خروج25
1یہُوواہنؔ ووٚن موسیٰؔ ہس،2"اسرائیل کٮ۪ن لوٗکن ون زِ پریتھ کانٛہہ دِیہ پننہِ مرضی مطٲبق مےٚ کُن نذرانہٕ یِم ژےٚ میانہِ باپتھ تِمن نِشہ حٲصل کرکھ۔3تِمن نِشہ کٔرؠ زِ یِمن قسمن ہُنٛد نیاز جمع تِم چھِ: سۅن، رۅپھ، سرتل،4روٗگُمُت بنفشی، ووٚزل، قِرمزی کپُر، زٲویل کتہٕ نہٕ آمُت ژھاوجن ہُنٛد پشمہٕ کپُرِ،5کٹن ہُنٛد رنگنہٕ آمُت ووٚزل مُسلہٕ، ژھاولؠن ہنٛزٕ بستہٕ تہٕ کیکر لکٕر،6شمع دانہِ باپتھ زیتون تیٖل، مٲلشہِ تیٖل تہٕ وُدٕ۔7سنگِ سلیمٲنی، کرانٛکھ تہٕ نگینہٕ یِم کاہنن ہنٛدس مقدس پوشاکس سینہٕ بندس پؠٹھ جرنہٕ یِن۔8لوٗکھ بناوِن میانہٕ باپتھ اکھ پاک جاے یُتھ زن بہٕ تِمن منٛز ہیٚکہٕ روٗزتھ۔9تِمن چھِ بناوِن میانہِ باپتھ روٗزن جاے بیٚیہِ تتھ منٛز استعمال ینہٕ وول سامانہٕ بلکل تمی طریقہٕ یمہِ طریقہٕ بہٕ ژےٚ ہاوے۔10لوٗکھ بنٲون کیکر لکٕرِ ہُنٛد اکھ صندوق یمیٚک زیچھر اکھ ہتھ تہٕ پنژٕ 125 سنٹی میٹر، خجر پنسٔتتھ 75 سنٹی میٹر تہٕ تھزر پنسٔتتھ 75 سنٹی میٹر آسہ۔11تتھ صندوقس جرزِ اندرٕ نیٚبرٕ خٲلص سۅن تہٕ اتھ انٛدؠ انٛدؠ بناوس سۅنہٕ سُنٛد پرنٛگ۔12سۅنہٕ سٕنٛدؠ ژوٗر کٔرؠ بناو تہٕ تِم دَباوکھ تمہ کیٚن ژوٗرن زنٛگن۔ زٕ کٔرؠ اکہِ طرفہٕ زٕ کٔرؠ بیٚیہِ طرفہٕ۔13کیکر لکٕرِ ہنٛدؠ بناو زٕ ڈنڈٕ تہٕ تِمن جر سۅن۔14تِم ڈنڈٕ ترٛاوکھ صندوق کؠن کرؠن منٛز اورٕ یور دوشوے طرفو یتھ زن سُہ صندوق ڈنڈو سٟتؠ تُلنہٕ ہیٚکہ یتھ۔15تِم ڈنڈٕ روٗزن ہمیشہ صندوق کؠن کرؠن منٛز، تِم گژھن نہٕ زانٛہہ تہِ تِمو منٛزٕ نیٚبر کڈنہٕ یِن۔16سُہ شہادت نامہٕ تھووٚ تتھ صندوقس منٛز یُس بہٕ ژےٚ دِنہٕ وول چُھسے تہٕ یتھ پؠٹھ مےٚ پننٕؠ حکم لیکھؠ۔17ژےٚ بناوکھ خٲلص سۅنُک تمہِ صندوقہٕ باپتھ سرپوش یتھ اکھ ہتھ پنژٕ 125 سنٹی میٹر زیچُھر تہٕ خجر پنسٔتتھ 75 سنٹی میٹر آسہ۔18تمہِ سرپوشکؠن دوشونے اندن پؠٹھ گر سوٚنکؠ زٕ جانور یِمن پکھٕ چھِ۔19صندوقس سرپوشش پؠٹھ بناو دوشونے اندو سۅنہٕ سٕنٛدؠ پکھٕ وٲلؠ جانور کروبی۔20دوشوے ملٲیکھ گژھن ہؠور کُن پکھٕ وہرٲویتھ آسٕنؠ۔ تِم گژھن اکھ اکِس روبرو صندوقس سرپوشش پؠٹھ آسٕنؠ۔21یُس عہد نامہٕ بہٕ ژےٚ دِمے سُہ تھووٚ تتھ صندوقس منٛز پتہٕ تھو سُہ سرپوش تتھ صندوقس دِتھ۔22ژےٚ سمکھنہٕ خٲطرٕ کرٕ بہٕ وقت مقرر۔ بہٕ ونےٕ سٲری حکم یِم ژےٚ اسرائیل کٮ۪ن لوٗکن کرکھ تتھ سرپوشش ہیرِ کِنؠ تِمن ملٲیکن درمیان یِم تتھ صندوقس پؠٹھ چھِ یتھ منٛز میون عہد نامہٕ چُھ۔23کیکر لکٕرِ ہُنٛد بناو اکھ میز یمیٛک زیچھر اکھ میٹر، خجر اوٗڑ میٹر، تھذر دوٗن میٹر آسہ۔24تتھ میزس جر خٲلص سۅن پتہٕ تھو تتھ انٛدؠ انٛدؠ پرنٛگ۔25تتھ انٛدؠ انٛدؠ بناو اکھ چَھل یمیٛک خجر ٲٹھ سنٹی میٹر آسہ تتھ انٛدؠ انٛدؠ بناو اکھ سۅنہٕ سُنٛد پرنٛگ۔26سۅنہٕ سٕنٛدؠ بنووٚ ژوٗر کٔرؠ۔ تِم دَباوکھ میزٕ کؠن ژوٗرن کوٚنن پؠٹھ تمکؠن پاین سیٚود27چھلہِ نکھٕ یِمن منٛز ڈنڈٕ لگن یتھ زن سُہ میز تُلنہٕ ییہِ۔28کیکر لکٕرِ ہنٛدؠ بناو زٕ ڈنڈٕ تِمن جر سۅن۔ تِمو سٟتؠ ییہِ سُہ میز تُلنہٕ۔29بیٚیہِ بنووٚ ژےٚ کاہنن ہنٛدِ خٲطرٕ خٲلص سۅنہٕ سٕنٛدؠ بانہٕ، پیالہٕ، نارِ، ٹوٗرؠ یِمن منٛز شراب آسہ مےٚ پیش کرنہٕ باپتھ پھرنہٕ یوان۔30نیازچؠ ژوٚٹ گژھِ ہمیشہ تتھؠ میزس پؠٹھ تھونہِ یِن۔31خٲلص سۅنُک بناو اکھ بۅڈ شمع دان تتھ گٔر ژوٚک تہٕ ڈنڈٕ۔ تتھؠ بناو پیالہٕ یِمن منٛز پوش ٹوٗرؠ بیٚیہِ ؤتھرو سٟتؠ سجٲوتھ آسن۔32تتھ شمع دانس پؠٹھ گژھن شیٚہ لنجہِ تتھ ڈنڈس نیرٕ نہِ ترےٚ اکہِ طرفہٕ ترےٚ بیٚیہِ طرفہٕ۔33پرٛیتھ لنجہِ پؠٹھ گژھن باوٲمؠ پوشن ہنٛدؠ پٲٹھؠ ترٛے سۅنہٕ سٕنٛدؠ پیالہٕ آسٕنؠ۔ تِمن پوشن گژھن ٹوٗرؠ تہٕ ؤتھر آسٕنؠ، یتھۓ پٲٹھؠ کرِ زِ شمع دانکؠن شیٚنونےٕ لنجن۔34شمع دانس منٛزٕ گژھن ژوٗر پیالہٕ آسٕنؠ یِم زنہٕ بادٲمؠ پھلیہِ ہنٛدؠ پٲٹھؠ بوٗزنہٕ یِن تہٕ تِمن تہِ گژھن پوشہِ ٹوٗرؠ تہٕ وتھر آسٕنؠ۔35دوٚن دوٚن لنجن بناو بوٗنہٕ کنہِ اکھ اکھ پوشہِ ٹوٗر تِم جوڑکھ دوٚن دوٚن لنجن سٟتؠ زن تہِ تِم ویٹھان تمہِ منٛزٕ نیران آسن۔ شمع دانکؠ شیٚنوے لنجہِ بناو یتھے پٲٹھؠ۔36یمہٕ سارے لنجہِ تہٕ تمٕکؠ ٹوٗرؠ گژھن خٲلص سۅنہٕ کہ اکی بڈِ ٹکرِ منٛزے گرنہٕ آمٕژ آسنہِ۔37ستھ شمع بناو تہٕ تھاوکھ تتھ شمع دانس پؠٹھ یُتھ زن تِم تتھ ژۅپٲرؠ گاش دِن۔38دٔزمٕژ سۅیَتھ نیٚبر کڈنہٕ باپتھ بناو سۅنہٕ سُنٛد چُمٹہٕ بیٚیہِ مجمہٕ یِمن منٛز تِم تھونہٕ یِن۔39شمع دان، چُمٹہٕ بیٚیہِ مجمہٕ بناونس گژھن 33 کِلو خٲلص سۅن استعمال کرنہٕ یِن۔40یاد تھووٚ یِم سٲری چیز گژھن تِمو ہدایتو مطٲبق تیار کرنہٕ یِن یِم بہٕ ژےٚ یتھ پہاڑس پؠٹھ دِوان چُھسے۔
Bridge Connectivity Solutions Pvt. Ltd.