اِفسِیونؔ5
1امہِ کِنؠ یہِ خداین تُہنٛد خٲطرٕ کوٚرمُت چُھ، تِتھے پٲٹھؠ کٔرِو امؠ سُنٛد نقل یتھٕ پٲٹھؠ شُرؠ تمِس مٲلِس نقل کران چھِ یُس تِمن سٮ۪ٹھاہ لول بران چُھ۔2پرٮ۪تھ کانٛہہ چیز کٔرِو تِتھٕ پٲٹھؠ یُس یہِ ہٲوتھ دِیہ زِ توٚہؠ چُھو اکھ أکِس لول بران۔ مسیحؔ ہس ہیوؠ بٔنِو، یمؠ اسہِ تیوٗت لول بوٚر زِ سُہ مود پننہِ مرضی سٟتؠ صلیبہِ پٮ۪ٹھ سانہِ باپتھ سانہِ جایہِ خدایہِ سنٛدِ خٲطرٕ قربٲنی رنگؠ۔ امہِ قربٲنی سٟتؠ گو خدا واریاہ خوش۔ 3مگر کٲنسہِ خٲطرٕ گژھِ نہٕ یہِ وجہ آسُن حتاکہِ تجویز تہِ نہٕ زِ توٚہہِ منٛزٕ گژھہِ کانٛہہ تہِ جنسی گناہ یا کُنہِ تہِ قسمُک غٲر اخلٲقی یا جنونی جنسی رویس منٛز شٲمل۔ یِتھؠ گناہ چُھنہٕ خدایہِ سنٛدٮ۪ن لوٗکن سٟتؠ تعلق تھاوان۔4ییٚلہِ توٚہؠ اَکھ أکِس سٟتؠ کتھ کٔرِو، فحش دلیلہٕ مہٕ ؤنِو یا بیوقوفی ہنٛز کَتھٕ یا مذاق مہٕ کٔریِو یمہِ سٟتؠ گناہ سرِزد گژھن۔ یتھؠ چیز چھِ نہٕ تِم لوٗکھ کران یِم خدایس سٟتؠ تعلق چھِ تھاوان۔ امہِ بجایہ کٔرِو تِمن چیٖزن ہُنٛد اِظہار یِمن ہُنٛد توٚہؠ شُکُر گُزار چُھو۔5یہٕ چُھ بالکل صحیح زِ یم لوٗکھ یِن مسیحؔ سنٛزِ بادشٲہی منٛز خٲرج کرنہٕ یُس خدا چُھ: پرٮ۪تھ کانٛہہ سُہ یُس جنسی طور غأر اخلٲقی یا ناشٲیستہ چُھ، یا یُس جنسس سٟتؠ دِوان چُھ، چُھ بُت سنٛز عبادت کرنس برابر۔6کٲنٛسہِ مہٕ دِیو پانس پٮ۪ٹھ یمہِ دھوکہٕ سٟتؠ ہٲوی گژھنہٕ زِ خدا کیا دِیہ نہٕ یِژھ کٲم کرن والیٚن لوٗکن سزا۔ یِمو چیزو سٟتؠ دِیہ خدا تِمن لوٗکن سزا یِم تس سنٛز نافرمانی چھِ کران۔7توَے مہٕ گٔژھِو شٲمل تِمن لوٗکن سٟتؠ یِم امہِ قٕسمٕکؠ گناہ چھِ کران۔8یاد تھٲیِو زِ خداوند یسوعس پٮ۪ٹھ یقین کرنہٕ برُونٛہہ ٲس نہٕ توٚہہِ پتاہ زِ پوٚز کیا چُھ، یِتھ کِنؠ تِم لوٗکھ انہِ گٔٹِس منٛز چھِ، یِمن نہٕ پتاہ چُھ زِ تِمن أنٛدؠ پٔکؠ کیا چُھ۔ مگر وۅنؠ چُھ یہِ تیوٗتھ زنٛتہِ توٚہؠ گاشس منٛز آیِوٕ، تکیازِ خداوندن چُھو توٚہہِ ہوومُت زِ کیا چُھ پوٚز۔ لہٰذا گُزٲرِو زندگی تمہِ طریقہٕ یہِ خداوندن توٚہہِ ہوومُت چُھو۔9تکیازِ یتھٕ پٲٹھؠ گاش تھاون وٲلؠ لوٗکھ چھِ صحیح طریقہٕ پکان، یسوع زاننہٕ کِس نتیجس منٛز ہیٚکو توٚہؠ ہمیشہٕ اتھ طریقس پٮ۪ٹھ زِنٛدٕ روزِتھ یُس اصل، صحیح تہٕ پوٚز چُھ۔10ییٚلہِ توٚہؠ یتھٕ پٲٹھؠ زِنٛدگی گُزٲرِو، تیٚلہِ روزیٚو تہِ ہیٚچھان یہِ خداوندس پسنٛد ییہِ۔11لہٰذا، تمن لوٗکن سٟتؠ مہٕ کٔرِو یِکوٹہٕ شرکت یِم فضول کٲم چھِ کران یِم روحأنی انہِ گٔٹِس منٛز چھِ۔ امہِ بجایہ کٔڈؠ وُن پرٮ۪تھ کانٛہہ نوٚن زِ یِم کامہِ کٲژا فضول چھےٚ۔12یقیناً چُھ یہِ خدایہِ سنٛدین لوٗکن خٲطرٕ شرمناک زِ تِم کرَن تِمن بُرٕ چیزن مُتعلق کتھ یِم تِم لوٗکھ ژھیپہِ روزِتھ چھِ کران،13مگر اسہِ خٲطرٕ چُھ یہٕ ضروری زِ تم کرن تمن بےنقاب تاکہِ لوٗکن لگہ پتاہ تہٕ سمجن زِ یم چھِ بُرٕ اعمال۔ یہ چُھ یتھ کنؠ زِ ییٚلہ أسؠ کانٛہہ چیز گاشس کُن انان چھِ تاکہِ پرٮ۪تھ کٲنسہ یہٕ ظٲہر کرنہٕ خاطرٕ زِ یہ کیا چُھ پٔزؠ پأٹھؠ۔ لوٗکھ ہیٚکن اتھ چیزس معائنہ تہٕ فٲصلہ کٔرتھ زِ یہِ چُھ گاشن بےنقاب کۅرمُت۔14خدایس زاننہٕ برونٛہہ ٲسِو توٚہؠ زنتہِ سُہ شخص یمِس نینٛدر ٲس یا اوس أکس انہِ گٹہِ جایہِ مودمُت۔ یہِ چُھ تہِ یہِ زن ایمان وٲلؠ ونان چھِ ییٚلہِ تِم ونان چھِ زِ، "توٚہؠ یِم نینٛدرِ چُھو، بیدار گژھیو! توٚہؠ یِم مودؠ مٕتؠ چُھو، انہِ گٹہِ منٛزٕ نیرِو نٮ۪بر تہٕ زندٕ روزیٚو! مسیحؔ ہایو توٚہہِ زِ پوٚز کیا چُھ، تِتھے پٲٹھؠ یتھٕ پٲٹھؠ اکھ گاش یُس زوتان چُھ تہٕ ہاوان چُھ لوٗکن زِ انہِ گٔٹِس منٛز کیا اوس۔"15لہٰذا روزیٚو ہوشیار زِ توٚہؠ کِتھہٕ پٲٹھؠ بٔسِو۔ بیوقوف لوٗکن ہنٛدؠ پٲٹھؠ مہٕ کٔریو برتاو۔ بلکہِ کٔرِو دانا لوٗکن ہنٛدؠ پٲٹھؠ برتاو۔16یُس وق توٚہہِ نِش چُھ اتھ منٛز کٔرِو ساروٕے کھۅتہٕ اصل، تکیازِ لوٗکھ چھِ پرٮ۪تھ دوٚہہ زیادٕ کھۅتہٕ زیادٕ بُرٕ کامہِ کران۔ 17توے روزیٚو دانا پٲٹھؠ، اصل پٲٹھؠ سمجِھو زِ کیا چُھ یہِ خداوند یسوع چُھ یژھان زِ توٚہؠ کٔرِو، تہٕ کٔرِو یہِ!18خمار کھالن والہِ شراب چیٚنہٕ سٟتؠ مہٕ بنیٚو شرٲبؠ، تکیازِ لوٗکھ ہیٚکَن نہٕ شراب چٮ۪تھ پنُن پان قوبو کٔرِتھ ییٚلہِ تِم خمارٕ ہتؠ آسن۔ امہِ بجایہ، گژھِ خدایہِ سُنٛد روح قوبو کرُن زِ توٚہؠ کیا چُھو پریتھ وقتس منٛز کران۔ 19اکھ أکِس گیوو زبور مسیحؔ ہس متعلق تہٕ تِم بٲتھ یِم خدایہِ سُنٛد روح توٚہہِ بخشان چُھو۔ یہِ ساز گژھہِ توٚہہِ انٛدر پٮ۪ٹھٕ خداوند سٕنٛدؠ پوٗرٕ پٲٹھؠ تعریٖف کرنہٕ خٲطرٕ وُزٕنؠ۔ 20پریتھ وقتہٕ کٔرِو پرٮ۪تھ چیزٕ خٲطرٕ خدا یعنی ببہٕ سُنٛد شُکُر ادا امہِ باپتھ زِ یہِ سٲنؠ خداوند یسوع مسیحؔ ہن چُھ توٚہہِ خٲطرٕ کوٚرمُت۔21عٲجزی سان کٔرِو پنُن پان اکھ أکِس تابعہ تکیازِ توٚہؠ چُھو مسیحؔ سُنٛد سٮ۪ٹھاہ احترام کران۔22آشنٮ۪ن پَزِ پننٮ۪ن خانٛدارن ہنٛدِس قیادتس تابعہ گژھُن یتھٕ پٲٹھؠ تِم خداوند یسوعس تابعہ چھِ روزان تکیازِ خاندار چُھ خاندارنہِ ہُنٛد رہنُما تہٕ مسیحؔ تہِ چُھ تمام ایمان والیٚن ہنٛزِ عالمگیر جمٲژ ہُند رہنما۔ سُہ چُھ نجات دِنہٕ وول یمؠ تمام ایمان وٲلؠ تِہنٛدین گنُہَن ہُنٛد سزا پراونہٕ نِشہ بچٲوؠ۔ 24یوٚتام آشنٮ۪ن ہُنٛد تعلُق چُھ، یتھٕ کِنؠ تمام ایمان وٲلؠ پنن پان مسیحؔ سٕنٛدِس اختیارس تابعہ چھِ تھاوان، تِتھے کِنؠ پزِ زنانن تہِ پنن پان پوٗرٕ پٲٹھؠ پننٮ۪ن خاندارن ہنٛدس اختیارس تابعہ کرُن۔25توٚہہِ منٛزٕ چُھ پرٮ۪تھ کانٛہہ خاندار پننہِ خاندارنہِ سٟتؠ تیوٗت لول بران یوٗتاہ مسیحؔ تِمن سارِنےٕ سٟتؠ لول بران چُھ یمن تمِس پٮ۪ٹھ پژھ کرن۔ تٔمؠ دِژ سانہِ باپتھ پنٕنؠ زندگی چھپہِ صلیبس پٮ۪ٹھ26تاکہِ سُہ ہیٚکہِ اسہِ پننہِ خٲطرٕ الگ کٔرِتھ۔ تٔمؠ کٔرؠ أسؠ پاک پنُن منصوبہ ؤنِتھ تہٕ معاف کٔرِتھ تہٕ سٲنؠ گناہ ہٹٲوِتھ زنتہٕ تِم آبس منٛز چٔھلِن۔27تٔمؠ کوٚر یہِ تاکہِ سُہ ہیٚکہِ تمام ایمان والیٚن ہنٛز جماتھ پانس برونٛہہ کُن اکھ شاندار جمٲژ ہنٛدِس صورتس منٛز پیش کٔرِتھ یتھ نہٕ کانٛہہ گناہ یا اخلٲقی خٲمی آسہِ، مگر امہِ بجایہ چُھ پاک تہٕ کٲمل، یتھ کِنؠ زَن اکھ شاندار مہرِنؠ پننِس مہرازس میلنہٕ خٲطرٕہ تیار چھےٚ۔28تِتھے پٲٹھؠ پَزِ پرٮ۪تھ نفرس پننہِ خاندارنہِ سٟتؠ تیوٗتا لول برُن یوٗتاہ سُہ پننِس جسمس سٟتؠ لول چُھ بران۔ اکھ شخص یُس پننہِ خاندارنہِ لول چُھ بران سُتہ چُھ یہِ کرنہٕ سٟتؠ پانس زن لول بران29تکیازِ کٲنٛسہِ تہِ چھیٚنہٕ زانہٛہ تہِ پننِس جسمس نفرت کٔرمٕژ۔ امہِ بجایہ، چُھ سُہ پننس جسمس کھیاوان تہٕ امیُک خیال تھاوان، تِتھے پٲٹھؠ یتھٕ پٲٹھؠ زن مسیحؔ تہِ چُھ اسہِ تمام ایماندارن ہُنٛد خیال یتھ عالمگیر جماتس منٛز تھاوان۔ أسؠ چھِ ایمان والیٚن ہنٛز اکھ جماتھ بنیمٕژ یۅسہٕ تس سٟتؠ تعلق چھےٚ تھاوان۔31صحیفہٕ چھِ تِمن لوٗکن متعلق یہِ ونان یِم خاندر کران چھِ: "تمہِ کِنؠ تراوِ اکھ نفر پنُن مول تہٕ پنٕنؠ موج تہٕ کرِ پانس پننہِ خاندارنہِ سٟتؠ شٲمل، تہٕ یِم دۅشوے روزن یتھٕ کِنؠ زنتہٕ تِم اکھ نفر ٲسؠ۔" 32اتھ بارس منٛز چُھ واریاہ کینٛہہ یُس نہٕ أسؠ سمجِتھ ہیٚکو، مگر بہٕ چُھسو توٚہہ ونان زِ خاندار تہٕ خاندارنہٕ ہنٛز یہِ مِثال چھےٚ اسہِ مسیحؔ تہٕ تمِس سٟتؠ تعلق تھاون واجنہِ جمٲژ درمیان تعلقات سمجھنس منٛز تہِ مدد کران۔33وۅنؠ گو، تُہنٛدِ مطٲبق پزِ پرٮ۪تھ نفرس پننہِ خاندارنہِ تِتھٕ پٲٹھؠ لول برُن یتھٕ پٲٹھؠ سُہ پانس لول چُھ بران، تہٕ پرٮ۪تھ خاندارنہِ پزِ پننِس خاندار سُنٛد سٮ۪ٹھا احترام کرُن۔
Bridge Connectivity Solutions Pvt. Ltd.