اعمال5
1ووٚنؠ اوس ایمان والیٚو منٛزٕ اکھ یمسُنٛد ناو حننیاہؔ اوس تہٕ تمؠ سنٛزٕ خاندارنہِ اوس صفیراؔ ناو۔ تٔمؠ تہِ خرچٲو کینٛہہ زمین۔2تٔمؠ تھوو پانس نِش زمین کہ امہِ رقمہٕ منٛزٕ کینٛہہ پونٛسہٕ پانس کِتؠ یہ زن تمؠ سنٛزٕ خاندارنہٕ پےَ اوس زِ تٔمؠ کیاہ کوٚر۔ پتہٕ آو سُہ باقی رقم ہیٚتھ تہٕ کوٚرُن رسولن حوالہٕ۔3پتہٕ ووٚنُس پطرسن، "حننیاہؔ، ژےٚ دِتُتھ شیطانس پانس پیٚٹھ غٲلب سپدنہٕ تکیازِ ژےٚ کٔرتھ روح القدسس دونٛکھٕ دِنٕچ کوشش۔ ژےٚ پٔزؠ ہی نہٕ بُرٕ کام کرٕنؠ۔ زمین کٕنِتھ حٲصل کرنہٕ آمتہِ رقمہٕ منٛزٕ تھووُتھ ژےٚ کینٛہہ رقم پانس نِشہٕ۔ ژےٚ دِتُتھ نہٕ تہِ سورےٕ اسہِ۔4امہ برُونٛہہ زِ ژےٚ کنُتھ یہ زمین، اوسکھ ژٕ پٔزؠ کِنؠ امیُک مٲلکھ۔ تہٕ ووٚنؠ یہ کٕننہٕ پتہٕ تہِ اوس یہ رقم چونےٕ۔ لہٰذا اوسےٕ نہٕ ژےٚ زانٛہہ تہِ یژھِ کمزوری متعلق سونٛچُن۔ ژےٚ کٔرتھ نہٕ صرف اسہِ دونٛکھٕ دِنٕچ کوشش! نہ، ژےٚ کٔرتھ سیٚدِ سیٚود خدایس دونٛکھٕ دِنٕچ کوشش!5ییٚلہ حننیاہنؔ یمہٕ کتھٕ بوزٕ، سُہ پیٚو یکدم پتھر تہٕ مود۔ تہٕ یمو لوٗکو حننیاہؔ سنٛدِ مرنٕچ خبر بوز تِمن ژاو ہٲبتھ۔6کینٛہہ جوان آے برُونٛہہ کُن تہٕ نِیکھ یہ لاش ژادرِ ؤلِتھ نیٚبر تہٕ کٔرکھ دفن۔7لگ بگ ترےٚ گنٹہٕ گٔژِھتھ آیہ تمؠ سنٛز خاندارِنؠ، مگر تمِس اوس نہٕ پتہےٕ زِ سپُد کیاہ۔8پتہٕ ہوو پطرسنؔ تمِس سُہ رقم یُس حننیاہنؔ اونمُت اوس تہٕ پرُژھنس، "مےٚ ونتہٕ، کیاہ یہ چھا سُہ رقم یُس زمینس بدل توٚہہِ دوٚیو بٲژو روٹ؟" تمہِ ووٚن، "آ، یہ چُھ تی یہ اسہِ میول"9پطرسن ووٚن تس، "توٚہہ دوٚنویو کٔرو سیٚٹھاہ بُرٕ کٲم۔ توٚہہ دونوٕیو کوٚرو خداوند سنٛدِس روحَس دونٛکھٕ دِنس پیٚٹھ اتفاق! بوز! ژٕ ہیٚککھ ہُمن نفرن ہنٛدین قدمن ہنٛز آواز بوزِتھ یمو چون خاندار دفن کوٚر۔ تِم چھِ بلکل یتھ دروازس نیٚبرٕ کنہِ، تہٕ تِم نِنے ژیتہِ وُنؠ نیٚبر۔10أتھؠ سٟتؠ پییہِ صفیراؔ تہِ پطرس سنٛدین کھۅرن برُونٛہہ کنہِ تہٕ مویہ۔ پتہٕ ژاے تِم نوجوان اندر تہٕ یتُھے اتہِ وُچھکھ سۅتہِ ممٕژ تہٕ تِمو کٔڈ تمؠ سنٛز لاش نیٚبر تہٕ کٔرکھ پننِس خاندارس نِش دفن۔11یروشلمٕکؠؔ سٲری ایمان وٲلؠ سپٕدؠ امہِ سٟتؠ سیٚٹھاہ خوفزدٕ یہ خداین حننیاہسؔ تہٕ صفیراہسؔ سٟتؠ کوٚر۔ تہٕ باقی سٲری یمو یہ کتھ بوز تِمن تہٕ گو ہٲبتھ۔12خدا اوس نبین واریاہ حٲرت انگیز معجزٕ کرناوان یُتھ زن تِم لوٗکن منٛز تمہِ پزرٕچ منٲدی کرٕہن۔ تمام ایمان وٲلؠ ٲسؠ عبادت گاہ کِس صحنس منٛز تتھ جایہ ہیٚتھےٕ مجلسہٕ کران یتھ سلیمان سُنٛد بیٹھک ونان ٲسؠ۔13باقی تمام لوٗکھ یمہ نہٕ یسوعسؔ پیٚٹھ پژھ کران ٲسؠ، ٲسؠ ایمان والین سٟتؠ روزنس کھۅژان۔ تاہم ٲسؠ تِم ایمان والیٚن سیٚٹھاہ عزت کران۔14تہٕ واریہو مردو تہٕ زنیٚو اوٚن خدا وند یسوعسؔ پیٚٹھ ایمان تہٕ گے ایمان والیٚن ہنٛزِ جمٲژ منٛز شٲمل۔15نتیجہ دراو یہ زِ لوٗکھ ٲسؠ بٮ۪مارن سڑکو پیٚٹھٕ تُلِتھ چارپاین تہٕ پتجن پیٚٹھ تراوان یُتھ زن پطرس اپٲرؠ نیرنہٕ وزِ کانٛسہِ پیٚٹھ کمس کم تمسُنٛد سایہ پییہِ تہٕ شِفا یاب سپدِ۔16یروشلمس نکھٕ شہرو پیٚٹھٕ تہِ وس لوٗکن ہُنٛد اکھ بوٚڈ ہجوم یِمن نبین نِش واتان۔ تِم ٲسؠ بٮ۪مارن تہٕ تِمن لوٗکن انان یمن بد روح پرَکس ٲسؠ ژامٕتؠ، تہٕ خداین کوٚر تِمن سارنےٕ شفا۔17پتہٕ لٔگؠ سردار کاہن تہٕ باقی یِم تس سٟتؠ ٲسؠ یعنی تِم سٲری صدوقی فِرقس سٟتؠ تعلق تھاوان وٲلؠ، نبین سٟتؠ حسد ورتاونہِ۔18چناچہِ تِمو دیُت عبادت گاہ کٮ۪ن رٲچھ درن حکم زِ تِم کرن نبین گِرفتار کٔرِتھ جیلن منٛز بنٛد۔19مگر روتلہِ آو خداوند خدایہ سنٛدِ طرفہٕ اکھ فرشتہٕ تہٕ کٔڈن قٲدخانٕکؠ دروازٕ یلہٕ ترٲوِتھ رسول نیٚبر۔ پتہٕ ووٚن فرشتو نبین،20"عبادت گاہ کِس صحنس منٛز نیریٚو، تتہِ روزیٚو ۅدٕنؠ، تہٕ بوزٕ نٲووکھ لوٗکھ ابدی زندگی ہُنٛد پٲغام"21یہ بوزتھ گے رسول صبحکہِ وقتہٕ عبادت گاہس منٛز دٲخل تہٕ لٔگؠ دوبارٕ عیسیٰؔ ہس متعلق لوٗکن تعلیم دنہِ۔ أتھؠ دوران أنؠ سردار کاہنن تہٕ تٔمسنٛدیٚو سٲتھیو باقی یہُودؠ مجلسہِ مشاورتٕکؠ ارکان ناد دِتھ۔ سٲری اسرائیلی سردار گے جمع۔ یکہٕ وٹہٕ سمنہٕ پتہٕ، سوزؠ یمو رٲچھ در رسول جیلہٕ منٛزٕ اننہٕ باپتھ۔22مگر ییٚلہ یم رٲچھ در قٲدخانس منٛز ژاے تہٕ اتہِ وُچھکھ نہٕ رسول کِہین۔ چناچہ تِم آے زِٹھین نِش واپس تہٕ ؤنؠ ہکھ یہ خبر،23اسہِ وُچھ زِ جیلٕکؠ دروازٕ ٲسؠ سیٚٹھاہ محفوظ پٲٹھؠ بنٛد تہٕ دروازن پیٚٹھ ٲسؠ پہرٕدار کھڑا۔ مگر ییٚلہ اسہِ دروازٕ یلہٕ ترٲوؠ تِم نیٚبر کڑنہٕ خٲطرٕ اندر ژاےتہٕ تِمو منٛزٕ اوس نہٕ کہنؠ جیلس انٛدر۔24ییٚلہ عبادت گاہ کیٚو پہرٕ دارن ہنٛدیٚو سردارو تہٕ سردارو کاہنو یہ بوز تِم سپدؠ سیٚٹھاہ پریشان تہٕ لٔگؠ سونچنہِ زِ سٲری واقات کوٚت واتناون اسہِ۔25تام آو کُستام تہٕ ؤنِن تِمن یہ خبر، "بوزیٚو یہ! وُنؠ وُنؠ یِم نفر توٚہہِ جیل بٔرؠ ووکھ تِم چھِ عبادت گاہ کِس صحنس منٛز کھڑا لوٗکن تعلیم دِوان!"26چناچہ عبادت گاہ کٮ۪ن افسرن ہُنٛد سردار گو حٲکمن سٟتؠ عبادت گاہ کِس صحنس منٛز تہٕ أنِن رسول میٹنٛگہِ ہنٛدِس کمرس منٛز بیٚیہِ واپس۔ مگر تِمو کٔر نہٕ تِمن سٟتؠ کانٛہہ بدتمیزی تکیازِ تِمن اوس ہٲبتھ زِ لوٗکھ لاین تِمن کنہِ تہٕ مارنکھ۔27ییٚلہ سردار تہٕ تمسنٛدؠ حٲکم میٹنگہِ ہنحدِس کمرس منٛز رسول ہیٚتھ وٲتؠ تہٕ تِمو دیُت تِمن حکم زِ تِم روزن میٹنگہ ہنٛدین ممبرن برُونٛہہ کنہِ کھڑا تہٕ سردار کاہنن کٔرؠ تِمن سوال۔28تٔمؠ ووٚن تِمن، "اسہِ دِژوو توٚہہِ حکم زِ لوٗکن مہٕ دِیو تمِس نفر یسوعسؔ متعلق تعلیم پوٗرٕ یروشلمس منٛز۔ مگر توٚہہِ مونو نہٕ سون، امہ علاوٕ چُھو توٚہؠ یہ وننٕچ کوشش کران زِ أسی چھِ تمِس نفرٕ سنٛدِ موتٕکؠ قصوروار!29مگر پطرسن دیُت پننہِ تہٕ باقےٕ نبین ہنٛدِ طرفہٕ تِمن یتھٕ کنؠ جواب، "اسہِ چھےٚ سۅ کتھ مانٕنؠ یمیُک حکم اسہِ خدا دِوان چُھ نکہِ تہِ یہ اسہِ توٚہؠ ونان چُھو۔30توٚہؠ چُھو تمہ یمو یسوع صلیبس پیٚٹھ کِلؠ ٹھٲسِتھ قتٕل کوٚر! مگر خداین، یمِس سٲنؠ جدٕاجداد عبادت کران ٲسؠ، کوٚر سُہ مرنہٕ پتہٕ دوبارٕ زنٛدٕ۔31خداین دیُت یسوعسؔ تیوٗت عزت یوٗتاہ نہٕ تٔمؠ بیٚیہِ کانٛسہِ دیتمُت اوس۔ تٔمؠ بنوو سُہ اسہِ بچاون وول تہٕ سون حٲکم۔ تٔمؠ کوٚر اسہِ اسرائیل ین گُنہو نِشہٕ پتھ روزنُک توفیق عطا۔ تاکہ سُہ کرِ سٲنؠ گناہ معاف۔32أسؠ رودؠ لوٗکن تِمن چیزن متعلق ونان یمہٕ أسؠ زانان چھِ یسوعسؔ سٟتؠ سپدؠ۔ روح القدس، یُس خداین اسہِ عطا کوٚر، یُتھ أسؠ تس سنٛز عبادت کرو، تٔمؠ تہِ کوٚر اتھ پزرس تصدیق"33ییٚلہ میٹنگہِ منٛز موجود ممبرو یہ بوز تِم گے نبین پیٚٹھ سیٚٹھاہ ناراض تہٕ تِم ٲسؠ تِمن مارُن یژھان۔34مگر میٹنٛگہِ منٛز اوس فریسی جمٲژ ہُند اکھ رُکن یمِس گملی ایل ناو اوس۔ تٔمؠ دِژ لوٗکن یہُودؠ قانونٕچ زان لہٰذا ٲسِس تمام یہُودؠ احترام کران۔ سُہ وُتھ محفلہِ منٛزٕ تھوٚد تھٕ ونُن رٲچھ درن زِ رسول کٔڈؠ ووکھ رژھِ کھنٛجہِ کمرٕ منٛزٕ نٮ۪بر۔35ییٚلہ پہرٕدر رسول ہیٚتھ نٮ۪بر دراے تہٕ تٔمؠ ووٚن کونسل کٮ۪ن باقی ممبرن، "اسرائیلی بایو، توٚہؠ سونٛچو ہنا غورٕ سان زِ توٚہؠ کیاہ چُھو یژھان یمن نفرن سٟتؠ کرُن۔36کینٛہہ وری برُونٛہہ کٔر تھیُوداس ناوٕکؠ أکؠ شخصن حکومتس سٟتؠ بغاوت۔ تٔمؠ ووٚن لوکن زِ بہٕ چُھس اکھ اہم شخص، تہٕ تمِس سٟتؠ رلیاے قریبن ژور ہتھ نفر۔ مگر سُہ آو مارنہٕ، تہٕ تِم سٲری گے اورٕ یور یِم تس سٟتؠ ٲسؠ۔ اوٕ کِنؠ رودؠ نہٕ تِم تتھ قٲبل یُس منصوبہ تِمو بنومُت اوس۔37تمہِ پتہ ییٚلہ تم لوٗکن نِش محصول ننہٕ باپتھ مردم شمٲری کران ٲسؠ تہٕ گلیلؔ علاقٕکؠ یہُوداؔ ناوٕکؠ اکؠ شخصن کٔر بغاوت تہٕ کینٛہہ لوٗکھ گے تس ساتھ دِنس پیٚٹھ آمادٕ۔ مگر سُتہ آو مارنہٕ تہٕ تِم سٲری لوٗکھ یمہ تس سٟتؠ ٲسؠ گے مختلف علاقن کُن۔38لہٰذا چُھسو ووٚنؠ بہٕ توٚہہِ ونان زِ یمن نفرن مہٕ واتنٲیو نۅقصان۔ یم ترٲوؠ ووکھ یلہٕ! بہٕ چُھسو اوٕ موکھٕ یہ ونان زِ ووٚنؠ اگر یمہ چیز سپدان چھِ تِم چھِ صرف تِم یمہ انسانن ہنٛدؠ منصوبہ چھِ تہٕ کانٛہہ تہِ ہیٚکہ تِمن رُکاوِتھ۔ تہٕ تِم سپدن ناکام۔39تہٕ ووٚنؠ اگر خداین تِمن یِمن کامٮ۪ن ہُنٛد حکم دیُت تہٕ توٚہؠ ہیٚکہ ووکھ نہٕ تمہٕ رکٲوِتھ تکیازِ توٚہہِ لگیٚو پتاہ زِ أسؠ چھِ خدایس خلاف کٲم کران!" دربارکیٚو کینٛژو ممبرو کوٚر گملی ایل سنٛزِ کتھِ سٟتؠ اتفاق۔40تِمو ووٚن عبادت گاہ کٮ۪ن پہرٕدرن زِ رسول أنووکھ تہٕ تِمن دِیو مار۔ چناچہ پہرٕدارو نی تِم دربار کِس کمرس منٛز تہٕ دیُتہکھ مار۔ پتہٕ دیُتہکھ دربار کیٚو رُکنو حکم زِ یُتھنہٕ لوٗکن یسوعسؔ متعلق مذید کینٛہہ ؤنیٚو، تہٕ پتہٕ ترٲوِکھ رسول یلہٕ۔41یتھٕ کنؠ دراے رسول دربارٕ منٛزٕ نٮ۪بر۔ تِم ٲسؠ خۅشی مناوان زِ تِم چھِ یسوعؔ سنٛدؠ پٲرو کار، خداین بخُش تِمن رۅتبہٕ لوٗکن منٛز رسوا سپدِتھ۔42امہِ پتہٕ ٲسؠ پرٛتھ دوٚہہ رسول عبادت گاہ کِس علاقس منٛز تہٕ لوٗکن ہنٛدٮ۪ن گرن منٛز گٔژھِتھ تِمن تعلیم دِوان تہٕ تِمن ونان زِ یسوع ہےٕ چُھ مسیح۔
Bridge Connectivity Solutions Pvt. Ltd.