نحمیاؔہ13
1پتہٕ آے لوٗکھ موسیٰؔ سنٛز کتاب شریعت بوزناونہٕ یتھ منٛز خدایہ سنٛدؠ دتؠ مِتؠ احکام درج ٲسؠ۔ یتھ منٛز تِمن وننہٕ آو زِ عمونیؔ تہٕ موٲبؠ لوٗکھ گژھن نہِ خدایہ سنٛز عبادت کرن والین اسرائیل ین سٟتؠ شریک تھاوٕنؠ۔ 2تکیازِ عمُّونیؔ تہٕ موٲبؠ لوٗکھ دراے نہٕ تمہِ وزِ اسرائیلی لوٗکن بُتھِ تریش یا کھیٚن چین ہیٚتھ یمہِ وزِ تمہٕ مِصرٕ منٛزٕ تپٲرؠ ہجرتس دوران دراے۔ تتھ برعکس دِیُت تِمو بلعامس ماوضہٕ زِ سُہ کرِ اسرائیل ین لعنت ملامت۔ مگر سٲنؠ خداین کٔر سۅ لعنت اسرائیل ین باپتھ رحمتس منٛز تبدیل۔3یتھٕ کٔنؠ کٔر لوٗکو اتھ ہدایتس پٮ۪ٹھ عمل تہٕ کٔرِکھ تم سٲری وۅپر لوٗکھ پننہِ جمٲژ منٛزٕ بےٚ دخٕل یم تمن سٟتؠ رلیمٕتؠ ٲسؠ۔4ییٚلہِ الیاسبؔ کاہنِ اعلیٰ بنیاو تہٕ خدایہ سٕنٛدِس گرس منٛز گُدامن مٲلکھ رود، طُوبیاہؔ بنیاس ٲشناو5تٔمؠ دیُت طُوبیاؔہس تِمو کمرو منٛزٕ أکِس بٔڈس کمرس منٛز روزنُک اجازت یتھ منٛز کاہنو باپتھ اناج، قۅربٲنیہِ، نذر ونیاز، منٛدرُک ساز و سامان، اناجُک دٔہِم حصہٕ، شراب تہٕ زیتون تیٖل، یُس خدایہ سٕنٛدِ حکمہٕ مطٲبق لاوین، گیٚون والیٚن تہٕ دربانن خٲطرٕ مخصوص اوس۔ اتھ منٛز آسہ کاہنو باپتھ تھاونہٕ آمژٕ قُربٲنیہِ تہِ۔6امہِ وقتہٕ اوسُس نہٕ بہٕ یروشلمسؔ منٛز۔ تکیازِ بہٕ اوسُس بابلؔ کِس بادشاہ ارتخششتا سٕنٛدِس 32 مِس دورِحکومتس منٛز تٔسؠ نِش تہٕ کینٛہہ کال گٔژھِتھ ہیٚوت مےٚ تس اجازت تہٕ آس یروشلم واپس۔7ییٚلہِ بہٕ یروشلمؔ ووتُس، مےٚ سپُد معلوم زِ خدایہ سٕنٛدِس گرٕکِس احاطس منٛز کِتھٕ پٲٹھؠ چُھ الیاسبنؔ طُوبیاہؔ سٕنٛدِ باپتھ غٲر قانونی کمرٕ وقف کوٚرمُت۔8یہِ بوزِتھ گو مےٚ کٲفی رنٛج۔ مےٚ ژھُن طُوبیاہ سُنٛد سورےٕ سامانہٕ کمرٕ منٛزٕ نیٚبر دٲرِتھ۔