خروج35
1موسیٰؔ کٔرؠ سٲری اسرائیلٕکؠ لوٗکھ جمع تہٕ ونُکھ، "یِم چھےٚ یہُوواہؔ سٕنٛدؠ تِم حکم یِمن پؠٹھ توٚہہِ عمل چھِ کرنؠ۔2ہفتس منٛز چھےٚ توٚہہِ شیٚن دوٚہُن کٲم کرنؠ تہٕ سٔتمہِ دوٚہہ چُھ توٚہہِ آرام کرُن۔ یہِ چُھ یہُوواہؔ سُنٛد دوٚہہ یُس تُہنٛدِ خٲطرٕ مقدس چُھ۔ سُہ نفر چُھ توٚہہِ قتل کرُن یُس سٔتمہِ دوٚہہ کانٛہہ کٲم کرِ۔3سبت دوٚہس پؠٹھ چُھنہٕ توٚہہِ پننِس گرس منٛز نار زالُن۔"4موسیٰؔ ہن ووٚن تِمن سارنۓ جمع سپدمِتؠن اسرائیل کٮ۪ن لوٗکن، "یہُوواہنؔ چُھ یہِ حکم کوٚرمُت:5یُس تہِ یژھِ سُہ أنہِ یہُوواہسؔ سٕنٛدِ باپتھ نیاز۔ تِمن پزن یہُوواہؔ سٕنٛدِ باپتھ یِم چیز نیاز أنِنؠ: سۅن، چٲندؠ یا سرتل،6نیوٗل، بنفشی، تیز سُرخ رنگن منٛز رٔنگنہٕ آمٕتؠ کپرٕ، زٲوِیٛل کپرٕ بیٚیہِ پشمینہِ سٟتؠ بناونہٕ آمٕتؠ کپرٕ،7کٹن ہنٛزٕ سُرخ رنگنہٕ آمٕژ بستہٕ، چِھرن ہنٛزٕ بستہٕ، کِکر کُلین ہنٛد زیُن،8شمع زالنہٕ باپتھ زیتون تیٖل، کاہنن مٲلِش کرنہٕ باپتھ مصالہٕ یِم زیتون تیٖلس سٟتؠ رلاونہٕ یِن، تہٕ تِم مصالہٕ یِم وُدس سٟتؠ مُشِک دِنہٕ باپتھ تراونہٕ یِن،9سنگِ سلیمٲنی تہٕ باقی قٟمتی کَنہِ یمہٕ کاہنن ہنٛدِس مقدس افُودس تہٕ سینہٕ بندس پؠٹھ جرنہٕ یِن۔10یِمن چیزن ہُنٛد حکم یہُوواہنؔ دِیتمُت چُھ تِم سٲری چیز گژھن تِم سٲری ہُنرمنٛد کٲرگر بناونؠ یِم توٚہہِ منٛز آسن:11مقدس خٟمہ أنٛدرِم خٟمہ ہؠٹھ؛ تمیچؠ غلاف، میخہٕ، تمچہِ کرِ، چوکاٹ، تھمب تہٕ کھوٗرؠ؛12مقدس صندوق تمکؠ ڈنڈٕ تہٕ سرپوش، سُہ پردٕ یُس مقدس جایہِ تہٕ سؠٹھاہ مقدس جایہِ آسہ الگ الگ کران،13میز ڈنڈٕ ہٮ۪تھ یِمو سٟتؠ سُہ تُلنہٕ یوان آسہ بیٚیہِ تمکؠ بانہٕ، مقدس ژوٚٹ یوسہٕ خدایس برونٛہہ کُن پیش آسہ یوان کرنہٕ،14گاش زالنہٕ باپتھ شمع دان بیٚیہِ تمکؠ سامانہٕ، گاش زالنہٕ باپتھ تیٖل،15وُدک زالنُک قربان گاہ بیٚیہِ سُہ تُلنہٕ خٲطرٕ ڈنڈٕ، ؤدس سٟتؠ رلاونہٕ باپتھ مشکہٕ دار تیٖل، مقدس خٟمُکس دروازِ خٲطرٕ پردٕ،16قۅربٲنہِ بٔزنہٕ خٲطرٕ قربان گاہ تہٕ تمکؠ سرتلہِ ہنٛزٕ زنجیٖرٕ، قربان گاہ تُلنہٕ باپتھ ڈنڈٕ، تہٕ تمکؠ سٲری سامانہٕ، بٲٹؠ تہٕ تمچؠ چوکؠ،17آنٛگُن ولنہٕ باپتھ پردٕ، تمکؠ تھمب، کھوٗرؠ، تھمبن ہنٛدؠ ڈکھ؛ آنٛگنہٕ کہِ دروازک پردٕ؛18مقدس خٟمہ تہٕ تمکؠ کِس آنٛگنس باپتھ میخہٕ تہٕ رزٕ،19ہارونسؔ تہٕ تمؠ سنٛدین نیٚچوٮ۪ن ہنٛدِ خٲطرٕ خوب صورت پوشاک یُس تِم پاک جایہِ منٛز کاہنن ہنٛز کٲم انجام دیُن۔"20پتہٕ درایہِ تِم سٲری جمع سپدمِتؠ اسرائیلٕکؠ لوٗکھ موسیٰؔ ہس نِشہ، تمؠ سنٛزٕ کتھٕ بوزتھ۔