوکھ ژٕ تِمن دوٚیم معجزٕ۔9اگر تِمو یِم دوٗشوٕے معجزٕ ہاوتھ تہِ ژٕ پؠٹھ ایمان اوٚن نہٕ تہٕ چٲنؠ کتھ بوٗزکھ نہٕ أتی انَ دریاۓ نیٖلُک آب تہٕ چُھکھ خشک زمیٖنس پؠٹھ سُہ آب بنہِ خوٗن۔10پتہٕ ووٚن موسیٰؔ ہن خداوندس، "اے میٚانہِ خداوندٕ، مےٚ چھِنہٕ تگان لوٗکن سٟتؠ کتھےٕ کرنہِ۔ بہٕ چُھس تٔمی انٛدازِ ؤنہِ کتھ کران ییٚلہِ ژےٚ لاجتھ مےٚ سٟتؠ کتھ کٔرنؠ۔ بہٕ چُھس پھوٗپھ تہٕ مےٚ چُھنہٕ مولوم بہٕ کیاہ ونہٕ۔"11پتہٕ ووٚن خداوندن تمِس، "انسانس کٔمؠ دِیت ٲس؟ کسُ چُھ أکِس انسانس بولہٕ نکُ، بوٗزنکُ، وُچھنکُ، یاہ نہٕ وُچھنکُ طاقت دِوان؟ یہِ چُھس ناہ بہٕ خداوند؟12لہٰذا وُنؠ گٔژھ، تہٕ بہٕ کرناوتھ ژٕ کتھٕ، بہٕ وُنےٕ ژےٚ کیاہ چُھو ونُن۔"13مگر موسیٰؔ ہن دِتس جواب، "اے خداوندٕ، بہٕ چُھسے ژےٚ ونان، مہربٲنی کٔرتھ میانہِ بدل سوٗزُن بیٚیہِ کانٛہہ!"14پتہٕ کٔھژ خداوندس موسیٰؔ سنٛز شرارتھ تہٕ تمِس ونُن، "لاویو منٛزٕ ہارونؔ یُس چوٗن بوے چُھ، تمِس مطلق کیاہ؟ سُہ چُھ اکھ رُت بولنَ وول۔ سُہ چُھ ؤنہِ کؠن وتہِ پکان، تہٕ ژےٚ وُچِھتھ سپدِ سُہ سیٹھاہ خوش۔15ژٕ ہیککھ تسَ سٟتؠ کتھ کٔرتھ تہٕ تسَ ون ونُن کیاہ چُھ۔ بہٕ چُھس توٚہہِ دوٗشونے ونان زِ توٚہہِ کیاہ پزِ کرُن۔16چٲنہِ بدلہٕ کرِ سُہ اسرائیلی لوٗکن سٟتؠ کتھٕ۔ سُہ بنہِ چٲنؠ زؠو، تہٕ سُہ سونچہِ ژیےٚمُطلق زن تہِ ٲسیٚو توٚہؠ بہٕ۔17یس لوٗر ژےٚ اتھس منٛز چھۓ سہٕ نہِ ضُروٗر پانس سٟتؠ تکیازِ تمہِ سٟتؠ ہاوکھ ژٕ معجزٕ۔"18موسیٰؔ دراو پننس ہیرِ بابس یتروہسؔ نِش واپس تہٕ تمِس ووٚننُ، "مےٚ دِ رۅخصت زِ بہٕ گژھٕ مِصر پننؠن لوٗکن نِشہ واپس یہِ وُچھنہِ زِ تِم چھا ونیُک تام زندٕ کِنہٕ نہٕ۔ "یتروؔہن ووٚن موسیٰؔ ہس، "گژھِ، تہٕ خدایہِ تھوُنے سلامت۔"19خداوندن ووٚن موسیٰؔ ہس مدیان نس منٛز، "مِصر گژھِ واپس، تِم سٲری نفر چھِ مودمٕتؠ یِم ژےٚ زُوس پتہٕ ٲسی۔"20لہٰذا موسیٰؔ ہن تُج پنٕنؠ زنان تہٕ نیٚچوؠ تہٕ بہنٲوِن أکِس خرس پؠٹھ تہٕ دراو مِصرس کنُ، بیٚیہِ تلُ تٔمؠ سُہ عاصہٕ پننس اتھس منٛز یتھٕ پٲٹھؠ تمِس خداین کرُن ووٚنمُت اوس۔