ایستر4
1ییٚلہِ مردکیؔ یَس ہامانؔ سٕنٛدِس تمام یہُودؠ مارنہٕ کِس منصوبس متعلق خبر لٔج، یہِ ٲس مصیبتٕچ نشٲنی، تٔمؠ ژٔٹؠ پنٕنؠ پلو تہٕ پانس ولُن ژھینمُت ٹاٹھ بیٚیہِ مُلن پانس سوٗر۔ امہِ پتہٕ لوٚگ بادشاہ سنٛدِس محل خانس تام شہرٕ کس مرکزس کنُ پکنہ مصیبت زدٕ کریکہٕ دِوان دِوان۔2مگر ٹاٹھ ؤلِتھ اوس نہٕ کانٛسہِ تہِ نفرس بادشاہ سٕنٛدِس دروازس انٛدر گژھنکُ اجازت۔ لہٰذا ییٚلہِ مردکیؔ دروازس نِشہ ووت، تمِس پیو نیٚبرٕ کنے ٹھہرُن۔3سلطنت کِس پرٛتھ صوبس منٛز وٲژ سۅ چیٹھؠ یتھ منٛز یہُودؠ تباہ کرنُک حکم اوس۔ عوامس منٛز آو امیٚک اعلان کرنہٕ۔ ییٚلہِ یہُودیو اتھ متعلق بوز تِمن سپُد سیٹھاہ ماتم۔ تِمو ترُوو کھیٚن چیٚنہٕ تہٕ لٔگؠ زورٕ زورٕ واویلا کرنہِ۔ تِمو منٛز ترٲوؠ واریہو ٹاٹھ نٲلؠ تہٕ سوٗر مٔلِتھ ترٛووکھ پان زمیٖنس پؠٹھ۔4آستیرؔ سنٛزٕ دایہ آیہِ تسنٛدین محافظن سٟتؠ تہٕ وُنہس زِ مردکیؔ اوس ٹاٹھ ؤلِتھ دروازس نیٚبرٕ کنہِ۔ ییٚلہِ تمہِ اتھ متعلق بوز، آستیرؔ ملکٲنؠ کھوٚژ پانہٕ تہِ۔ تٔمؠ سوزؠ مردکیؔ یس لاگنہٕ باپتھ کینٛہہ پلو تاکہِ سُہ کڈِ ہے ٹاٹھ نیٚبر، پوٚز تٔمؠ کوٚر تم لاگنَس اِنکار۔5بادشاہن ٲسؠ کینٛہہ ذٲتی شٲہی نگران آستیرؔ ملکانہِ تھٲومٕتؠ۔ آستیرؔ کوٚر تِموے منٛز أکِس آلو، یس ہتاکؔ ناو اوس۔ تمہِ ووٚن تسَ ژٕ نیر نیٚبر تہٕ مردکیؔ یس پرٛژھ زِ سُہ کیازِ چُھ ٹاٹھ ؤلِتھ بادشاہ سٕنٛدِس دروازس پٮ۪ٹھ، تس کیاہ پریشانی چھےٚ۔6لہٰذا دراو ہتاکؔ شہرٕ کس ژُو ؤتھِس پؠٹھ مردکیؔ یَس سٟتؠ کتھ کرنہِ یُس بادشاہ سٕنٛدِس دروازس برونٛہہ کنہِ اوس۔7مردکیؔ ین ووٚن ہتاکؔس ہامانُنؔ سُہ سورےٕ منصوبہ یُس تٔمؠ یہُودؠ مارنُک بنومُت اوس۔ تٔمؠ ووٚن تس یتہِ زِ ہامانؔن ووٚن بادشاہس زِ شٲہی خزانس کٲژاہ دولت بنہِ اگر بادشاہ لوٗکن حکم دییہِ یہُودؠ قتل کرنُک۔8مردکیؔ ین دیُت ہتاکؔس تمہِ چٹھِ ہُنٛد نقل تہِ یۅسہ قٲصدو سوسن شہرکؠ لوٗکھ بوزنٲومٕتؠ ٲسؠ زِ تمام یہُودؠ کٔرؠ ووکھ قتل۔ تٔمؠ ووٚن ہتاکؔس سۅ چٹھؠ آستیرِؔ ہاونہٕ باپتھ تاکہِ سۅ زانہِ اصلی حقیقت کیاہ چھےٚ۔ تٔمؠ ووٚن تس تمِس بانٛد بانٛد کرنہٕ موٚکھٕ زِ سۅ گژھِ بادشاہس تہٕ کریس زارٕ پارٕ پننُ قوم تباہی نِشہ بچاونہٕ باپتھ۔9واپس یتھ ونہ ہتاکنؔ آستیرِؔ مردکیؔ سنٛزٕ یمہٕ سارے کتھٕ۔10پتہٕ ووٚن آستیرِؔ ہتاکسؔ واپس گژھِ مردکیؔ یس نِشہ یہِ شیٚچھ ہٮ۪تھ:11"بادشاہس نِشہ گژھنہٕ خٲطرٕ چُھ اکھ قانون یُس سلطنتس منٛز مجود ہر کانٛسہِ نفرس پؠٹھ لاگو سپدان چُھ، مرد ٲسؠ تن یا زٔنؠ۔ ہرگاہ کانٛہہ بادشاہ سٕنٛدِس انٛدرمِس محلس منٛز ووت یتہِ تمِس بادشاہ وُچِھتھ ہیٚکہ تہٕ بادشاہن آسہ نہٕ سُہ بُلوومُت، سُہ نفر گژھِ قتل۔ صرف نہٕ سُہ یَس وُچِھتھ بادشاہ پنُن سۅنہٕ سُنٛد عاصہٕ تھود تُلِتھ ہاوِ۔ یہِ قانون چُھ سلطنتس منٛز ہر أکِس معلوم۔ لہٰذا کتھِ کٔنؠ گژھٕ بہٕ بادشاہس نِشہ یتھٕ پٲٹھؠ ژٕ ونان چُھکھ۔ بادشاہ سنٛدِ طرفہٕ چُھنہٕ مےٚ پتمہِ اکہ ریتہٕ پؠٹھ ناد تہِ سوزنہٕ آمُت، تہٕ ہرگاہ بہٕ نادٕ ورأی گژھٕ بہٕ گژھٕ مارٕ۔12لہٰذا واتناوِ ہتاکنؔ آستیرؔ نہِ یمہٕ کتھٕ مردکیؔ یس نِش۔13مردکیؔ ین ووٚن ہتاکسؔ آستیرِؔ وننہٕ خٲظرٕ "ژےٚ مٕہ روزنُے یہِ گمانہ زِ ژٕ روزکھ زندٕ تکیازِ ژٕ چھیٚکھ بادشاہ سٕنٛدِس محل خانس انٛدرےٕ روزان تہٕ تِمن چُھ ساری یہُودؠ قتل کرنُک منصوبہ۔14اگر وُنؠ کیٚس ژٕ ژھۅپہٕ کٔرِتھ روزکھ، یہُودینؔ ییہِ کنہِ جایہ پٮ۪ٹھٕ بدل کانٛہہ نفر بچاونہِ، مگر چٲنؠ رشتہٕ دار روزن نہٕ زندٕ۔ کس چھےٚ پتاہ، شاید ما ژھیٚکھ ژٕ یموٕے حالاتو کنِؠ وُنہِ کیٚن ملکٲنؠ بنتھ بادشٲہی تام واژمٕژ۔"15ہتاکنؔ ییٚلہِ یہِ ووٚن آستیرِؔ ووٚن، تمہِ سوز سُہ مردکیؔ یس نِشہ واپس یہِ وننہٕ خٲطرٕ زِ:16سوسن شہرس منٛز بسَن وٲلؠ سٲری یہُودؠ کرکھ جمع تہٕ تِمن ون میانہِ باپتھ کرن دُعا تہٕ بیٚیہِ تھاون روزٕ۔ تِمن ون ترٛین دوٚہُن تہٕ ترٛین رٲژن نہٕ کِہین کھیوٚن چیٚون۔ میأنہِ نوکرانہِ تہٕ بہٕ روزو یتھے پٲٹھؠ روزدار۔ ترٛیو دوٚہو پتہٕ، اژٕ بہٕ بادشاہس سٟتؠ کتھ کرنہِ اگرچہ تہِ قانونس خلاف تہِ چُھ۔ بہٕ کرٕیہ ضرور ہرگاہ مےٚ زُو تہِ پیہِ چھپہِ دِیون۔"17لہٰذا ووٚن ہتاکنؔ تس یہِ، تہٕ پتہٕ دراو مردکیؔ تہٕ کوٚرُن تہٕ سورےٕ یہِ آستیرؔ کرُن وُننَس۔
Bridge Connectivity Solutions Pvt. Ltd.