خروج3
1موسیٰؔ اوس دوٚیمہِ طرفہٕ پننِس ہیرِ بابہِ یتروؔ سٕنٛدؠ تیرؠ تہِ رچھان یُس مدیانُک اکھ کاہن اوس۔ اکہِ دوٚہہ، نیٚو تمؠ تیٖرن ہُنٛدکھیوٚل أکِس دوٗر دراز ؤجٲرِ کنُ۔ سُہ ووت اکِس پہاڑس نِشہ یتین خدا موسیٰؔ ہس شیچھ ونؠ تہٕ پتہٕ ونینؠ اسرائیل کٮ۪ن لوٗکن۔ اتھ پہاڑس پیو ناو حوربؔ۔2ییٚلہِ سُہ تتھ پہاڑس پؠٹھ اوس، یہُوواہؔ سُنٛد اکھ فرشتہٕ سپد نارچہ شکلہِ منٛز کٔنڈؠ زنٛڈس منٛز موسیٰؔ ہس نِشہ ظٲہر۔ موسیٰؔ ہن وُچھ تتھ دزونس کٔنٛڈؠ زنٛڈس کنُ، سُہ گوٚو حٲران تکیازِ نٲر اوس نہٕ تتھ زٲلتھ سوٗر کران۔3موسیٰؔ ہن سونچ، "بہٕ گژھٕ اتھ عجیب نظارس نزدیک وُچھِنہِ! سُہ کٔنٛڈؠ زنٛڈ کیازِ چُھنہٕ دزان؟"4یہُوواہنؔ ییٚلہِ موسیٰؔ تتھ کٔنٛڈؠ زنٛڈس کنُ نزدیک یوان وُچھ، تٔمؠ دِژ موسیٰؔ ہس کرؠکہٕ، "موسیٰؔ، موسیٰؔ! "موسیٰؔ ہن ووٚن، "بہٕ چُھس حٲضر۔"5یہُوواہنؔ ووٚن، "پننٕؠ کھۅربانہٕ کڑ نکھٕ ینہٕ برونٛہہ مےٚ احترام کرنہٕ باپتھ نیٚبر، تکیازِ ژےٚ چُھکھ زمیٖنس پؠٹھ کھڑا یوٚسہٕ مےٚ نکھٕ آسنہٕ کِنؠ مقدس چھِ۔6بہٕ چُھس خدا، سُہ اکھ یمِس چٲنؠ جد اجداد ابرہامنؔ، اسحاقؔن تہٕ یعقوبؔن عبادت کٔر۔ "موسیٰؔ کھوژ زِ خدا مارِ تسَ ہرگاہ تٔمؠ تمِس کنُ نظر دِژ، لہٰذا تھو تٔمؠ پنُن بُتھ کٔھٹِتھ۔7پتہٕ ووٚن یہُوواہنؔ، "مےٚ چُھ اصل پٲٹھؠ وُچھمُت زِ مِصرٕکؠ لوٗکھ کوتاہ بُرِ سلوک چھِ میٲنؠن لوٗکن سٟتؠ مِصرس منٛز کران۔ مےٚ بوز میٲنؠ لوٗکھ چھِ نا امیدی منٛز نالان تکیازِ غلامن ہُنٛدؠ آقا کیاہ چھِ تِمن کرناوان۔ مےٚ چھِ پتاہ زِ میٲنؠن لوٗکن چھِ سؠٹھاہ تکلیف واتان۔8بہٕ چُھس آسمانہٕ پؠٹھٕ بوٚن وسن وول تِم مِصری لوٗکو ہنٛزِ غلامی نِشہ آزاد کرنہٕ خٲطرٕ۔ تِم واتناوکھ بہٕ مِصرٕ پؠٹھٕ أکِس رٕتِس تہٕ بٔڈس مُلکس منٛز، یتہِ تِم فصل ہیٚکن بنٲوِتھ بیہِ واریاہ جَب ہیٚکن پٲلتھ، یتہِ ونہِ کیٚن کنعٲنؠ، حِتی، امورؠؔ، فِرزی، حویویؔ تہٕ یبوسیؔ ناوکؠ لوٗکھ بسان چھِ۔9وۅنؠ بوزٕ مےٚ پوٗرٕ پٲٹھؠ پننؠن اسرائیل کیٚن لوٗکن ہنٛزٕ کرؠکہٕ۔ مےٚ چُھ وُچھمُت مِصری لوٗکھ کوتاہ بُرٕ سلوک چھِ تِمن سٟتؠ کران۔10لہٰذا بہٕ سوزتھ ژٕ مِصر واپس تمِس بادشاہس نِشہ تکیازِ ژٕ کڈکھ میٲنؠ اسرائیلی لوٗکھ مِصرٕ منٛزٕ نیٚبر۔"11پوٚز موسیٰؔ ہن ووٚن خدایس، "بہٕ چُھس نہٕ تیوٚت بوٗڈ یُس بادشاہس نِشہ گٔژھِ پتہٕ ہیککہ بہٕ چٲنؠ لوٗکھ مِصرٕ منٛزٕ نیٚبر کٔڈتھ۔"12خداین ووٚن، "بہٕ آسہ ژےٚ سٟتؠ۔ ییٚلہِ ژٕ میٲنؠ لوٗکھ مِصرٕ منٛزٕ نیٚبر کٔڈتھ انہِ ہیکھ، توٚہہِ سٲری کٔریو سیدِسیٚود یتھِ پہاڑس پؠٹھ میٲنؠ عبادت۔ تمہِ سٟتؠ سپدی ژٕ ثٲبتھ زِ بہٕ چُھس سُہ اکھ یمؠ ژٕ تِمن نِشہ سوٗزمُت اوسُکھ۔"