خروج12
1یہُوواہنؔ ووٚن موسیٰؔ ہس تہٕ ہارونسؔ مِصرس منٛز،2"یتھ نٔوس ژنٛدرس پؠٹھٕ کٔرِو پنٕنؠ رؠتھ گنٛزراوُنؠ شروع۔ یہِ آسہ اسرائیل ین ہنٛدِ ورؠیُک ابتدٲئی رؠتھ۔3اسرائیلی سٲرسےٕ قومس وُنوِ، یِمہِ رؠتکہِ دٔہمہِ دوٚہہ پرٛتھ کُنہِ عیالُک خاندار مرد نِین پننہِ گرٕ خٲطرٕ اکھ تیوٗر یاہ ژھاولؠ برٕ۔4ہرگاہ کنہِ گرس منٛز زیادٕ بٲژ آسن نہٕ یِم اکھ تیار کوٚرمُت کٹھ سورے کھؠن نہٕ، تیلہِ مارِ تٔمؠ سُنٛد گرٕ بییٚس ہمسایہِ گرس سٟتؠ یکجا اکھ جانور۔ برٕس کرِزو پرٛیتھ گرکین بٲژن ہنٛدِ حسابہٕ مطٲبق حصہٕ زِ کُس کوتاہ ہیٚکہ کھیٚتھ۔5توٚہؠ کٔرِو انتِخاب اکھ تیوٗر یاہ اکھ ژھاوج؛ مگر أمؠ سںٛز وانٛس گژھِ اکھ ؤری آسٕنؠ بیٚیہِ گژھِ نر آسُن، بیٚیہِ گژھِ اصل آسُن تہٕ بغٲرِ کانٛہہ نۅقُس آسُن۔6توٚہہِ چُھ یِمن جانورن ہُنٛد یمہِ ریٚتہٕ کِس ژوٚدٲہمس دوٚہس تام خاص خیال تھاون۔ تمہِ دوٚہہ شامن کرن سٲری اسرائیلی برٕ کٹھ یاہ برٕ ژھاؤل ذبح۔7پتہٕ نیِن تِم تمِس برٕ کٹھٕ یا برٕ ژھاوُل سنٛدِ رتہٕ منٛز کینٛہہ سُہ تراون تِمن گرن یِمن منٛز سُہ کھؠنہٕ ییہِ تہنٛزن براندٕ کین دوشوٕنی طرفن تہٕ دروازٕکِس ہیرِمِس داسس۔8تِم بزُن سُہ جانور نارس پؠٹھ تہٕ تژھِ رٲژ منٛز کھؠن سُہ ماز۔ تِم کھیٚن سُہ خمیرِ روٚس ژوچہِ تہٕ ٹؠھٹؠن سِنؠن سٟتؠ۔9توٚہہِ چُھنہٕ کانٛہہ تہٕ ماز نیوٗل کھیٚن تہٕ توٚہہِ چُھنہٕ سُہ ماز آبس منٛز رَننُ۔ توٚہہِ چُھ یہِ کرن: سورےٕ جانور چُھ نارس پؠٹھ کٔلہٕ، زنٛگہٕ یاہ اندرم عضوو سان بزُن۔10صبحس تام گژھِنہٕ کینٛہہ تہِ ماز بچن۔ یِس ماز آسہ نہٕ توٚہہِ صبحس تام کھیومُت سُہ گژھِ نارٕ بزؠ کرنُ۔11ییٚلہِ توٚہؠ یہِ کھیٚیِو توٚہؠ گژھو پلو لٲگتھ سفرس نیرنہٕ خٲطرٕ تیار آسٕنؠ۔ چاپنؠ گژھِ کھورن لٲگتھ آسٕنؠ تہٕ لوٗر تُہنٛدین اتھن منٛز آسٕنؠ۔ توٚہہِ چُھ ؤلؠ ؤلؠ یہِ کھیون۔ یہِ آسہ یہُوواہسؔ احترام کرنہٕ باپتھ تُہنٛد اکھ جشن یتھ عیٖدِ فصح ونان چھِ۔12تتھ رٲژ منٛز گژھِ بہٕ سٲرسےٕ مِصرس منٛز تہٕ تمام مِصرٕکؠ سٲری انسانن ہنٛدؠ یوٕنکؠن نفر تہٕ جانورن ہنٛدؠ چھرٕ مارکھ۔ بہٕ چُھس مِصرٕ کیٚن تمام خداین سزا دِوان۔ بہٕ چُھس یہُوواہؔ۔13تُہنٛدین گرن پؠٹھ یُس خوٗن چُھ سُہ ہاوِ زِ توٚہؠ چُھو مےٚ فرمانبردٲری کران۔ ییٚلہِ بہٕ سُہ خوٗن وُچھِ، بہٕ تراوکھ تِم گرٕ۔ بہٕ واتناونہٕ تِمن لوٗکن کانٛہہ نۅقصان یِم تِمن گرن منٛز آسن ییٚلہِ بہٕ مِصرٕ کیٚن لوٗکن سزا دِنہٕ باپتھ واتہٕ۔14یہِ آسہ اکھ یادگار دعوت مناونُک دوٚہہ یُس مےٚ یہُوواہنؔ تُہنٛدِ باپتھ کوٚرمُت چُھ۔ یہِ چُھ تُہنٛدِ خٲطرٕ اکھ روایت: پرٛیتھ کانٛہہ اسرائیلی منٲوِو پشت در پشت یہِ سٲلانہٕ دعوت ہمیشہِ خٲطرٕ۔15ستن دوٚہُن تام کھییٚو توٚہؠ خمیرِ روٗس ژوٚٹ۔ تمہِ ہفتکہِ گۅڈنِکی دوٚہہ موٚکلٲوِو توٚہؠ پننؠو گرو منٛزٕ خمیر یوسہِ تتہِ اسہِ۔ یُس اکھا تِمن ستن دوٚہُن منٛز خمیٖرِ ہنٛز ژوٚٹ کھییٚہِ سُہ نفر کڈِہن پننؠو لوٗکو منٛز نیٚبر۔16تمہِ ہفتکہِ گۅڈنکہِ دوٚہہ کٔرِو توٚہؠ اکھ مقدس اجلاس۔ تیٖ چُھ کرنُ ستؠمہ دوٚہہ تہِ۔ لوٗکن چھِنہٕ تِمن دوٚن دوٚہُن کانٛہہ تہِ کٲم کرِنؠ۔ صرف ہیکیو توٚہؠ اکھ کٲم کریتھ سُہ گوٚو غذا تیار کرُن تہِ کھیوٚن۔17توٚہؠ روٗزؠ زؠو یہِ دوٚہہ خمیٖرِ روٗس ژۅچہِ ہنٛز عیٖد مناوان تکیازِ امی دوٚہہ چُھس بہٕ تُہنٛدؠ قبیلہٕ مِصرچہِ غلامی نِشہ آزاد کران۔ یہِ چُھ تُہنٛدِ خٲطرٕ قانون: اسرائیلی مناون نسٕل در نسٕل ہمیشہِ خٲطرٕ یہِ اکھ یادگار زِ مےٚ بچٲوٕ توٚہؠ امی دوٚہہ۔18وریکہِ گۅڈنکہِ رؠتکہِ ژوٚدٲہمہِ دوٚہہ شامس کرِزؠو خمیٖر ژوٚٹ کھیٚنؠ بنٛد۔ توٚہہِ چھِنہٕ دُبارٕ خمیٖرِ ژوٚٹ تمہِ رؠتہٕ کسِ اکوُہمہِ دوٚہہ شام تام کھیٚن۔19تِمن سَتن دوٚہُن دوران گژھِنہٕ تُہنٛدس گرس منٛز خمیٖر آسٕنؠ۔ ہرگاہ کٲنسہِ اکؠ اسرائیلی یاہ غٲر اسرائیل ین تتھ وقتس دوران خمیٖر دار ژوٚٹ کھییٚہِ، توٚہہِ چُھ سُہ پننہِ جمٲژ منٛزٕ نیٚبر کڈنُ۔20کینٛہہ تہِ خمیٖر مٕہ کھیٚیِو۔ ییٚتہِ توٚہؠ روٗزان چُھو، توٚہہِ چھِنہٕ سۅ ژوٚٹ کھیٚنؠ یتھ منٛز خمیٖر آسہ۔"