خروج26
1یوٚت تام زنہٕ مقدس خٟمُک تعلق چُھ، ژےٚ بناوکھ سُہ یتھ داہ زیٹھؠ کٔتؠ مٕتؠ زٲولؠ پردٕ یِم رنگہٕ کِنؠ بنفشی، ووٚزلؠ تہٕ قرمِزی آسن۔ تِمن منٛز گژھن ملٲیکن ہنٛزٕ شکلہٕ ہُنر منٛد دستہٕ کارٕ سٕنٛدیو اتھو پن تہٕ تلہٕ چھاونہٕ سٟتؠ تیار کرنہٕ یِنؠ۔2پریتھ اویزان پردُک زیچھر گژھِ ساڑٕ ژوٗدہ 14:5 میٹر تہٕ خٔجر زٕ 2 میٹر آسن: تِم سٲری پردٕ بناو ہیوی۔3پانٛژھ پردٕ گژھن اکِس بییٚس سٟتؠ واٹنہٕ ینؠ، تہٕ باقی پانٛژھ پردٕ گژھن یتھے پٲٹھؠ واٹنہٕ ینؠ۔4پریتھ وٲٹؠ مِتس پردٕکِس حٲشیس پؠٹھ یُس دوٚیمہِ طرفہٕ واٹنہٕ ییہِ اتھ پؠٹھ بناو بنفشی رنگکٕؠ دٲیرٕ تہٕ دوٚیمس پردٕکِس حٲشیس پؠٹھ یُس ہُمہِ طرفہٕ واٹنہٕ ییہِ تتھ پؠٹھ تہِ کر یی۔5گوٚڈٕ مِلناونہٕ آمٕتؠ پردن ہنٛدس انٛدس پؠٹھ بناو پنژاہ دٲیرٕ تہٕ پنژاہ دٲیرٕ بناو دوٚیِمؠن مِلناونہٕ آمتیٚن پردن یتھ زن تِم اکِس بییٚس مقابلس منٛز آسن۔6ژٕ بناو پنژاہ سۅنہٕ چھلہٕ تہٕ تِمو سٟتؠ گنڈوکھ تِم ملناونہٕ آمٕتؠ پردٕ اکِس بییٚس سٟتؠ یُتھ مقدس خٟمُکہٕ سٟتؠ اکھ روٗزن جاۓ بنہِ۔7ژھاوجہِ ییرٕ مون سٟتؠ بناو کاہ پردٕ یِم تتھ مقدس خٟمس پؠٹھٕ ولنہٕ یِن۔8کاہن 11 پردن منٛز گژھِ پریتھ کُنہِ پردُک زیچھر پنداہ 15 میٹر تہٕ خجر زٕ 2 میٹر آسُن۔9پانٛژھ پردٕ ملناوکھ پانہٕ وٲنؠ پتہٕ ملناوکھ شیٚہ پردٕ پانہٕ وٲنؠ۔ شیٚہ ملناونہٕ آمٕتؠ پردٕ ؤہراو خٟمس برونٛہہ کنہِ۔10نیٖلٮ۪ن پردن بناو ہتھ دٲیرٕ تہٕ پنژاہ دباو اکِس ملناونہٕ آمتیٚن پردن نیٚبرؠ کِنؠ انٛدس پؠٹھ تہٕ پنژاہ دباو بییٚن ملناونہٕ آمتیٚن پردن نیٚبرؠ کِنؠ اندس پؠٹھ۔11سرتلہِ ہنٛز پنژاہ چھلہٕ بناو تہٕ تِم چھلہٕ تراوکھ دٲیرن منٛز یمہٕ سٟتؠ اکھ اکٲی ولنہٕ ییہِ۔12خٟمہٕ کؠو پردو منٛزٕ پردٕ بچان چُھ تمیک نیصف روٗزن مقدس جایہِ پتمہِ طرفہٕ اویزان۔13اوٚڑ میٹر علاوٕ یوسہٕ پردن ہنٛد زیچھرٕ منٛز بچان چھےٚ روٗزن جایہِ دوشوے طرفو یور تہٕ ہور روٗزن الونٛد یُتھ تتھ تِمن طرفن حفاظت سپدِ۔14خٟمس پؠٹھ تراونہٕ خٲطرٕ بناو اکھ غلاف سُرخ کٹہٕ بستن ہنٛز۔ پؠٹھم حصہٕ بند کرنہٕ باپتھ کر مسلہٕ استعمال۔15تتھ مقدس خٟمہٕ خٲطرٕ بناو کیکر لکٕرِ ہُنٛد اکھ تھوٚد تختہٕ۔16پریتھ تختُک زیچھر گژھِ پانٛژھ میٹر تہٕ خجر دوٗن میٹر آسُن۔17پریتھ فریمس دِ تٔلؠ کِنؠ زٕ کِلؠ یتھ تِم اکِس بییٚس سٟتؠ رٔلاونہٕ یِن۔ امی طریقہٕ بناو پریتھ کانٛہہ فریم سٲرسےٕ روٗزن جایہِ خٲطرٕ۔