اعمال4
1أتھؠ دوران ٲسؠ ہیکل کِس صحنس منٛز کینٛہہ کاہن موجود۔ اتہِ ٲسؠ عبادت گاہٕکؠ ذمہ دار عہدٕدار تہٕ صدوقی جمٲژ ہنٛدؠ کینٛہہ لوٗکھ تہِ۔ یِم سٲری لوٗکھ آے پطرس تہٕ یوحناہسؔ نِش ییٚلہ تِم دوٚنوے باقی لوٗکن سٟتؠ کتھٕ ٲسؠ کران۔2یِمن لوٗکن اوس سیٚٹھاہ شرارتھ تکیازِ یِم دونوے رسول ٲسؠ لوٗکن یسوعسؔ متعلق تعلیم دِوان۔ تِم کیاہ ٲسؠ تِمن ونان زِ خداین کوٚر مرنہٕ پتہٕ یسوع دوبارٕ زنٛدٕ۔3تہٕ تِمو لوٗکو أنؠ پطرس تہٕ یوحناؔ گِرفتار کٔرِتھ تہٕ بٔرِکھ جیل۔ یہُودؠ کونسلس پیٚو پطرسس تہٕ یوحنا ہس پرژھٕ گٲرِ باپتھ دوٚیمِس دوٚہس تام پرارُن تکیازِ امہِ ساعتہٕ اوس شامُک وق۔4حالانکہ واریہو لوٗکو یمو پطرس سنٛز کتھ بوزمٕژ ٲس اوس یسوعسؔ پیٚٹھ ایمان اوٚنمُت۔ یسوعسؔ پیٚٹھ ایمان انن والیٚن مردن ہُنٛد تعداد اوس تقریبن پانٛژن ساسن تام ووتمُت۔5دویمہِ دوٚہہ أنؠ سردار کاہنن باقی کاہن سردار، یہُودؠ شریعتٕکؠ معلِم تہٕ یہُودؠ کونٛسلٕکؠ باقی رُکن بُلٲوِتھ تہٕ گےَ یروشلمس منٛز أکِس جایہ جمع۔6اننیاس یُس پرُون سردار کاہن اوس اوس تتہِ موجود۔ بیٚیہِ ٲسؠ تتہِ نٔوؠ سردار کاہن کایفا، یوحنا، سکندر تہٕ باقی نفر تہِ یم سردار کاہنس سٟتؠ رشتہٕ ٲسؠ تھاوان۔7تِمو دیُت رٲچھ درن حکم زِ تِم انن پطرس تہٕ یوحناہسؔ کمرس منٛز، پتہٕ پرُوژھ تِمو پطرسس تہٕ یوحناہسؔ، "توٚہہِ کٔمؠ چُھ یہ اختیار دیُتمُت زِ توٚہؠ کٔریٚو تس شِفا یُس نہٕ پٔکتھےٕ ہیٚکان چُھ؟8زنتہٕ پاک روحن پطرسس ہمتھ دِژ، پطرسن ووٚن تمِس، "توٚہؠ اسہِ پیٚٹھ حکومت کرن والیٚو اسرائیل یو، تہٕ توٚہؠ تمام بزرگ بوزیٚو میانؠ کتھ!9از چُھو توٚہؠ اسہِ تتھ نیک کامہِ متعلق سوال کران یۅسہ اسہِ تِتھِس أکِس نفرس سٟتؠ کٔر یُس نہٕ پٔکِتھ ہیٚکان اوس تہٕ توٚہؠ چُھوا اسہِ پرِژھان زِ سُہ کِتھٕ کنؠ گو ٹھیک؟ اوٕ کِنؠ چُھسو بہٕ توٚہہِ تہٕ باقی تمام اسرائیل ین یہ ونان:10ووٚنؠ چھِ أسؠ یژھان زِ توٚہؠ تہٕ سٲنؠ باقی سٲری اسرائیلی سٲتھی زانن یہ: یہ سپُد اوٕ موٚکھٕ تکیازِ ناصرتٕکؠ یسوع مسیحنؔ دیُت أمِس شفا تہٕ یہ نفر گو توٚہہِ برُونٛہہ کنہِ تھوٚد وتُھن لایکھ۔ خدا چُھ زانان زِ یہ ٲسیٚو توٚہی یمو یسوع صلیبس پیٚٹھ کِلیٚو سٟتؠ بنٛد تھوو، مگر خداین کوٚر سُہ موٚردو منٛزٕ دوبارٕ زنٛدٕ۔11مسیحؔ ناصری چُھ سُہ یمِس متعلق صحیفہ ونان چھِ: 'یۅسہ کٔنؠ تعمیر کارو ترٲوِتھ ژھنؠ سۅ بنییہِ عمارژ ہنٛز ساروےٕ کھۅتہٕ اہم کٔنؠ، 12صرف ہیٚکہِ اسہِ یسوعؔ بچٲوِتھ' تکیازِ خداین دیُت نہٕ اسہِ دنیاہس منٛز بیٚیہِ کانٛہہ نفر یُس اسہِ سانیٚو گُنہو نِشہٕ نجاتھ ہیٚکہِ دِتھ!13یہُودؠ سردارن توٚر فِکرِ زِ پطرس تہٕ یوحنا چھنہٕ اسہِ کھۅژان۔ تِمن باسیاو یتہِ زِ یِم دوٚنوے چھِ عام نفر یمو نہٕ کُنہِ مدرسس منٛز پوٚرمُت چُھ۔ مگر یِم زِٹھؠ سپٕدؠ حٲران۔ تِم ٲسؠ زانان زِ یِم چھِ یسوع سنٛدِس صحبتس منٛز رودؠ مٕتؠ۔14تِمو وُچھ سُہ نفر تہِ پطرس تہٕ یوحناہسؔ سٟتؠ کھڑا یُس ٹھیک اوس سپُدمُت، امہِ کِنؠ ووٚن نہٕ تِمو تِمن خلاف کِہین۔15یہُودؠ سردارو ووٚن رٲچھ درن زِ تِم نِن پطرس، یوحنا تہٕ تس صحت یاب نفرس یمہِ کمرٕ منٛزٕ نیٚبر یتہِ تِم کتھ باتھ کران ٲسؠ۔ تہنٛدِ یہ کرنہٕ پتہٕ کوٚر قٲیدو پطرسس تہٕ یوحناہسؔ متعلق اکھ أکِس سٟتؠ مشورٕ۔16تِمو ووٚن اکھ اکِس، "أسؠ ہیٚکو نہٕ یمن نفرن سزا دنہٕ باپتھ کِہین کٔرِتھ۔ پرٛتھ کانٛہہ شخص یُس یروشلمس منٛز روزان چُھ، چُھ زانان زِ یمو کوٚر اکھ حٲران کرن وول معجزٕ، لہٰذا ہیٚکو نہٕ أسؠ لوٗکن ؤنِتھ زِ یتھ کنؠ سپُد نہٕ!17حالانکہ اسہِ پزِنہٕ باقی لوٗکن یہ بوزنُک موقہٕ دیُن زِ تِم کیاہ تعلیم چھِ یسوعسؔ متعلق دِوان۔ لہٰذا پزِ اسہِ یمن نفرن ونُن زِ أسؠ دِمو توٚہہِ سزا اگر توٚہؠ لوٗکن تس شخصس متعلق ؤنیٚو یمِس متعلق توٚہؠ ونان چُھو زِ تٔمؠ دیُت اسہِ یمِس نفرس شِفا دِنُک طاقت18چناچہِ یہُودؠ زِٹھیٚو ووٚن رٲچھ درن زِ یم دوٚنوے رسول أنووکھ بیٚیہِ یتھؠ کمرس منٛز واپس۔ ییٚلہ رٲچھ درو یہ کوٚر، تِمو ووٚن تِمن دوٚنونی زِ ووٚنؠ ونن نہٕ تِم کانٛسہِ یسوعسؔ متعلق کانٛہہ کتھ تہٕ نہ تمؠ سنٛز تعلیم۔19مگر پطرسؔ تہٕ یوحنا ؤتھؠ در جواب، کیاہ خدا ہیٚکیا یہ تصور کٔرتھ زِ أسؠ مانو تُہنٛز کتھ تہٕ تمؠ سنٛز کتھ مانو نہٕ؟ أسؠ تراوو یہ فٲصلہٕ توٚہے پیٚٹھ زِ توٚہؠ کیاہ ؤنیٚو، کیاہ گژھِ جان۔20مگر یۅتام سون زانُن چُھ أسؠ مانو نہٕ تُہنٛز کتھ۔ أسؠ تراوو نہٕ لوٗکن تِمن چیزن متعلق ونُن یہ اسہِ یسوع کران وُچھ تہٕ یہ اسہِ تٔمؠ ہیٚچھنہٕ خٲطرٕ ووٚن۔21پتہٕ ووٚن یہُودؠ سردارو پطرسس تہٕ یوحناہسؔ بیٚیہِ سٲنؠ نافرمٲنی مہٕ کٔریٚو، مگر تِمو ہیٚوک نہٕ یہ فٲصلہٕ نِتھ زِ یمن دِمو سزا تکیازِ یروشلمٕکؠؔ سٲری لوٗکھ ٲسؠ خدایہ سنٛدؠ تعریف کران زِ أمِس نفرس سٟتؠ کیاہ سپُد یُس نہٕ پٔکِتھ اوس ہیٚکان۔22یمس نفرس پیٚٹھ شفاتُک یہ معجزٕ ہاونہٕ آو تمسنٛز وانٛس ٲس ژتجی ؤری پیٚٹھی۔23ییٚلہ پطرس تہٕ یوحنا امہ مجلسہِ منٛزٕ دراے، تِم گے بیین ایماندارن نِش تہٕ ونُکھ تِمن تہِ سورےٕ سردار کاہنن تہِ یہُودؠ بزرگو تِمن ووٚن۔24ییٚلہ مانن والیٚو یہ بوز، تِمو مون تہٕ مونٛگکھ یکہٕ وٹہٕ خدایس دُعا، "اے سانہِ خدا ونٛدٕ! ژےٚ کٔرِتھ آسمان، زمین، سمندر تہٕ یمن منٛز موجود تمام چیز پٲدٕ۔25پاک روحن کٔرؠ سٲنؠ جدٕ اجداد خٲدم، بادشاہ داوود یُس تُہنٛز عبادت کران اوس کوٚر یِم الفاظ لیٚکھنس پیٚٹھ آمادٕ: دنیاوی لوٗکن ہنٛزٕ جمٲژ کیازِ سپزٕ ناراض تہٕ اسرائیلی لوٗکو کیازِ بنٲوؠ خدایس خلاف بیکار منصوبہ؟26دنیاوی بادشاہ گے خدایہ سنٛدین حٲکمن سٟتؠ لڑنہٕ خٲطرٕ تیار، تہٕ حٲکم لٔگؠ تِمن سٟتؠ رٔلِتھ خداوند خدایہ سنٛز مخالفت کرنہِ یُس تٔمؠ بحثیتِ مسیح ژورمُت اوس۔ 27یہ چُھ پوٚز! ہیرودیسؔ تہٕ پنطیس پیلاطس دوٚنوے رلیاے غٲر یہُودی تہٕ اسرائیلی لوٗکن سٟتؠ اتھ شہرس منٛز یسوعؔ ہَس خلاف، یُس ژےٚ، خداین بحثیتِ مسیح خدمتہٕ خٲطرٕ ژورمُت اوستھن۔