اِستِثنا19
1ییٚلہ سٲنؠ خدا یہُوواہنؔ تِمن لوٗکن ہنٛزٕ جمٲژ تمہِ سرِزمینہِ پٮ۪ٹھٕ تباہ کرِ تہٕ ییٚلہِ توٚہہ تِم تِمو شہرو منٛزٕ کٔڈؠ ووکھ تہٕ توٚہہ کوٚرو تِہنٛدین گھرن منٛز روزُن شُروع،2توٚہہ پزیٚو ترین حصن منٛز سۅ زمین تقسیم کرٕنؠ یۅسہ سُہ توٚہہِ دِوان چُھ۔ پتہٕ ژٲرؠ وون پرٮ۪تھ حصس منٛز اکھ شہر۔3توٚہہ پزن اصلہِ سڑکہٕ بناونہِ تاکہ لوٗکھ ہیٚکن یِمن شہرن تام آسٲنی سان وٲتِتھ۔ یُس نفر کٲنٛسہِ دویمِس فردس ماران آسہ سُہ ہیٚکہ پان بچاونہٕ باپتھ یمو شہرو منٛزٕ کُنہِ اکِس شہرس کُن ژٔلِتھ۔ 4یہ اصول چُھ تس شخصس متعلق یمؠ کانٛہہ دویم شخص مورمُت آسہ۔ اگر کانٛہہ وشفن کانٛسہ شخصہٕ سنٛدِ سٟتؠ مودمُت آسہ یُس نہٕ تس دشمن آسہ ہے، تہٕ سُہ ہیٚکہٕ یمو منٛزٕ کُنہ اکِس شہرس منٛز گٔژھتھ پان بچٲوِتھ۔5مثلن اگر زٕ نفر جنٛگل زیٚون ژٹنہِ گژھن تہٕ أکؠ سنٛدِ اتھٕ منٛزٕ آیہ زیٚون ژٹان ژٹان تبر اتھٕ منٛزٕ نیرتھ تہٕ لٔج دویمِس نفرس تہٕ سُہ نفر مود، تہٕ یُس نفر تبر چلاوان اوس تہٕ تس نفرس چُھ اجازت زِ سُہ ہیٚکہ یِمن شہرن کُن ژٔلِتھ تہٕ پان بچٲوِتھ۔ تکیازِ تمہِ شہرٕکؠ لوٗکھ کرن تس حفاظت۔6تکیازِ تمؠ مور وشفن کانٛہہ حالانکہ سُہ شخص اوس نہٕ تس دشمن تہِ اوِ کِنؠ ہیٚکہِ سُہ تِمو شہرو منٛزٕ کُنہِ اکِس کُن ژلنٕچ کوشش کٔرِتھ۔ اگر اکُے شہر آسہ تہٕ سُہ ٲسؠ تن تمہِ شہرٕ نشہٕ دوٗر تہِ۔ پتہٕ اگر بدلہٕ ہیٚنہٕ وول مٲرؠ مٕتؠ سُنٛد کانٛہہ رشتہٕ دار واریاہ شرارتس منٛز آسہ تہٕ سُہ ژھنہِ تتھ شہرس منٛز واتنہٕ برُونٛٹھےٕ کٲنٛسہِ دوٚیمِس نفرس رٔٹِتھ۔7اوٕ کِنؠ چُھسو بہٕ توٚہہِ حکم دِوان زِ امہِ موٚکھٕ ژٲریٚو توٚہؠ ترےٚ شہر۔8اگر توٚہؠ تہِ سورےٕ کٔریٚو یمیُک بہٕ توٚہہ از حکم کران چُھسو تہٕ اگر توٚہؠ سٲنِس خدا یہُوواہسؔ سُنٛد محبت تھاوان چُھو تہٕ پنٕنؠ زندگی تمؠ سنٛزِ مرضی مطٲبق پکنٲیو تہٕ سون خدا یہُوواہؔ کرِ توٚہہ امہِ کھۅتہٕ تہِ زیادٕ زمین عطا یۅسہ توٚہہِ چھیٚو۔ ییٚلہ توٚہہِ گۅڈنچہِ لٹہِ اتھ پٮ۪ٹھ قبضہٕ کوٚرو یہ تٔمؠ کرنُک وعدہ کوٚرمُت اوس۔ سُہ دییہ توٚہہ سۅ سٲرےٕ زمیٖن یمیُک تٔمؠ تُہنٛدین جدٕاجدان وعدہ کوٚرمُت اوس زِ سۅ میلہِ توٚہہِ۔ ییٚلہ سُہ توٚہہ سۅ زمین دییہِ تہٕ توٚہہِ پزن بیٚیہِ ترےٚ شہر ژارٕنؠ یوٚت لوٗکھ ژٔلِتھ ہیٚکن۔10یہ کٔرؠ زیٚو اوٕ مۅکھٕ زِ یِم لوٗکھ بے قصور آسن تِم مرن نہٕ، تہٕ توٚہؠ بٔنِو نہٕ مجرم تِمن سزا دِنُک اِجازت دِنہٕ خٲطرٕ، تتھ ملکس منٛز یُس یہُوواہؔ توٚہہِ دِوان چُھ۔11مگر فرض کرو زِ کانٛہہ آسہ پننِس دشمنس سٟتؠ نفرت کران تہٕ ژھوٚپہٕ کٔرِتھ بہیہ تس نفرس وتہِ منٛز زاگہِ۔ پتہٕ ییٚلہ سُہ تپٲرؠ نیرِ تہٕ یہ کریس اچانک حملہٕ کرِتھ قتل۔ اگر یہ حملہٕ آور تِمن شہرن کُن بچنہٕ خٲطرٕ ژلہِ،12تمہِ شہرٕ کٮ۪ن بُزرگن پزِ نہٕ تمِس حملہٕ آور سنٛز حفاظت کرٕنؠ یتہِ قتل سپُدمُت آسہ۔ تِمن پزِ کانٛہہ تتھ شہرس منٛز سوزُن یوٚت سُہ نفر ژوٚلمُت آسہ، تہٕ سُہ قٕساس ہیٚنہٕ خٲطرٕ واپس انُن، یُتھ زن سُہ نفر مٲرِتھ ہیٚکہِ۔13توٚہہ گژھِ نہٕ تِمن نفرن پٮ۪ٹھ رحم یُن یمہٕ کٲنٛسہِ قتل کرن۔ امہِ بجایہ پزنو توٚہہِ تِم قتل کرٕنؠ، یُتھ زنہٕ اسرائیل چہ سرِزمینہِ پٮ۪ٹھ لوٗکھ بےگناہ قتل سپدن، تہٕ امہِ سٟتؠ روزن تُہنٛدِ باپتھ ماملات واریاہ ٹھیک۔ 14ییٚلہ توٚہؠ تتھ ملکس منٛز روزان ٲسیٚو یُس سون خدا یہُوواہؔ توٚہہ دِوان چُھ تہٕ تتہِ ڈٲلؠ زیٚو نہٕ پننٮ۪ن ہمساین ہنٛدین جادادٕ کیٚن حدودن ہنٛدؠ نشانہٕ۔ یمہٕ تتہِ واریاہ برُونٛہہ مقرر کرنہٕ چھِ آمٕتؠ۔ 15اگر کٲنٛسہِ فردس پٮ۪ٹھ کُنہِ جُرمُک الزام لاگنہٕ آسہ آمُت، تہٕ اکھ شخص یُس ونان آسہ زِ مےٚ وُچھ سُہ یہ کران، سُہ قصور وار زاننہٕ باپتھ چُھنہٕ یہ کٲفی۔ تتہِ گژھن کم از کم زٕ نفر ضرور آسٕنؠ یمہٕ یہ گواہی دِن زِ اسہِ وُچھ سُہ یہ کران۔ اگر صرف اکھ گواہ آسہ، منصفن پزِنہٕ یقین کرُن زِ یہ کینٛژھا یہ ونان چُھ یہ چُھ پوٚز۔ 16یا فرض کرو کانٛہہ آسہٕ کٲنٛسہِ پٮ۪ٹھ اپُز تحمت لٲگِتھ تس پٮ۪ٹھ ظلم کرنٕچ کوشش کران۔17تیٚلہ پزِ دوٚنونی تتھ جایہ گژھُن یتہِ لوٗکھ عبادت کران چھِ تہٕ تِمن کاہنن تہٕ منصفن سٟتؠ کتھ باتھ کرٕنؠ یمہٕ تمہِ ساعتہٕ خدمت کران آسن۔18منصفن پزِ غورٕ سان مقدِمس تحقیقات کرُن۔ اگر ججن یہ ننیاو زِ أکؠ لوگ بیٚیِس پٮ۪ٹھ غلط الزام،19تمِس شخصس گژھِ سُے سزا دنہٕ یُن یُس سزا بیٚیِس دنہٕ ییہِ ہے اگر زن جج فٲصلہٕ دِہن زِ سُہ چُھ قصوروار۔ یِتھیٚن لوٗکن سزا دنہٕ سٟتؠ ہکیٚو توٚہؠ پننِس سماجس منٛز امہِ بُرایی ہُنٛد خٲطمہٕ کٔرِتھ۔20تہٕ ییٚلہِ تس شخصس سزا دِنہٕ ییہِ تہٕ سٲری لوٗکھ بوزن زِ کیاہ سپُد تہٕ تِمن اژِ خوف تہٕ پتہٕ کرِنہٕ کانٛہہ تہِ ہمت یتھٕ پٲٹھؠ کرنٕچ۔21توٚہہِ پزِ نہٕ تِمن لوٗکن پٮ۪ٹھ ترس کھیٚون یِمن امہِ قسمُک سزا دنہٕ یوان چُھ۔ قٲیِدٕ گژھِ یہ آسُن زِ یمؠ کانٛہہ قتل کوٚر سُہ گژھِ قتل کرنہٕ یُن۔ اگر کٲنٛسہِ أچھ کڈنہٕ آسہ آمٕژ تس أچھ کڈن وٲلِس گژھِ أچھ بدلہٕ أچھ کڈنہٕ یِنؠ، اگر کٲنٛسہِ دنٛد پُھٹراونہٕ آو تس دنٛد پُھٹراون وٲلِس گژھِ دنٛدس بدلہٕ دنٛد پُھٹراونہٕ یُن۔ یمؠ شخصن کٲنٛسہِ اتھٕ ژۅٹمُت آسہ تس تہِ گژھِ تِتھے پٲٹھؠ اتھٕ ژٹنہٕ یُن۔ یمؠ شخصن کٲنٛسہِ کھۅر ژۅٹمُت آسہ تمِس تہِ گژھِ اکھ کھۅر ژٹنہٕ یُن۔
Bridge Connectivity Solutions Pvt. Ltd.