ایستر1
1یہ چھےٚ اکھ سۅ دلیل یۅسہ تتھ زمانس منٛز سپٕز ییٚلہِ اخسویرسؔ ناوُک اکھ بادشاہ فارس ملُکس پٮ۪ٹھ حکومت کران اوس۔ اخسویرسؔ سٕنٛدِس سلطنتس منٛز ٲسؠ اکھ ہتھ تہٕ ستووُہہ صوبہ، تہٕ اتھ منٛز ٲسؠ تِم سٲری علاقہٕ شٲمل یِم مشرقی ہندوستانہٕ پؠٹھٕ مغربی اِتھوپیاؔہس تام پھٲلِتھ ٲسؠ۔2تمہِ وقتہٕ اوس بادشاہ اخسویرسؔ سوسن پٮ۪ٹھٕ حکومت چلاوان یۅسہ فارسچ رازدٲنؠ ٲس۔3اخسویرسنؔ کوٚر حکومٔژ ہنٛدس تریمِس وریس منٛز سارنےٕ حٲکمن تہٕ تس پرٮ۪تھ أکِس اہم شخصس باپتھ یِمؠ تہِ تہنٛدِ خٲطرٕ کٲم کرمژ ٲس، اکہ ضیافٔژ ہُنٛد سنٛز۔ بیٚیہِ کٔر تٔمؠ فوجہ کیٚن تمن افسرن تہِ دعوت یِم فارس تہٕ مادی حکومتی نظامس منٛز یکہٕ وٹہٕ پنٕنؠ خدمت انجام دِوان ٲسؠ، بیٚیہِ کٔرکھؠ امیر جٲگیردار تہٕ صوبن ہنٛدؠ عہدٕ دار تہِ اتھ منٛز شٲمل۔ بادشاہ اوس پانہٕ امہِ تقریبہِ ہنٛز نگرٲنی کران۔4اخسویرسنؔ کٔرؠ پننؠ مہمان حدٕ کھۅتہٕ زیادٕ خوش، تکیازِ سُہ اوس ہاوُن یژھان زِ تٔمؠ سنٛز سلطنت چھےٚ مٲلامال تہٕ سُہ چُھ سیٹھاہ امیر تہٕ طاقتور بادشاہ۔ ضیافژٕ کھیاونُک یہِ سلسلہٕ رود شیٚن ریتن جٲری۔5شییہِ ریتؠ یم ضیافژٕ موٚکلِتھ کوٚر ٲخرس پٮ۪ٹھ بادشاہن بیٚیہِ اکہ ضیافتُک اہتمام۔ یہِ ضیافت ٲس تِمن سارنےٕ لوٗکن امیرن کِہو غیٖریبن ہنٛدِ خٲطرٕ یِم سوسن کِس مضبوط شاہی قلعس منٛز روزان ٲسؠ۔ تٔمؠ کوٚر امہ ضیافٔژ ہُنٛد انتظار محلہٕ خانہٕ کس آنٛگٕنؠ باغس منٛز۔ یہِ رود برابر أکِس ہفتس جٲری۔6آنٛگنس منٛز ٲسؠ سفید تہٕ نیٖلؠ پردٕ، وانٛگٕنؠ تہٕ سفید رٔزَو سٟتؠ گنٛڈتھ چاندِ ہنٛدین کرین منٛز سنگ مر مر کین تھمبن پؠٹھ اویزان۔ مہمان ٲسؠ سۅنہٕ تہٕ چاندِ سٟتؠ بناونہٕ آمتیٚن پلنٛگن سٟتؠ ڈوٚکھ دِتھ۔ تتہِ اوس اکھ پچہ کٲری کٔرتھ فرش، ووٚزلس، سفید تہٕ سیاہ سنگٕ مرمرس پٮ۪ٹھ ترٲوِتھ۔ یتھ انٛدؠ انٛدؠ سیاہ سنٛگ مرمرس جوٲہرات جٔرِتھ ٲسؠ۔7خدمت گزار ٲسؠ سۅنہٕ سنٛدین پیالن منٛز شراب پیش کران۔ بادشاہ اوس سیٹھاہ امیر تہٕ تمِس ٲس یمن پیالن ہنٛز بہتات تہٕ کانٛہہ پیالہٕ اوس نہٕ بییس پیالس ہیوٗ۔ بادشاہن چاوٕناوؠ مہمان خدمت گزارو دٔسؠ بسیار شٲہی شراب۔8اخسویرسؔ بادشاہن دیت پنہٕ نین مہمانن اکھ خاص امتیٲزی حَق۔ تٔمؠ بنٲوؠ شراب پیش کرن وٲلؠ خدمت گزار یمہِ اصولکؠ پابند زِ، "یُس نہٕ یژھان آسہ تس گژھِ نہٕ شراب دِنہٕ یُن۔ "تمام مہمان چین کم یا زیادٕ پننہِ مرضی مطٲبق۔9ییٚلہِ بادشاہ آنٛگنس منٛز مرد مہمانن خٲطرٕ دٲری کران اوس، تمؠ سنٛز ملکانؠ وشتیؔ ٲس زنانن ہنٛزن ضیافژن ہنٛز میزبانی کران۔ سۅ ٲس شاہی محلس انٛدر میزبانی کران یتہِ بادشاہ اخسویرسؔ روزان اوس۔10سٔتمہِ دوٚہؠ، ییٚلہِ بادشاہ اخسویرسؔ شراب چیٚتھ مست گوٚو، تٔمؠ دیت تِمن سَتن حفاظت کرن والین ناد یِم تمِس ذٲتی طور خدمت کران ٲسؠ۔ تہنٛدؠ ناو ٲسؠ، مہومانؔ، بزتاؔ، خربوناؔ، بگتاؔ، ابگتاؔ، زتارؔ تہٕ کرکسؔ۔11وشتیؔ ملکانؠ ٲس سیٹھاہ خوبصورت زنانہٕ۔ بادشاہ اوس یژھان شاہی دربارکٮ۪ن لوٗکن تہٕ عہدٕ دارن ہاوُن زِ سہٕ کٲژا خوبصورت چھےٚ۔ لہٰذا ووٚن تٔمؠ تِمن پننؠن سَتن ذٲتی خدمت گارن وشتیؔ ملکٲنؠ تس نِش اننہٕ باپتھ۔ تٔمؠ ووٚن تِمن یتہِ زِ سۅ دِیہ پننِس کلس شٲہی تاج۔12پوٚز ییٚلہِ ملکانہِ وشتیؔ نِشہ محافظ آے تہٕ ونہَس یہِ تمِس بادشاہ سُنٛد حکم اوس، تمہِ کوٚر اِنکار۔ محافظو کوٚر بادشاہ امہِ نِشہ باخبر تہٕ بادشاہس کھوٚت سیٹھاہ شرارت۔13بادشاہ سُنٛد اوس یہِ معمول تِمن خاص مشیرن سٟتؠ مشورٕ کرُن یِم قانون ٲسؠ زانان تہٕ رٕتؠ فٲصلہٕ نِوان ٲسؠ۔ لہٰذا کوٚر تٔمؠ تِمن مشیرن سٟتؠ مشورٕ یِم اصل پٲٹھؠ کام کرٕنؠ زانان ٲسؠ۔14بادشاہ سٕنٛدؠ قریبی مشیر ٲسؠ کارشیناؔ، ستارؔ، ادماتاؔ، ترسیسؔ، مرسؔ، مرسؔنا تہٕ مموکانؔ۔ یِم ستتھ قریبی عہدٕ دار تہٕ مادی سلطنت کیو مختلف جایو پٮ۪ٹھٕ۔ تِم ٲسؠ بادشاہس ذٲتی طور مشورٕ دِوان۔ تِم ٲسؠ سلطنتن ہنٛدؠ ساروٕے کھوٚتہٕ زیادٕ اختیار تھاوان وٲلؠ عہدٕدار۔15بادشاہن ووٚن تِمن، "مےٚ سوٗزؠ پنٕنؠ محافظ ملکانہِ وشتیؔ نِش اکھ پٲغام ہیٚتھ، مگر تمہِ کوٚر تورٕ اِنکار اخسویرسؔ بادشاہ سنٛدِس حکمس۔ اسہِ کیاہ پزٕ قانونی ضٲبطو مطٲبق تس سٟتؠ کرُن؟"16پتہٕ ووٚن مموکانَن بادشاہس سیٹھاہ زورٕ سان یُتھ سۅ تہٕ تمسنٛدؠ عہدٕدار تہِ بوزَن۔ تٔمؠ ووٚن، "ملکانہِ وشتیؔ چُھ توہین کۅرمُت، نہٕ صرف بادشاہ سُنٛد بلکہ چُھس تِمن سارِنےٕ عہدٕ دارن تہٕ لُکہ جمٲژن ہُنٛد توہین کۅرمُت یِم تِمن تمام صوبن منٛز بسان چھِ یِمن پؠٹھ بادشاہ اخسویرسؔ سنٛز حکومت چھےٚ!17"یہِ کیاہ زن سپُد۔ سلطنتس منٛز موجود سارے مستوراتہٕ ییٚلہِ یہِ بوزن زِ ملکٲنہِ کیاہ کوٚر۔ تِم ونن، "بادشاہ اخسویرسنؔ کوٚر پنہٕ نین نوکرن حکم وشتیؔ ملکٲنؠ تس نِشہ اننُک، مگر سۅ آیس نہٕ! اگر ملکانہِ بادشاہس نافرمٲنی کٔر، أسؠ کیازِ کرو پننؠن خاندارن ہنٛز فرمٲنبردٲری؟ پتہٕ کرن نہٕ خاندارنہِ پننؠن خاندارن یزتھ۔18اگر از تہِ فارس تہٕ مادی چہِ بزرگ خوتونہٕ بوزَن زِ ملکانہِ کیاہ کوٚر۔ تِم لاگن پننؠن خاندارن ہنٛز نافرمٲنی کرٕنؠ، ہرگاہ تِمہ بادشاہ سنٛدین عہدٕ دارن ہنٛزٕ آشنہِ تہِ آسن۔ تمہ کرن تِمن سٟتؠ بدسلوکی، تہٕ تمہِ سٟتؠ کھسہِ تہنٛدین خاندارن شرارت۔ یتھ کِنؠ گژھن پانے بجہِ خرٲبیہِ پٲدٕ۔ یہِ خبر گژھِ نہٕ نیٚبر کُن پھٲلٕنؠ۔19"اے بادشاہ، ہرگاہ توٚہہِ منٲسب باسہِ، توٚہہ پزِ اکھ شٲہی فرمان جٲری کرُن، یُس زن فارس تہٕ مادی ہنٛدین قانوٗنن منٛز درجٕ گژھِ سپدُن یتھ نہٕ کانٛہہ اکھ تہِ اتھ منٛز بدلاو انہِ۔ یہِ فرمان گژھِ یہِ آسُن زِ وشتیؔ ییہِ نہٕ دُبارٕ زانٛہہ تہِ اخسویرسؔ سنٛزِ بارگاہِ منٛز۔ توٚہہ پزِ کٲنٛسہِ بدل خوتونہِ ہُنٛد انتِخاب کرُن یۅسہ تُہنٛز ملکٲنؠ بنہِ، یۅسہ توٚہہِ فرمابردار روزِ۔20تکیازِ تُہنٛز سلطنت چھےٚ واریاہ وسیع ہر کانٛہہ بوزِ اتھ فرمٲنس متعلق، تہٕ زانہِ زِ ہرگاہ کانٛہہ تہِ زٔنؠ پننِس رٲنِس نافرمٲنی کرِ، سُہ ہیٚکہِ تمِس ہٹٲوِتھ تہٕ طلاق دِتھ یتھٕ پٲٹھؠ توٚہہ وشتیؔ سٟتؠ کٔریو۔ پتہٕ کرن سارے زنانہٕ پننؠن ضاندارن یزتھ۔ یہِ روزِ سلطنتس منٛز ہر کانٛسہِ مردس یزتھ۔21یہِ باسیوو بادشاہس تہٕ تہنٛدین امیرن اکھ رُت خیال۔ لہٰذا کٔر بادشاہ اخسویرسنؔ مموکانؔ سنٛدِس مشورس پٮ۪ٹھ عمل۔22بادشاہن سوز پننس سلطنتس منٛز ہر کُنہِ صوبس چِٹھؠ۔ تٔمؠ لیوکھ ہر أکِس صوبس تہٕ لوٗکن ہنٛزن جمٲژن تہنٛزے زبٲنؠ منٛز۔ چِٹھین منٛز آو وننہٕ زِ مرد گژھن پننؠن زنانن تہٕ شُرین ہنٛدؠ مٲلکھ آسٕنؠ۔ تِمن منٛز اوس یہِ تہِ وننہٕ آمُت زِ مردس پزِ پننہِ زنانہِ تہنٛزے قومچہ زبٲنؠ منٛز حکم کرُن تہٕ تس پزِ سمجن تہٕ مانن۔
Bridge Connectivity Solutions Pvt. Ltd.