21پتہٕ أنؠ موسیٰؔ ہن اسرائیلٕکؠ سٲری سردار ناد دِتھ۔ تٔمؠ ووٚن تِمن، "پرٛیتھ کُنہِ خاندانس پزِ اکھ برٕ کٹھ یاہ برٕ ژھاؤل متخب کرُن پتہٕ سُہ مارُن تہٕ کھیوٚن یتھ زن سُہ جشن مناوٕ یتھ توٚہؠ عیٖدِ فسح ناو کٔرِو۔22برٕ سُنٛد خوٗن رٹِیو بانس منٛز۔ اکھ دانِولہِ بوٚد أنیٚو تہٕ سُہ بۅڈناوِہن خوٗنس منٛز۔ پتہٕ مَتھوٗ کینٛہہ خوٗن پننِس گرٕکس دروازِ داسس بیٚیہِ براندٕ پاین۔ ہر کُنہِ گرکھ بٲژ بہن صبحس تام گرس اندر۔23ییٚلہِ یہُوواہؔ مِصرٕ منٛزؠ ہرکانٛہہ یونہٕ نیٚچو قتل کرنہِ نیرِ، سُہ وُچھِ تُہنٛدین دروازِ داسن پؠٹھ خوٗن۔ تمی سببہٕ تراوِ سُہ تِمن گرن تہٕ سُہ دِیہ نہٕ قتل کرن وٲلِس تِمن گرن منٛز یونہٕ نیٚچوؠ قتل کرنہٕ باپتھ دٲخل سپدنُک اجازت۔24توٚہؠ بیٚیہِ تُہنٛز ذریاتھ مناوِ یہِ رسم ہمیشہِ: یہِ چُھ اکھ قانون۔25ییٚلہِ توٚہؠ تتھ ملکس منٛز ٲژو یمیُک یہُوواہنؔ توٚہہِ سٟتؠ وعدہ کوٚرمُت چُھ، توٚہؠ روزیٚو ہر ورییہِ یہِ رسم مناون۔26ییٚلہِ تُہنٛدؠ شُرؠ توٚہہِ پرٛژھِنو، یمہِ رسمک مطلب کیاہ چُھ؟27توٚہؠ وُنوِ تِمن، "یہِ رسم چھِ سانؠن جدن ہنٛزِ سۅ اکھ یادگار ییٚلہِ تِمو تتھ رٲژ منٛز برٕ قۅربٲن کٔرؠ ییٚلہ یہُوواہؔ سنٛدیو فرشتو اسرائیل ین ہنٛدؠ گرٕ یلہِ تراوؠ یِم مِصرس منٛز ٲسؠ۔ تٔمؠ کٔرؠ سارنےٕ مِصرٕ کیٚن ہنٛدین گرن منٛز تہنٛدؠ یونہٕ نیٚچوؠ قتل، مگر تٔمؠ کٔرؠ نہٕ سانؠن گرن منٛز نیٚچوؠ قتل۔ "موسیٰؔ سٕنٛدِ یہِ وُننہٕ پتہٕ، تِمو ساروےٕ بزرگو کوٚر سجدٕ تہٕ یہُوواہسؔ کرکھ عبادت۔28پتہٕ کوٚر اسرائیل یو تیٖ یہِ یہُوواہنؔ موسیٰؔ ہس بیٚیہِ ہارونسؔ تِمن کرُن ونومُت اوس۔29یہُوواہنؔ کٔرؠ نیصف رٲژ سٲرسےٕ مِصرس منٛز سارنےٕ مِصرٕین ہنٛدؠ یونہٕ نیٚچوؠ قتل۔ اتھ منٛز ٲسؠ بادشاہ سُنٛد یونہٕ نیٚچو، تِمن قٲدین ہنٛدؠ یونہٕ نیٚچوؠ یِم زندانس منٛز ٲسؠ، بیٚیہِ تمام مِصرٕ کؠن چٲرواین ہنٛدؠ یونہٕ نرِ بچہ تہِ شٲمل۔30تتھ رٲژ منٛز گییہِ بادشاہ، تمسنٛدؠ سٲری ملٲزم، بیٚیہِ تمام مِصرٕکؠ لوٗکھ بیدار تہٕ کوٚرکھ تہِ معلوم یہِ واقہٕ سپدمُت اوس۔ سٲرسےٕ مِصرس منٛز ووٚتھ زبردس کہرام، تکیازِ ہر کُنہِ گرس منٛز اوس کٲنسہِ نہٕ تہٕ کٲنسہِ ہُنٛد نیٚچو ممُت۔31بادشاہن اوٚن موسیٰؔ تہٕ ہارونؔ تتھٕ رٲژ منٛز ناد دِتھ تہٕ ونُکھ، "وُتھو، توٚہؠ بیٚیہِ سٲری باقے اسرائیلی تہٕ نیرو یمی دمہٕ میٲنیو لوٗکو تہٕ میانہِ ملکہٕ منٛزٕ! گژھو تہِ کٔرِو یہُوواہسؔ عبادت، یتھٕ پٲٹھؠ توٚہہِ گُزٲرش کرمٕژ چُھو!32توٚہؠ ہیکیو پنٕنؠ تیٖرؠ تہٕ ژھاولینؠ جبہِ بیٚیہِ چارواین ہنٛدؠ کھؠلؠ تِتھے پٲٹھؠ نتھ یتھٕ پٲٹھؠ توٚہہِ گُزٲرش کرمٕژ چُھو۔ وُنؠ نیرو! یہُوواہسؔ منٛگیٚو میانہِ باپتھ تہِ دعا۔"33مِصرٕ کیٚو لوٗکو کوٚر اسرائیل ین پننہِ ملکہٕ منٛزٕ نیرنس منٛز ؤلؠ ؤلؠ مدد۔ تِمو ووٚن، "نتہٕ، گژھو أسؠ سٲری مُرِتھ!"34لہٰذا اسرائیلی گےَ نیرنہٕ خٲطرٕ یکدم تیار۔ تِمو تُلؠ تِم بانہٕ یِمن منٛز تِمو اوٹ ژوٹ بناونہٕ باپتھ مونٛڈمُت اوس یِمن نہٕ کانٛہہ تہِ خمیٖرِ ٲس، تہٕ تِمو ؤلؠ تِمن بانن پنٕنؠ چوغہٕ، تہٕ لٔدکھ پننؠن شانن پؠٹھ۔35پتہٕ کوٚر تِمو اسرائیل یو تیٖ یہِ موسیٰؔ ہن تِمن ووٚنمُت اوس۔ تِم گییہِ پننؠن مِصرٕ کیٚن ہمساین تہٕ تِمو مونٛگ تِمن سون، چٲندؠ تہٕ پلو۔36یہُوواہنؔ بخش اسرائیل ین مِصرٕی لوٗکن ہنٛزن نظرن منٛز سیٹھاہ یزتھ، اوے دِیتُ تِمو تِمن یہِ تِمو موٚنگ۔ امہِ طریقہٕ نیٚیہ اسرائیل یو مِصرٕی لوٗکن ہنٛز دولت۔37اسرائیلی لوٗکھ پٔکؠ رعمسیسؔ شہرِ پؠٹھٕ سکات قصبس تام۔ یِم درایہِ تِمن منٛزٕ ٲسؠ شیہ لچھ مرد، تمہِ علاوٕ ٲسؠ زنانہٕ تہٕ شُرؠ۔38تِمن سٟتؠ درایہِ تِم لوٗکھ تہِ واریاہ یِم نہٕ اسرائیلی ٲسؠ۔ تِمن سٟتؠ اوس چارواین ہُنٛد تہِ اکھ سیٹھاہ بوٗڈ تعداد، یِمن منٛز تیٖر، ژھاول بیٚیہِ گُپنن ہنٛدؠ کھیٚلؠ تہِ شٲمل ٲسؠ۔39فروعوننؔ کٔرؠ اسرائیلی ؤلؠ ؤلؠ نیرنس پؠٹھ مجبور تِمن آو نہٕ موقعے یتھ تِم غذا تیار کرہن یُس تِم پانس سٟتؠ نِہن یا سُہ دِہے تِمن اجازت ژۅٹ بناونہٕ باپتھ خمیٖر تیار کرنُک۔ ییٚلہ تِمو منٛڈمِتس ٲٹس ژوچہِ بناوِ یُس تِمن مِصر پؠٹھٕ اوٚن، تِمو بناوِ سادٕ ژۅچہِ تکیازِ تِم آسہ خمیٖر روٚس۔40اسرائیلی ٲسؠ مِصرس منٛز ژورن ہتن تہٕ ترٕہن ورؠ ین رودمٕتؠ۔41تمی دوٚہہ ووت سُہ ژورن ہتن تہِ ترہن ورین ہُنٛد دوٗر انٛد، ٹھیک تمی دوٚہہ درایہ یہُوواہؔ سٕنٛدؠ سٲری قبیلہٕ مِصر منٛزٕ۔42یہِ ٲس سۅ اکھ راتھ ییٚلہ سٲری اسرائیلی بیدار روٗدؠ تہٕ یہُوواہنؔ أنؠ تِم مِصر منٛزٕ نیٚبر کڈتھ۔ اوے چھےٚ سۅ راتھ پرٮ۪تھ وریہِ اسرائیلی نسٕل در نسٕل یہُوواہؔ سنٛدِس ناوس پؠٹھ یادگار مناون زِ یہُوواہنؔ کتھٕ پٲٹھؠ تھاوؠ تہنٛدؠ جد محفوظ۔43پتہٕ ووٚن یہُوواہنؔ موسیٰؔ ہس تہٕ ہارونسؔ، "یہِ چُھ عیدِ فسح رسمس مطلق اکھ قانون: وۅپر ملکہ کین مہٕ دِیو فسح کھؠنہِ منٛزٕ کھینہِ۔44ہرگاہ کانٛہہ اکھا اکھ غلام مٔلؠ ہیوان چُھ تمِس کٔرِو ختنہٕ یُتھ سُہ فسح کھؠنہِ منٛزٕ کھییٚہِ۔45تِمن غٲر اسرائیلی لوٗکن مٕہ دِیو کھینہٕ یِم توٚہہِ سٟتؠ وقتی طوٗر روٗزان چھِ یاہ تِمن خدمتگارن یِمن توٚہؠ فسحس پؠٹھ پونٛسہٕ دِوان چُھو۔46توٚہؠ کھیو فسح کھیٚن اکسےٕ گرس منٛز۔ ماز گژھِ نہٕ گرٕ نیٚبر نیرُن۔ برٕ سنٛز أڈِج تہِ گژھِنہٕ پُھٹرنہٕ یِنؠ۔47اسرائیل ین ہُنٛد سورے قوم مناون یہِ تقریٖب۔48ییٚلہِ کانٛہہ اکھ بیٚیہِ ملکُک توٚہہِ سٟتؠ روزنہٕ ییہِ تہٕ سُہ یژھِ یہُوواہؔ سُنٛد فسح تقریٖب مناونؠ، تسنٛدس گرس منٛز یِم تہِ مرد آسن تِمن سارنےٕ کٔرِو ختنہٕ۔ پتہٕ ہیٚکہ سُہ فسح کھؠن کھیٚتھ، توٚہہِ پزِ تمِس سٟتؠ تتھ سلوک کرُن زن تہِ آسہ سُہ اکھ اسرائیلی زامُت۔ مگر یمِس نہٕ ختن حال کٔرِتھ آسہ تمِس دِزو نہٕ فسح کھؠنہٕ منٛزٕ کھینہٕ۔49یہِ شریعت چُھ تِمن لوٗکن پؠٹھ لاگو سپدان یِم بحثیتِ اسرائیلی زامُت چھِ بیٚیہِ تِمن غٲر ملکی ین پؠٹھ یِم توٚہہِ سٟتؠ روٗزان چھِ۔"50ساروےٕ اسرائیل یو مون موسیٰؔ تہٕ ہاروننؔ پتہٕ کوٚرکھ تیٖ یہِ یہُوواہنؔ حکم اوس کوٚرمُت۔51ٹھیک تمی دوٚہہ کڈؠ یہُوواہنؔ اسرائیلٕکؠ سٲری قبیلہٕ مِصرٕ منٛزٕ نیٚبر۔
Bridge Connectivity Solutions Pvt. Ltd.