اعمال25
1فیستسؔ لوٚگ گورنر سنٛدِ حثیتہٕ صوبس پیٚٹھ حکومت کرنہِ۔ ترییہِ دوٚہؠ پتہٕ دراو سُہ قیصریہ شہرٕ منٛزٕ تہٕ ووت یروشلم۔2تتہِ آے سردار کاہن تہٕ باقی یہُودؠ رہنما تہٕ گےَ فیستسؔ برُونٛہہ کنہِ کھڑا تہٕ ووٚنہس زِ پولُسنؔ کرِ واریاہ غلط کامہ۔3تِمو ووٚن بانٛبرِ منٛزےٕ فیستسؔ، زِ سُہ انہ پولُسسؔ مقدِمہ باپتھ یروشلم۔ مگر تمہٕ ٲسؠ پٔزؠ پٲٹھؠ تمِس پیٚٹھ وتہِ منٛزےٕ حملہٕ کرنُک تہٕ سُہ مارنُک منصوبہ بناوان.4فیستسنؔ دیُتنکھ خواب، "پولُسؔ چُھ قیصریہ ہس منٛز پہرٕدٲری اندر، تمِس دِیو تٔتؠ روزنہٕ۔ بہٕ گژھٕ پانہٕ جلدےٕ قیصریہ"5تہٕ تمؠ ووٚن، "تہٕ توٚہہ پزِ مےٚ سٟتؠ تور یُن، یُس توٚہہ منٛزٕ تتھ لایکھ آسہ۔ اگر توٚہہ پولُسسؔ پیٚٹھ الزام لاگنہٕ خٲطرٕ کینٛہہ چُھ تہٕ توٚہؠ ہکیٚو تتہِ سُہ لٲگِتھ۔6فیستسؔ رود یروشلمس منٛز ہیکل کیٚن قٲیِدن سٟتؠ مزید ٲٹھن یا دہن دوٚہُن۔ پتہٕ گو سُہ قیصریہ شہر واپس۔ بیٚکہ دوٚہہ دیُت فیستسنؔ حکم زِ پولُسؔ أنوون مےٚ نِش، یتہِ سُہ منصف سنٛدِس تختس پیٚٹھ بیوٹھ۔7ییٚلہ پولُسؔ منصفس برُونٛہہ کُن اننہٕ آو تہٕ یہُودؠ رہنما یمہ یروشلم پیٚٹھٕ آمٕتؠ ٲسؠ گےَ واریاہ سنگین اِلزام لاگنہِ باپتھ تس انٛدؠ انٛدؠ جمع مگر تِمو منٛزٕ ہیٚوک نہٕ تِمو اکھ تہِ ثٲبت کرِتھ۔8پتہٕ ووٚن پولُسنؔ پننہِ طرفہٕ۔ تمؠ ووٚن، "مےٚ کٔر نہٕ یہُودینؔ ہنٛدس قانونس خلاف کانٛہہ تہِ کٲم، نہ ہیکلس خلاف تہٕ نہ بادشاہس خلاف"9مگر فیستسؔ اوس یہُودؠ رہنماہن خۅش تھاوُن یژھان، اوٕ کِنؠ پرُوژھ تٔمؠ پولُسسؔ، "کیاہ ژٕ چُھکھا یروشلم گژُھن یژھان تاکہِ بہٕ کرٕ تِمن چیزن متعلق تتہِ چون فٲصلہٕ؟"10پولُسنؔ دِتُس جواب، "نہ، بہٕ چُھس ووٚنؠ ژےٚ برُونٛہہ کنہِ کھڑا، یُس بادشاہ سنٛز نمایندگی کران چُھ۔ یہ چھےٚ سۅ جاے یتہِ میٚون فٲصلہٕ سپدُن گژھِ۔ مےٚ کٔر نہٕ یہُودؠ لوٗکن سٟتؠ کانٛہہ غلط کٲم یہ توٚہؠ اصٕل پٲٹھؠ زانان چُھو۔11اگر مےٚ کانٛہہ تِژھ کٲم کرمٕژ آسہ یتھ موت شوبہِ تہٕ بہٕ کرٕہا نہٕ مرنس انکار۔ مگر تِژھ کتھےٕ چھیٚنہٕ زِ تِم ہیٚکن مےٚ کانٛہہ اِلزام لٲگِتھ یُتھ زِ امہِ نویتکہِ سزہُک مستحق بنہٕ۔ تِمن اطمنان دنہٕ باپتھ ہیٚکہِ نہٕ مےٚ کانٛہہ مزمت کرِتھ۔ بہٕ چُھس یژھان زٕ قیصر گژھِ پانہٕ میٚون فٲصلہٕ کرُن۔12ییٚلہ فیستسنؔ پننٮ۪ن مشیرن سٟتؠ کتھ باتھ کٔر تہٕ تٔمؠ ووٚن، "ژےٚ کوٚرُتھ قیصرسؔ درخواست، لہٰذا گژھکھ ژٕ قیصرسؔ نِش"13واریہو دوٚہو پتہٕ ووت بادشاہ ہیرودیس اگرِپاؔ پنٕنؠ بیٚنہِ برنیس ہیٚتھ قیصریہ۔ تِم ٲسؠ فیستسؔ عزت افزٲیی پیش کرنہِ آمٕتؠ۔14بادشاہ اگرِپاؔ تہٕ برنیس رودؠ واریہن دوٚہُن قیصریہؔ ہَس منٛز۔ کینٛہہ کال گٔژھِتھ ووٚن فیستسنؔ پولُسسؔ متعلق اگرِپاہَسؔ۔ تٔمؠ ووٚن، "یتہِ چُھ اکھ نفر یُس فیلِکسنؔ قٲد اوس کوٚرمُت۔