اِستِثنا20
1موسیٰؔ رود ہٮ۪تھےٕ اسرائیل ین ونان زِ "ییٚلہ تُہنٛدؠ سِپاہ تُہنٛدین دشمنن سٟتؠ جنٛگ کرنہِ نیرن تہٕ توٚہؠ وُچھو تِمن واریاہ گُرؠ، رتھ تہٕ تِہُنٛد فوج پننہِ فوجہ نشہٕ واریاہ بوٚڈ مگر توٚہؠ کھوٚژؠ زیٚو نہٕ تکیازِ سون خدا یہُوواہؔ یمؠ تُہنٛدؠ جدٕاجداد مِصرٕ منٛزٕ حفاظتہٕ سان کٔڈؠ آسہ توٚہہِ سٟتؠ۔2ییٚلہ توٚہؠ جنگ شروع کرنہٕ باپتھ تیار ٲسیٚو تہٕ سردار کاہن گژھِ فوجس برُونٛہہ کنہِ کھڑا آسُن۔ 3سُہ گژھِ تِمن ونُن، اے اسرائیل کیٚو، میٲنؠ کتھ بوزیٚو! از چُھو توٚہؠ پننٮ۪ن دشمنن سٟتؠ جنگس نیران۔ کھوژیٚو مہٕ،4تکیازِ سون خدا یہُوواہؔ گژھِ توٚہہ سٟتؠ۔ سُہ لڑِ تُہنٛدِ باپتھ تُہنٛدین دشمنن سٟتؠ۔ تہٕ توٚہہ بنایو تِمن شِکس دِنس قٲبل۔"5پتہٕ ونن فوجی افسر ضروری پننِس فوجس، "اگر توٚہہ منٛزٕ کٲنٛسہِ نُوو گھرٕ بنومُت چُھ تہٕ سُہ چُھس نہٕ خدایہ سنٛدِ باپتھ وقف کوٚرمُت، سُہ گٔژھِن گھرٕ تہٕ کٔرِنؠ تتھ وقف۔ اگر سُہ تہِ کرِنہٕ، تہٕ پتہٕ جنگس منٛز گُذریو، بدل کانٛہہ ییہِ تہٕ کریٚس قبضہٕ تہٕ بسہِ تتھ منٛز۔6اگر توٚہہ منٛزٕ کٲنٛسہِ دچھِ باغ لوگمُت چُھ تہٕ وُنہِ چھیٚس نہٕ تتھ دچھ وٲجمٕژ، تہٕ سُہ گٔژھِن گھرٕ۔ اگر سُہ یتی رود تہٕ جنگس منٛز مود تہٕ بدل کانٛہہ والہ سۅ دچھ تہٕ تتھ شراب بنٲوِتھ تُلہ مزٕ۔ 7اگر توٚہہ منٛز کٲنٛسہِ زنہِ سٟتؠ رشتہٕ گنٛڈتھ چُھ تہٕ وُنہ چُھس نہٕ خاندر کوٚرمُت، سُہ گژھِن گھرٕ۔ اگر سُہ یتؠ رود تہٕ جنگس منٛز مود تہٕ بدل کانٛہہ ییہِ تہٕ کرِ تمِس سٟتؠ خاندر۔" 8پتہٕ پزِ افسرس یتہِ ونُن، "اگر توٚہہ منٛزٕ کانٛہہ کھۅژان چُھ یا کھۅژٕ بُڈٕ چُھ، سُتہ گٔژھِن گھرٕ، یُتھ نہٕ یہ سپدِ زِ تمسنٛدین سٲتھی سِپہن تہِ پُھٹہِ ہمت تہٕ حوصلہٕ۔"9ییٚلہ افسر سِپہن یہ ؤنِتھ مۅکلاون، تِمن پزن ضروری تِمن باپتھ کمانڈر مقرر کرٕنؠ۔10ییٚلہ توٚہؠ کُنہِ دوٗر شہرس منٛز حملہٕ کرنہٕ باپتھ گٔژھِیٚو تہٕ گۅڈٕ ؤنؠ زیٚو تتہِ کٮ۪ن لوٗکن زِ اگر تِم ہتھیار تراون تہٕ توٚہؠ کٔرؠ زیٚو نہٕ تیٚلہ تِمن پٮ۪ٹھ حملہٕ۔