خروج13
1یہُوواہنؔ ووٚن موسیٰؔ ہس،2"سٲری یوٕ ؤنؠ نیٚچوؠ کرووکھ میانہِ باپتھ وقف زِ تِم چھِ میٲنؠ۔ اسرائیلس منٛز یُس تہِ یوٕ وُن تھنہٕ پییٚہِ چاہے سُہ انسان ٲسؠ تن یا جانور سُہ آسہ میٚون۔"3موسیٰؔ ہن ووٚن لوٗکن، "یہِ دوٚہہ تھٲوِو یاد! یہِ چُھ سُہ دوٚہہ ییٚلہِ توٚہؠ مِصرٕ منٛزٕ درٲیِوٕ۔ یہِ چُھ سُہ دوٚہہ ییٚلہِ مےٚ توٚہؠ مِصرچہِ غلامی نِشہ آزاد کرِوٕ۔ یہُوواہنؔ کڈؠوٕ توٚہؠ طاقتہٕ سٟتؠ مِصرٕ منٛزٕ نیٚبر۔ ییٚلہِ یہِ دوٚہہ توٚہؠ مناون چُھو اتھ دوٚہس پؠٹھ مٕہ کھییٚو خمیٖرِ دار ژوٚٹ۔4توٚہؠ چُھو مِصرٕ منٛزٕ ابیب کہ رؠتہٕ أزؠ کہ دوٚہہ یُس اتھ ریٚتس گوٚڈنُک دوٚہہ چُھ۔5پتہٕ ییٚلہ یہُوواہؔ توٚہہِ تتھ زمیٖنس منٛز واتنایو یتہِ کنعٲنؠن، حِتی ین، امورؠؔ ین، حوینؔ تہٕ یبوسینؔ ہنٛز ذریاتھ از روزان چھےٚ۔ یمہِ زمیٖنہ خٲطرٕ تٔمؠ تُہنٛدین جدن سٟتؠ وعدہ کوٚرمُت چُھ زِ سُہ دییہ توٚہہ سۅ اکھ زمیٖن یۅسہ چٲرواے رچھنہٕ باپتھ بیٚیہِ فصٕل وۅپداونہٕ باپتھ سیٹھاہ رٕژ آسہ۔ توٚہہِ چُھ یہِ بوٗڈ دوٚہہ پرٛیتھ ورؠیہِ یتھ ریٚتس منٛز مناوُن۔6ستن دوٚہُن کھییٚو توٚہؠ خمیٖرِ بغٲر ژوٚٹ۔ ستؠمہِ دوٚہہ چُھو توٚہہِ یہُوواہؔ سنٛدِس احترامس منٛز اکھ جشن مناوُن۔7ستن دوٚہُن مٕہ کھییٚو سۅ ژوٚٹ یتھ خمیٖر آسہ۔ تُہنٛدس زمیٖنس منٛز گژھِنہٕ کانٛہہ تہِ خمیٖر یا خمیٖرِدار ژوٚٹ نظرِ گژھنؠ۔8یتھ دوٚہس پؠٹھ توٚہؠ بوٗڈ دوٚہہ منٲیو تمہِ دوٚہہ وُنوِ توٚہؠ پننؠن شُرین، "أسؠ چھِ یہِ تہِ یاد پاونہٕ خٲطرٕ کران یہِ یہُوواہنؔ سانہِ باپتھ کوٚر ییٚلہِ أسؠ مِصرٕ منٛزٕ درایہِ۔"9مناونُک طریقہٕ گژھِ یتھٕ پٲٹھؠ آسُن زِ توٚہؠ گنڈیو کینٛہہ پننِس ڈیکس یا ہوٚژس پؠٹھ۔ یہِ پایہ توٚہہِ یاد تہٕ باقیو بوٗزناوُنؠ تہِ یہِ یہُوواہنؔ توٚہہِ حکم کوٚرمُت چُھ، تکیازِ توٚہؠ چُھو تٔمؠ سٕنٛدؠ شُکرگزار زِ تٔمؠ کڈوٕ توٚہؠ مِصرٕ منٛزٕ زورو سٟتؠ نیٚبر۔10لہٰذا توٚہہِ چُھ یہِ بوٗڈ دوٚہہ پرٛیتھ ورؠیہِ ہمیشہ خٲطرٕ یہُوواہؔ سٕنٛدِ دسؠ مقرر کرنہٕ آمتِس وقتس پؠٹھ مناوُن۔11یہُوواہؔ واتناوِ توٚہہِ تتھ زمیٖنس پؠٹھ یتہِ کنعانین ہنٛز ذریاتھ روٗزان چھِ، یتھٕ پٲٹھؠ تٔمؠ توٚہہِ تہٕ تُہنٛدین جدن سٟتؠ وعدہ کوٚر زِ سُہ کرِ تہِ۔ ییٚلہِ سُہ توٚہہِ ملک عطا کرِ،12توٚہہِ چھِ سارنے لوٗکن یونہٕ نیٚچوؠ بیٚیہِ چارواین ہنٛدؠ یونہٕ نر یہُوواہسؔ سٕنٛدِ ناوٕ وقف کرٕنؠ۔ یِم سٲری آسن یہُوواہؔ سٕنٛدؠ۔13أکِس یونہٕ خرٕ سنٛدِس معاملس منٛز چُھ توٚہہِ اکھ برٕ کٹھ یونہٕ خر سٕنٛدِ بدلہٕ مارُن۔ ہرگاہ توٚہہِ ہیوٚؠ نہٕ سُہ واپس مٔلؠ تیلہِ چُھ سُہ خر گردن پھڑرٲوِتھ مارُن۔ توٚہہِ چُھ پرٛتھ أکِس پنُنٕ یونہٕ نیٚچو واپس مٔلؠ ہیوٚن۔14مستقبلس منٛز ییٚلہِ تُہنٛدیو شُریو منٛز اکھ شُر ژےٚ پرٛژِھِ، "امیٚک مطلب کیاہ چُھ؟" تمِس وُنیو، "یہُوواہنؔ کڈؠ أسؠ زورو سٟتؠ مِصرٕ منٛزٕ نیٚبر تہٕ أسؠ کرِن تتہِ غلامی نِشہ آزاد۔15تتہِ سپد یہِ: مِصرُک بادشاہ اوس نہٕ اسہِ پننہِ ملکہٕ منٛزٕ نیرنہٕ دِوان، توے کٔرؠ یہُوواہنؔ سٲری یونہٕ نیٚچوؠ قتل بیٚیہِ کرِن تہنٛدین چاروایِن ہنٛدؠ نر یونہٕ تہِ قتل۔ توے چھِ أسؠ سٲری از چارواین ہنٛدؠ یونہٕ یہُوواہسؔ قربان کران، مگر أسؠ چھِ پننؠن یونہٕ نیٚچوؠ سُنٛد فدیہِ دِوان۔"16یہِ تقریٖب ییہِ یتھٕ پٲٹھؠ مناونہٕ زِ تُہنٛدس ہژس یا ڈیکس پؠٹھ آسہ یاداوٲری باپتھ نشانہٕ زِ یہُوواہنؔ کڈوٕ توٚہؠ مِصرٕ منٛزٕ بزورِ طاقت نیٚبر۔"17مِصرٕکہ بادشاہ ییٚلہِ اسرائیل ین گژھنہٕ دِیُت، خداین دِیُت نہٕ تِمن فلستینچہِ وتہِ گژھنہٕ یوٚدوے سۅ سیٹھاہ ژھوٗٹ ٲس، خداین سونچؠ، "ہرگاہ تِمن دشمنوو حملہٕ کوٚر تِم بدلاون پنُن اِرادٕ تہٕ گژھن مِصر واپس۔"18امہِ بدلہٕ نِیہِ تِم خداین وجارو منٛزؠ بحرِ قُلزمسؔ کُن۔ اسرائیلی درایہِ مِصرٕ أکِس صحیح ترتیٖبس منٛز۔19موسیٰؔ ہن ٲسؠ تِم یوسفنہِؔ ٲڈِجہِ پانس سٟتؠ تلُنٲوِمتٕؠ، تکیازِ یوسفنؔ ٲسؠ واریاہ برونٹھ اسرائیلٕکؠ وعدہ تُلنٲومٕتؠ زِ تِم کرِن تہِ۔ تٔمؠ اوس تِمن ووٚنمُت، "خدایہِ کرِ ہمیشہ تُہنٛز رٲچھ۔ ییٚلہِ سُہ توٚہہِ وعدہ دتمتس ملکس منٛز واتناوٕ، توٚہہِ چھِ میانہِ ٲڈِجہِ پانس سٟتؠ پکناونہِ۔"20اسرائیلی گییہِ سکات پؠٹھٕ ایتام یُس وجارٕکِس انٛدس پؠٹھ اوس۔ تتہِ لٲگؠ تِمو پنٕنؠ خیمہٕ۔21ییٚلہِ تِم دوٚہلہ پکان ٲسؠ، یہُوواہؔ اوس تِمن برونٛہہ برونٛہہ اوٚبرٕ لانگہِ منٛزؠ وتھ ہاوان۔ راتھ کیتھ اوس سُہ تِمن اکھ نارٕ مشعل بنتھ گاش ہاوان تاکہِ تِم ہیکن دوٚہس کیو راتس سفر کٔرِتھ۔22یہُوواہنؔ ترٲوے نہٕ تِم زانٛہہ۔ سُہ اوس دوٚہس تِمن سٟتؠ اۅٚبرٕ لانگہِ منٛز تہٕ راتس مشعل کِس صورتس منٛز موجود آسان۔
Bridge Connectivity Solutions Pvt. Ltd.