اعمال26
1پتہٕ ووٚن اگرِپاہنؔ پولُسسؔ، "ووٚنؠ چھی ژےٚ أسؠ پننہِ طرفہٕ بولنُک اجازت دِوان" پتہٕ پھٔہلوو پولُسنؔ پنُن اتھٕ نیٚبر یہ باس دنہٕ باپتھ زِ سُہ چُھ کتھ کرن وول۔ تمؠ ووٚن،2"بادشاہ اگرِپا، بہٕ چُھس از پنُن پان خۅش قسمت زانان زِ بہٕ ہیٚکہٕ توٚہہ ویژھنٲوِتھ زِ یہُودی رہنما کیازِ چھِ غلط ییٚلہ تِم ونان چھِ زِ مےٚ چھےٚ بُرٕ کامہِ کرِمژٕ۔3بہٕ چُھس زیادٕ خۅش قسمت اوٕ کِنؠ تکیازِ توٚہؠ چُھو اسہِ یہُودینؔ ہنٛدؠ رسمہٕ ریواجن تہٕ تِمن سوالن متعلق سورےٕ کینہٛہ زانان یِمن متعلق أسؠ بحث کران چھِ۔ اوٕ کِنؠ چُھسو بہٕ توٚہہِ ونان زِ میانؠ کتھ بوزیٚو صبرٕ سان۔4میانؠ تمام یہُودؠ سٲتھی چھِ زانان زِ مےٚ کِتھٕ کنؠ گُذٲر تمہِ وقتہٕ پیٚٹھٕ پنٕنؠ زندگی ییٚلہِ بہٕ شُرے اوسُس۔ تِم چھِ زانان زِ بہٕ کِتھٕ پٲٹھؠ رودُس تتھ شہرس منٛز یتہٕ بہٕ زاس تہٕ تمہ، پتہٕ یروشلمس منٛز تہِ۔5تمہ چھِ مےٚ گۅڈٕ پیٚٹھےَ زانان تہٕ اگر تِم یژھن تہٕ تِم ہیٚکن توٚہہِ ونِتھ زِ ییٚلہ بہٕ سیٚٹھاہ لۅکُٹ اوسُس مےٚ پٲلؠ پننہِ مذہبٕکؠ مشکِل ترین رسم تہٕ قٲیِدٕ واریاہ احتیاط سان۔ بہٕ اوسُس باقین فریسین ہنٛدؠ پٲٹھؠ روزان۔6از چُھ مےٚ خلاف مقدِمہ چلان حالانکہ مےٚ چُھ یقین زِ خدا کرِ تی یمیُک تٔمؠ سانین جدٕاجدادن سٟتؠ وعدٕ کوٚرمُت چُھ۔7سٲنؠ باہ یہُودؠ قبیلہٕ تہِ چھِ یقینہٕ سان انتظار کران زِ خدا کرِ سانہِ باپتھ تی یمیُک تٔمؠ وعدٕ کوٚرمُت چُھ، تکیازِ تِم چھِ دوٚہہ رات تمِس عبادت تہٕ تعظیم کران۔ عزت ماب بادشاہ، بہٕ چُھس پوٗرٕ یقینہٕ سان امید کران زِ خدا کرِ تی یمیُک تمؠ وعدٕ کوٚرمُت چُھ، تہٕ تِمن تہِ چُھ یقین! مگر یہ چُھ تہٕ یمیُک بہٕ خدایس نِش توقع کران چُھس زِ تِم ونن زِ مےٚ کوٚر غلط۔8توٚہہ منٛزٕ کیازِ سونٛچہ کانٛہہ زِ خدا ہیٚکہ نہٕ موٚردن زندٕ کرِتھ۔9گۅڈٕ اوس سُتہ اکھ وقتا ییٚلہ میٚتہِ یقین اوس زِ بہٕ کرٕ ناصریؔ شہرٕ کیٚن لوٗکن یسوعسؔ پیٚٹھ ایمان اننَس رُکاونٕچ ہر ممکن کوشش۔10ییٚلہ یروشلمس منٛز روزان اوسُس تہٕ مےٚ کوٚر تی۔ مےٚ کٔرؠ واریاہ ایمان وٲلؠ قٲدس منٛز بنٛد، یتھ کِنؠ مےٚ تتہِ کیٚو کاہنو تہِ کرنُک اختیار دیُتمُت اوس۔ تہٕ ییٚلہ تِہنٛدیٚو لوٗکو ایمان وٲلؠ قتٕل کٔرؠ، تہٕ مےٚ دِژ تمہِ کِس حقس منٛز راے۔