اِستِثنا18
1موسیٰؔ ہن ووٚن اسرائیل ین مزید، "کاہن، یِم سٲری لاوی قبیلٕکؠ چھِ کرن نہٕ اسرائیلس منٛز کانٛہہ تہِ زمین حٲصل۔ امہ بجایہ کرن تِم کینٛہہ کھیٚن تمہِ قربٲنی منٛزٕ حٲصل یۅسہ باقی لوٗکھ قربان گاہس پٮ۪ٹھ زالنہٕ باپتھ پیش کران چھِ تہٕ کینٛہہ باقی قربٲنیہ یمہٕ یہُوواہسؔ نذر کرنہٕ یِن۔2اسرائیلی سٲتھین ییہِ نہٕ کانٛہہ تہِ زمین دِنہٕ یتھ کِنؠ باقی قبیلن دِنہٕ ییہِ۔ تِم یہ کینٛژھا حٲصل کرن سُہ آسہ یہُوواہؔ سنٛدؠ پُزٲرؠ آسنُک اعزاز، یہ تٔمؠ ووٚنمُت چُھ زَ تِمن گژھِ آسُن۔ 3ییٚلہ لوٗکھ قربٲنی باپتھ دانٛد یا کٹھ انان چھِ تِمن پزِ تِمن جانورن ہُنٛد کنٛگو، کلہٕ ماز تہٕ ڈمبِنؠ کاہنن دِنؠ۔4یُس فصل لونیٚو تمیُک گۅڈنیُک حصہ تہٕ مےَ یُس توٚہؠ بناوان چُھو تمیُک گۅڈنیُک حصہ، زیتون تیٖلُک گۅڈنیُک حصہ تہٕ ییرُک گۅڈنیُک حصہ یُس توٚہؠ پننٮ۪ن تیٖرن نیٚتِتھ تیار کران چُھو دیزیٚو ضرور کاہنن۔5توٚہہِ پزِ ضروری یہ کرُن تکیازِ سون خدا یہُوواہؔ چُھ تُہنٛدیٚو تمام قبیلو منٛزٕ لاوی قبیلس ژاران تاکہ تمہِ قبیلٕکؠ لوٗکھ آسن تِم یمہٕ ہمیشہ تمؠ سنٛز خدمت کرن وٲلؠ کاہن آسن۔6اگر لاوی قبیلُک کانٛہہ نفر یُس اسرائیل چہ کُنہ، بستی منٛز روزان آسہ یژھِ تتھ عبادت گاہس منٛز یُن تہٕ تتہِ روزُن یُس یہُوواہنؔ مقرر کوٚرمُت آسہ،7تمِس چُھ تتہِ بحثیتِ کاہن یہُوواہؔ سنٛز خدمت کرنُک اجازت، بلکُل تِتھے پٲٹھؠ یتھٕ پٲٹھؠ لاوی قبیلٕکؠ باقی نفر تتہِ خدمت کران آسن۔8تس ییہِ سُے کھیٚن دِنہٕ یُس باقی کاہنن میلان چُھ۔ تمِس چُھ اجازت، سُہ رقم پانس رٹنُک یُس تمسنٛدؠ رشتہٕ دار کینٛہہ مال کٔنِتھ حاصِل کرن تہٕ أمِس سوزن۔9ییٚلہ توٚہؠ تتھ ملکس منٛز أژیو یُس سون خدا یہُوواہؔ توٚہہِ دِوان چُھ تہٕ توٚہہ پزِنہ تِمن بُرٕ کامٮ۪ن ہُنٛد نقل کرُن یمہٕ تتہِ روزن وٲلؠ لوٗکن ہنٛزٕ جمٲژ کران چھےٚ۔10توٚہہ پزِنہٕ پننیٚو اولادو منٛزٕ کانٛہہ تہِ قربان گاہس پٮ۪ٹھ زٲلِتھ قربان کرُن۔ آینٛدٕ کیاہ چُھ سپدن وول یہ زاننہٕ خٲطرٕ چُھنہٕ توٚہہ علمِ نجوم زانن والٮ۪ن کُن رجوع کرنٕچ کوشش کرٕنؠ۔ یہ زاننہٕ باپتھ جادین ہُنٛد استعمال کرُن تہٕ یہ زاننہٕ خٲطرٕ سِتارٕ یاشگون وُچھ زِ آینٛدٕ کیاہ سپدِ۔ جٲدو گری گژھِ نہٕ ہیٚچھِنؠ۔ لوٗکن گژھن نہٕ جٲدؠ کرٕنؠ۔11موٚردٕ لوٗکن ہنٛدین روحن سٟتؠ گژھِ، نہٕ کتھ کرنٕچ کوشش کرٕنؠ۔ جادو گژھِ نہٕ کرُن۔12یہُوواہؔ چُھ تِمن لوٗکن سٟتؠ نفرت کران یُس تہِ کانٛہہ تِمو منٛزٕ بُرٕ کام کران چُھ۔ تہٕ ییٚلہ توٚہؠ تتھ ملکس منٛز برُونٛہہ پٔکیٚو تہٕ تمہٕ لُکہٕ جمٲژ کٔڈؠ زیوکھ نیٚبر تکیازِ تِم چھِ یمہٕ بُرٕ کامہِ کران۔13مگر توٚہہ پزِ ہمیشہٕ یہُوواہسؔ سٟتؠ وفادٲری ورتاوٕنؠ۔ تہٕ تِمو بُرٕ کامیٚو نشہٕ ہمیشہٕ پرہیز کرُن۔ 14یمہ لُکہ جمٲژ توٚہؠ امہِ زمینہِ پٮ۪ٹھٕ کڈن وٲلؠ چُھو یتھ توٚہؠ قبضہٕ کٔریٚو۔ تِم چھِ کاہنن تہٕ فال وچُھن والٮ۪ن سٟتؠ مشورٕ کران۔ مگر یۅتام تُہنٛد تعلق چُھ، سون خدا یہُوواہؔ دییہِ نہٕ توٚہہ تہِ کرنُک اجازت۔15کُنہِ دوٚہہ سوزِ سُہ توٚہہِ منٛزٕ مےٚ ہیٚو کانٛہہ رسول۔ سُہ ونہِ توٚہہ زِ مستقبلس منٛز کیاہ چُھ سپدن وول، تہٕ توٚہہ پزِ تمؠ سنٛز عبادت کرٕنؠ۔ 16یمہِ دوٚہہ تُہنٛدؠ جدٕاجدادسیناؔ بالہٕ دامنس تل جمع ٲسؠ، تِمو کٔر مےٚ عرضی زِ أسؠ چھنہٕ یژھان زِ یہُوواہؔ گوٚژھ اسہِ سٟتؠ دوبارٕ کتھ کرُن تہٕ أسؠ چھنہٕ سُہ بوٚڈ نار وچُھن یژھان یُس دزان اوس۔ تُہنٛدیٚو جدٕاجدادو ووٚن یہ تکیازِ تِم ٲسؠ کھۅژان اگرے یہُوواہنؔ دُبارٕ تِمن سٟتؠ کتھ کٔر تہٕ تِم مرن۔ 17پتہٕ ووٚن مےٚ یہُوواہنؔ، "یہُنٛد ونُن چُھ پوٚز۔"18تہٕ بہٕ سوزٕ یمو منٛزٕ توٚہہ ہیٚوٗ کانٛہہ نبی۔ بہٕ ونہٕ تس ونُن کیاہ چُھ، تہٕ پتہٕ ونہِ سُہ لوٗکن تہِ سورےٕ یہ بہٕ تس ونُن ونہٕ۔ 19سُہ کرِ میانِس حقس منٛز کتھ۔ تہٕ بہٕ دمہٕ تس سزا یُس اکھا نہٕ تمؠ سنٛزن کتھن کن تھاوِ۔ 20مگر اگر کانٛہہ شخص یہ ونہِ زِ بہٕ چُھس نبی تہٕ کانٛہہ تِژھ کتھ وننُک جُرت کرِ یۅسہ اپُز آسہ زِ یہ چھےٚ میانہِ طرفہٕ آمٕژ مگر مےٚ اسہِ نہٕ تس تہِ ونُن ونمُت یا تیٚوتھ کانٛہہ پٲغام ونہ یتھ سُہ ونہِ یہ چُھ باقی معبودو تس پٮ۪ٹھ نٲزِل کوٚرمُت۔ یہ کرنس پٮ۪ٹھ گژھِ تس سزاے موت دِنہٕ یُن۔"21مگر شاید ؤنیٚو توٚہؠ پٲنؠ پانس، "أسؠ کِتھٕ کِنؠ ہیٚکو ؤنِتھ اگر کانٛہہ پٲغام ہیٚتھ ییہِ زِ سُہ چُھنہٕ یہُوواہؔ سنٛدِ طرفہٕ آمُت؟22امیُک جواب آسہ یہِ زِ ییٚلہِ کانٛہہ پٲغام ہیٚتھ ییہِ زِ آینٛدٕ کیاہ چُھ سپدن وول، یہ چُھ سُہ پٲغام یُس مےٚ یہُوواہؔ سنٛدِ طرفہٕ نٲزِل سپُد، یہ تٔمؠ ووٚن اگر تہٕ سپُد نہٕ زانُن گژھِ زِ یہ پٲغام اوس نہٕ یہُوواہؔ سنٛدِ طرفہٕ آمُت۔ تمؠ شخصن چُھ غلط دعوا کوٚرمُت زِ یہ اوس تمِس پٮ۪ٹھ یہُوواہؔ سنٛدِ طرفہٕ نٲزِل سپُدمُت۔ لہٰذا چھنہٕ توٚہہ کُنہِ تہِ چیزس کھۅژنٕچ ضرورت یہ سُہ ونان آسہ۔
Bridge Connectivity Solutions Pvt. Ltd.