اعمال27
1ییٚلہ گورنرن فٲصلہٕ کوٚر زِ أسؠ پکناوو اٹلی کُن جہازٕ تہٕ تٔمؠ کوٚر پولُسؔ تہٕ باقی کینٛہہ قٲدؠ یولیسؔ ناوٕ کِس اکِس فوجی کپتانس حوالہٕ۔ سُہ اوس صوبہ دار سنٛدِس عہدس پیٚٹھ فٲیز تہٕ سُہ اوس سِپہن ہنٛدس اکِس تعدادس منٛز شٲمل یمہِ سیدِسیٚود بادشاہ سنٛزِ ماتہتی منٛز ٲسؠ۔2أسؠ گے۔ آسیہؔ صوبہٕ کِس ادرمُتیمؔ شہرٕ پیٚٹھٕ جہازس منٛز سوار. یہ جہازٕ اوس آسیہؔ سمندر بٹھِس پیٚٹھ موجود جایو کِنؠ سفر کرن وول۔ یتھٕ پٲٹھؠ ؤتھؠ أسؠ سمندری سفرس۔ مکدُنیہ ہُک ارسترسخُسؔ دراو تھِسلُنِیکے پیٚٹھٕ اسہِ سٟتؠ۔3بیٚکہِ دوٚہہ وٲتؠ أسؠ صیداؔ۔ یولیسنؔ کٔر پولُسسؔ سٟتؠ ہمدردی تہٕ دیُتنس پننٮ۪ن دوستن سٟتؠ ملاقات کرنُک اجازت یمہ تس خدمت گُزاری کرہن۔4پتہٕ سپُد جہازٕ تتہِ پیٚٹھٕ روانہٕ۔ أسؠ گےَ کُپرس کِس بٹھِس پیٚٹھ یُس واوٕ نِشہٕ محفوظ اوس، تکیازِ واو اوس اسہِ مخٲلف۔5امہِ پتہٕ وٲتؠ أسؠ سمندرس تار دِتھ کلکیہ تہٕ پمفیلیہؔ کیٚن ساحِلن نکھٕ، جہازٕ رُکیو لوکیہ کِس مُورہؔ شہرس منٛز۔ أسؠ وتھؠ تتہِ جہازٕ منٛزٕ بوٚن۔6مُورہؔ ہس منٛز میٚول یولیسسؔ اکھ جہازٕ یُس اسکندریہ پیٚٹھ آمُت اوس تہٕ جلدےٕ سپدِ اٹلیؔ کُن روانہٕ۔ چناچہِ تٔمؠ کوٚر سانہِ باپتھ اتھ جہازس منٛز سوارِ ہُنٛد انتظام، تہٕ أسؠ دراے تتہِ پیٚٹھٕ۔7أسؠ رودؠ وار وارٕ پکان تہٕ وٲتؠ سیٚٹھاہ مُشکلی سان کنِدُسؔ شہرس نکھٕ، تکیازِ واو اوس اسہِ مخالف اندٕ یوان۔ امہِ پتہٕ اوس واریاہ تیز واو تہٕ تمؠ دیُت نہٕ جہازس مغرب کُن سیٚود پکنہٕ۔ امہِ بجایہ رودؠ أسؠ کریت جزیرٕ کیٚو ساحِلو کِنؠ سمندری سفر کران، یپٲرؠ نہٕ تیز ہوا پکان اوس، تہٕ أسؠ دراے سلمونؔ برُونٛہہ کِنؠ، یُس زمینہ ژکُل سمندرس منٛز ٹھہرِتھ چُھ۔8تیز واو اوس وُنہِ، یُس جہازس تیز پکنہٕ نِشہٕ ٹھوٚر اوس کران۔ لہٰذا رودؠ أسؠ کریت کیٚن سٲحِلن سٟتؠ وار وارٕ برونٛہہ کُن پکان، تہٕ أسؠ وٲتؠ لسیہؔ نکھٕ اکِس قصبس منٛز یتھ جان پناہ گاہ ونان چھِ۔ یہِ اوس لسَیہ شہرس نزدیک۔9واریاہ وقت گو تہٕ ووٚنؠ اوس جہازُک سفر مشکِل بنان تکیازِ یہُودینؔ ہنٛزٕ روزٕ واژٕ انٛد تہٕ ووٚنؠ ہُرِ سمنٛدرُک طوفان۔ چناچہِ پولُسنؔ ووٚن جہاز منٛزٕ کیٚن نفرن،10تِمن ونُن، اے لوٗکو، بہٕ چُھس وُچھان زِ اگر ووٚن أسؠ جہازس منٛز پکان رودؠ تہٕ یہ بنہٕ سانہِ باپتھ تباہی ہُنٛد بٲعث، نہ صرن سامانہ تہٕ جہازٕ باپتھ بلکہ سانہِ زندگی باپتھ تہِ"11مگر رومی سردارن کٔر نہٕ پولُسؔ سنٛدِس وننَس پیٚٹھ پژھ۔ امہِ بجایہ کٔر تٔمؠ جہاز رانس تہٕ جہازٕ مٲلکہ سنٛدِس وننَس پیٚٹھ پژھ، تہٕ تٔمؠ نیٚو تی کرنُک فٲصلہٕ یہ تِمو مشورٕ دتُس۔12بنٛدرگاہ ٲس نہٕ سردی منٛز روزنہٕ باپتھ اصٕل جاے، لہٰذا دیُت اکثر لوٗکو امہِ بجایہ سمندرس منٛز وسنُک مشورٕ۔ تِمن ٲس امید زِ تِم واتن فینیکے تہٕ تتہِ گُذارن سرٕد کال۔ فینیکے چُھ کریتُک اکھ قصبہٕ۔ اتہِ چُھ جنوب مغرب تہٕ شمال مغرب دونونی انٛدن ہُنٛد ہوا پکان۔13چونکہِ جنوب طرفہٕ اوس صرف ہلکہٕ واو پکان اوٕ کِنؠ سونٛچ جہازٕ کیٚو کارنٛدو زِ تِم کرن پننہِ مرضی سفر شروع۔ چناچہِ تِمو تُل سمندر پیٚٹھ لنگر تہٕ جہازٕ دراو کریت جزیرکہِ ساحلہٕ کِنؠ۔14کمےٕ کٲلؠ پتہٕ وُتھ سمندری ساحلہٕ پیٚٹھٕ واوٕ طوفان۔ یہ وُتھ شمالہٕ اندٕ کہ جزیرٕ پیٚٹھٕ تہٕ ٹکریاو جہازس سٟتؠ۔ اتھ واوس چُھ "یورکلُون یعنی شمال مشرقی ہوا" وننہٕ یوان۔15سُہ ٹکریاو زورٕ سان جہازٕ کِس برونٛہِمس انٛدس سٟتؠ تہٕ أسؠ ہیٚکؠ نہٕ اتھ برُونٛہہ کنہِ درِتھ۔ لہٰذا دیُت ملاحو واوس جہازٕ تتھ طرفس کُن ننہٕ یوٚکُن واو پکان اوس۔16پتہٕ گو جہازٕ کودہؔ ناوٕ کہِ اکہ لۅکٹہِ جزیرچہِ سٲحلی پچہِ سٟتؠ روانہٕ۔ أسؠ بنیاے مشکِلنےٕ ناوِ محفوظ طریقہٕ جہازس سٟتؠ گنڈنس قٲبل۔17ییٚلہِ تِمو شکٲرؠ ہیٚور کھٲج تِمو کرِ تمچہٕ رزٕ جہازچن پکھن سٟتؠ گنٛڈنہٕ باپتھ استعمال۔ تہٕ تِم کھوژؠ زِ تِم گٔژھؠ نہٕ سورتِس منٛز سیٚکہِ ٹھیلن پیٚٹھ متھنہٕ ینؠ، امہِ کِنؠ تروو تِمو سمندرُک لنگر بوٚن تہٕ واون نی تِم پانس سٟتؠ۔18واو تہٕ لہرٕ آسہٕ لگ بگ جہازس نژناوان۔ چناچہِ بیٚکہِ دوٚہہ لٲگؠ ملاحو تِم چیز جہاز پیٚٹھٕ بوٚن لاینؠ یمہٕ جہازٕ پکناوان اوس۔19طوفانکہِ تریمہِ دوٚہہ لٲگؠ ملاحو جہازٕ لوٚژراونہٕ خٲطرٕ زیادٕ پہن بادبان، رزٕ تہٕ تھمب بوٚن لاینؠ۔ یہ کٲم کٔر تِمو پننیٚو اتھو۔20واریہن دوٚہُن روز تیز ژھٹھ جٲری تہٕ آسمان رود دوٚہس راتس کریٚہنہِ ابرٕ سٟتؠ ولِتھ یُتھ نہٕ اسہِ آفتاب تہٕ تارک وُچِھتھ ہیٚکؠ۔ اسہِ تراوِ زنٛدٕ بچنچہٕ سارے امیدٕ۔21اسہِ منٛزٕ کھیٚو نہٕ واریہن دوٚہن کانٛسہِ جہازٕ منٛزٕ کھیٚنےٕ۔ پتہٕ گو اکہِ دوٚہہ پولُسؔ اسہِ برُونٛہہ کنہِ کھڑا تہٕ ونُن، "میانیٚو دوستو، توٚہہِ پزِ ہو میانؠ کتھ بوزُن ییٚلہِ مےٚ ونیومو زِ اسہِ پزِنہٕ کریت پیٚٹھٕ سفر کرُن تیٚلہِ پییہِ ہے نہٕ اسہِ یہ مصیبت تہٕ نقصان وچُھن۔22مگر ووٚنؠ چُھسو بہٕ توٚہہِ تٲکید کران زِ کھوژیٚو مہٕ بلکہِ روزِو خوش تکیازِ اسہِ منٛزٕ مرِنہٕ کانٛہہ۔ طوفان کرِ جہازس تباہ مگر أسؠ روزو زندٕ۔23بہٕ چُھس یہ زانان، پتمہِ رٲژ سوز خداین یمسُنٛد بہٕ چُھس تہٕ یمِس سنٛز عبادت بہٕ کران چُھس مےٚ نِش اکھ فرشتہٕ یُس آو تہٕ مےٚ نِش رود کھڑا۔24فرشتن ووٚن مےٚ پولُسؔ مہٕ کھۅژ، ژےٚ چھی رومؔ واتُن تہٕ تتہِ چھی بادشاہس برُونٛہہ کنہِ کھڑا سپدُن تاکہ سُہ کرِ چون فٲصلہٕ۔ بہٕ چُھس یژھان زِ ژٕ گژھکھ زانُن زِ خداین کٔرنے ژےٚ یہ عنایت زِ تِم سٲری لوٗکھ یمہ ژےٚ سٟتؠ جہازس منٛز سفر کران چھِ بچن سٲری"25میانیٚو دوستو! خوش روزیٚو، تکیازِ مےٚ چھےٚ پژھ زِ خدا کرِ یہ، یہ تٔمؠ ووٚن۔26البتہٕ جہازٕ ٹکراوِ کُنہِ جزیرس پیٚٹھ وٲتِتھ تہٕ أسؠ کھسو تٔتی بٹھِس پیٚٹھ۔27ژۅدہَن دوٚہُن ہنٛدِ طوفانہٕ پتہٕ تہِ اوس جہازٕ ادریہؔ سمندرس اپارِ نژان۔ ملاحن باسیاو قریبن نیصف رٲژ زِ جہازٕ چُھ زمینس نزدیک یوان۔28اوٕ موٚکھٕ ترٲو تِمو رز بوٚن تاکہٕ آبہٕ کہ سنرُک انٛدازٕ کرٕ ہَن۔ ییٚلہ تِمو رزِ بیٚیہِ واپس لوٚم، تِمو میون یہِ تہٕ وچُھکھ آبس ژتجی میٹر سنیٚر۔ رژھ کھنٛڈ گٔژھِتھ میٚون تِمو بیٚیہِ تہٕ اتہِ وچُھکھ ترٕٛہہ میٹر۔29تمہٕ کھوژؠ زِ جہازٕ گوٚژھ نہٕ کُنہِ کَنہِ سٟتؠ ٹکراونہٕ یُن اوٕ کِنؠ لگٲوؠ تِمو جہاز کہِ انٛدٕ کِنؠ ژور لنگر۔ پتہٕ کوٚر تِمو دعا زِ جلدےٕ پھۅلِن گاش تاکہِ تِم وُچھہَن زِ جہازٕ کوٚت چُھ لمان۔30کینٛہہ ملاح ٲسؠ جہازٕ منٛزٕ ژلنُک سنٛز کران۔ اوٕ کِنؠ ترٲو تِمو شکٲرؠ سمنٛدرس منٛز تاکہِ کانٛسہِ لگہ نہٕ پےَ زِ تِم کیاہ چھِ کرُن یژھان، تِمو بنوو بہانہٕ زِ تِم چھِ جہازس برُونٛہہ کِنؠ کینٛہہ لنگر بوٚن والٕنؠ یژھان۔