اِفسِیونؔ1
1بہٕ چُھس پولُسؔ۔ یسوعؔ مسیحؔ ہن سوزُس بہٕ تمؠ سنٛز نمایندگی کرنہِ تکیازِ یہٕ چُھ تی یہِ خدا یژھان اوس۔ بہٕ چُھس یہ چِٹھؠ تِمن لوٗکن لیٚکھان یِم خداین پانس کِتؠ الگ چھِ کٔڈؠ مٕتؠ یِم افسس شہرس منٛز چھِ روزان تہٕ یِم یسوعؔ مسیحؔ سٕنٛدؠ وفادار چھِ۔2سون بب خدا تہٕ سون خداوند یسوع مسیحؔ بٔنِن لگاتار توٚہہِ پٮ۪ٹھ مہربان تہٕ بنٲوؠ نےَ ژےٚ پُر امن۔3خدایہ سٕنٛدؠ کٔرِو تعریف، یُس سٲنِس خداوند یسوعؔ مسیحؔ سُنٛد بب چُھ! تٔمؠ چھےٚ اسہِ آسمانہٕ پٮ۪ٹھٕ یِنہٕ واجنہِ پرٮ۪تھ قٕسمٕچ روحٲنی نعمت بخشمٕژ تکیازِ أسؠ چھِ مسیحؔ ہس سٟتؠ تعلُق تھاوان۔4درحقیقت، دنیا بناونہٕ برونٛہہ کوٚر خداین سون مسیحؔ ہس سٟتؠ تعلق تھاونہٕ باپتھ انتخاب، تاکہِ مسیحؔ ہیٚکہٕ اسہِ پننہٕ خاطرٕ پوٗرٕ پاک بنٲوِتھ۔ تکیازِ خدا چُھ اسہِ لول بران،5تٔمؠ کوٚر فٲصلہٕ واریاہ برونٛہہ زِ سُہ نِیہِ اسہِ پننیٚو شُریٚو رنٛگؠ منٛگتہ یسوعؔ مسیحؔ سٕنٛدِ ذریعہ۔ یہِ کرنہٕ سٟتؠ گو سُہ خوش، لہٰذا کوٚر تٔمؠ تی یہِ سُہ کرُن یژھان اوس۔6امہِ وجہ کِنؠ، چھِ أسؠ وۅنؠ خدایہِ سٕنٛدؠ تعریف کران زِ سُہ چُھ اسہِ پٮ۪ٹھ واریاہ مہربان، تمہِ کھۅتہٕ زیادٕ یمِکؠ أسؠ حقدار چھِ، یتھٕ پٲٹھؠ تٔمؠ اسہِ برکتھ دِژ پننِس گۅبٕرؠ سٕنٛدِ ذریعہ یمِس سُہ لول بران چُھ۔7ییٚلہِ یسوعؔ سانہِ بدل مود، تٔمؠ چُکوو سانہِ گنہُک قٟمت، یعنی، ییٚلہ سُہ سانہِ باپتھ مود، خداین دِژ اسہِ سانٮ۪ن گُنہن معافی تکیازِ سُہ چُھ سٮ۪ٹھا کثرت سان تہٕ فراخ دلی سان اسہِ پٮ۪ٹھ مہربان۔8خدایس ٲس پتاہ زِ اسہِ پیٚیہِ أمؠ سنٛز ضروٗرت زِ سُہ روزِ اسہِ پٮ۪ٹھ یتھٕ پٲٹھؠ مہربان تکیازِ خدا چُھ سورےٕ زانان تہٕ چُھ پوٗرٕ دٲنش منٛد۔9یتھٕ پٲٹھؠ کۅر خداین وۅنؠ پنُن منصوبہ اسہِ نِش ظٲہر یُس نہٕ تٔمؠ امہِ برُونٛہہ کٲنسہِ نِش تہِ ظٲہر اوس کۅرمُت، اکھ تیُتھ منصوبہ یُس سُہ مسیحؔ سنٛزِ کامہِ سٟتؠ پورٕ کرنس منٛز خۅش اوس۔10اتھ منصوبس منٛز، ییٚلہ وق بالکل صحیح اوس، مسیحؔ کرِ تمام چیزن پانس تحت یکجا تاکہِ آسمانس منٛز تمام چیز تہٕ زمینس پٮ۪ٹھ تمام چیز بنن مسیحؔ سٕنٛدؠ۔11تکیازِ یمہِ کِنؠ مسیحؔ ہن یہِ کوٚر، خداین تہِ اوس دعویٰ کۅرمُت اسہِ پنُن زاننُک۔ تٔمؠ کوٚر یہِ کرنُک واریاہ برونٛہہ منصوبہ، تہٕ سُہ چُھ ہمیشہٕ بالکل تی کران یہِ سُہ یژھان چُھ۔12خدایہِ سٕنٛدِس منصوبس منٛز، ٲسؠ أسؠ یہُودؠ، یمو مسیحؔ ہس پٮ۪ٹھ ساروٕے برُونٛہہ بھروسہٕ کۅر، روزن خدایہ سٕنٛدؠ تعریف کرنہٕ باپتھ زندٕ تکیازِ سُہ چُھ واریاہ عظیم۔13پتہٕ بوزُو توٚہہ غٲر یہُودیو تہِ پوٚز پٲغام، یہٕ رٕژ شیٚچھ زِ خدا کِتھ کٔنؠ چُھ توٚہہِ بچاوان، تہٕ توٚہہِ کوٚرو مسیحؔ ہس پٮ۪ٹھ اعتماد۔ ییٚلہِ توٚہہ تہِ کوٚرُو، خداین جوڑِو توٚہؠ مسیحؔ ہس سٟتؠ پاک روح دِتھ، یِتھ کِنؠ تٔمؠ وعدٕ اوس کوٚرمُت۔14پاک روح چُھ تٔمہِ رقمٕکؠ پٲٹھؠ یُس یہِ ثٲبت چُھ کران زِ خدا دِیہ اسہِ باقی تِم چیز تہِ یِم تٔمؠ اسہِ دِنُک وعدٕ چُھ کوٚرمُت تمہِ وزِ ییٚلہ سُہ سٲری چیز یلہٕ تراوِ یِم سانہِ باپتھ چھِ۔ خدا سٕنٛدؠ تعریٖف کٔرِو تکیازِ سُہ چُھ واریاہ عظیم!15تکیازِ خداین چُھ یہٕ سورےٕ توٚہہِ خٲطرٕ کوٚرمُت، تہٕ امہِ کِنؠ زِ لوٗکو چُھ مےٚ ووٚنمُت زِ توٚہؠ کِتھٕ کِنؠ چُھو خداوند یسوع ہس پٮ۪ٹھ بھروسہٕ کران تہٕ توٚہؠ کوتاہ چُھو تمام مومِنن لول بران،16بہٕ چُھس تہنٛدِ باپتھ لگاتار خدایہِ سُنٛد شُکریہ ادا کران یہِ زن بہٕ خدایس کتھ کرنہٕ وِزِ توٚہہِ متعلق ونان چُھس ییٚلہِ بہٕ تس سنٛز عبادت چُھس کران۔17بہٕ چُھس دُعا کران زِ سون خداوند یسوع مسیحؔ سُنٛد بب، بخشہِ پنُن روح توٚہہِ عقلمند بناونہٕ باپتھ تہٕ توٚہہِ برونٛہہ ظٲہِر گژھنہٕ باپتھ تاکہ توٚہؠ ہیٚکؠ وون سُہ بہتر پٲٹھؠ زٲنِتھ۔ 18بہٕ چُھس دعا کران زِ خدا بناوِ توٚہہِ چیز وُچھنس قٲبل یتھٕ پٲٹھؠ تِم پٔزی چھِ تاکہ توٚہہ لگن خدایہِ سٕنٛدؠ سانہِ باپتھ پتاہ حٲرتہٕ وٲلؠ منصوبہ تکیازِ تٔمؠ چھِ أسؠ پنٕنؠ لوٗکھ مٲنؠ مٕتؠ۔ بہٕ چُھس دُعا کران زِ توٚہہِ لگہ پتاہ تِمن حٲرت انگیز تہٕ شاندار چیزن ہُنٛد یِم تٔمؠ اسہِ تہٕ سارنٕے مومِنن دِنُک وعدٕ چُھ کوٚرمُت۔19تہٕ بہٕ چُھس دعا کران زِ توٚہہِ لگہ پتاہ زِ خدا کوتاہ طاقتور طریقو چُھ اسہِ خاطرٕ کٲم کران یِمن مسیحؔ ہس پٮ۪ٹھ یقین چُھ۔ سُہ چُھ سانہِ باپتھ تِتھے طاقتہٕ سان مضبوط20یتھٕ پٲٹھؠ سُہ مسیحؔ سنٛدِ خٲطرٕہ اوس ییٚلہ تٔمؠ مسیحؔ مرنہٕ پتہٕ بیٚیہِ زندٕہ گژھنُک سبب بنوو، تہٕ تُلُن سُہٕ آسمانس منز ساروٕے کھۅتہٕ تھدِ اعزازکِس مقامس پٮ۪ٹھ۔ 21مسیحؔ چُھ تتہِ پورٕ اختیارٕ سان پرٛتھ کٲنسہِ حٲکمس تہٕ طاقتور روحس پؠٹھ اختیارٕ کس پرٛتھ أکس سۅتھرِس پؠٹھ حکمرانی کران بیٚیہِ تتھ پرٮ۪تھ کُنہِ ذٲژ پؠٹھ یتھ لوکھ تعظیٖم کران چھِ۔ سُہ چُھ تِمن پؠٹھ حکمرٲنی کران أزؠ یوت نہٕ کینٛہہ بلکہ ہمیشہ خٲطرٕ۔22خداین بنوو سورےٕ کینٛہہ مسیحؔ سُنٛد تابعہ تہٕ چُھن پریتھ جایہٕ تمام مومِنن منز پریتھ چیزس پٮ۪ٹھ مسیحؔ حکمران مقرر کوٚرمُت۔ 23أسؠ ایماندار چھِ مسیحسؔ سٟتؠ تعلق تھاوان یتھٕ پٲٹھؠ أکِس شخصہٕ سنٛدؠ جسمٕکؠ تان چھِ امسنٛدِس کلس سٟتؠ تعلق تھاوان۔ سُہ چُھ تمام ایماندارن تِم تمام چیز سوزان یمچ تِمن کمی چھےٚ تِتھے پٲٹھؠ یتھٕ پٲٹھؠ سُہ پرٮ۪تھ جایہٕ چُھ ہر کانٛہہ چیز مکمل چُھ کران۔
Bridge Connectivity Solutions Pvt. Ltd.