15ییٚلہ بہم یروشلم گوس تہٕ سردار کاہن تہٕ یہُودؠ رہنما آے مےٚ نِش تہٕ کوٚرُکھ درخواست زِ أمِس دِیو سزاے موت۔16مگر مےٚ ووٚن تِمن زِ ییٚلہ کانٛسہِ پیٚٹھ سنگین جُرمن ہُنٛد اِلزام لاگنہٕ آمُت آسہ تہٕ رومین ہُنٛد چُھنہٕ یہ دستور زِ تِم دِن جلدےٕ کانٛسہِ شخصس سزا۔ امہِ بجایہ چھِ أسؠ مُلزِمس اِجازت دِوان زِ سُہ ییہِ الزام لاگن والیٚن برُونٛہہ کُن اننہٕ تہٕ یہ کینٛژھا تِم تس خلاف ونان آسن سُہ کرِ تمیُک کرِ دِفاع۔17چناچہِ ییٚلہ تِم یہُودؠ یور قیصریہ وٲتؠ تہٕ مےٚ کوٚر نہٕ تختس منٛز کانٛہہ تہِ تٲخیر۔ تہنٛدِ ینہٕ پتہٕ بیٚیہِ دوٚہہ بیوٹھُس بہٕ منصف سنٛدِس منصبس پیٚٹھ تہٕ سِپہن دِتُم حکم زِ تِم انن قٲدؠ یس حٲضر۔18مگر ییٚلہ یہُودؠ بزرگو مےٚ ووٚن زِ قٲدی نفرن کیاہ غلط چُھ کوٚرمُت تہٕ مےٚ باسییہِ نہٕ تِہنز کتھ سنٛجیدٕ۔19امہِ بجایہ کوٚر تِمو تس سٟتؠ پننِس مذہبس متعلق بحث تہٕ یسوع ناوٕ کِس اکِس گزریمتِس شخصس متعلق یس متعلق پولُسنؔ ووٚن زِ سُہ چُھ زنٛدٕ۔20مےٚ آسہٕ نہٕ یمہٕ کتھٕ سمجھی یوان زِ پزر کِتھٕ کنؠ زانہٕ۔ اوٕ کِنؠ پرُوژھ مےٚ پولُسسؔ، "کیا ژٕ چُھکھا یروشلم گژُھن یژھان، تاکہ بہٕ کرٕ تتہِ یمن چیزن متعلق چون فٲصلہٕ؟21مگر پولُسنؔ چُھ پننہِ مقدمکہِ فٲصلُک درخواست پانہٕ قیصریہ نِش ترومُت، اوٕ کِنؠ کوٚر مےٚ تس حکم زِ یۅتام نہٕ بہٕ سُہ قیصریہ ہس نِش سوزن تۅتام تھٲوون سُہ حفاظتس منٛز۔22پتہٕ ووٚن اگرِپاہنؔ فیستسؔ، بہٕ چُھس پانہٕ بوزُن یژھان زِ یہ نفر کیاہ چُھ ونُن یژھان۔ فیستسنؔ دیُت جواب، "بہٕ کرٕ پگہےٕ توٚہہِ تہِ بوزناونُک انتظام"23بیٚکہِ دوٚہہ سپٕدؠ اگرِپاؔ تہٕ برنیسؔ عدالت کِس حالس منٛز دٲخٕل تہٕ باقی سٲری لوٗکھ ٲسؠ تِہنٛدس تعظیمس منٛز کھڑا۔ قیصریہ سنٛدؠ کینٛہہ رومی کمانڈر تہٕ کینٛہہ اہم نفر آے تس سٟتؠ۔ پتہٕ دیُت فیستسنؔ محافظن حکم زِ پولُسؔ کٔرؠ وون حٲضر۔24پولُسؔ اندر دٲخل سپدنہٕ پتہٕ ووٚن فیستسنؔ، "بادشاہ اگرِپا تہٕ باقی سٲری لوٗکھ یمہ یتہِ چھِ، توٚہؠ چھون یہ نفر وُچھان! یروشلم تہٕ یتہِ کیٚو واریہو یہُودؠ رہنماہو ووٚن مےٚ زِ یمِس نفرس مہٕ دِیو مذید زندٕ روزنہٕ۔25مگر مےٚ میٚول نہٕ تیٚوتھ کینٛہہ یہ أمؠ سزایہ موتس لایق کوٚرمُت اوس۔ امہِ باوجود کوٚر أمؠ قیصریہس پننہِ مقدِمُک فٲصلہٕ کرنُک درخواست، لہٰذا کوٚر مےٚ یہ رومؔ سوزنُک فٲصلہٕ۔26مگر مےٚ چُھنہٕ فکرِ تران زِ بہٕ کیاہ لیٚکھٕ أمِس متعلق بادشاہس۔ اوٕ کِنؠ اوٚن مےٚ یہ یور تاکہ توٚہہ سارنی خاص طور توٚہہِ، بادشاہ اگرِپاؔ! مےٚ کوٚر یہ اوٕ موٚکھٕ زِ توٚہؠ کٔریو أمِس سوال۔ پتہٕ ترِ مےٚ فکرِ زِ بادشاہس کیاہ چُھ لیٚکھُن۔27میٚون خیال چُھ زِ کانٛہہ قٲدی رومہٕ کِس بادشاہس نِش یہ وننہٕ بغٲرےٕ سوزُن چُھنہٕ منٲسب زِ لوٗکو ووٚن أمؠ چھےٚ یمہ غلط کامہ کرِمژٕ"
Bridge Connectivity Solutions Pvt. Ltd.