اِفسِیونؔ2
1مسیحؔ ہس پٮ۪ٹھ بھروسہٕ کرنہٕ برونٛہہ، ٲسِو توٚہؠ روحٲنی طور مودمٕتؠ توٚہؠ ٲسِو نہٕ گناہ کرُن رُکٲوِتھ ہیٚکان۔2توٚہؠ ٲسِو یمہِ دنیا کہِ مارمتہِ گناہ گار طریقو روزان، یمہِ دنیاہ کِس روحس تابعہ روٗزتھ۔ توٚہہِ کرنو بد روحن ہنٛدؠ حکمران رہنمائی یِمن یمہِ دنیاہ کٮ۪ن حٲکمن پٮ۪ٹھ اختیار چُھ۔ یہٕ حکمران چُھ شیطان، یُس وۅنؠ تِمن لوٗکن ہنٛدِ ذریعہ کٲم کران چُھ یِم خدایہ سنٛز نافرمٲنی چھِ کران۔3أسؠ سٲری ٲسؠ تِتھے پٲٹھؠ روزان یتھ پٲٹھؠ یِم لوٗکھ روزان ٲسؠ یِم خدایہِ سنٛز نافرمٲنی چھِ کران۔ اسہِ کٔرؠ تِم بُرٕ چیز یِم اسہِ یژھؠ، تِم چیز یِم سانین جسمن تہٕ دماغن منٛز خوشی انن۔ أسؠ ٲسؠ مستحق زِ خدا گژھہِ اسہِ واریاہ ناراض گژھُن، تِتھے پٲٹھؠ یتھٕ پٲٹھؠ سُہ باقین لوٗکن سٟتؠ چُھ۔4مگر خدا چُھ اسہِ پٮ۪ٹھ واریاہ مہربان تکیازِ سُہ چُھ اسہِ واریاہ لول بران۔5خداین بوٚر اسہِ واریاہ لول سُتہ ییٚلہِ أسؠ روحٲنی طور مودمٕتؠ ٲسؠ تہٕ لگاتار گناہ کران ٲسؠ، تٔمؠ کٔرؠ أسؠ مسیحؔ ہس سٟتؠ رلنہٕ باپتھ زنٛدٕ۔ یاد تھٲیِو، ییٚلہِ خداین توٚہؠ روحٲنی طور مرنہٕ نِشہ بچٲیو، سُہ اوس توٚہہِ سٟتؠ واریاہ مہربان تِتھٕ پٲٹھؠ یمِکؠ نہٕ توٚہؠ حقدار ٲسِو۔6خداین بچٲوؠ أسؠ روحٲنی طور مرنہٕ نِشہ تِتھے پٲٹھؠ یِتھٕ پٲٹھؠ تٔمؠ یسوع جسمٲنی طور مرنہٕ نِشہ بچوو تہٕ تٔمؠ تھٲوؠ أسؠ روحٲنی طور پانس سٟتؠ زندٕ۔ پتہٕ دِژ تٔمؠ اسہِ اعزازچ نِشستہٕ یسوع مسیحؔ ہس سٟتؠ آسمانس منٛز حکمرٲنی کرنہٕ باپتھ۔7تٔمۍ کوٚر یہٕ پرٮ۪تھ کٲنسہِ ہاونہٕ باپتھ یِنہٕ وٲلِس پرٮ۪تھ وقتس منٛز زِ سُہ کوتاہ مہربان چُھ یسوع مسیحؔ ہس سٟتؠ سون شٲمل گژھِتھ۔8لہٰذا اوس خدا توٚہہِ پٮ۪ٹھ تِتھٕ پٲٹھؠ واریاہ مہربان یتھ زن نہٕ توٚہؠ مستحق ٲسِو ییٚلہِ تٔمؠ توٚہؠ روحٲنی طور مرنہٕ نِشہ بچٲیو۔ تٔمؠ کوٚر یہِ اوٕ موجُب تکیازِ توٚہؠ چُھو یسوع ہس پٮ۪ٹھ بھروسہٕ کران۔ توٚہہِ چُھنہٕ پنُن پان پانہٕ بچومُت۔ یِہ چُھ خدایہِ سٕنٛدِ طرفہٕ تحفہٕ۔9اکھ تحفہٕ یُس نہٕ کانٛہہ تہِ ہیٚکہِ کمٲوِتھ، لہٰذا ہیٚکہِ نہٕ کانٛہہ تہِ فخر کٔرِتھ تہٕ ؤنِتھ زِ تٔمؠ چُھ پنُن پان بچومُت۔