9پتہٕ دیُت مےٚ کاہنن حکم زِ تم کرن رَسمہٕ مطٲبق یم کُٹھؠ صاف و پاک تہٕ پتہٕ انَن خدایہ سٕنٛدِ گرِکؠ تم سٲری بانہٕ برتن، اناج، نذرانہٕ بیترِ بیٚیہِ واپس تہٕ تھاون پن پننہِ جایہِ سمبٲلِتھ۔10مےٚ بوز یتہِ زِ اتِکؠ ذمہٕ دار لاوی تہٕ مقدس بٲتھ گیٚون وٲلؠ تہِ ٲسؠ اتہِ درامٕتؠ تہٕ پننؠن گرن گٲمٕتؠ تکیازِ یُس گلُک دٔہم حصہٕ تمن اتہِ تران اوس سُتہ اوس بنٛد کرنہٕ آمُت ینہٕ طُوبیاہن گُدامس قبضہٕ کوٚرمُت اوس۔11پتہٕ کٔر مےٚ شہرٕ کیٚن حٲکمن سٟتؠ لڑٲے تہٕ ونمکھ "توٚہؠ کیازِ ژٔلیو خدایہ سُنٛد گرٕ ترٲوِتھ" پتہٕ أنِم لاوی تہٕ گیٚون وٲلؠ بیٚیہِ خدایہ سںنٛدس گرَس منٛز واپس تہٕ ونمکھ پنٕنؠ کٲم کرنہٕ باپتھ۔12امہِ پتہٕ لوگ ساروٕے یہودایوؔ پننہِ اناجُک، شرابُک، زیتون تیٖلُک دٔہم حصہٕ خدا سٕنٛدِ ناو موجود گُدامن کُن بیٚیہِ انُن۔13مےٚ کٔرؠ بیٚیہِ تہِ کینٛہہ شخص گُدامن ہنٛدؠ رٲچھ در مقرر یمن منٛز سلمیاؔہ کاہن، صدوق فقِیہہ تہٕ لاویو منٛزٕ فِدایاہؔ مقرر سپُد تمِس رود زکورؔ سُنٛد نیٚچو تہٕ متنیاہؔ سُنٛد زُر حنانؔ مددٕتس۔ مےٚ کٔرؠ یم اوٕ موٚکھٕ تعینات تکیازِ سٲری ٲسؠ زانان زِ یم چھِ دیانت دار تہٕ یم بٲگرن ایماندٲرؠ سان پننؠن سٲتھین منٛز اجناس۔14"میانہِ خدایہِ مےٚ دِ یہِ کرنُک رُت توفیق۔ آ! مےٚ دِ اجر تِمن رٕژَن کامین ہُنٛد یم مےٚ پننِس خدایہ سُنٛد گرٕ تہٕ امہِ گرٕ کیٚن خٲدمن باپتھ کرِ۔15أتھؠ وقتس دوران وُچھ مےٚ کینٛہہ یہُودؠ یم سبت کہِ دوٚہہ کٲم ٲسؠ کران۔ کینٛہہ ٲسؠ شرابہٕ باپتھ دچھِ رس کڈان تہٕ کینٛہہ ٲسؠ بوٚہرین بٔرِتھ اناج خرَن بران۔ کینٛہہ ٲسؠ شراب، دچھِ ٹوکرِ، انجیر تہٕ باقی چیز سبت کہ دوٚہہ خَرن لٔدتھ یروشلم کُن روانہٕ کران۔ مےٚ کوٚر تِمن منع سبت کہ دوٚہہ یہُوداؔ کین لوٗکن غذٲیی اجناس کٔننَس۔