21یِمس یہِ خوش گو تمؠ اوٚن سُہ اکھ تحفہٕ یہُوواہسؔ سٕنٛدؠ ناوؠ تہِ کرنہٕ خٲطرٕ۔ تِمو أنؠ تِم سٲری چیز یِم مقدس خٟمہ بناونہٕ خٲطرٕ ٲسؠ، عبادت کرنہٕ باپتھ سٲری سامانہٕ تہٕ کاہنن ہنٛدِ خٲطرٕ مقدس پوشاک۔22ساروے مردو تہٕ زنانو اوٚن پننہِ خوشی سۅنہٕ سٕنٛدؠ ہار، کنہٕ واجہ، واجہ تہٕ سۅنہٕ وس۔ تِمو تُلؠ تِم تھوٗد تہٕ کرکھ یہُوواہسؔ نیاز پیش۔23واریہن لوٗکن نِشہ ٲسؠ اسمانؠ، ووٗزل، قرمزی رنگک کپرٕ تہٕ زٲویل کوٚتمُت ژھاوجہِ پشمینہٕ تہٕ کٹہٕ سنٛزٕ سُرخ رنگنہٕ آمٕژ بستہٕ، زٲویل مسلہٕ تِم چیز أنکھ۔24پرٛتھ أکؠ یمِس یہِ خوش گو تمؠ اوٚن تہِ، کٲنسہِ أنؠ چٲندؠ یا سرتل یہُوواہؔ سٕنٛدِ باپتھ نیاز۔ یمِس نِشہ ککر لکٕر ٲس تمؠ أنؠ تہِ سۅ کٲم انجام دِنہٕ باپتھ۔25یمہٕ زنانہٕ کٔپرٕ بناونس منٛز مٲہر آسہٕ تِمو ساروے زنانو اوٚن اسمانؠ، قرمزی، ووٚزل یرٕ پٔنن ہنٛدؠ تہٕ سٕتھرٕ پنو سٟتؠ بنوومُت کٔپرٕ یِم تِمو پننیٚو اتھو سٟتؠ زٲویل کوٚت مُت اوس۔26یمہٕ زنانہٕ ہُنر منٛد آسہٕ تِمو ساروے زنانو کوٚت پننہِ خوشی پشمینہٕ۔27سردارو أنہِ سنگِ سلیمٲنی ہارونسؔ مقدس افُودس تہٕ سینہٕ بندس جرنہٕ باپتھ،28بیٚیہِ مصالہٕ تہٕ شمع دانہٕ باپتھ تیٖل، مٲلشہِ باپتھ تیٖل تہٕ مُشکہٕ دار وُدٕ۔29اسرائیل کیٚو تِمو ساروےٕ مردو تہٕ زناوو، یِمو یوٚژھ، أنکھؠ تِم چیز تہٕ خوشی سان کرکھ یہُوواہسؔ تمہِ کامہِ ہنٛدِ خٲطرٕ نیاز یۅسہ کٲم کرنُک حکم تمؠ موسیٰؔ ہس دِیتمُت اوس۔30موسیٰؔ ہن ووٚن اسرائیل کٮ۪ن لوٗکن، "ہوشہِ سان بوزو۔ یہُوواہنؔ چُھ بضلی ایلؔ بنِ اوریؔ بنِ حورؔ یہُوداؔ قبیلُک ژورمُت۔31یہُوواہنؔ چُھ سُہ پننِس فرشتہٕ سٕنٛدؠ دسؠ تمام قسمکؠ چیز اصل پٲٹھؠ دٲنشمندی سان بناوِنؠ ہیٚچھِ نوومُت۔32سُہ ہیٚکہ سوٚنس، چٲندِ تہٕ سرتلہِ پؠٹھ مٲہرانہٕ اندازس منٛز نقشہ کھنتھ۔33سُہ ہیٚکہ لعلن گٔریتھ تہٕ پتہٕ واچکھ سۅنہٕ رٔژِ سٟتؠ۔ سُہ ہیٚکہ لکٕرِ پؠٹھ نٔوؠ نٔوؠ نقشہ نگٲری مٲہرانہٕ اندازس منٛز کھٲلتھ۔34یہُوواہنؔ چُھ بیٚیہِ بضلیؔ ایل تہٕ اخیسمُکؔ سُنٛد نیٚچو اہلیابؔ دانؔ قبیلہٕ منٛز باقین ہیٚچھناونہٕ خٲطرٕ تیار کوٚرمُت۔35تمؠ چھِ تِمن سۅ قٲبلیت عطا کٔرمٕژ زِ تِم کرن تمام قسمچہِ اتھ کامہِ۔ تِم بناون خوش نما چیز، کٔپرس پؠٹھ سجووُن سٕژنہِ سٟتؠ نیوٗل، بنفشی پن، ووزل یرٕ پن بیٚیہِ وونن کٔپرٕ۔ تِم چھِ ترکیبہٕ بناونس قٲبل بیٚیہِ کرن واریہن قسمن ہنٛز خوش نما کامہِ۔
Bridge Connectivity Solutions Pvt. Ltd.