اِفسِیونؔ3
1تکیازِ خدا چُھ اتھ منصوبس پٮ۪ٹھ توٚہہِ غٲر یہودٮ۪ن خٲطرٕہ کٲم کران، بہٕ پولُسؔ چُھس ببس دعا منٛگان توٚہہِ خٲطرٕ یوٚدوے بہٕ جیلس منٛز تہِ چُھس تکیازِ بہٕ چُھس تہنٛدِ باپتھ یسوعؔ مسیحؔ سنٛز خدمت کران۔2بہٕ چُھس انٛدازٕ کران زِ لوٗکو چُھ توٚہہ میٲنِس بارس منٛز ووٚنمُت، زِ خداین چھےٚ مےٚ توٚہہِ غٲر یہودٮ۪ن سٟتؠ انتہٲئی مہربان روزنکہِ منصوبچ کتھ باتھ کرنٕچ کٲم دِژمٕژ۔3خداین ووٚن مےٚ یہٕ پٲغام یُس نہٕ لوکو گۅڈٕ سمُجھ تہٕ مےٚ سیٚدِ سیٚود ظٲہر اوس کوٚرمُت، یتھ پٲٹھؠ زَن مےٚ توٚہہِ مختصرن گۅڈے لیٚوکھمُت اوس۔4ییٚلہ توٚہؠ سُہ پٔریٚو، توٚہؠ ہیٚکو محسوس کٔرتھ زِ بہٕ چُھس واضیح پٲٹھؠ تِم چیز سمجھان یم نہٕ خداین مسیحؔ ہس متعلق گۅڈٕ ٲسؠ ظٲہر کٔرمٕتؠ۔5گۅڈنیٚتھ اوس نہٕ خداین یہٕ پٲغام لوٗکن برونٛہہ کنہِ پورٕ پٲٹھؠ ظٲہر کوٚرمُت، مگر وۅنؠ چُھ تمسنٛدؠ روحن یہٕ پننیٚن پاک رسولن تہٕ نبین نِش ظٲہر کوٚرمُت۔6پٲغام چُھ یتھ کِنؠ: غأر یہُودؠ چھِ وۅنؠ یہُودٮ۪ن سٕتؠ خدایہِ سنٛدِ روحٲنی دولتُک اِشتراک کران تہٕ خدایہِ سنٛدٮ۪ن لوٗکن ہنٛزِ تٔتھؠ جمٲژ سٟتؠ تعلق تھاوان تہٕ تِمن تمام چیزن ہُنٛد کرن اِشتراک یمن ہُنٛد خداین پننٮ۪ن لوٗکن سٟتؠ وعدہ چُھ کوٚرمُت تکیازِ تِم چھِ شٲمل گٔمٕتؠ یسوع مسیحؔ ہس سٟتؠ رٕژ شیٚچھِ پٮ۪ٹھ یقین کرنہٕ کِس نتیجس منٛز۔7بہٕ چُھس وۅنؠ لوٗکن یہِ اصل خبر ؤنِتھ خدایہِ سنٛز خدمت کران۔ خدا اوس مےٚ پٮ۪ٹھ واریاہ مہربان تہٕ دِژن مےٚ یہٕ کٲم کرنہٕ خٲطرٕ حالانکہ بہٕ چُھس نہٕ اتھ لائق، تہٕ سُوٛ چُھ مےٚ یہٕ کٲم طاقتہٕ سان کرنس قٲبل بناوان۔8یوٚدوے خدایہِ سنٛدیو ساروٕے لوکو منٛزٕ بہٕ کم پایہ چُھس، خداین دیُت مہربٲنی کٔرتھ مےٚ یہِ تحفہٕ: تٔمؠ کوٚرُس بہٕ تعینات نہ ختم گژھن واجنہِ روحٲنی برکتن ہنٛز خوشخبری ہُنٛد اعلان کرنہٕ باپتھ یۅسہ مسیحؔ ہس اسہِ خٲطرٕ چھِ9تہٕ پرٮ۪تھ کانٛہہ یہٕ سمجھنس قٲبل بناوُن زِ خدایہ سُنٛد منصوبہ کیا چُھ۔ یہٕ منصوبہ چُھ سُہ کینٛہہ یُس خداین، یمؠ پریتھ کانٛہہ چیز پٲدٕ کور، واریاہ برونٛہہ پوشیدٕ تھوومُت اوس۔10خدایس اوس یہٕ منصوبہ تاکہ یُتھےٕ سُہ یہِ ظٲہِر کرِ وۅنؠ تِمن لوٗکن منٛز یِم مانن وٲلؠ چھِ، سُہ چُھ اعلیٰ سطحن پٮ۪ٹھ روحٲنی حکامن تہِ یہِ ظٲہر کران زِ سُہ کوتاہ تھوٚد عقلمند چُھ۔