ایستر9
1تمی وریکہِ بہمہِ ریٚتہٕ یانے ادار ریٚتکہِ تُروٲہمہِ دوٚہہ ییٚلہِ بادشاہ سٕنٛدِس تتھ فرمانس پؠٹھ ہر کٲنٛسہِ عمل کرنُک حکم اوس یُس تٔمؠ چِٹھین منٛز جٲری اوس کۅرمُت۔ یہُودینؔ ہنٛدین دشمَنن ٲس امید زِ تمہِ دوٚہہ ین یہُودؠ بُرباد کرنہٕ۔ مگر تتھ گوو ادلہٕ بدل۔ تمہِ بجایہ کٔرؠ یہُودیو پنٕنؠ دُشمن بُرباد۔2پوٗرٕ اخسویرسؔ سلطنتس منٛز گے یہُودؠ پننؠن پننؠن شہرن منٛز جمع، یُتھ زن تِم تِمن نِشہ پانس حفاطت کرہَن یِم تِمن نقصان واتناوُن یژھان ٲسؠ۔ تِمن سٟتؠ لڑنہٕ خٲطرٕ اوس نہٕ کانٛسہِ طاقتھ، تکیازِ سٲرسےٕ سلطنتس منٛز اوس ہر أکِس تُہنٛد خوف، کانٛسہِ اکؠ تہِ کوٚر نہٕ یہُودینؔ پؠٹھ حملہِ کرنس منٛز تِمن مدد۔3ہَر أکِس صوبس منٛز ٲسؠ تمام سردار، شٲہی عہدٕدار، حٲکم تہٕ ہرِ کانٛہہ یُس بادشاہ سنٛزِ کامہِ ہُنٛد مختار اوس یہُودینؔ مدد کران، تکیازِ تِمن اوس مردکیؔ سُنٛد روب بیوٹھمُت۔4تِم ٲسؠ مردکیؔ یس کھۅژان تکیازِ سُہ اوس اکھ تھوٚد شٲہی عہدٕدار۔ پوٗرٕ سلطنتس منٛز اوس ہَر کانٛہہ تہنٛدِس بُجرس متعلق بوزان، تکیازِ مردکیؔ اوس زیادٕ کھۅتہٕ زیادٕ تھزر لبان۔5یمہِ دوٚہہ تِمن پانس حفاظت کرنُک اجازت اوس، تِمو یہُودیو کٔڈؠ پنٕنؠ ہتھیار تہٕ لُڈکھ پننؠن تمام دُشمنن خلاف۔ تِمو یہُودیو کٔرؠ تِم مکمل تباہ۔ تِمن اوس پننؠن دُشمنن سٟتؠ تہِ کرنُک طاقت یہِ تِم یژھٕ ہَن۔6سوسن چہِ رازدانہِ منٛز کٔرؠ یہُودیو پانٛژھ ہتھ نفر قتل۔7تِمو یہُودیو کٔرؠ بیٚیہِ ہاماننؔؠ داہ نیٚچوؠ قتل۔ تہنٛدین نیٚچوٮ۪ن ہنٛدؠ ناو ٲسؠ پرسنداتاؔ، دلفونؔ، اسپاتاؔ،8پوراتاؔ، ادلیاہؔ، اردتاؔ،9پرمشتاؔ، اریسیؔ، اردیؔ تہٕ ویزاتاؔ۔10ہمداتاؔ سٕنٛدِس نیٚچوِس ہامانؔس ٲسؠ داہ نیٚچوؠ یِم یہُودینؔ ہنٛدؠ دشمن ٲسؠ۔ یہُودیو کٔرؠ تِم قتل مگر تِمو لوٗٹ نہِ تِہنٛد جایٔیداد۔11سُہ دوٚہہ انٛد واتنہٕ پتہٕ آو کُستام بادشاہس نِشہ تہٕ دِژن تس خبر زِ سوسن شہرچہ رازدانہِ منٛز کٟتؠ لوٗکھ آیہِ یہُودیو دسؠ قتل کرنہٕ۔