یُوناہ1
1اَکھ دوٚہا سپُد زِ یہُوواہنؔ ووٚن امِتیؔ سٕنٛدِس نیٚچوِس یُوناہؔ نبیس۔ یہُوواہنؔ ووٚن أمِس یہ:2"بہٕ چُھس پانہٕ وُچھان زِ نینوہؔ شہرٕکؠ لوٗکھ چھِ لگاتار یچھ تہٕ ناکارٕ کامہِ ہیٚتھےٕ کران۔ اوے تہِ گژھ تیار سفرٕ باپتھ۔ نیر نینوہؔ کُن یۅسہ اسیریا مُلکٕچ اکھ بٔڈ رازدٲنؠ چھےٚ تہٕ تِمن لوٗکن منٛز کر اعلان زِ بہٕ چُھس تہنٛزو یچھ کامیٚو باپتھ تِمن سزا دِنہٕ وول۔3اوے تہِ دراو یونس مگر یورکُن وننہٕ آس تتھ مُخٲلِف وتہِ کُن۔ اکِس دوٗر دراز شہر ترسِیس کُن۔ یہِ سونٛچِتھ زِ سُہ ہیٚکہِ یہُوواہسؔ ژوٗرِ ژٔلِتھ۔ سُہ ووت یوفاؔ شہرٕ کِس بندرگاہس پٮ۪ٹھ تہٕ وچُھن اتہِ تسریس شہرس کُن نیرن وول ٲبی جہازٕ۔ جہازٕکؠ ناخدا کپتانن منٛجِس کراے تہٕ تٔمؠ دِژٕس۔ اوٕ پتہٕ ووٚتھ سُہ ناوِ أکِس ناخدا تہٕ باقےٕ ناوِ ہٲنٛزن سٟتؠ ترسیس گژھنہٕ باپتھ تاکہِ سُہ ثلہِ یہُوواہسؔ نِش دوٗر۔4مگر یہُوواہنؔ تُل تیُتھ واوٕ گٹہٕ کار یمؠ سورےٕ سدُر وول تہٕ تیُتھ طوٗفان ووٚتھ زِ ملریٚو ہٮ۪ژ ناو کانہِ کانہِ کرٕنؠ۔5ناوِ ہٲنٛزن ژایہِ نَٹھ تہٕ لوُگُکھ پننٮ۪ن دیوتاہن بڈِ بڈِ زارٕ پارٕ کرُن تاکہِ دیوتا دِیہ تِمن امہِ طوٗفانہٕ نِشہ نجات۔ اکُتھے ژھُن تِمو پننہِ ناوِ ہُنٛد مال سامان تہِ سۅدرس تاکہِ ناو گژھِ ہلکہٕ۔ یہِ کرنہٕ کِنۍ ٲس تِمن امید زِ تہنٛز ناو پھیرِ نہٕ دُبہٕ تہٕ گژھِ سۅدرٕ بُزؠ۔ یِمن سارنےٕ وُچاپہٕ حالاتن منٛز اوس یونس ناوِ ہنٛدِ ہیرمہِ تختہٕ بوٚن یعنی بۅنمِس پورس منٛز مژِ نٮ۪نٛدرِ۔6اوٕ پتہٕ ووٚتھ ناوِ ہُنٛد کپتان بونمِس پورس ییٚتہِ یونس شونٛگِتھ اوس۔ تٔمؠ کوٚر یونس ہُشار تہٕ ووٚننس۔ باسان چُھم ژےٚ چھُےٕ کہتام ور ہیٚو بُتھِس واوٕ طوٗفانس منٛز تہٕ چھُکھ ژٕ شونٛگتھےٕ۔ وۅتھ تھوٚد پننس خدایس کر ؤلؠ ؤلؠ زارٕ پارٕ۔ شاید سونچہِ سُہ خدا سون تہٕ اسہِ بچاوِ۔7پتہٕ ووٚن أکؠ ہٲنٛزن باقین، "اوے تہِ تراو یِمو چیرِ تہٕ چیرِ تلہٕ دراو یہِ نفر یونس۔8اوے تہِ ووٚن أکؠ ناوِ ہٲنٛزن أمِس، "ژےٚ پزی اَسہِ ونُن زِ یہِ وُچاپہٕ حالت کٔمؠ أنؠ اسہِ پٮ۪ٹھ ۅتلٲوِتھ۔ ژٕ کۅس کٲم چُھکھ کران۔ ژٕ آکھ کتہِ پٮ۪ٹھٕ ژٕ کٔمہِ ملکُک چھُکھ، ژٕ کمہِ لُکہٕ جمٲژ ہُنٛد چھُکھ۔9یونس ووٚتھ یورٕ، "بہٕ چُھس عِبرٲنؠ۔ بہٕ چُھس یہُوواہؔ سنٛز عبادت کران یُس پوٚز خدا چُھ تہٕ آسمانن پٮ۪ٹھ چُھ روزان۔ تٔمؠ بنوو یہ سۅدُر تہِ تہٕ یہِ زمین تہِ۔10ناوٕ ہٲنٛز ٲسؠ زانان زِ یونس چُھ یہُوواہسؔ نِش دوٗر ژلنٕچ کوشش کران تاکہ تمہ کامہ نِشہ بچاوِ پان یۅسہ یہُوواہنؔ تس کرٕنؠ ؤنؠ مٕژ ٲس۔ تکیازِ تٔمؠ اوس تِمن یہِ پانے ووٚنمُت مگر وۅنؠ ییٚلہِ تِمو بوز زِ یہُوواہؔ چُھ سٕدرس سنبٲلِتھ۔ تِمن ژایہِ نٹھ۔ أکؠ ہٲنٛزن ووٚن تس، "ژےٚ چھیٚتھ اکھ وُچاپہٕ حرکت کٔرمٕژ تہٕ أسؠ سٲری چھِ چٲنؠ کِنؠ مرنس وٲتؠ مٕتؠ۔11واو رود رژھِ رژھِ نیران تہٕ ملرٕ ہٮ۪ژن بجہِ بجہِ گژھنہِ۔ اوے ووٚن أکؠ ہٲنٛزن یونسس، "اسہِ کیا ہیٚو پزِ ژےٚ سٟتؠ کرُن یُتھ یہِ واوٕ طوٗفان ھامہِ گژھِ تہٕ اسہِ کھۅژناوُن تراوِ۔12یونسن ونُکھ۔ "تُلیٚو مےٚ تہِ لٲیؠ ووم سۅدرس منٛز۔ یوٚدوے توٚہؠ یہِ کٔرِو سۅدر بیٚہہِ لۅتہِ تہٕ توٚہہِ ترایو کھوٚژناوُن۔ یہِ کرنہٕ سٟتؠ انٛدِ کٲم ضروٗر تکیازِ یہِ وُچاپہٕ طوٗفان ووٚتھ چھرا میٲنؠ کِنؠ تکیازِ مےٚ کٔر نہٕ سۅ کٲم یۅسہ مےٚ یہُوواہنؔ کرٕنؠ ؤنؠ۔13مگر ہٲنٛز ٲسؠ نہٕ یہِ کرُن یژھان۔ امہِ بدلہٕ لوگ تِمو پنُن سورےٕ زور پنٕنؠ ناو بٔٹھِس کُن نِنہٕ باپتھ۔ مگر تِمو ہیوٚک نہٕ یہِ کٔرؠ تھےٕ تکیازِ ملریو ہیوٚت زیادٕ زیادٕ پوچھر تہٕ زور تِمن خلاف۔14چھیکرس موٚنگ ساروے ہٲنٛزو یہُوواہسؔ زارٕ پارٕ کران ہے یہُوواہؔ چھرا چھُکھ ژٕ یُس یمن سارنےٕ چیزن پٮ۪ٹھ حٲکم چُھ یِم اسہِ پٮ۪ٹھ وۅتلِتھ آیہِ۔ یمہِ واوٕ طوٗفان سان تہٕ چیریو تلہٕ ننیو۔ اوے تہِ چھِ أسؠ ژےٚ زارٕ پارٕ کران زِ اسہِ متہٕ مار تہٕ یمِس أکِس نفرٕ سٕنٛدِ باپتھ۔ تہٕ اسہِ متہٕ مار تہٕ کٲنٛسہِ تِتھِس نفرس مارنہٕ باپتھ یمؠ نہٕ اسہِ کانٛہہ آزار واتنوو۔15پتہٕ تُل تِمو یونس تہٕ لویُکھ سۅدرس۔ ؤلؠ بیوٹھ سۅدُر تہِ لۅتہِ۔16ییٚلہِ یہِ سپُد ناوِ ہٲنٛز پییہِ وسِتھ یہِ وُچِھتھ زِ یہُوواہؔ کوتاہ پُر جلال چُھ۔ تِمو کٔر یہُوواہسؔ قربٲنی پیش تہٕ دور وعدٕ کوٚرُکھ أمؠ سنٛز عبادت کرنچ۔17أتھؠ دوران نینٛگلوو یہُوواہنؔ أکِس بجہِ گاڈِ اتھ یونس تہٕ یونس رود گاڈٕ ہنٛدِس شکمس منٛز ترٮ۪ن دوٚہُن تہٕ ترٮ۪ن رٲژن۔
Bridge Connectivity Solutions Pvt. Ltd.