ایستر3
1کمےٕ کٲلؠ پتہٕ دِژ بادشاہ اخسویرسنؔ پننِس أکِس ملٲزم ہامانسؔ ترقی، یُس اجاج ذٲژ ہنٛدس ہمداتاؔ سُنٛد نیٚچو اوس۔ بادشاہن دیُت تس ساروےٕ ملٲزمو کھۅتہٕ اکھ خاص عہدٕ۔2بادشاہن اوس یہِ باور کرُن یژھان زِ تٔمؠ چُھ ہامانؔ اکھ رۅتبہٕ وول عہدٕدار بنومُت یمہِ کِنؠ تٔمؠ تمام ملٲزمن یم دروزن پٮ۪ٹھ رٲچھ ٲسؠ حکم دیُت زِ ییٚلہِ تہٕ ہامان یوان نیران آسہ تمِسنٛدس احترامس منٛز گژھن دروازن پٮ۪ٹھ موجود سٲری رٲچھ در سجدٕ کرٕنؠ۔ مگر مردکیؔ ین کوٚر ہامانسؔ سٔجدٕ کرنَس اِنکار، تکیازِ سُہ اوس اکھ یہُودؠ یُس یہُوواہسؔ بغٲر کانٛسے عبادت کران اوس نہٕ۔3بادشاہ سنٛدیو باقیو خدمت گارو وُچھ زِ مردکیؔ چُھ سجدٕ کرنس اِنکار کران، تہٕ تِمو پرُوژھ تمِس، "ژٕ کیازِ چُھکھ بادشاہ سنٛدِس حکمس اِنکار کران؟"4مردکیؔ ین ووٚن تِمن زِ بہٕ چُھس اکھ یہُودؠ تہٕ یہُودؠ چھِ صرف یہُوواہسؔ عبادت کران۔ تِمو خدمت گارو کوٚر مردکیؔ پرٛتھ دوٚہہ خبردار زِ تمِس ییہِ سخ سزا دِنہٕ اگر سُہ بادشاہ سٕنٛدِ حکمٕچ نافرمانی کران رود تہٕ تہنٛدس خاص عہدٕدارس کرِنہٕ احترام۔ مگر مردکیؔ ین کوٚر تٔمہِ پتہٕ تہِ سجدٕ کرنس اِنکار۔ تِمو ووٚن ہامانسؔ اتھ متعلق، یہِ وُچھنہٕ باپتھ زِ سُہ دِیاوٕ ناویا مردکیؔ یَس سجدٕ نَہ کرنُک اجازت۔ تکیازِ سُہ چُھ اکھ یہُودؠ۔5ییٚلہِ ہاماننؔ وُچھ زِ مردکیؔ کرِنہٕ تمِس سجدٕ، تمِس کٔھژ سخ ژَکھ۔6باقیو خدمت گارو ووٚن ہامانسؔ زِ مردکیؔ اوس نہٕ تمِس اوٕ موکھٕ سجدٕ کران تکیازِ سُہ اوس اکھ یہُودؠ۔ توے نیو ہاماننؔ یہِ فٲصلہٕ زِ سُہ مارنہٕ صرف مردکیؔ یسےٕ یوت بلکہ کرِ سُہ کوشش اخسویرسؔ سٕنٛدِس سلطنتس منٛز موجود تمام یہُودینؔ کتراوٕنچ۔7اوے تراوِناوین پننؠن خدمت گارن اتھِ ریواجہِ مطابق چیرِ، تہٕ رود یہِ وُچھان زِ کٔمہِ ریتُک کُس دوٚہہ روزِ یم یہُودؠ قتل کرنہٕ خٲطرٕ منٲسب۔ تِمو کوٚر یہِ بادشاہ اخسویرسؔ سنٛزِ فارسس پٮ۪ٹھ حکومتکہ بہمہِ ریٚتہٕ یعنی نیسان ریٚتس منٛز۔ چیریو منٛز درٛاو امہِ ؤرؠ یُک بہم ریتھ، ادار۔ یتھ ریٚتس منٛز ہامانؔ پننِس منصوبس عملی شکل دِتھ ہیٚکہ ہے۔8پتہٕ گوٚو ہامانؔ بادشاہ اخسویرسؔ نِشہ تہٕ وُننَس، "تُہنٛز شان ٲسن بُلنٛد، تہنٛدس سلطنتس منٛز چھِ تِمن لوٗکن ہُنٛد اکھ خاص تعداد روزان یم باقی قومو منٛزٕ چھِ۔ تِم چھِ سارنےٕ صوبن منٛز روٗزان۔ تِمن چھِ پنٕنؠ الگ قانون، اوٕ کِنؠ چِھنہ تِم تُہنٛدؠ قانون مانان۔ یہِ چُھنہٕ تُہنٛدِ خٲطرٕ جان زِ توٚہؠ دیو تِمن پننِس سلطنتس منٛز روزنُک اجازت۔9"اے بادشاہ، ہرگاہ توٚہہِ یہِ منصوبہ پسند ییہِ تیٚلہِ کٔریو توٚہؠ اکھ فرمان جٲری زِ تم تمام یہُودؠ گژھن قتل کرنہٕ یِنؠ۔ تِم قتل کرنہٕ پتہٕ ہیٚکو أسؠ تِہُنٛد سورےٕ جاداد حٲصل کرتھ تہٕ تمہِ منٛزٕ دِمہٕ بہٕ ترےٚ ہتھ ٹن چٲندؠ تُہنٛدس حکومَتس یُس شٲہی خزانس منٛزجمع گژھِ۔"10بادشاہس آو ہاماننؔ ونُن پسنٛد، تٔمؠ دِژ ہامانسؔ پننہِ اتھٕچ شٲہی وٲج کٔڈتھ یتھ پؠٹھ سرکٲری مُہر ٲس۔ یمہِ سٟتؠ ہامانؔ پانے بادشاہ سٕنٛدِ طرفہٕ قانون ہیٚکہ ہا بنٲوِتھ۔ ہمداتاؔ اجاجی سُنٛد نیٚچو ہامانؔ اوس یہُودینؔ ہُنٛد نوٚن دشمن۔11بادشاہن ووٚن ہامانس، "ژٕ ہیٚککھ پونٛسہٕ پانس نِشہ تھٲوِتھ تہٕ ژٕ کرِ تتھ قومس سٟتؠ تہِ یہِ ژےٚ بہتر بٲسی۔"12امی وریہ گوڈنِکے رؠتہِ کہِ تُروٲہمہ تٲریخہ دِیت ہامانن بادشاہ سنٛدین کٲتبن ناد تہٕ دیُت نکھ اکھ چِٹھؠ لیٚکھنُک حکم۔ تٔمؠ ووٚن تِمن زِ امیٚک نقل گژھِ شٲہی ملٲزمن، پریتھ صوبہٕ کس گورنرس تہٕ ہر أکِس قومہٕ کس سردارس واتُن۔ کٲتبو لیوکھ یہِ پرٮ۪تھ صوبہٕ کیٚن استعمٲلی اچھرن منٛز تہٕ پرٛتھ علاقچہِ زبٲنؠ تہٕ تہنٛدس رسمِ خطس منٛز۔ یہِ ہاونہٕ خٲطرٕ زِ یہِ چُھس بہٕ بادشاہ اخسویرسؔ سنٛدِ حکمہٕ سوزان، اوس سُہ پرٮ۪تھ نقلس بادشاہ سنٛزِ دژِمژِ واجہ سٟتؠ مُہر تراوان۔13چِٹھِ بردارو دٔسؠ آیہِ تِم چٹھِ پریتھ کانٛسہِ صوبہٕ کس عہدٕ دارس واتناونہٕ۔ تِمن چِٹھین منٛز اوس وننہٕ آمُت زِ تمام یہُودؠ ین اکہ دوٚہہ شُرؠ بٲژ ہٮ۪تھ مکمل طوٗر قتل کرنہٕ۔ سُہ دوٚہہ چُھ یتھؠ وریس منٛز ادار ریتُک تُروٲہِم تٲریخ۔ تتھ چٹھِ منٛز اوس یتہِ وننہٕ آمُت زِ یہُودینؔ قتل کرن وٲلؠ ہیکن تِہنٛد پرٮ۪تھ کانٛہہ چیز لوٹہٕ نِتھ۔14چِٹھِ منٛز اوس عہدٕدارن وننہٕ آمُت زِ میُک نقل گژھِ تتھ جایہِ مرنہٕ یُن یتتھ پرٮ۪تھ کانٛہہ وُچِھتھ ہیٚکہ۔ یتھٕ کِنؠ زانن سٲری لوٗکھ زِ یہِ چُھ بادشاہن حکم جٲری کۅرمُت تاکہِ تِم روزن تیار زِ ییٚلہِ سُہ دوٚہہ واتہِ اسہِ کیاہ چُھ کرُن۔15بادشاہ سٕنٛدِ حکمہٕ کنِؠ دراے چِٹھِ بردار دوان دوان سلطنتکس پریتھ صوبس کُن۔ امہِ حکمک اعلان آو سوسن شہرس منٛز تہِ کرنہٕ۔ بادشاہ تہٕ ہامانؔ بیٹھؠ سۅکھٕ سوٚچھِ تہٕ کوٚرکھ یکہٕ وٹہٕ روزتھ شراب نوش۔ مگر سوسن شہرٕ کیٚن لوٗکن گو تہٕ بوزِتھ ژس یہِ سپدن وول اوس۔
Bridge Connectivity Solutions Pvt. Ltd.