13موسیٰؔ ہن ووٚن خدایس، "ہرگاہ بہٕ اسرائیل کؠن لوٗکن نِشہ گٔژھٕ تہٕ تِمن وُننہٕ، "خدا" یمِس تُہنٛدؠ جداجداد عبادت کران ٲسؠ، تٔمی سوٗزس بہٕ توٚہہِ نِشہ، تِم ونن مےٚ، "تٔمؠ سُنٛد ناو کیاہ چُھ؟ پتہٕ کیاہ پزِ مےٚ تِمن ونن؟"14خداین دِیُت موسیٰؔ ہس جواب، "بہٕ چُھس سُہ یُس بہٕ چُھس۔ اسرائیل کٮ۪ن لوٗکن ون زِ سُہ اکھ یمِس "بہٕ چُھس" ناو چُھ تٔمی سوٗزس بہٕ توٚہہِ نِشہ۔"15بیٚیہِ ووٚن خداین موسیٰؔ ہس، "ژٕ ون اسرائیل کؠن لوٗکن ضرور، خداوند، تُہنٛدین جدن ہُنٛد خدا، سُہ خدا یمِس ابرہامنؔ، اسحاقنؔ تہٕ یعقوبنؔ عبادت کٔرؠ تٔمی چُھس بہٕ توٚہؠ نِشہ سوٗزمُت۔ یہُوواہؔ چُھ میٚون ہمیشہِ خٲطرٕ ناو، تہٕ امی ناوٕ سٟتؠ گٔژھن تمام نسٕل میٲنؠ ذکر کرنؠ۔16گژھِ اسرائیل کؠن تمام سردارن سٟتؠ کر اکھ اجلاس۔ تِمن ون، "یہُوواہؔ سُپد مےٚ نِشہ ظٲہر۔ یہِ چُھ سُہ خدا یمِس ابرہامنؔ، اسحاقؔن، یعقوبؔن بیٚیہِ تُہنٛدیو باقی جدو عبادت کٔر۔ تمؠ ووٚن:" بہٕ چُھس بوٚن وتھمُت یہِ اصل پٲٹھؠ وچھنہٕ خٲطرٕ زِ مِصرٕکؠ لوٗکھ کیاہ سلوک چھِ توٚہہِ سٟتؠ کران۔17بہٕ چُھسے ژےٚ سٟتؠ وعدہ کرن زِ مِصری لوٗکن ہنٛدِ بُرٕ ورتاوٕ نِشہ بچاوتھ ژٕ بہٕ، تہٕ بہٕ نِمتھ ژٕ تتھ مُلکس منٛز یتہِ کنعانؠ ین، حِتی ین، امورؠؔ ین، فِرزین، حوی ین تہٕ یبوس ین ہُنٛد زُر بسان چھِ۔ یہِ چھِ رژ زمیٖن یتہِ توٚہؠ ہیکؠو واریاہ فصل ۅپدٲیتھ تہٕ سیٹھاہ چاروٲے نوراوؠتھ۔18زِٹھؠ کٔرن تی یہِ ژٕ ونکھ۔ پتہٕ گژھیٚو توٚہؠ تہٕ تِم زِٹھؠ مِصرٕ کِس بادشاہس نِش، تہٕ توٚہؠ ونیٚو تمِس، خداوند، یمِس أسؠ عِبرٲنؠ خدایہ سنٛدِس صورتس منٛز عبادت کران چھِ، تس سٟتؠ سپُد اسہِ ملاقات۔ لہٰذا چھی ژےٚ وۅنؠ أسؠ ونان زِ اسہِ دِیتو ترٛؠن دوٚہُن ہنٛزِ وتہِ وجارس منٛز أکِس جایہِ کنُ سفر کرنُک اِجازت یتہِ أسؠ پننِس خدا یہُوواہؔ سٕنٛدِ خٲطرٕ قۅربٲنیہ پیش کرو۔19مگر مےٚ چھےٚ خبر زِ مِصرُک بادشاہ دِیو نہٕ توٚہہِ گژھنُک اجازت؛ ہتاکہ زور زبردستی کرنہٕ سٟتؠ تیٚنہٕ۔20ادٕ ہاوٕ بہٕ پنُن طاقت تہٕ دِمہ مِصرٕ کؠن لوٗکن سزا، یہ بےٕ یوت کرِتھ ہیٚکہٕ۔ پتہٕ کریٚو سُہ توٚہہ لار۔21ییٚلہ یہ سپدِ، بہٕ کرناوکھ مِصری لوٗکھ عِبرٲنؠ لوٗکن ہنٛز یزتھ ییٚلہِ زن توٚہہِ مِصرٕ منٛزٕ نیریو، تِم دِنیو تہِ یہِ توٚہہِ سفرس منٛز ضرروٗرت آسہ۔22تمہِ وِزِ منٛگہ پریتھ کانٛہہ عِبرٲنؠ زنان مِصرٕچن ہمسایہِ زنانن تہِ یہِ تِمن نِشہ چُھ۔ مِصرُک لوٗکھ دِنیو توٚہہِ تہِ سورےٕ یہِ تِمن نِشہ آسہ۔ چٲنٛدؠ تہٕ سۅنہٕ سنٛدؠ گہنہٕ تہٕ پلو۔ توٚہہِ لٲگیو تِم چیٖز پنہٕ نؠن شُرؠن۔ امہِ طریقہٕ، نیو توٚہؠ مِصرٕ کؠن لوٗکن نِشہ پریتھ کانٛہہ چیٖز۔"
Bridge Connectivity Solutions Pvt. Ltd.