10لہٰذا چُھ خدا اسہِ تی بناوان یہِ سُہ یژھان چُھ؛ یسوع مسیحؔ سٕنٛدِ ذریعہ چُھ تٔمؠ أسؠ بنٲومٕتؠ نٔوؠ لوٗکھ اصل کامہِ کرنہٕ باپتھ تِم چیز یِمن ہُنٛد خداین سانہِ باپتھ گۅڈے بندوبست اوس کوٚرمُت۔11لہٰذا، یاد تھٲیِو زِ توٚہؠ غٲر یہُودؠ لوٗکھ تُہنٛدیو جدٕاجدادو مطٲبق ٲسِو نہٕ خدایہِ سنٛدٮ۪ن لوٗکن سٟتؠ تعلق تھاوان۔ یہُودیو کٔر توٚہہ "غٲر ختنہٕ" ؤنِتھ توٚہہ بےعزتی۔ تم چھِ پننس پانس "ختنہٕ دار" ونان۔ امہِ سٟتؠ چُھ یہُنٛد مطلب زِ تم چھِ خدایہِ سٕنٛدؠ لوٗکھ، نَہ زِ توٚہؠ، حالانکہ ختنہٕ چُھ سُہ چیز یُس انسان چُھ کران یُس صرف جسمس تبدیل چُھ کران، نَہ کہ تیوٚتھ کینٛہہ چیز یُس خدا چُھ کران یُس روح تبدیل چُھ کران۔12یاد تھٲیِو، تٔمہِ وِزِ ٲسِو توٚہؠ مسیحؔ ہس نِش الگ گٔمٕتؠ۔ توٚہؠ ٲسِو اسرائیلی لوٗکن باپتھ غٲر ملکی۔ توٚہہ نیو نہٕ تِمن چیزن منٛز حصہٕ یِمن ہُنٛد وعدٕ خداین تِمن سٟتؠ پننٮ۪ن معاہدن منٛز اوس کوٚرمُت۔ توٚہہِ کٔرِو نہٕ بھروسہٕ سان امید زِ خدا کیا بچاوِ توٚہہِ، نَہ، توٚہؠ ٲسِو خدایہِ سٕنٛدِ ورٲے پوٗرٕ پٲٹھؠ یتھ دنیاہ ہَس منٛز روزان۔13مگر وۅنؠ، کٔروٕ توٚہؠ خداین امسنٛدِس عیالس منٛز شٲمل، تکیازِ توٚہہِ چُھو یسوع مسیحؔ ہس پٮ۪ٹھ بھروسہٕ کوٚرمُت، حالانکہ امہِ برونٛہہ ٲسؠ وون نہٕ توٚہؠ یہِ زانان۔ یہِ اوس ممکن تکیازِ مسیحؔ مود صلیبِ پٮ۪ٹھ تہنٛدِ باپتھ۔14یہٕ پانہٕ مسیحؔ یمؠ یہُودینؔ تہٕ غأر یہُودینؔ باپتھ اکھ أکس سٟتؠ پُر امن طریقہٕ روزُن ممکن بنوو۔ تٔمؠ بناوِ زٕ بیوٚن بیٚون جمٲژٕ کُنی جماتھ۔ دۅشوے جمٲژ آسہٕ اَکھ أکِس نفرت کران، مگر تٔمۍ تُل اکھ أکِس نفرتُک پرٛتھ وجہ الگ ییٚلہِ سُہ اسہِ سارنٕے خٲطرٕ مود۔15تٔمؠ بنوو نہٕ وۅنؠ یہٕ سانہِ باپتھ ضروری زِ أسؠ کرو یہُودی شریعتکٮ۪ن حکمن تہٕ تقاضن ہنٛز اطاعت تاکہِ سُہٕ کرِ اسہِ قبول۔ تٔمؠ کوٚر یہٕ یہُودؠ تہٕ غٲر یہُودؠ لوٗکھ نویٚن لوٗکن منز تبدیل کرنہٕ خٲطرٕہ یِم یِکوٹہٕ امنہٕ سان روزن تِمس سٟتؠ پنن تعلق قٲیم کرنہٕ سببہٕ۔