11اگر تِم شہرچہٕ پھاٹکہٕ یلہٕ تراون تہٕ ہتھیار تراون تہٕ تِم سٲری بنن تُہنٛدؠ غلام تہٕ کرن تُہنٛدِ باپتھ کٲم۔12وۅنؠ اگر تِم امنہٕ سان ہتھیار تراونہٕ نشہٕ انکار کرن تہٕ توٚہہِ خلاف لڑنُک فٲصلہٕ کرن تہٕ تُہنٛدِس فوجس پزِ شہرس گیرٕ کرُن تہٕ دیوار دٔرِتھ دِنؠ۔13پتہٕ ییٚلہ سون خدا یہُوواہؔ توٚہہ شہرس پٮ۪ٹھ قبضہٕ کرنس قٲبل بناوِ تہٕ توٚہہ پزن شہرٕکؠ تمام مرٕد قتل کرٕنؠ۔14مگر توٚہہ چُھ اجازت زِ تمہ زنہِ، بچہٕ، چاروٲے تہٕ سُہ پرٮ۪تھ کانٛہہ چیز یُس توٚہؠ شہرٕ منٛز انُن یژھیٚو۔ توٚہہ چُھ تِمو ساروےٕ چیزو سٟتؠ لطف اندوز سپدنُک اجازت یمہٕ تُہنٛدین دشمنن ہنٛدؠ ٲسؠ، تِم چیز یمہٕ سٲنؠ خدا یہُوواہنؔ توٚہہِ دِتؠ۔15یہ چُھ توٚہہ پرٮ۪تھ کُنہِ شہرس منٛز کرُن یمہٕ امہِ ملکہٕ نشہٕ دوٗر آسن یتہِ توٚہؠ آباد سپدیٚو۔16مگر تِمن شہرن منٛز یمہٕ اتھ ملکس منٛز چھِ یمہٕ سون خدا یہُوواہؔ توٚہہِ دِوان چُھ چھِ توٚہہِ تمام لوٗکھ تہٕ سٲری جانور قتل کرٕنؠ۔17توٚہہ چُھ پوٗرٕ پٲٹھؠ حِتی، عمور، کنعان، فِرزی، حوی تہٕ یبوسی قومو نشہٕ مکمل پٲٹھؠ نجات پراوُن یہ زن سٲنس خدا یہُوواہؔ سُنٛد توٚہہ حکم چُھ۔18اگر توٚہؠ یہ کٔریٚو نہٕ تہٕ تِم ہیٚچھناون توٚہہ یہُوواہسؔ خلاف گناہ کرٕنؠ تہٕ تمہٕ بُرٕ کامہِ کرنہِ یمہ پننٮ۪ن معبودن ہنٛز عبادت کرنہٕ وزِ کران چھِ۔19اگر توٚہؠ واریہس کالس قبضہٕ کرنہٕ موٚکھٕ کُنہ شہرس گیرٕ کٔرِتھ روزیٚو تہٕ تتھ دوران ژٔٹؠ زیٚو نہٕ شہرس نیٚبرؠ تبرِ سٟتؠ میٚوٕ دار کُلؠ۔ توٚہہ چُھ کُلیٚو پٮ۪ٹھٕ میٚوٕ کھنُک اجازت، مگر کُلٮ۪ن ددارٕ واتناونُک نہٕ کینٛہہ، تکیازِ تِم چھنہٕ تُہنٛدؠ دشمن۔20توٚہہ چُھ اجازت زِ توٚہؠ ژٔٹیٚو ہیرٕ تہٕ میٖنار بناونہٕ باپتھ باقی کُلؠ یُتھ توٚہؠ دیوارو پیٚٹھؠ پٔکِتھ شہرس پٮ۪ٹھ قبضہٕ کٔرتھ ہکیٚو۔"
Bridge Connectivity Solutions Pvt. Ltd.