اِفسِیونؔ4
1تکیازِ یِمَو سارِوٕے کِنؠ، بطورِ کٲنٛسہِ یُس جیلس منٛز چُھ تکیازِ بہٕ چُھس خداوند یسوع سنٛز خدمت کران، بہٕ چُھسو توٚہہِ تلقیٖن کران تِتھٕ پٲٹھؠ زِنٛدگی گزارنچ یمہِ ستٟؠ یسوعس احترام سپدِ، یمؠ توٚہؠ أمؠ سٕنٛدِ خٲطرٕ زِنٛدٕ روزنہٕ خٲطرٕ بُلایو۔2ہمیشہٕ روزیٚو عٲجزی تہٕ نرمی سان۔ اکھ أکِس سٟتؠ روزیٚو صبرٕ سان تہٕ تِم پریشان کرن وٲلؠ چیٖز کٔرِو برداشت یِم باقےٕ کران چھِ تکیازِ توٚہؠ چُھو اکھ أکِس لول بران۔3چونکہ خدایہِ سٕنٛدؠ روحن چُھو توٚہؠ یِکہٕ وٹہٕ کٔرؠ مٕتؠ، اکھ أکِس سٟتؠ یِکہٕ وٹہٕ روزنہٕ باپتھ کٔرِو پرٮ۪تھ کانٛہہ چیز یُس توٚہؠ کٔرِتھ ہیٚکو۔ اکھ أکِس سٟتؠ امنہٕ سان کٲم کٔرِتھ تھٲیِو پنُن پان پابنٛد۔4خدایس چُھ صرف اکھ خاندان ایمان والیٚن ہُنٛد تہٕ اکھ پاک روح، یتھٕ کِنؠ زن سُہ توٚہہِ سارنےٕ اکھ تہٕ واحد چیز حأصل کرنہٕ خاطرٕ چُھ ونان یمِچ لوکھ امید ہیٚکن کٔرِتھ، سُہ چُھ توٚہہِ سٟتؠ تعلق تھاوان یِم خداین بُلاے مٕتؠ چھِ۔5یتہِ چُھ صرف اکھ خداوند، یسوع مسیحؔ، أمِس پٮ۪ٹھ یقین کرنُک صرف اکھ طریقہٕ، تہٕ تمو کوٚر اسہِ یہٕ ظٲہر کرنہٕ خٲطرٕ بپتسمہ زِ أسؠ چھِ صرف أمِس سٟتؠ تعلُق تھاوان۔6اکُے خدا چُھ، یُس اسہِ سارنےٕ ہُنٛد بب چُھ، چاہے یہُودؠ ٲسؠ تن یا غٲر یہُودؠ۔ سُہ چُھ اسہِ سارنےٕ پٮ۪ٹھ حکومت کران، اسہِ سارنےٕ ذریعہ کٲم کران، تہٕ چُھ اسہِ سارِنےٕ منٛز۔7اسہِ منز چھِ پرٮ۪تھ کٲنسہِ خداین روحٲنی تحفہٕ دِتمٕتؠ یتھٕ کِنؠ مسیحؔ ہن چُھ فٲصلہٕ کوٚرمُت زِ اسہِ گژھن تِم آسٕنؠ۔8یہٕ چُھ اوٕ کِنؠ زِ صحیفن منٛز چُھ لیٚکھِتھ، یُتھےٕ سُہٕ تھزرس پٮ۪ٹھ ووت، تٔمؠ أنؠ پانس سٟتؠ واریاہ لوٗکھ یِم تٔمؠ رٔٹِتھ ٲسؠ أنؠ مٕتؠ، تہٕ دِتِن پننٮ۪ن لوٗکن تحفہٕ۔ 9لفظ "سُہ ووت تھزرس" چھِ اسہِ یقیناً زٲنؠ راوان زِ مسیحؔ تہِ اوس امہِ برونٛہہ زمین کیٚن بوٚنمٮ۪ن حِصن تام گومُت۔