28توٚہہِ دِتو تِمن یہ کرنُک اجازت تکیازِ توٚہہِ اوسو واریاہ برُونٛہہ فٲصلہٕ کوٚرمُت یہ سپدِ۔ 29لہٰذا بوز تہٕ وۅنؠ اے خداوندٕ یِم کیاہ چھِ ونان زِ تِم کِتھ کنؠ دِن اسہِ سزا۔ اسہِ کر مدد، یِم تُہنٛز خدمت یسوعسؔ متعلق تمام لوکن زان دِتھ کران چھِ!30پننِس پاک خٲدم یسوع سنٛدِس ناوس پیٚٹھ کٔریٚو شفاتٕکؠ عظیم معجزٕ، نشانیہٕ تہٕ عجوبہٕ ہاونہٕ باپتھ پننہِ طاقتُک مظاہرٕ"31ییٚلہِ ایمان وٲلؠ دُعا نِشہٕ فارغ سپدؠ تہٕ سۅ جاے الییہِ یتِتھ تِم بہِتھ ٲسؠ۔ روح القدسن کوٚر تِمن سُہ طاقت عطا زِ تِمو کوٚر سیٚٹھاہ دلیری سان تِمن کتھن ہُنٛد اعلان یمہٕ خداین تِمن وننہِ باپتھ ونمُت اوس۔ یہ چُھ تہِ یہِ تِمو کوٚر۔32یمو لوٗکو یسوعسؔ پیٚٹھ ایمان اوٚنمُت اوس ٲسؠ یتھ کتھِ پیٚٹھ پۅختہٕ یقین تھاوان زِ تِم کیاہ چھِ سونچان تہٕ کیاہ چھِ یژھان۔ تِمو منٛزٕ ووٚن نہٕ کانٛسہِ تہِ یہ زِ سُہ چُھ کُنےٕ زۅن کُنہِ چیزُک مٲلکھ۔ تمہِ بجایہ بٲگرؠ تِمو اکھ أکِس سٟتؠ تِم سٲری چیز یمہٕ تِمن نِش ٲسؠ۔33رسول ٲسؠ باقین زور دِتھ ونان زِ خداین کوٚر خداوند یسوع مرنہٕ پتہٕ بیٚیہِ زنٛدٕ۔ تہٕ خدا چُھ تمام مانن والین بے لوٗث فضل کران۔34کینٛہہ ایمانہٕ وٲلؠ یمن نِش زمین تہٕ مکانہٕ ٲسؠ، ٲسؠ کُنہِ وزِ پنُن کینٛہہ جاداد خرچاوان۔ پتہٕ ٲسؠ سُہ رقم انان یمہِ باپتھ کٕنان ٲسؠ۔35تہٕ سُہ رقم ٲسؠ رسولن پیش کران۔ پتہٕ ٲسؠ رسول کانٛسہِ تہِ ضرورت منٛد ایمانہٕ وٲلِس پونٛسہٕ دِوان۔ لہٰذا ٲس نہٕ کانٛسہِ تہِ ایمانہٕ وٲلِس کُنہِ چیزٕچ کٔمی۔36ووٚنؠ اوس تتہِ اکھ نفر یمِس یوسف ناو اوس، سُہ اوس لاوی قبیلُک کپرَس کہِ جزیرٕ پیٚٹھٕ آمُت۔ رسولن ووٚن تس برنباس۔ یہُودؠ زبٲنؠ منٛز چُھ امہِ ناوُک مطلب سُہ شخص یُس ہمیشہٕ دوٚیمٮ۪ن ہنٛز حوصلہٕ افزائی کران چُھ۔37تٔمؠ کُن اکھ زمینہٕ ٹُکرٕ تہٕ پونٛسہٕ أنِن رسولن نِش تاکہ تِم باگراون باقی ایمان والیٚن منٛز۔
Bridge Connectivity Solutions Pvt. Ltd.