16بیٚیہِ وُچھ مےٚ صَور شہرٕکؠ کینٛہہ لوٗکھ یم یروشلمس منٛز روزان ٲسؠ گاڈٕ تہٕ باقی چیز انان تہٕ سبت کہ دوٚہہ یروشلمسؔ منٛز یہُوداؔ لوٗکن کٔنان17اوے کوٚر مےٚ یہُوداؔ کیٚن سرکردٕ شہرین گرینٛز تہٕ ونمکھ "یہِ چُھنہٕ جان گژھان یہِ توٚہؠ کران چُھو! توٚہؠ چُھو سبت کِس دوٚہس بے حرمتی کران ینہٕ خدا یژھان چُھ۔18توٚہہِ چُھ معلوم زِ تُہنٛدیو جد و اجدادو تہِ کریاو یی تہٕ خداین انییہِ سزا رنٛگؠ ملکس بٔڈ آفت! تہٕ وُنؠ چُھو توٚہؠ سبت کِس دوٚہس بے حرمتی کٔرِتھ بیٚیہِ خدایہ سنٛز ناراضگی یژھان تہٕ اسرائیل باپتھ مصیبتن تہٕ آفژن دعوت دِوان۔19لہٰذا چُھس بہٕ دربانن حکم دِوان زِ تِم آسن جمعہ دوٚہہ شام سپدنس سٟتؠ سٟتی یروشلمٕچہِ برنہِ سبت سپدنس یعنی بٹوارِ شامس تام بنٛد تھاوان۔ مےٚ کٔرؠ پنٕنؠ کینٛہہ نوکر برنیٚن پٮ۪ٹھ اوٕ موٚکھٕ تعینات تاکہِ یہِ کتھ بنہِ یقینی زِ سبت کہ دوٚہہ کرِنہٕ کانٛہہ شہرس منٛز کانٛہہ چیز ہیٚنہٕ کننٕچ کوشِش۔20مگر سبت کالہٕ رٲژ دوران ٲسؠ اکہ دویہِ لٹہِ کینٛہہ باپٲرؠ تہٕ سوداگر شہرٕ نیٚبرؠ دُکان سجاوان یُتھ تمہٕ پگاہ کینٛہہ نتہٕ کینٛہہ کنِتھ ہیٚکن۔21مےٚ کٔرؠ تِم خبردار تہٕ ونمکھ، "یہِ چُھنہٕ تُہنٛدِ خٲطرٕ جان زِ توٚہؠ سجٲیو سبت کہ کالہٕ رٲژ دوران دیوارو نیٚبرؠ پنٕنؠ دکان۔ اگر توٚہؠ دُبارٕ یہِ کٔریو، بہٕ کرو توٚہؠ گِرفتار۔ امہِ پتہٕ آے نہٕ تم سبت کہ دوٚہہ زانٛہہ تہِ۔22امہِ پتہٕ دِتؠ مےٚ لاوین ہِدایت زِ تِم کرن صاف و پاک پٲٹھؠ پننؠ رسٕم ادا تہٕ دروازن پٮ۪ٹھ پہرٕدٲری کٔرتھ دِن نہٕ سوداگرن شہرس منٛز اژنہٕ یُتھ سُہ ماحول پٲدٕ گژھِ یمہِ سٟتؠ سبت کہ مقدس دوٚہُک تقدُس بڈِ۔
"میانہِ خدایہ مےٚ دٕ یہِ نیک کٲم کرنُک توفیق! مےٚ پٮ۪ٹھ کرتہٕ کرم تکیازِ ژٕ چُھکھ بوٚڈ کرم فرما۔23اتھ دوران وُچھ مےٚ یتہِ زِ کینٛژو یہودیو کرِ اشدُودیؔ، عمونیؔ تہٕ موٲبؠ شہرچہِ مستوراتہٕ نیتٕرؠ۔24یمو منٛزٕ نیصف شُرؠ پتہٕ ویلایتی زبان بولان ٲسؠ تہٕ عِبرٲنؠ زبٲنؠ منٛز ٲسؠ نہٕ کتھےٕکٔرِتھ ہیٚکان۔ تم ٲسؠ سۅے زبان بولان یۅسہ ماجہِ بولان آسکھ۔25اوے کٔر مےٚ تِمن بیٚوٲری۔ خدایس مونٛگم یمن وال لعنت۔ کینٛژن دِتُم مُشتو سٟتؠ مار تہٕ کینٛہہ أنِم ٹٔپِس رٔٹتھ تہٕ کرنٲوم پوٚختہٕ وعدہ یہِ زٲنِتھ زِ خدا چُھ بوزان۔ وعدہ اوس یہِ زِ تم کرن نہٕ پننٮ۪ن کورین زانٛہہ تہِ ویلایتی مردن سٟتؠ خاندر تہٕ نَہ انُن پننؠن نیٚچوٮ۪ن ویلایتی کورِ نیتٕرؠ۔26مےٚ ووٚن تِمن۔ "توٚہہِ چُھ معلوم زِ سُلیمانؔ اوس اسرائیل لُک بادشاہ۔ تٔمؠ تہِ کوٚر یتھے پٲٹھؠ أکِس غار مُلکی بُت پرستہٕ زنہِ سٟتؠ نیتھٕر کٔرِتھ بوٚڈ اتُر۔ توٚہؠ چُھو زانان زِ سُہ اوس باقی مُلککیٚو بادشاہو منٛزٕ ساروٕے سرس۔ سُہ اوس خدایس تہِ ٹوٹھ، تہٕ تٔمؠ کرنوو سُہ سٲرسےٕ اسرائیلس راج۔ مگر ۅپر زنہِ سٟتؠ نیتھٕر کرنَن بنوو سلیمانؔ گناہ گار!27مےٚ چُھ توٚہہِ نیسبت یہِ بوزِتھ سیٹھاہ دُکھ سپدان زِ توٚہہِ چُھ غٲر مُلکی بُت پرستہٕ زنیٚن سٟتؠ خانٛدر کٔرتھ پنُن خدا ناراض کوٚرمُت!28اکھ شخصا چُھ یدُوع سُنٛد نیٚچو تہٕ کاہن اعظم الیاسبؔ سُنٛد زُر یمؠ سٲنِس دشمن حُورُونی سنبلط سنٛزِ کورِ سٟتؠ خاندر کوٚر۔ مےٚ ژھُن سُہ یروشلم شہرٕ منٛزٕ دفاہ کٔرِتھ۔29"میانہِ خدایہ! یمو لوکو کٔر حکمِ عدوٗلی، یمو پُھٹرٲوؠ لاوین تہٕ کاہنن ہنٛدؠ بٲومٕتؠ عہد۔ یمن دِ سُہ سزا یمکؠ یم حقدار چھِ۔"30یتھٕ پٲٹھؠ کٔرؠ مےٚ کاہن تہٕ لاوی پرٮ۪تھ رنٛگہٕ غٲر مذہبی تہٕ غٲر مُلکی چیزو نِشہ الگ۔ تہٕ کٔرم وژھِ وٲنجہِ کاہنن تہٕ لاوین ہنٛز خدمت تہٕ فرمودات بجا اننہٕ باپتھ تیار۔31مےٚ کوٚر یمیُک تہٕ اہتمام زِ لوٗکھ انن وقتس پٮ۪ٹھ گۅڈنِکہِ پیداورُک حصہٕ، قۅربٲنیہِ زالنہٕ باپتھ زیُن تہٕ کرن مقرر صحنس منٛز جمع۔
"میانہِ خدایہ! یہِ کینٛژھا مےٚ کوٚر تہِ قبول کٔرتھ روز تہٕ مےٚ پٮ۪ٹھ مہربان!