10مسیحؔ، یُس آسمانہٕ پٮ۪ٹھٕ زمینس پٮ۪ٹھ آو، سُہ تہِ چُھ سُہ یُس آسمانس منٛز ساروے کھۅتہٕ زیادٕ تھدِس مقامس پٮ۪ٹھ ہیٚور کُن واپس کھۅت تاکہ سُہ ہیٚکہٕ کایناتس بھٔرِتھ۔11پننٮ۪ن لوٗکن تحفہٕ رٔنٛگؠ کٔرؠ تٔمؠ یِمن منٛز کینٛہہ رسول مقرر، کینٛہہ نبی بننہٕ خاطرٕ، کینٛہہ لوکن یسوعس متعلق خوش خبر وننہٕ خاطرٕ، تہٕ کینٛہہ ایمان والیٚن کینژھن ایمان والین جمٲژن ہُند خیال تھاونہٕ تہٕ تِمن تعلیم دِنہٕ خاطرٕ۔ 12خداین کٔرؠ تِم سٲری خدایہ سٕنٛدؠ لوٗکھ مقرر باقین خدمت کرنہٕ خٲطرٕ تاکہِ سٲری لوٗکھ یِم مسیحؔ ہس سٟتؠ تعلُق چھِ تھاون گژھن روحٲنی طور مضبوط۔13یہِ کٲم روزِ تۅتام جٲری یوٚتام نہٕ أسؠ سٲری یِکوٹہٕ تہِ بنَو یہِ خدا چُھ یژھان: ییٚلہِ أسؠ یِکوٹہٕ خدایہِ سنٛدِس گۅبرِس پٮ۪ٹھ پوٗرٕ پأٹھؠ بھروسہٕ چھِ کران تہٕ اسہِ منٛزٕ امسُنٛد کأم کرنُک تجربہٕ چُھ کران، تہٕ مکمل پٲٹھؠ چھِ ایماندارن ہنٛزِ اکہِ جمٲژ رنٛگؠ پۅختہٕ سپدان، خدایس پٮ۪ٹھ بھروسہٕ کرنس تہٕ سُہ زاننس منٛز مکمل پٲٹھؠ پۅختہٕ سپدِتھ یتھٕ پٲٹھؠ پانہٕ مسیحؔ چُھ۔14تیلہٕ روزو نہٕ أسؠ روحٲنی طور نابالغ، یتھٕ پٲٹھؠ لۅکٕٹؠ شُرؠ چھِ نابالغ آسان۔ أسؠ کرَو نہٕ وۅنؠ پرٮ۪تھ نوِ تعلیمہ ہنٛز پٲروی، ہمیشہٕ یہٕ تبدیلی روزان گژھان یُس أسؠ أکِس ناوِ ۂنٛدؠ پأٹھؠ یقین چھِ کران یُس اکہٕ تہٕ بیٚیہِ طرفہٕ چُھ گژھان ییٚلہِ ہوا تہٕ لہرٕ چھےٚ سِمت تبدیل کران۔ أسؠ دِمو نہٕ چالاک لوٗکن اجازت یِم تہِ ہیٚچھناوان چھِ یہِ غلط چُھ تہٕ چھِ اسہِ پننہِ اپزِ سٟتؠ دھوکہٕ دِوان۔15امہِ بجایہ، ییٚلہ أسؠ اکھ أکِس سٟتؠ لولہٕ ہوٚت سۅ کتھ چھِ کران یہِ پوٚز چُھ، أسؠ گژھو ہر طریقہٕ زیادٕ کھۅتہٕ زیادٕ مسیحؔ سٕنٛدؠ پأٹھؠ بنٕنؠ یتھٕ پٲٹھؠ سُہ اسہِ ہدایت چُھ دِوان، یتھٕ پٲٹھؠ أکِس شخصہٕ سُنٛد کلہٕ تٔمسٕنٛدِس جسمس ہدایت چُھ دِوان۔16سُہ چُھ سُہ یُس اسہِ سارِنےٕ یِکہٕ وٹہٕ شٲمل چُھ کران تہٕ چُھ اسہِ اَکھ أکِس سٟتؠ جوران۔ سُہ چُھ اسہِ ہیٚچھناوان اکھ أکِس کِتھہٕ پٲٹھؠ چُھ سہارٕ دیُن تہٕ مربوط طریقہٕ کِتھہٕ پٲٹھؠ چھےٚ کٲم کرٕن تکیازِ سُہ چُھ سۅ صلٲحیت دِوان یۅسہٕ اسہِ پرٮ۪تھ کٲنٛسہِ خٲطرٕ موزوٗن چھےٚ، یتھٕ پٲٹھؠ أکِس شخصہٕ سُنٛد کلہٕ چُھ تسٕنٛدِٮ۪ن جسمہٕ کٮ۪ن تانن باپتھ کران۔ یتھٕ پٲٹھؠ، یتھٕ کِنؠ أسؠ اکھ أکس سٟتؠ لول چھِ بران، أسؠ گژھو یِکوٹہٕ بڑان تہٕ اکھ أکس مضبوط بناوان۔17امہِ وجہ سٟتؠ، تہٕ خداوند یسوع سُنٛد اختیارٕ سٟتؠ، چُھسو بہٕ توٚہہ یہِ ونان: وُنکہِ پٮ۪ٹھٕ پزٕ نہٕ توٚہہ تتھٕ پٲٹھؠ روزُن یتھٕ پٲٹھؠ باقے غٲر یہوٗدی روزان چھِ۔ یتھٕ پٲٹھؠ تِم روزان چھِ چُھ سونٛچنہ کہِ خٲلی طریقہٕ سٟتؠ یِوان۔18تم چُھنہٕ واضیح پٲٹھؠ سونٛچِتھ ہیٚکان زِ کیا چُھ صحیح یا غلط تکیازِ تم چھِ خدایس نِشہ مکمل پٲٹھؠ الگ زندگی گزارنچ کوشش کران۔ تم چھِ یہِ کران تکیازِ تِمن چھنہٕ پتاہ زِ تِمن کمہِ چیزچ چھِ کمی تہٕ تِم چھِ ہٹدرمی سٟتؠ خدایہِ سنٛز فرمانبردٲری کرنس انکار کران۔19تِم چُھنہٕ یہِ سمجھتھےٕ ہیٚکان زِ کیا کانٛہہ چیز چھا اصل یا خراب، تہٕ امہِ موجُب چُھ تِمو پنُن پان تِمن شرمناک کامہِ کرنہٕ خاطرٕ وقف کوٚرمُت یمہٕ یہُنٛد جِسم یژھان چُھ۔ تم چھِ پرٮ۪تھ قسمٕکؠ غٲر اخلٲقی اعمال کران تہٕ تِم چھِ یِمن کامٮ۪ن زیادٕ کھۅتہٕ زیادٕ کرُن یژھان۔20مگر ییٚلہ توٚہہ مسیحؔ ہس متعلق معلوم گوو توٚہہ چُھنہٕ یتھٕ کِنؠ زِندٕ روزُن ہیٚچھمُت،21اتھ حدس تام زِ توٚہہِ چُھو یسوع ہس متعلق پٲغام بوزمُت تہٕ سمجھمُت تہٕ تمِس نِش ہیٚچھمُت، تکیازِ تٔمسُنٛد طریقہٕ چُھ زندٕ روزنُک حقیقی طریقہٕ۔22تُہنٛدٮ۪و وۅستادو ہیٚچھنٲیو توٚہؠ تِتھٕ پٲٹھؠ روزُن بند کرُن یتھٕ پٲٹھؠ توٚہؠ روزان ٲسِو۔ تکیازِ توٚہؠ ٲسِو بُرٕ کامہِ کرنہِ یژھان، توٚہہِ دِتُو یہِ سونٛچِتھ پننِس پانس دھوکھہٕ زِ تِم چیٖز ٲسؠ اصل۔ یتھٕ پٲٹھؠ روزُن اوس توٚہہِ روحٲنی طور تباہ کران۔23لہٰذا پزیٚو توٚہہِ خدایس اکھ نوو روح تہٕ سونٛچنُک اکھ نوٚو طریقہٕ بخشنُک موقعہ دیُن۔