11یہٕ چُھ سُہ منصوبہ یُس خدایس ہمیشہٕ چُھ رودمُت، تہٕ یہٕ چُھ سُہ یُس تٔمؠ سٲنِس خداوند، یسوع مسیحؔ سنٛزِ کامہِ ذریعہ پورٕ کوٚر۔12لہٰذا وۅنؠ، ہیٚکو أسؠ یسوع سنٛزِ کامہِ ہنٛدِ سٟتؠ آزادانہٕ تہٕ اعتمادٕ سٟتؠ خدایس نزدیک یِتھ تکیازِ ییٚلہِ أسؠ یسوع ہس پٮ۪ٹھ بھروسہٕ کران چھِ، سُہ چُھ اسہِ پانس سٟتؠ شٲمل کران۔13لہٰذا مہربٲنی کٔرِتھ مہٕ گٔژھِو تِمَو چیزو سٟتؠ پس ہمت یِم مےٚ یتہِ تُہنٛدِ طرفہٕ جیلَس منٛز وؠتراوٕنؠ پیوان چھِ، تکیازِ تِم چھِ توٚہہِ خٲطرٕ اکھ شاندار نتیجہٕ پٲدٕ کران۔14تکیازِ خداین چُھ توٚہہِ خٲطرٕ یہِ سورےٕ کوٚرمُت، بہٕ چُھس کۅٹھٮ۪ن پٮ۪ٹھ وسِتھ پننِس بب خدایس دُعا منٛگان۔15سُہ چُھ اصلی بب، یمؠ آسمانس تہٕ زمینس پٮ۪ٹھ پرٮ۪تھ خاندانس پٲروی کرنہٕ خاطرٕ نمونہٕ دیُت۔16بہٕ چُھس دعا کران زِ خدا دِیہ توٚہہِ پنُن روح تُہنٛد روح مضبوط کرنہٕ خٲطرٕ زِ سُہ کوتاہ عظیم چُھ کثرت سان۔17بہٕ چُھس دعا کران زِ مسیحؔ روزِ توٚہہِ پنٮ۪ن دِلن ۂنٛدؠ پٲٹھؠ نزدیک تکیازِ توٚہؠ چُھو أمِس پٮ۪ٹھ بھروسہٕ کران، تہٕ تہِ سورےٕ کینٛہہ یہِ توٚہؠ کٔرِو تہٕ ؤنِو آسہِ توٚہہِ خٲطرٕ خدایہِ سٕنٛدِ لولُک تہٕ تٔمِس تہٕ باقین خٲطرٕ تُہنٛدِ لولُک نتیجہٕ18تاکہ توٚہؠ ہیٚکو خدایہِ سنٛدٮ۪ن تمام لوٗکن سٟتؠ پوٗرٕ پٲٹھؠ سمجِتھ زِ مسیحؔ کوتاہ لول چُھ اسہِ بران۔19بہٕ چُھس دُعا کران زِ توٚہہِ لگہ پتاہ زِ مسیحؔ کوتاہ چُھ لول بران، حالانکہ سُہ چُھ اسہِ یوٗتاہ لول بران زِ أسؠ ہیٚکو نہٕ یہِ سمجِتھ۔ بہٕ چُھس دُعا کران زِ خدا دِیہ توٚہہِ پرٮ۪تھ کُنہِ چیزُک پوٗرٕ پیمانہٕ یہِ سُہ چُھ۔20خدایہِ سٕنٛدؠ کٔرِو تعریٖف، یُس تٔمہِ کُنہِ تہِ چیزٕ کھۅتہٕ زیادٕ کٲم کرنس قٲبل چُھ یۅسہٕ أسؠ أمِس ونان چھِ، یا تہِ یہِ أسؠ سونچان چھِ زِ سُہ ہیٚکہِ کٔرِتھ، تکیازِ سُہ کٔمہِ طاقتہٕ چُھ اسہِ اندر کٲم کران!21سٲری ایمان وٲلؠ گژھن تمسنٛدؠ تعریف کرٕنؠ زِ سُہ کوتاہ عظیم چُھ تہٕ تمؠ سنٛزِ زبردست کامہِ ہنٛدؠ یۅسہٕ تٔمؠ کٔرمٕژ چھےٚ مسیحؔ یسوع سٕنٛدِ ذریعہ! تِم گژھن سٲری نسٕل ہمیشہٕ خٲطرٕ امسنٛدؠ تعریٖف کرٕنؠ! یہِ گژھہِ آسُن۔
Bridge Connectivity Solutions Pvt. Ltd.