11مےٚ دیُت تِمن یہُودینؔ پرٛتھ عبادت گاہس منٛز سزا یتہِ بہٕ تمہ وُچھان اوسسکھ۔ بہٕ اوسسَکھ تِم مجبوٗر کران پنُن پوٗرٕ شرارت ہٲوِتھ زِ تِم کٔرِنؠ خدایہ سنٛز توہین، بیٚیہِ ؤنِن تمسنٛدِ ناوٕ ردبد۔ حطاکہ بہٕ اوسسکھ تِم باقی شہرن منٛز تہِ ژھانڈان تاکہ پننہِ طاقتہٕ سٟتؠ تمہ رُکاونٕچ کرٕ بہٕ پرٛتھ ممکن کوشش۔12"سردار کاہنو دیُت مےٚ دمشقس منٛز ایمان وٲلؠ گرفتار کرنُک پوٗرٕ اختیار، تہٕ بہٕ گوس تورؠ۔ مگر ییٚلہ بہٕ پننہِ وتہِ پیٚٹھ اوسُس،13دوپہرس بٲگؠ، اے بادشاہ، مےٚ وُچھ وتہِ منٛز آسمانس پیٚٹھ اکھ تابہٕ وُن نوٗر۔ یہ اوس آفتابہٕ کھۅتہٕ تہِ پریٚزلوُن! یہ اوس مےٚ ژۅپٲرؠ چمکان، تہٕ تِمن انٛدؠ پٔکؠ تہِ یٕ مےٚ سٟتؠ سفر ٲسؠ کران۔14أسؠ آے سٲری پتھر لاینہٕ۔ پتہٕ گییہ مےٚ کنن کہنٛز تام آواز یُس عبرٲنؠ زبٲنؠ منٛز ونان اوس۔ تٔمؠ ووٚن، "اے ساوُل، ساوُل، ژٕ پزی نہٕ مےٚ خلاف لڈُن؟ چانہِ خٲطرٕ چُھ یہ مشکِل زِ ژٕ تھاوکھ ضمیرٕچ آواز دبٲوِتھ۔15پتہٕ ووٚن مےٚ، "خداوند، توٚہؠ کم چُھو؟" تہٕ خداوندن ووٚن، "بہٕ چُھس یسوعؔ! بہٕ چُھس سُے یمِس خلاف ژٕ لڑان چُھکھ۔16مگر وۅتھ پننٮ۪ن زنٛگن پیٚٹھ روز وۅدٕنؠ۔ بہٕ گوس ژےٚ برُونٛہہ کنہ ظٲہِر، اوٕ موٚکھٕ حٲضر زِ ژٕ بناوتھ بہٕ اکھ خٲدم تہٕ بیٚیہِ گواہ تتھ یہ ژےٚ وُچِھتھ تہٕ یہ ژٕ مےٚ متعلق وُنہ کٮ۪ن زانان چُھکھ تہٕ یہ بہٕ ژےٚ پتہٕ ہاوے۔17بہٕ بچاوتھ ژٕ تِمن لوٗکن تہٕ غٲر یہُودینؔ نِش یِمن نِش بہٕ ژٕ سوزتھ18تاکہ تِہنٛزٕ أچھ ین مُژرنہٕ، تِم انکھ انہِ گٹہِ منٛزٕ کٔڑتھ گاشس کُن تہٕ شیطان سنٛدِ طاقتہٕ نِشہٕ خدایہ سنٛزِ وتہِ کُن۔ یتھ کنؠ کرِ خدا تِہنٛدؠ گناہ معاف تہٕ تِمن دییہِ تمہ چیز یمہ میانٮ۪ن لوٗکن ہمیشہ باپتھ میسر آسن۔ تِمہ لوٗکھ یمہ ایمانداری سان مےٚ سٟتؠ تعلُق تھاوان چھِ۔19اے بادشاہ اگرِپا، مےٚ کوٚر تی یہ خداین مےٚ آسمانس منٛز کرُن ووٚن۔20گۅڈٕ کٔر مےٚ دمشق کیٚن یہُودینؔ سٟتؠ پتہٕ یروشلمس منٛز روزن والیٚن تہٕ تمہِ پتہٕ یہُودیہ کیٚن تمام گامن منٛز تہٕ تتہِ کیٚن غٲر یہُودؠ لوٗکن سٟتؠ تہِ کٹھ۔ مےٚ ووٚن تِمن زِ تِم تراون گناہ کرٕنؠ تہٕ خدایس منٛگن مدد۔ مےٚ ووٚن تِمن یتہِ زِ تِم کرن سۅ کٲم یمہِ سٟتؠ ننہِ زِ تِمو چھِ، گناہ کرٕنؠ ترٲومٕتؠ۔21یہ چُھ اوٕ موٚکھٕ تکیازِ مےٚ بوزٕ نٲوؠ یہ پٲغام ییٚلہ بہٕ ہیکل کِس صحنس منٛز اوسُس تہٕ کینٛژو یہُودیٚو رۅٹُس بہٕ ہیٚوتہَس بہٕ مارُن۔22مگر خدا چُھ مےٚ مدد کران توے تہِ رودُس بہٕ از تام یِمن کتھن ہُنٛد اعلان کران۔ مےٚ تھوو عامن تہٕ خاص لوٗکن دوٚنونؠ یہ ونُن جٲری یہ نبیو تہٕ موسیٰؔ ہن ونمُت چُھ۔23تِمو ووٚن زِ مسیحؔ تُلہ دۅکھ تہٕ مرِ سُہ آسہ گۅڈنیُک یُس مٔرِتھ زنٛدٕ سپدِ۔ تِمو ووٚن یتہِ زِ سُہ کرِ پننٮ۪ن لوٗکن تہٕ غٲر یہُودؠ لوٗکن دوٚنونؠ برُونٛہہ کنہِ اعلان زِ خدا چُھ پٔزؠ پٲٹھؠ تِمن بچاونٕچ قدرت تھاوان۔24امہِ برُونٛہہ زِ پولُسؔ ونہ، ہے بیٚیہِ تہِ کینٛہہ، فیستسنؔ ووٚن کریکھ دِتھ بڈِ: " پولُسؔ، ژٕ چُھکھ پاگل گمُت۔ ژےٚ چھی واریاہ پوٚرمُت یمؠ ژٕ پاگل بنومُت چُھکھ۔25مگر پولُسنؔ دِتُس جواب، "مہربان فیستسؔ، بہٕ چُھس نہٕ پاگل۔ بلکہِ یہ بہٕ ونان چُھس تہِ چُھ پزر تہٕ بلکُل سمجدٲری!26تکیازِ بادشاہ اگرپا چُھ یمہٕ کتھٕ زانان یِمن متعلق بہٕ کتھ کران چُھس تہٕ بہٕ ہیٚکہ یِمن سٟتؠ اتھ متعلق کُھلہٕ ڈولہٕ کتھ کٔرِتھ۔ مےٚ چُھ یقین زِ امہِ منٛزٕ روزِ نہٕ کانٛہہ تہِ چیز اہنٛدِ توجہ نیٚبر۔ تکیازِ یمو منٛزٕ چُھنہٕ کانٛہہ تہِ چیز ژورِ ژورِ سپُدمُت۔27بادشاہ اگرِپا، کیاہ توٚہہ چُھوا یقین کران یہ نبیو لیٚوکھمُت چُھ؟ بہٕ چُھس زانان زِ توٚہؠ چُھو یِمن کتھن پیٚٹھ یقین تھاوان"28پتہٕ دیُت اگرِپاہنؔ پولُسسؔ جواب، "بس کمسےٕ کالس منٛز کوٚرووس بہٕ توٚہہ مسیحیؔ بننَس پیٚٹھ آمادٕ"29پولُسنؔ دِتُس جواب، "اتھ منٛز کم وقت لٔگؠ تن یا زیادٕ، امہِ سٟتؠ پییہِ نہٕ کانٛہہ تہِ فرق۔ بہٕ چُھس خدایس کُن دُعا کران زِ توٚہؠ تہٕ تِم تمام لوٗکھ یِم از میانؠ کتھ بوزان چھِ، بنن یمو زنجیرو بغٲر میٚی ہی!30پتہٕ وُتھ بادشاہ تھوٚد، گورنر، برنیسؔ تہٕ باقی تہِ ؤتھؠ تھوٚد،31تہٕ دراے کمرٕ منٛزٕ نیٚبر۔ نیرنہٕ پتہٕ ووٚن تِمو اکھ اکِس، "أمؠ نفرن چھنہٕ تِژھ کانٛہہ کٲم کرمٕژ یۅسہ موتس لایق چھےٚ یا یِمن زنجیرن لایکھ"32اگرِپاہنؔ ووٚن فیستسؔ اگر نہٕ أمؠ شخصن قیصریہس اپیل کرمٕژ آسہ ہے تہٕ یہ ییہِ ہے رِہا کرنہٕ۔
Bridge Connectivity Solutions Pvt. Ltd.