24تہٕ توٚہہِ پزِ تمِس نٔوِس شخصہٕ سٕنٛدؠ پٲٹھؠ زندٕ روزُن شروع کرُن یُس خداین پننہِ بنن واجنہِ صورٔژ پؠٹھ پٲدٕ کۅر۔ تٔمؠ بنٲیو توٚہؠ اکھ أکِس سٟتؠ تہٕ پانس سٟتؠ، یسوع سٕنٛدؠ پٲٹھؠ صحیح تہٕ پزِ طریقہٕ زندگی گزارنہٕ خٲطرٕ، 25تہٕ اکھ أکِس اپُز وننہٕ نِشہ روزیٚو لوٚب۔ اَکھ أکِس سٟتؠ کٔرِو پزرٕ سان کتھ تکیازِ أسؠ چھِ خدایہِ سٕنٛدِ خاندانکؠن رُکُنن ہندِ رنگؠ اَکھ أکِس سٟتؠ رشتہٕ تھوان۔ 26غصہٕ کرِو گناہ کِس وطیرس پٮ۪ٹھ، مگر گناہ مہٕ کٔرِو تکیازِ توٚہہِ چُھو شرارتہٕ ہتؠ۔ پرٮ۪تھ دوٚہہ لوسنہٕ برونٛہہ کٔرِو یہِ خیال زِ توٚہہِ کٔمؠ چیزن کھول شرارت۔ 27تاکہ توٚہؠ دِیو نہٕ شیطانس پانس درمیان بُرٕ کٲم کرنُک اجازت۔28یِم ژوٗر چھِ کران تِمن پَزِ نہٕ وۅنؠ ژوٗر کرٕنؠ۔ امہِ بجایہ پزِ تِمَن محنتہٕ سان کٲم کرٕنؠ، پننہِ کوششہِ سٟتؠ اصل کٲم کرٕنؠ تاکہِ تِمَن نِش آسہِ تِمَن لوٗکن دِنہٕ خٲطرٕ کینٛہہ یِم ضروٗرت منٛد چھِ۔29نقصان دہ کتھہٕ مہٕ کٔرِو۔ امہِ بجایہ کٔرِو اصل کتھ یِم لوٗکن حوصلہٕ افزٲیی کرن یمہِ ساعتہٕ تِمن مدتٕچ ضروٗرت پیٚیہ تاکہِ خدا ہیٚکہِ تُہٕنٛدٮ۪و کتھو ذریعہ تِمن فٲیدٕ واتنٲوِتھ یِم بوزان چھِ۔30خداین چُھنو توٚہؠ پاک روح دِتھ پانس کُن منصوب کٔرؠ مٕتؠ، یُس توٚہہِ سٟتؠ تتھ دوٚہس تام روزِ ییٚلہِ مسیحؔ توٚہہِ یمہِ دُنیا نِش بچاوٕ۔ توَے مہٕ کٔرِو خدایہِ سُنٛد روح القدس غمگین امہِ سٟتؠ زِ یتھٕ پٲٹھؠ توٚہؠ زِنٛدٕگی چُھو بسر کران۔ 31پننہِ طرفہٕ کٔرِو بہتر کوشش یتھٕ پٲٹھؠ برتاو کرُن بنٛد کرنہٕ خٲطرٕ: باقین سٟتؠ مہٕ گٔژھِو ناراض یا مہٕ کٔریِو شرارت۔ باقین پٮ۪ٹھ مہٕ کٔرِو بدسلوکی یا تہنٛز بدنٲمی۔ زانہہ تہِ مہٕ کٔرِو کُنہِ تہِ طریقہٕ بدنیتی سان کٲم۔32یتھٕ پٲٹھؠ پیش یِنہٕ بجایہ، روزیٚو اکھ أکِس پٮ۪ٹھ مہربان۔ اکھ أکِس سٟتؠ یِیو رحمدِلی سان پیش۔ اَکھ أکِس کٔرِو تِتھے پٲٹھؠ معاف یتھٕ کِنؠ خداین توٚہہِ تہِ معافی دِژو یہِ زن مسیحؔ ہن توٚہہِ خٲطرٕ کوٚر۔
Bridge Connectivity Solutions Pvt. Ltd.