ایستر10
1پتہٕ کوٚر بادشاہ اخسویرسنؔ سلطنت کِس پرٮ۪تھ فردس پٮ۪ٹھ باج مقرر، ہتاکہ تِمن پؠٹھ تہِ یِم سمندر کیٚن جزیرن منٛز روزان ٲسؠ۔2بادشاہ سنٛدیو کٲتِبو کٔرؠ مادی تہٕ فارس کین شٲہی توٲریخن منٛز بادشاہ اخسویرسؔ سنٛزٕ تمام مکمل کرِمژٕ بجہِ کامہِ درج۔ تکیازِ سُہ اوس تیوٗت طاقتور۔ بیٚیہِ لیٚوکھ تِمو تتھ کتابہِ منٛز تفصیلن مردکیؔ سنٛدؠ دسؠ کرنہٕ آمژن بجن کامین ہُنٛد تہِ، تکیازِ بادشاہن ٲس تمِس ترقی دِتھ اہم عہدٕ بخشمُت۔3یہُودؠ مردکیؔ ہیٚوک واریاہ کینٛہہ کٔرتھ تکیازِ سلطنتس منٛز اوس سُہ بادشاہ اخسویرسؔ پتہٕ زیادٕ اختیار وول شخص۔ سُہ اوس پننہِ قومُک اکھ سردار تہِ۔ تمام یہُودؠ برادری ٲس تمِس یزتھ کران۔ تٔمؠ کٔر سَخت محنت زِ یہُودؠ گٔژھؠ ہمیشہ خوشحال آسٕنؠ۔
Bridge Connectivity Solutions Pvt. Ltd.