"میانہِ خدایہ مےٚ دٕ یہِ نیک کٲم کرنُک توفیق! مےٚ پٮ۪ٹھ کرتہٕ کرم تکیازِ ژٕ چُھکھ بوٚڈ کرم فرما۔23اتھ دوران وُچھ مےٚ یتہِ زِ کینٛژو یہودیو کرِ اشدُودیؔ، عمونیؔ تہٕ موٲبؠ شہرچہِ مستوراتہٕ نیتٕرؠ۔24یمو منٛزٕ نیصف شُرؠ پتہٕ ویلایتی زبان بولان ٲسؠ تہٕ عِبرٲنؠ زبٲنؠ منٛز ٲسؠ نہٕ کتھےٕکٔرِتھ ہیٚکان۔ تم ٲسؠ سۅے زبان بولان یۅسہ ماجہِ بولان آسکھ۔25اوے کٔر مےٚ تِمن بیٚوٲری۔ خدایس مونٛگم یمن وال لعنت۔ کینٛژن دِتُم مُشتو سٟتؠ مار تہٕ کینٛہہ أنِم ٹٔپِس رٔٹتھ تہٕ کرنٲوم پوٚختہٕ وعدہ یہِ زٲنِتھ زِ خدا چُھ بوزان۔ وعدہ اوس یہِ زِ تم کرن نہٕ پننٮ۪ن کورین زانٛہہ تہِ ویلایتی مردن سٟتؠ خاندر تہٕ نَہ انُن پننؠن نیٚچوٮ۪ن ویلایتی کورِ نیتٕرؠ۔26مےٚ ووٚن تِمن۔ "توٚہہِ چُھ معلوم زِ سُلیمانؔ اوس اسرائیل لُک بادشاہ۔ تٔمؠ تہِ کوٚر یتھے پٲٹھؠ أکِس غار مُلکی بُت پرستہٕ زنہِ سٟتؠ نیتھٕر کٔرِتھ بوٚڈ اتُر۔ توٚہؠ چُھو زانان زِ سُہ اوس باقی مُلککیٚو بادشاہو منٛزٕ ساروٕے سرس۔ سُہ اوس خدایس تہِ ٹوٹھ، تہٕ تٔمؠ کرنوو سُہ سٲرسےٕ اسرائیلس راج۔ مگر ۅپر زنہِ سٟتؠ نیتھٕر کرنَن بنوو سلیمانؔ گناہ گار!27مےٚ چُھ توٚہہِ نیسبت یہِ بوزِتھ سیٹھاہ دُکھ سپدان زِ توٚہہِ چُھ غٲر مُلکی بُت پرستہٕ زنیٚن سٟتؠ خانٛدر کٔرتھ پنُن خدا ناراض کوٚرمُت!28اکھ شخصا چُھ یدُوع سُنٛد نیٚچو تہٕ کاہن اعظم الیاسبؔ سُنٛد زُر یمؠ سٲنِس دشمن حُورُونی سنبلط سنٛزِ کورِ سٟتؠ خاندر کوٚر۔ مےٚ ژھُن سُہ یروشلم شہرٕ منٛزٕ دفاہ کٔرِتھ۔29"میانہِ خدایہ! یمو لوکو کٔر حکمِ عدوٗلی، یمو پُھٹرٲوؠ لاوین تہٕ کاہنن ہنٛدؠ بٲومٕتؠ عہد۔ یمن دِ سُہ سزا یمکؠ یم حقدار چھِ۔"30یتھٕ پٲٹھؠ کٔرؠ مےٚ کاہن تہٕ لاوی پرٮ۪تھ رنٛگہٕ غٲر مذہبی تہٕ غٲر مُلکی چیزو نِشہ الگ۔ تہٕ کٔرم وژھِ وٲنجہِ کاہنن تہٕ لاوین ہنٛز خدمت تہٕ فرمودات بجا اننہٕ باپتھ تیار۔31مےٚ کوٚر یمیُک تہٕ اہتمام زِ لوٗکھ انن وقتس پٮ۪ٹھ گۅڈنِکہِ پیداورُک حصہٕ، قۅربٲنیہِ زالنہٕ باپتھ زیُن تہٕ کرن مقرر صحنس منٛز جمع۔
"میانہِ خدایہ! یہِ کینٛژھا مےٚ کوٚر تہِ قبول کٔرتھ روز تہٕ مےٚ پٮ۪ٹھ مہربان!
Bridge Connectivity Solutions Pvt. Ltd.