16تٔمؠ کوٚر یہِ تِمن دۅشوٕنؠ جمٲژن خدایس سٕتؠ رلاونہٕ خٲطرٕہ کُنی جماتھ بنٲوِتھ ییٚلہِ سُہ تِمن سارنےٕ ہندِ خٲطرٕ صلیبہِ پٮ۪ٹھ مود۔ تُہنٛدِ باپتھ مرنہٕ سٟتؠ بنوو یسوع ممکن زِ تمن گژھِ روٚٹ اکھ اکؠ سنٛدؠ تہٕ خدایہِ سنٛدؠ دشمن بننس۔17یسوع آو تہٕ کوٚرُن خوش خبری ہُنٛد اعلان زِ أسؠ ہیٚکو خدایس سٟتؠ امنہٕ سان روزِتھ۔ تٔمؠ کوٚر یہٕ اعلان توٚہہِ غٲر یہُودینؔ سٟتؠ، یِمنہٕ خدایس متعلق زانان ٲسؠ، تہٕ اسہِ یہُودینؔ، یم خدایس متعلق زانان ٲسؠ۔18امہِ وجہ کِنؠ یہ یسوعنؔ اسہِ باپتھ کوٚر، یہُودؠ تہٕ غٲر یہُودؠ دۅشوے ہیکن وۅنؠ خدایہِ سٕنٛدِ روح کہ مدتہٕ سٟتؠ بب خدایس نِش یِتھ۔19لہٰذا چُھو نہٕ وۅنؠ توٚہؠ غٲر یہُودؠ ایماندار خدایہِ سنٛدیو لوٗکو نِش الگ تراونہٕ یوان، مگر امہِ بجایہ چُھو توٚہؠ تِمن لوٗکن ہنٛدؠ سٲتھی یِم خداین پننہِ خٲطرٕہ الگ چھِ کٔرؠ مٕتؠ، تہٕ توٚہؠ چُھو خدایہِ سٕنٛدِس خاندانس سٕتؠ تعلق تھاوان۔20توٚہؠ چُھو تِمن کنٮ۪ن ہنٛدؠ پأٹھؠ یِمہٕ خداین أکِس عمارژ منٛز یِکوٹہٕ چھےٚ تھاومژٕ، تہٕ رسول تہٕ نبی چھِ امہِ عمارژ ہنٛزن کٕنہٕ کنٮ۪ن ہنٛدؠ پٲٹھؠ۔ توٚہؠ چُھو تہنٛدِس ہیچھنٲوؠ مٕتِس پٮ۪ٹھ منحصر، یتھٕ پٲٹھؠ عمارژ ہنٛزٕ کنہِ تِمن بوٚنمٮ۪ن کٕنہٕ کنٮ۪ن پٮ۪ٹھ منحصر چھےٚ آسان یِمہٕ اکھ سیٚود تہٕ مضبوط دیوار بناوان چھِ۔ یسوعؔ مسیحؔ چُھ پانہٕ زن کُنہِ کنہِ ہنٛدؠ پٲٹھؠ، یۅسہٕ عمارژ ہنٛز اکھ اہم کٔنؠ چھےٚ۔21یسوعؔ چُھ یمہِ کتھہِ ہُنٛد فٲصلہٕ کران زِ پرٮ۪تھ شخص کتھ سٟتؠ چُھ تعلق تھاوان، یتھٕ پٲٹھؠ اکھ کوٗنہٕ کٔنؠ چھےٚ یمہِ کتھہِ ہُنٛد فٲصلہٕ کران زِ عمارژ منٛز کۅس کٔنؠ کتہِ شوٗبہِ۔ یتھٕ کِنؠ اکھ عمارت بناون وول کنہِ یِکہٕ وٹہٕ جوڑان چُھ اکھ پاک ہیکل بناونہٕ خٲطرٕ، یسوع چُھ پننہِ خاندانکٮ۪ن مومِنن یِکہٕ وٹہٕ اکھ کُنی پاک جماتھ بننہٕ خاطرٕ جمع کران یۅسہ خداوند سنٛز خدمت کرِ۔22تکیازِ توٚہؠ چُھو یسوع ہس سٟتؠ تعلق تھاوان، سُہ چُھو توٚہہ یہوٗدٮ۪ن تہٕ غٲر یہوٗدٮ۪ن دۅشوٕنؠ یکوٹہٕ أکِس خاندانس منز انان یۅسہٕ اکہِ عمارژ ہنٛدؠ پٲٹھؠ چھےٚ یتھ منز خدا پننہِ روح کہِ ذریعہ روزان چُھ۔
Bridge Connectivity Solutions Pvt. Ltd.