21خداوندن ووٚن موسیٰؔ ہس، "ییٚلہِ ژٕ مِصر واپس گژھکھ تہٕ، یاد تھو تِم سٲری معجزٕ ہٲوؠ زِ بادشاہس برونٛہہ کٔنہِ یِمن ہُنٛد طاقت مےٚ ژےٚ دِیتمتُ چُھوی۔ مگر بہٕ بناون سُہ تیٚوتھ یتھ ژٕ سُہ کٔری رد، سُہ دِیہ نہٕ اسرائیلی لوٗکن مِصرٕ منٛزٕ نیرنہٕ۔22پتہٕ ون تمِس، "یہِ چُھ تی یہِ خداوند ونان چُھ: اسرائیل چُھ میانس آدنُک نیٚچوِس ہیو،23تہٕ بہٕ چُھسے ژےٚ ونان، "میٲنس نیٚچوِس دِ نیرنہٕ، یتھ زنہٕ سُہ مےٚ بندگی کرِ۔ "ہرگاہ ژٕ میٲنس نیٚچوِس دِکھ نہٕ نیرنہٕ تہٕ امی سبہٕ مارن بہٕ چون آدنُک نیٚچو!"24ییٚلہ تِم مِصرچہِ وتہِ منٛز ٲسؠ، أکِس رٲژ منٛز سُپد خداوند موسیٰؔ ہس نِشہ حٲظر تمِس مارنہٕ خٲطرٕ۔25پتہٕ تُج صفورہنؔ اکھ شراکھ تہٕ کۅرن پننِس آدنہٕ کِس نیٚچوِس ختنہٕ۔ پتہٕ سُہ موسیٰؔ سنٛدین کھۅرن کنُ لٲگتھ ووٚننُ، "ژٕ چُھکھ میٚون رتہٕ مہرازٕ۔"26خداوندن کوٚر نہٕ موسیٰؔ قتل۔ ییٚلہِ صفورؔن ووٚن، "ژٕ چُھکھ میٚون رتہٕ مہرازٕ، "تکیازِ تمِس کٔرکھ ختن حال۔27امی ساعتہٕ، ووٚن خداوندن ہارونؔس، "وُجارس منٛز گٔژھ سمکھ موسیٰؔ ہس۔ "أتی درٛاو ہارونؔ تہٕ موسیٰؔ ہس سمکھ تتھ خدایہِ سنٛدِس پہاڑس پؠٹھ تہٕ کوٚرنس بُتھؠ لبہِ میوٗٹھ۔28موسیٰؔ ہن ووٚن ہارونسؔ تہِ سورےٕ یہِ خداوندن تمِس ووٚنمُت اوس بیٚیہِ ووٚننس تِمن معجزن متعلق تہِ یِم ہاونُک تمِس ہدایت دِنہٕ آمُت اوس۔29لہٰذا موسیٰؔ تہٕ ہارونؔ گییہِ تہٕ سوٚنٛبرٲوکھ سٲری اسرائیل لٕکؠ زِٹھؠ۔30ہارونؔن ونہٕ تِمن تمہِ سارے کتھٕ یِمہٕ خداوندن موسیٰؔ ہس ونہِ مژٕ آسہ، تہٕ موسیٰؔ ہن کٔر تِم سٲری معجزٕ یِم لوٗکو وُچھ۔31اسرائیل کیٚو لوٗکو اوٚن ہارونؔس تہٕ موسیٰؔ پؠٹھ ایمان۔ ییٚلہِ تِمو بوز زِ خداوندن اوس وُچھمُت اسرائیلی لوٗکن ہنٛدؠ مصیبت تہٕ سُہ اوس تِمن مدد کرن وول، تِمو ترٛاو سٔجدٕ تہٕ تمِس کٔرکھ عبادت۔
Bridge Connectivity Solutions Pvt. Ltd.