18وُہ 20 تختہٕ بناو مقدس خٟمس جنوبکہِ طرفہٕ خٲطرٕ۔19چاندِ ہنٛدؠ بناو ژتجہ 40 کھوٗرؠ یِم وُہن فریمن تٔلؠ کِنؠ روٗزن۔ زٕ کھوٗرؠ روٗزن پریتھ تختس تلہِ کنہِ۔20مقدس خٟمہ کہِ دوٚیمہِ طرفہٕ شمالہٕ کِنؠ بناو وُہ 20 تختہٕ21تہٕ ژتجہ 40 چاندِ ہنٛدؠ کھوٗرؠ بناو تِمن پریتھ اکِس۔ زٕ تراوکھ پریتھ اکِس فریمس تلہِ کنہِ۔22مقدس خٟمہ کہِ مغربہ طرفہٕ بناو شیٚہ تختہٕ۔23مقدس خٟمہٕ کؠن پتمیٚن کونن ہنٛدِ باپتھ بناو زٕ تختہٕ۔24تِم گژھن ہیرٕ پؠٹھٕ بوٗن تام اکِس بییٚس برابر آسن پؠٹھٕ کرُکھ یکجا کرِ سٟتؠ بند۔ یی کر کونن ولنہٕ خٲطرٕ تِمن دوشونے۔25أٹھ تختہٕ تہٕ چاندِ ہنٛدؠ شُراہ 16 کھوٗرؠ بناو زٕ 2 کھوٗرؠ تراو پریتھ اکِس تختس تلہٕ۔26کیکر لکٕرِ ہنٛدؠ بناو کرِ تِمو منٛزٕ تراو مقدس خٟمس پانٛژھ کرِ شمالہٕ کہ طرفہٕ،27پانٛژھ کرِ روٗزن فیریمن خٲطرٕ مقدس خٟمس جنوبہٕ کہ طرفہٕ، پانٛژھ کرِ روٗزن مقدس خٟمس پٔتؠ مہِ طرفہٕ مغربس منٛز۔28منٛزم کٔر یۅسہ تختو منٛز اکہِ کونہٕ پؠٹھٕ دوٚیمس کوٗنس تام واتہِ۔29فریمن تہٕ کرِین تھو سۅن جرِتھ۔ کرِ فریمن سٟتؠ دباونہٕ خٲطرٕ بناو سۅنہٕ سٕنٛدؠ دٲیرٕ۔30سُہ مقدس خٟمہٕ بناو امی طریقہٕ یمہِ طریقہٕ مےٚ ژےٚ یتھ پہاڑس پؠٹھ ہووٚمُت چھۓ۔31اکھ توٗن پردٕ بناو یتھ پؠٹھ اکھ ہُنر منٛد دستہٕ کار لاگہِ آسمٲنؠ، بنفشی، تہٕ سُرخ پن یِمو سٟتؠ سُہ بناوِ ملٲیکن ہنٛزٕ شکلہٕ یتھٕ پٲٹھؠ مقدس تختس پؠٹھٕ کنہِ چھِ۔32سُہ پردٕ تراو سۅنہٕ سنٛزو میخو سٟتؠ اویزان تِمن کیکر لکٕرِ ہنٛزن سۅنہٕ سٟتؠ جرتِھ کرِین۔ ہر اکِس بناو اکھ چاندٕ ہنٛدؠ بنیاد۔33پردٕ گژھن کلفو سٟتؠ مقدس خٟمٕکس پشش سٟتؠ اویزان آسٕنؠ۔ وعدُک صندوق تھو تتھ پردس پٔتؠ کِنؠ۔ سُہ پردٕ کرِ پاک جایہِ بیٚیہِ سؠٹھاہ زیادٕ پاک جایہِ الگ الگ۔34وعدہ کِس صندوقس تھو سٮ۪ٹھاہ زیادٕ مقدس جایہِ سرپوش پؠٹھٕ کنہِ۔35میز تہٕ شمع دان تھوُن پردس بیٚیہِ طرفہٕ اکِس بییٚس مقابلہٕ۔ شمع دان تھو مقدس خٟمس جنوبہٕ کہ طرفہٕ تہٕ میز تھوُن نیاز ژوچن باپتھ شمالہٕ کہ طرفہٕ۔36خٟمس منٛز دٲخل سپدنہٕ باپت بناو اکھ پردٕ یُس اکھ ہُنر منٛد وونن وول زٲویل کتہٕ نہٕ آمتہِ پنہٕ سٟتؠ اسمانؠ، بنفشی تہٕ وۅزُلن پنو سٟتؠ تیار کرِ۔37پانٛژھ 5 ڈنڈٕ بناو کیکر لکٕرِ ہنٛدؠ یِمو سٟتؠ سُہ پردٕ اویزان روزِ تہٕ تِمن جر سۅن تہٕ تِم دباوکھ سۅنہٕ سنٛزٕ میخو سٟتؠ بیٚیہِ بناو پریتھ اکِس تھمبس سرتلہِ ہنٛدؠ بنیاد۔
Bridge Connectivity Solutions Pvt. Ltd.