خروج11
1یہُوواہنؔ ووٚن موسیٰؔ ہس، "بہٕ انہٕ مِصرٕ کِس بادشاہس بیٚیہِ تسنٛدین سارنےٕ لوٗکن پؠٹھ بیٛاکھ اکھ آفت۔ تمہِ پتہٕ دِیو سُہ توٚہہِ نیرنہٕ۔ ییٚلہِ سُہ تہِ کرِ، سُہ کڈؠو توٚہہِ دکہٕ دِوان مِصرٕ منٛزٕ نیٚبر۔2تمام اسرائیل ین وُن ؤلؠ ؤلؠ یہِ زِ تِم سٲری مہنیوؠ تہٕ زنانہٕ منٛگن پننؠن مِصرٕی ہمساین چٲندِ ہنٛدؠ تہٕ سۅنہٕ سنٛدؠ چیز۔3یہُوواہنؔ کٔرؠ مِصرٕی اسرائیل ین مدد کرنہٕ خٲطرٕ رضامند۔ تمہِ علاوٕ، بادشاہ سنٛدین ملٲزمن تہٕ باقیو تمام لوٗکن توٚر فکرِ زِ موسیٰؔ اوس مِصرس منٛز اکھ سیٹھاہ بوٗڈ اہم شخص۔4پتہٕ ووٚن موسیٰؔ ہن بادشاہس، "یہُوواہؔ چُھ یہِ ونان: تقریبن نیصف رٲژ نیرٕ بہٕ مِصرٕ مٔنٛزؠ،5تہٕ بہٕ مارن مِصرس منٛز پرٛتھ کٲنٛسہِ ہُنٛد یوِنُک نیٚچو بغٲرِ کانٛہہ لحاظ: سُہ بادشاہ سُنٛد یوِنُک نیٚچو آسہ، غلام گرٹہٕ وٲلؠ سُنٛد آسہ یا جانورن منٛز کانٛسہِ تہِ یوٕنُک نر زامُت آسہ۔6ییٚلہِ تہِ سپدِ، سٲرسےٕ مِصرس منٛز کرن لوٗکھ تیوٚت خطرناک ماتم یُتھ نہٕ ازتام زانٛہہ تہِ سپدمُت چُھ تہٕ نہٕ سپدِ از پتھ کُن دُبارٕ زانٛہہ۔7پوٚز ہتاکہ ہوٗنؠ تہِ کرن نہٕ اسرائیل ین پؠٹھ ووٚف تہِ یاہ تِہنٛدین جانورن پؠٹھ۔ پتہٕ زانن تِم یقینہٕ باپتھ زِ بہٕ، یہُوواہؔ چُھس مِصرٕین تہٕ اسرائیل ین سٟتؠ الگ الگ سلوک کران۔8پتہٕ یِن چٲنؠ سٲری ملٲزم تہٕ کرن مےٚ برونٛہہ کنہِ سجدٕ تہٕ ووٚنُن، "مہربٲنی کٔرِتھ کٔرؠ توٗ اسہِ مِصرٕ منٛزٕ نیٚبر، ژٕ بیٚیہِ یُس اکھا ژےٚ سٟتؠ چُھ! تمہِ پتہٕ نیرو أسؠ مِصرٕ منٛزٕ نیٚبر!" ییٚلہِ موسیٰؔ ہن یہِ ووٚن تمہِ پتہٕ دراو سُہ سیٹھاہ شرارتہٕ سان بادشاہس نِشہ۔9پتہٕ ووٚن یہُوواہنؔ موسیٰؔ ہس، "بادشاہ بوٗزنہٕ چون۔ یہِ چُھ امہِ سببہٕ یُتھ زن بہٕ تٔمؠ سٕنٛدِس مِصر ملکس منٛز ورایاہ معجزٕ ہیٚکہٕ کٔرِتھ۔"10موسیٰؔ تہٕ ہاروننؔ ہاوؠ تِم سٲری معجزٕ بادشاہس برونٛہہ کنہِ مگر یہُوواہنؔ بنوو بادشاہ ضدی۔ بادشاہن دِیُت نہٕ اسرائیل ین پننہِ ملکہٕ منٛزٕ نیرنے۔
Bridge Connectivity Solutions Pvt. Ltd.