12لہٰذا ووٚن بادشاہن ملکٲنہِ آستیرِؔ، "یتہِ سوسن شہرچہِ رازدانہ منٛز کٔرؠ یہُودیو ہامان نیٚن نیٚچوٮ۪ن سان پانٛژھ ہتھ نفر قتل۔ میانہِ سلطنتہِ کیٚن باقیو حصن منٛز آسن تِمو امہِ کھۅتہٕ تہِ زیادٕ نفر قتل کٔرمٕتؠ! لہٰذا ونتہٕ بیٚیہِ کیا چھیٚکھ ژٕ یژھان؟ مےٚ ون، بہٕ کرٕ تتہِ چانہِ باپتھ یہِ ژٕ ونکھ، مہربٲنی کٔرتھ کرِ ژٕ پنٕنؠ خٲہش ظٲہِر۔"13آستیرؔ دیُت جواب، "اے بادشاہ، اگر توٚہہ باسہِ زِ یہِ چُھ اکھ رُت منصوبہ، تیٚلہِ گوٚژھ مہربٲنی کٔرتھ پگاہ تہِ یہُودینؔ دُبارٕ تہِ کرنُک اجازت دِنہٕ یُن یہِ تِمو از سوسن شہرس منٛز کوٚر۔ بیٚیہِ کٔرؠ تو پننؠن خدمت گارن حکم زِ تِم تھاوٕہن ہامانؔ سنٛدین دہن نیٚچوٮ۪ن ہنٛزٕ لاشہٕ پھہہِ کوٗٹین پؠٹھ اویزان۔"14بادشاہن کوٚر تی یہِ آستیرؔ ووٚن۔ تٔمؠ کوٚر اکھ فرمان جٲری یتھ منٛز یہُودینؔ سوسن شہرس منٛز دویمہِ دوٚہہ تہِ پننؠن دشمنن خلاف لڑنُک اِجازتھ دِنہٕ آو، تہٕ تٔمؠ کوٚر پننؠن خدمت گارن حکم زِ ہاماننینؔ دہن نیٚچوٮ۪ن ہنٛزٕ لاشہِ گژھن اویزان تراونہٕ یِنہِ۔15تہٕ ادار ریتکہِ ژوٚدٲہمہِ دوٚہہ تہِ گییہِ سوسن شہرس منٛز بسَن وٲلؠ یہُودؠ جمع تہٕ بیٚیہِ ترٛےٚ ہتھ نفر کرِکھ قتل۔ مگر بیٚیہِ تہِ لوٗٹ نہٕ تِمو تِمن نفرن ہُنٛد جائیداد۔16یِم یہُودؠ سلطنتہٕ کین باقین حصن منٛز روزان ٲسؠ تِم تہِ ٲسؠ ادار ریٚتکہِ ترٛوٲہمہِ تٲریخہ جمع سپدمتؠ، تہِ پننؠن دشمنن ٲسُکھ شِکس دیتمُت تہٕ پنٛژسَتتھ ساس نفر کٔرؠ تِمو قتل۔ مگر پننؠن دشمنن ہنٛدس جائیدادس ترووُکھ نہٕ اتھٕ۔17ادار ریتکہِ ترٛوٲہمہِ تٲریخہ پننؠن دشمنن شِکس دِنہٕ پتہ کوٚر تِمو ژووٚدٲہمہِ تٲریخہ آرام۔ ژۅدٲہمہِ تٲریخہ منوو تِمو شٲدؠ یانہٕ۔18مگر سوسن شہرس منٛز روزَن وٲلؠ یہُودؠ روٗدؠ ادار ریتکہِ ترٛوٲہمہِ تہٕ ژۅدٲہمہِ دوٚہہ پننؠن دشمنن خلاف لڑان۔ تِمو کوٚر پندٲہمہِ دوٚہہ آرام۔ تِمو منوو سُہ شٲدؠ یانُک دوٚہہ۔19توے چھِ گأمی علاقن منٛز یہُودؠ لوٗکھ ادار ریتکہ پندٲہمہِ دوٚہہ بوٗڈ دوٚہہ مناوان نہٕ کہ ژۅدٲہمہِ تٲریخہٕ۔ تِم چھِ امہِ دوٚہہ شادمٲنی کران تہٕ اکھ أکِس ڈالہِ نِوان۔20مردکیؔ ین لیوکھ تہِ سورےٕ یہِ سپدمتُ اوس۔ پتہ لیچھِ تٔمؠ پورٕ اخسویرسؔ سلطنتس منٛز تمام یہُودینؔ چِٹھِ، یتہِ تِم روزان ٲسؠ۔21تٔمؠ کٔر ادار ریتُک ژۅدٲہم تہٕ پندٲہم تٲریخ چُھٹی مقرر۔ تٔمؠ ووٚن یہُودینؔ وریس منٛز اکہ لٹہِ یہِ دوٚہہ مناون۔22تکیازِ تِمن دوٚہُن کوٚر یہُودیو آرام تہٕ تِمن اوس نہٕ وُنؠ پننؠن دشمنن سٟتؠ لڑُن۔ تمی ریتہٕ بدلیو تہنٛدِ خٲطرٕ سورےٕ کینٛہہ۔ تم ٲسؠ سیٹھاہ تکلیفس منٛز آسان، تکیازِ تہنٛدؠ دشمن ٲسؠ تِمن بُرباد کرن وٲلؠ۔ مگر پتہٕ سپدؠ تِم سیٹھاہ خوش۔ وُنؠ ٲسؠ تِم پننؠن دشمنن نِشہ محفوظ۔ لہٰذا ووٚن مردکیؔ ین تِمن زِ تمہ دوٚہہ منٲیو خوشی، اکھ أکِس دِیو ڈألؠ۔ مردکیؔ ین ووٚن تِمن بیٚیہِ گژھِ تِمن دوٚہُن غریبن مدد یُن کرنہٕ۔23یہُودؠ ٲسؠ برونٛہہ تہٕ تِم دوٚہہ تِتھے کِنؠ مناوان۔ لہٰذا کوٚر تِمو مردکیؔ سنٛدین ہدایتن سٟتؠ اتفاق۔24تمہٕ دوٚہہ منٲوتھ اوس یاد کرنہٕ یوان زِ اجاجی ہمداتاؔ سنٛدؠ نیٚچوؠ ہامانؔن کمہِ طریقہٕ کٔر تمام یہُودؠ تباہ کرنچ کوٗشش۔ تٔمؠ آسہ یہُودینؔ پؠٹھ حملہ کرنہٕ باپتھ رُت دوٚہہ ژارنہٕ خٲطرٕ چیرِ تراوِمژٕ تاکہِ تِم گژھن مکمل طور تباہ۔25تِم کرن آستیرؔ ہنٛز سۅ ہمتھ یاد، ییٚلہِ سۅ بادشاہس نِشہ گییہِ۔ یمہِ ساعتہٕ نہٕ تسَ بادشاہ سُنٛد ناد اوس۔ پتہٕ دِیُت بادشاہن مردکیؔ یس اجازت پورٕ سلطنتس اکھ چِٹھؠ سوزنُک، یتھ منٛز یہُودؠ تباہ کرنُک ہامانؔ سُنٛد شیطانی منصوبہ بدلاونہٕ آو۔ بادشاہن دِیُت پننؠن خدمت گارن حکم زِ ہامانؔس کھالن لکٕرِ ہنٛدس کوٗٹِس پؠٹھ پھاسہ۔ ییٚلہِ یہُودیو ہامانؔنؠ داہ نیٚچوؠ قتل کٔرؠ، بادشاہن کھالناوِ تہنٛزٕ لاشہٕ پننؠن خدمت گارن اتھِ پھہہِ کوٗتین پٮ۪ٹھ۔