31مگر پولُسنؔ ووٚن کمانڈرس تہٕ سِپہن زِ اگر نہٕ ملاح جہازس منٛز بیٚہن تہٕ تُہنٛدِ بچنٕچ چھیٚنہٕ کانٛہہ امید۔32چناچہ سِپہو ژچہٕ رزٕ تہٕ ژھنِکھ شکارؠ آبس منٛز یلہٕ۔33گاش پھۅلنہٕ برُونٛہہ پہَن ووٚن پولُسنؔ جہازس منٛز سوار سارنی نفرن کینٛہہ کھیٚنہٕ باپتھ۔ تٔمؠ ووٚن، "پتمیٚو ژۅدہو دوٚہو پیٚٹھٕ ووتُو توٚہہِ انتظار کران، فاقے فُقرے وُچھان۔34تہٕ ووٚنؠ چُھس بہٕ توٚہہِ گُذارِش کران زِ کینٛہہ غذا کھیٚیو۔ زنٛدٕ روزنہٕ خٲطرٕ پزِ توٚہہ یہ کرُن۔ تُہنٛدِس میٚی وٲلِس گژھِ نہٕ خدشہٕ"35پولُسؔ سنٛدِ یہ وننہٕ پتہٕ ییٚلہ سٲری وُچھان ٲسؠ تُج تٔمؠ ژۅٹ تہٕ کوٚرُن تمہِ باپتھ خدایس کُن شکُر۔ پتہٕ پُھٹرٲون ژۅٹ تہٕ لٲجِن کھیٚنؠ۔36پتہٕ سپٕدؠ سٲری خۅش تہٕ لوگُکھ غذا کھیٚون۔37اسہِ سٟتؠ آسہٕ کُل 274 سوارِ جہازس منٛز۔38ییٚلہ ساروےٕ غذا کھیٚو تہٕ باقی کٕنکھ ژھنِکھ جہازٕ لۅژراونہٕ خٲطرٕ سمندرس منٛز۔39گاش پھۅلونےٕ ہیٚکہ ہاو أسؠ زمین وُچِھتھ مگر ملاحن اوس نہٕ معلومےٕ زِ أسؠ کتہِ چھِ۔ تاہم ٲسؠ تِم آبہٕ کِس اندس پیٚٹھ اکھ خلیج تہٕ بوڈ سیٚکہِ علاقہٕ۔ یِمو کوٚر مشورٕ جہازٕ سمندر بٹھِس کُن نِنٕچ کوشِش کرنُک۔40تہٕ یِمو دِتؠ لنگر سمندرس منٛز دٲرِتھ۔ أتھؠ سٟتؠ کھوجہٕ یمو رزٕ یمہٕ پتوارن گنٛڈتھ آسہٕ تہٕ برُونٛہہ کِنؠ ترووُکھ جہازٕ یلہٕ تاکہِ ہوا اژِ اتھ منٛز۔ تِمو نیٚو جہازٕ بٹھِس کُن۔41مگر جہازٕ رود طوفٲنی آبس کُن پکان تہٕ کھوٚت اختی سان سیٚکہِ بٔٹھِس پیٚٹھ یُس لہرن تل اوس۔ جہازُک برُونٛہِم حصہ پھسیاو تٔتھؠ منٛز تہٕ ہیٚچن نہٕ حرکتھ کرِتھ۔ پٔتؠ کِنؠ آسہٕ آبہٕ لہرٕ جہازس چھاونہٕ یوان یِمو سٟتؠ جہازٕ پھُٹنہِ لوٚگ۔42سِپہَن اوس خیال زِ سٲری قٲدؠ ژھنووکھ مٲرتھ تاکہ کانٛہہ ہیٚکنہٕ سرانٛٹھ وٲیِتھ ژٔلِتھ۔43مگر فوجی کپتان اوس پولُسسؔ بچاوُن یژھان اوٕ کِنؠ رکٲوؠ تمؠ سِپاہ یہ کرنہٕ نِشہٕ۔ امہِ بجایہ دیُت تمؠ حکم زِ یُس تہِ کانٛہہ سرانٛٹھ وٲیتھ ہیٚکہِ سُہ لایہِ آبس منٛز وۅٹھ تہٕ ترِ بٔٹھِس کُن۔44پتہٕ ووٚن تمؠ باقین زِ جہازچہِ پچہِ یا باقی ٹُکرن پیٚٹھ کٔھسِتھ نیریٚو بٹھیٚن کُن۔ اسہِ کوٚر تی یہ تٔمؠ ووٚن، تہٕ یتھٕ پٲٹھؠ وٲتؠ أسؠ سٲری حفاظتہٕ سان خوشکی پیٚٹھ۔
Bridge Connectivity Solutions Pvt. Ltd.