26چیرِ، لفظکُ فارسی مطلب چُھ "پُور" توے چُھ یہُودیو اتھ جشنَس پُورم ناو تھوومتُ۔ تکیازِ تِمن ٲسؠ تتھ دوران حٲرت انٛگیز واقات پیش آمٕتؠ تہٕ پتہٕ لیوکھ مردکیؔ ین تِمن سُہ دوٚہہ گژھِ بڈِ دوٚہہ رنگؠ مناونہٕ یُن،27یہُودیو کوٚر تتھ سٟتؠ اتفاق زِ تِم زٕ دوٚہہ ین تِتھے پٲٹھؠ مناونہٕ یتھٕ پٲٹھؠ مردکیؔ ین تِمن ووٚنُمت اوس۔ تِمو کوٚر اتِفاق زِ تِم تہٕ تِہنٛدؠ ینہِ وٲلؠ نسٕل تہِ یِم یہُودؠ لوٗکن ہنٛدؠ حصہٕ بیٚیہِ مناون ہمیشہِ خٲطرٕ پرٛتھ ورؠ یہِ یہِ پُورم بوٚڈ دوٚہہ۔28اوے چُھ ہَر کانٛہہ یہُودؠ خاندان سُہ کُنہِ تہِ جایہ ٲسؠ تن تنہٕ پؠٹھٕ یہِ دوٚہہ مناوان آمُت۔ یہُودؠ قوم تہٕ تہنٛدؠ وٲرث مناون ہمیشہِ یہِ پوٗرم بوٚڈ دوٚہہ وفادٲری سان۔29پتہٕ لیوکھ ابیخیلؔ سنٛزِ کورِ آستیرؔ ملکانہِ مردکیؔ یہُودؠ سٕنٛدِ مدٕتہٕ دوٚیم خط پورِیؔمس متعلق۔ تکیازِ آستیرؔ ٲس مٔلکٲنؠ، تمِس اوس یہُودینؔ حکم کرنُک اختیار یہِ زن مردکیؔ ین تِمن پورِیمس متعلق لیکھنہٕ آمتِس خطس منٛز لیٚوکھ۔30تِمو سوزؠ تِمہِ دوٚیمہِ خطکؠ نقل اخسویرسؔ سنٛدِس دُرس سلطنتس منٛز تمام یہُودینؔ۔ امہِ سٟتؠ گٔییہِ تِمن حوصلہٕ افزایی زِ تِہنٛدِ خٲطرٕ ٲسؠ وُنؠ حالات ٹھیک پُر امن تہٕ تِم ٲسؠ محفوٗظ۔31دوٚیمس خطس، منٛز اوس یہُودؠ مردکیؔ ین تہٕ ملکانہِ آستیرؔ تِمن یقین دِیتمُت زِ تِم روزَن ادار ریتکہِ ژۅدٲہمہ تہٕ پندٲہمہِ دوٚہہ پوریم مناوان۔ تِمو لیوکھ تِمن یِتہِ زِ یہُودینؔ پزن یِمن موقن پٮ۪ٹھ روزٕ تہِ تھاونہِ تہٕ ماتم تہِ کرُن۔ یہِ زن یہُودیو پننہِ تہٕ پننؠن زُریٚن ہنٛدِ خٲطرٕ قایٔم کوٚرمُت چُھ۔32آستیرِؔ کوٚر اکھ فرمان جٲری یتھ منٛز یہُودینؔ پورِیم کِس موقس پٮ۪ٹھ چُھٹی ہُنٛد اعلان کرنہٕ آو، تہٕ شٲہی کٲتبو لیٚوکھ یہِ قانونچہِ کتابہِ منٛز۔
Bridge Connectivity Solutions Pvt. Ltd.